Метрологиялық тексериўден өткериў бойынша Ташкент қаласында бар болған имканиятлар Қарақалпақстанда да жолға қойылмақта

Бүгин елимиз Ғәрезсизлигиниң 33 жыллығы қарсаңында Нөкис қаласында “Өзбекстан миллий метрология институты”ның Қарақалпақстан филиалы тәрепинен “Сынаў лабораторияларын шөлкемлестириў” жойбарының ашылыў салтанаты болып өтти.
Онда Қарақалпақстан Республикасы Жоқарғы Кеңесиниң Баслығы Аманбай Орынбаев қатнасты.

Бүгинги күнде исбилерменлер тәрепинен ислеп шығарылған өнимлердиң ишки ҳәм сыртқы базар талапларына жуўап бериўин тәмийинлеў, улыўма ислеп шығарыў ҳәм хызметлер көрсетиўди сапа жағынан жоқарылатыў метрология, стандартластырыў системасына жуўапкерли ўазыйпалар жүклемекте.

Сол себепли, Ɵзбекстан миллий метрология институтының Қарақалпақстан Республикасы филиалы негизинде жоқары анықлықтағы заманагөй өлшеў әспаблары менен ускенеленген өлшеўлерди бирден-бир бирликте болыўын тәмийиинлеў, яғный масса, басым, температура, электр, физикалық-химия ҳәм геометрия бағдарларында 6 жойбарды өз ишине алған лабораториялар комплекси шөлкемлестирилди. Нәтийжеде комлпекс қуўатлылығы жылына 35-40 мың дана өлшеў әспабларын исенимнен өткизиў, метрологиялық аттестатлаў ҳәм калибрлаўдан ибарат метрологиялық тексериўден өткизиў имканиятына ийе болды. Ҳәзирги ўақытта бул лабораторияда 100 ден артық метрологиялық өлшеў әсбап-үскенелердиң хызмети жолға қойылған.

Әлбетте бул жумыслар барысында республикамыздағы экспортёр кәрханалар ҳәм исбилерменлерге көрсетилетуғын метрологиялық хызметлер көлеми кеңейип, ислеп шығарылып атырған өнимлердиң сапасы жақсыланыўы тәмийинленеди. Сондай-ақ, нефт-газ, металлургия, химия, азық-аўқат санаты ҳәм медицинада қолланылатуғын өлшеў әсбапларына метрологиялық хызметлер аймақтың өзинде көрсетилиўине ерисиледи.

Ең баслысы, алдын Ташкент қаласына алып барып тексериўден өткерилип келинген өлшеў әсбап-үскенелери ушын жумсалатуғын қәрежетлер бир неше есе қысқарып, қысқа ўақыт ишинде метрологиялық тексериўден өткериледи. Лаборатория узақ жыллар даўамында исбилерменлеримиздиң, халық хожалығының барлық тараўларының ийгилиги ушын хызмет етеди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Жаңадан “Бройлер Өнимлери” кәрханасы ашылды

Бүгинги күнде елимиздиң инвестициялық тартымлылығын арттырыў, исбилерменликти раўажландырыў ушын кең имканиятлар жаратылмақта. Бул бағдарда Президентимиз тәрепинен қабыл етилген пәрман ҳәм қарарлар усы илажлардың жаңа басқышқа көтерилиўине беккем тийкар болып хызмет етпекте.

Бүгин мәмлекетимиз Ғәрезсизлигиниң отыз үш жыллығы байрамы қарсаңында Нөкис районында жаңадан пайдаланыўға тапсырылып атырған “Бройлер Өнимлери” кәрханасының ашылыў салтанаты болып өтти.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев қатнасты.

Жойбар баҳасы 2,4 млн. доллар болған бул кәрхананың толық қуўатлылықта иске түсиўи менен жылына 200 тонна таўық гөши жетистириледи. Сондай-ақ, жаңадан 25 жумыс орынлары жаратылмақта.

Әлбетте, халқымызды азық-аўқат өнимлери менен тәмийинлеўге бағдарланған бундай жаңа жойбарлардың көбейиўи ҳәм иске түсирилиўи ѳз нәўбетинде елимизде «Инсан қәдири ушын» принципи тийкарында әмелге асырылып атырған реформалардың әмелий кѳриниси болып табылады.
—
Янгидан “Бройлер Маҳсулотлари” корхонаси очилди

Бугунги кунда юртимизнинг инвестицион жозибадорлигини ошириш, тадбиркорликни ривожлантириш учун кенг имкониятлар яратилмоқда. Бу борада Президентимиз томонидан қабул қилинган фармон ва қарорлар мазкур чораларнинг янги босқичга кўтарилишига мустаҳкам асос бўлиб хизмат қилмоқда.

Бугун мамлакатимиз мустақиллигининг ўттиз уч йиллиги байрами арафасида Нукус туманида янгидан фойдаланишга топширилаётган “Бройлер Маҳсулотлари” корхонасининг очилиш тантанаси бўлиб ўтди.

Унда Қорақалпоғистон Республикаси Жўқорғи Кенгесининг Раиси Аманбай Орынбаев иштирок этди.

Лойиҳа қиймати 2,4 млн. доллар бўлган мазкур корхонанинг тўлиқ қувватда ишга туширилиши билан йилига 200 тонна парранда гўшти етиштирилади. Шунингдек, янгидан 25 иш ўринлари яратилади.

Албатта, халқимизни озиқ-овқат маҳсулотлари билан таъминлашга йўналтирилган бундай янги лойиҳаларнинг кўпайиши ва ишга туширилиши ўз навбатида юртимизда “Инсон қадри учун” тамойили асосида амалга оширилаётган ислоҳотларнинг амалий кўриниши ҳисобланади.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter