#Ata_analar_forumı
#Ata_ana_mektep_oqıwshı

Bozataw rayonı qánigelestirilgen mektebinde “Ata-ana-mektep-oqıwshı” atamasındaǵı forum ótkerildi.

Ótkerilgen forumǵa rayon hákiminiń orınbasarı U.Saparov, rayonlıq Ishki isler bólimi baslıǵı, polkovnik U.Kurbanbaeva, “Bozataw” PPJ baslıǵı A.Ibragimov, Bozataw rayonı qánigelestirilgen mektebi direktorı w.w.a A.Ayımbetov, mektep direktorı orınbasarı L.Tilewnazarova, mektep másláhátshisi G.Satimuratova, mekteptiń hayal-qızlar baslanǵısh shólkemi baslıǵı M.Nurxanova, sonday-aq, ata-analar qatnastı.

Forumda ata-analar menen sáwbetlesiwler ótkerildi hám mekteptiń usı kúnge shekemgi erisken jetiskenlikleri, aldaǵı isleniwi tiyis wazıypalar haqqında prezentaciyalar arqalı keń túrde túsinikler berildi.

Tolıq oqıw➡️https://bozatawrk.uz/2024/11/16/

Bozataw rayonı hákimliginiń
Málimleme xızmeti
👉https://t.iss.one/bozataw_uz

#Sport

Usı jıldıń 15-16-noyabr kúnleri aralıǵında 2010-2011-jıllar hám onnan kishi jas óspirimler arasında sporttıń  “Erkin gúres” túri boyınsha “Bozataw rayonı sport mektebi ashıq birinshiligi” jarısı ótkerildi.

Bolıp ótken jarısqa Nókis qalası, Xojeli, Qaraózek hám Bozataw rayonlarınan jámi 100 den aslam jas sportshılar qatnastı. Jarıs juwmaǵında komandalıq esapta 1-orındı Nókis qalası, 2-orındı Bozataw rayonı, 3-orındı Xojeli hám Qaraózek rayonı sportshıları jeńip aldı. Jeńimpazlarǵa shólkemlestiriwshiler tárepinen tayarlanǵan diplom hám medallar tapsırıldı. Sonday-aq, belsendi trenerler Ózbekstan Respublikası Jaslar isleri agentligi Bozataw rayonı jaslar isleri bólimi baslıǵı N.Tóremuratov tárepinen múnásip xoshametlendi.

Bozataw rayonı hákimliginiń
Málimleme xızmeti
👉https://t.iss.one/bozataw_uz

Bozataw rayonı 1-sanlı ulıwma orta bilim beriw mektebinde mektep balalar háreketi sárdarlar saylawı ótkerildi.

Saylawda oqıwshı jaslar ózleriniń tańlaǵan baǵdarları boyınsha “Men baǵdar sárdarı bolsam” joybarı menen qatnastı.

Tolıq oqıw➡️https://bozatawrk.uz/2024/11/17/

Bozataw rayonı hákimliginiń
Málimleme xızmeti
👉https://t.iss.one/bozataw_uz