#Мастацтва
"Дзікае паляванне караля Стаха" - гэта моцны спектакль, які яркімі і сучаснымі тэатральнымі сродкамі ўвасабляе геніяльны твор Караткевіча і Солтана. Перакананы: яго дынамічнасць і відовішчнасць будуць спрыяць глядацкаму інтарэсу. Супрацьстаянне дабра і зла, кахання і падману, безабаронасці і агрэсіі, іх змаганне хвалююць заўсёды. Спектакль актуальны, бо імкнецца даць адказы на пытанні, якія сёння нас турбуюць..." ❤️ Цікавая рэцэнзія на прэм'еру Таццяны Мушынскай і Надзеі Бунцэвіч у новым, жнівеньскім выпуску часопіса "Мастацтва". Пастаноўка Ганны Маторнай адкрые новы сезон у Вялікім 8 і 9 верасня.
#премьера #опера #скоро #афиша #сентябрь #верасень #афіша #хутка #часопіс #музыка

#Мастацтва
Асабістыя ўражанні і ўласныя меркаванні наконт сачыненняў Андрэя Мдывані на старонках часопіса "Мастацтва" выказала Таццяна Мушынская. Вядомы айчынны кампазітар, народны артыст Беларусі Андрэй Юр'евіч Мдывані памёр сёлета 19 ліпеня...

#Мастацтва
Ён нарадзіўся ў Брэсце, але больш за 20 гадоў аддаў Мінску. Спачатку вучыўся ў харэаграфічным каледжы, потым танцаваў у беларускім Вялікім. 12 сезонаў ён служыў гэтай сцэне. Затым яму апладзіравалі гледачы Грузіі, Эстоніі, Расіі. Цяпер ён вядучы саліст Тэатра балета імя Леаніда Якабсона ў Санкт-Пецярбургу. Але, нават з'ехаўшы, ён усё роўна ніколі не пакідаў родны тэатр: ён стаў прататыпам для постаці Апалона ў скульптурнай кампазіцыі, што вянчае будынак Вялікага, - мастак Генадзь Буралкін менавіта ў ім убачыў прыгажосць грэчаскага бога сонца і мастацтваў. Ён – доўгачаканы госць фестывалю «Балетнае лета ў Вялікім». Яго любіць беларускі глядач. І ён адказвае публіцы той жа любоўю. І прызнаецца: кожны раз вяртаючыся ў Мінск - ён вяртаецца дадому. Госць новага выпуску часопіса "Мастацтва" - Дзяніс Клімук, артыст, які кожны раз сваім існаваннем на сцэне пацвярджае, што балет – гэта мастацтва думкі.
#балет #зоркі #часопіс #музыка

🔥 "Я да гэтага часу памятаю, як, калі вучыўся ў кансерваторыі, трапіў у Вялікі на оперу Мусаргскага «Хаваншчына». Ішоў спектакль сваёй чаргой, пакуль на сцэну не выйшаў Станicлаў Трыфанаў і не заспяваў знакамітую арыю Шаклавітага. Я проста ўціснуўся ў крэсла і не мог паварушыцца – настолькі быў уражаны... І калі ўжо хадзіў па калідорах Вялікага, думаў: калі сустрэчу Трыфанава, напэўна, упаду..."
Героем новага, вераснёвага, нумару часопіса "Мастацтва" стаў саліст оперы Вялікага тэатра Андрэй Сялюцін. Пачуць артыста можна зусім хутка - 5 кастрычніка ён выйдзе ў вобразе Вароны ў оперы "Дзікае паляванне караля Стаха".
#мастацтва

🔥 У новым выпуску часопіса "Мастацтва" (кастрычнік-2021) з задавальненнем прачытаем пра музычныя праекты, у якіх прынялі ўдзел артысты Вялікага тэатра Беларусі. Міхаіл Канстанцінаў (ударныя) стаў часткай грандыёзнага дзейства на сцэне Белдзяржфілармоніі - містэрыі Валерыя Воранава "Сёстры з раю". Таццяна Траццяк, Вольга Маліноўская і Андрэй Кліпо ззялі ў новых казачных і не толькі вобразах у праграме Таццяны Старчанка, што была прысвечана 90-годдзю Тарывердзіева. Таксама вельмі цікава было дазнацца пра зорку балета Вялікага тэатра - Басю Карпілаву і яе гісторыю ваенных часоў.
#мастацтва

📌"Спектакль атрымаўся вельмі нацыянальным. Не только французскім, зыходзячы з музыкі і наяўнасці балетнай сцэны, абавязковай для французскай оперы. Не толькі яўрэйскім, зыходзячы з самой біблейскай тэмы. А яшчэ і вельмі беларускім. У ім менш варожасці. А больш ЛЮБОВІ. ...І гэтым трэба ганарыцца". Музычны крытык Надзея Бунцэвіч для часопіса "Мастацтва" - пра оперу "Самсон і Даліла". У новым выпуску "Мастацтва" - разважанні спадарыні Бунцэвіч, а таксама Таццяны Мушынскай і Уладзіміра Дудзіна наконт Каляднага опернага форуму, што прайшоў у Вялікім у снежні 2021-га. #часопіс #мастацтва #разважанні
📌Паміж іншым, пачуць оперу К.Сен-Санса "Самсон і Даліла" у пастаноўцы Аксаны Волкавай у Вялікім можна 9 лютага. Загалоўныя партыі выканаюць Настасся Малевіч і Дзмітрый Шабеця. Квіткі тут
#опера #премьера #СамсониДалила #ОксанаВолкова #музыка #театр

"Часам выратаваннем становіцца #музыка. Музыка заўсёды валодала здольнасцю адчыняць "іншыя дзверы", можна сказаць, гэта адна з асноўных яе функцый - ствараць бясконцае мноства сусветаў... Кожны музычны твор і кожная асобная яго фраза нараджаюцца нанова ў жывым выкананні і кожны раз памнажаюцца на колькасць індывідуальных успрыманняў..." Вольга Ягорава - для часопіса "Мастацтва" пра канцэрт у Белдзяржфілармоніі, на якім гучала музыка Леаніда Дзесятнікава. Цыкл "Каханне і жыццё паэта" выканаў саліст Вялікага тэатра Беларусі Тарас Прысяжнюк. Пачытаем!
#Мастацтва

І яшчэ адзін матэрыял у новым выпуску часопіса "Мастацтва" (сакавік) раім не прапусціць - размову з салістам балета тэатра Ігарам Мацкевічам. У наступным сезоне споўніцца 15 гадоў, як ён прыйшоў у Вялікі. Ён служыць сцэне сумленна і шчыра, не робячы для сябе ніякіх саступак. І глядач гэта адчувае: любіць артыста ў яркіх характарных ролях. Пра мары матулі, "калідорнае"выхаванне, пра рыбак і танец на разрыў аорты пагутарылі з артыстам. Далучайцеся да нашай размовы:)
#Мастацтва