Жоқарғы Кеңес Баслығы соңғы жыллары ҳүрметли Президентимиздиң басшылығында “Инсан қәдири ушын” принципи тийкарында кең кѳлемли ийгиликли ислер әмелге асырылып атырғанлығын айрықша атап өтти.

Айтыў орынлы, халқымыз абаданлығы жолындағы реформалар бүгин ҳәр бир шаңараққа кирип бармақта. Ѳткен қысқа дәўир ишинде тек ғана Қарақалпақстан ушын қабыл етилген тарийхый Пәрман ҳәм Қарарлар тийкарында халқымызға бурын болмаған имканиятлар жаратылмақта.

Атап өтилгениндей, мәҳәллелердеги аўыр турмыс шараятындағы шаңарақлардың турақ-жайларында қурылыс-оңлаў жумысларының алып барылыўы, 452 мәҳәллениң ҳәр бирине 500 миллион сумнан қаржы ажыратылғаны, кадастры жоқ турақ-жайлардың кадастр ҳүжжетлери берилиўиниң жолға қойылғаны, ишки жолларды оңлаў, жасларға қосымша квоталар ажыратылыўы, мәдениятты қоллап-қуўатлаў фонды шөлкемлестирилип, оған 20 миллиард сум қаржы ажыратылғаны  – кеўиллерге мақтаныш сезимлерин бағышламақта.

Қуўанышлы тәрепи, быйылғы жыл да ѳзиниң тарийхый ўақыялары менен халқымыздың ядында қалмақта. Атап айтқанда, Әмиўдәрьяда жаңа заманагѳй кѳпирдиң қурып питкерилгени, усы жылдың 1-апрель сәнесинен баслап «Нөкис – Мойнақ – Нөкис» жөнелиси бойынша турақлы авиа-қатнаўлардың жолға қойылғаны, сондай-ақ, «Нөкис – Стамбул», «Нѳкис – Алма ата – Нѳкис» жөнелислери бойынша да авиа-қатнаўлар жолға қойылып атырғаны – халқымызды және де уллы дөретиўшилик ислерге руўхландырмақта.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Сессияныӊ күн тәртибиндеги дәслепки мәселе «Қарақалпақстан Республикасының айырым нызамларына өзгерислер ҳәм қосымшалар киргизиў ҳаққында»ғы Қарақалпақстан Республикасы Нызамының жойбары туўралы болып, бул мәселе бойынша Жоқарғы Кеңестиң комитет баслығы Зухра Реймова баянат жасады.

Күн тәртибиндеги дәслепки мәселе толық қарап шығылды ҳәм депутатлар тәрепинен қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter

Күн тәртибиндеги кейинги мәселе Халықтың репродуктивлик саламатлығын беккемлеў, аналар ҳәм балалар саламатлығын қорғаў, саламат бала туўылыўын тәмийинлеў бағдарында әмелге асырылып атырған илажлар ҳаққында Қарақалпақстан Республикасы Денсаўлықты сақлаў министриниң есабаты туўралы болып, бул мәселе бойынша Қарақалпақстан Республикасы Денсаўлықты сақлаў министри М.Қурбанов баянат жасады.

Бүгинги күнде Қоңырат районында жаңадан шѳлкемлестирилген районлараралық перинатал орайында нәрестелер реанимациясы бѳлиминиң жумыслары жолға қойылады ҳәмде Шымбай ҳәм Беруний районлараралық перинатал орайында нәрестелер реанимациясы бѳлимин шөлкемлестириў режелестирилген.

Бирлескен Араб Әмирлигиниң “Шейх Халифа” фонды тǝрепинен 28 млн. долларлық “Ана ҳǝм бала” клиникасының қурылыс жумыслары усы жылдың сентябрь айында жуўмақланыўы режелестирилген.

Халықтың репродуктивлик саламатлығын беккемлеў, аналар ҳәм балалар саламатлығын қорғаў мақсетинде медициналық жәрдем сапасын арттырыў бойынша 2024-жылдың 4 айы даўамында 499 мың 976 туўыў жасындағы ҳаяллардан 216 мың 159 ҳаял (43,2%) системалы профилактикалық медициналық тексериўден ѳткерилди. Нәтийжеде 110 мың 928 ҳаялда (51,3%) экстрагенитал кеселликлер анықланып, 68мың 967 ҳаял (62,2%) саламатластырылған ҳәм 41мың 961 ҳаял (41,9%) саламатластырыў процесинде.

Сондай-ақ, 18 жасқа шекемги 190 мың 250 бала (28,1%) системалы профилактикалық медициналық тексериўден ѳткерилди ҳәм тексериў нәтийжесинде 59 мың 480 балада (31,2%) кеселликлер анықланған. Соннан 54 мың 293 бала (91,2%) саламатластырылған болса, 5 мың 187 бала (8,7%) саламатластырыў процесинде.

Аналар ҳәм нәрестелер өлиминиң алдын алыў мақсетинде илажлар жобасы ислеп шығылды ҳәм усы илажлар жобасына муўапық бир қатар жумыслар әмелге асырылып атыр.

Күн тәртибиндеги мәселе толық қарап шығылды ҳәм депутатлар тәрепинен қарар қабыл етилди.


Қарақалпақстан Республикасы Жоқарғы Кеңесиниң Мәлимлеме хызмети

Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter