Қашқадәрьяда болып өтетуғын II Халық аралық жаслар қурылтайында Қарақалпақстаннан 50 жас қатнасады

7-11 август күнлери Қашқадәрья ўәлаяты, Шахрисабз районындағы “Лочин” балалар саўалландырыў лагеринде “Жаслар туризми” II Халық аралық қурылтайы болып өтеди.

Илажда Өзбекстан Республикасыныӊ бир қатар ўәлаятлары, Қарақалпақстан Республикасы, соныӊ менен бирге Тәжикстан, Қырғызстан, Туркия мәмлекетлеринен жаслардыӊ қатнасыўы күтилмекте.

Қурылтайдыӊ салтанатлы ашылыў мәресими 8-август күни Шахрисабз қаласыныӊ Ақсарай комплексинде өткериледи.

Халық аралық қурылтайға елимиздиӊ ҳәр бир аймағынан 50 ден аслам талантлы, социаллық қорғаўға мүтәж, солар қатарында, имкәнияты шекленген жаслар ҳәмде “Жаслар дәптери”не киргизилген оқыўшы ҳәм студентлер қатнасады.

Бес күн даўамында мийманларды бири-биринен қызықлы болған илажлар күтпекте. Таӊлаў, жарыс, презентация, ушырасыў, акция, жойбар ҳәмде китапқумарлық күни, миллий ҳәм этноспорт түрлери бойынша спорт жарыслары, мәдений-кеўилашар илажлар, жаслар ушын бизнести шөлкемлестириў, өнерментшилик өнимлерин таярлаў бойынша дөгерек сәўбетлери, жаслар менен атақлы театр ҳәм кино дөретиўшилериниӊ сәўбети, соныӊ менен бирге Өзбекстанныӊ дипломатиялық миссия ўәкиллери менен қатнасыўшылардыӊ ушырасыўлары сыяқлы бир қатар илажлар өткерилиўи режелестирилген.

Соны да атап өтиў керек, илаж мәмлекетимиз басшысыныӊ “Ишки туризм хызметлерин диверсификациялаўға тийисли қосымша ис-илажлар ҳақкында”ғы ҳәмде “Республикамыздыӊ туризм потенциалын жедел раўажландырыў ҳәмде жергиликли ҳәм сырт елли туристлер санын еле де арттырыўға тийисли қосымша ис-илажлар ҳақкында”ғы қарарларыныӊ орынланыўын тәмийнлеў мақсетинде өткерилмекте.

Соныӊ менен бирге II Халықаралық жаслар қурылтайыныӊ ҳәр бир қатнасыўшысына Туризм комитетиниӊ арнаўлы сертификаты тапсырылады.


Каналға ағза болыў: @joqargikenes

✉Telegram 🌐Website 📱Instagram 📱Facebook 📱Twitter