🔥 Вокладку новага выпуску часопіса "Беларусь" упрыгожваюць заслужаныя артысты нашай рэспублікі - Людміла Хітрова і Антон Краўчанка. У самім нумары - матэрыял пра канцэрт да дня народзінаў тэатра, які прайшоў 25 траўня. #часопіс

🌺 11 ліпеня перад прэм’ерай оперы “Дзікае паляванне караля Стаха” адбылося адкрыццё выставы “Уладзімір Караткевіч і яго гісторыя палявання…”. Гэта чарговы сумесны праект Вялікага тэатра Беларусі і Дзяржаўнага музея гісторыі беларускай літаратуры. У фае партэра Вольга Гулева, загадчык навукова экспазіцыйнага аддзела музея, цікава распавяла як пра саму аповесць Караткевіча, так і пра гісторыю друку гэтага твора: ад першага выдання да апошняга, юбілейнага.
“У кожнага з нас свой Караткевіч, – дадала Вольга Барысаўна. – Хочацца працытаваць Васіля Быкава: “На ягоныя тэмы можна, напэўна, напісаць горш, а магчыма, і лепш, але напісаць так, як гэта зрабіў ён, не зможа ніхто”.
‼️ Сёння выстава таксама працуе. У экспазіцыі – архіўныя афішы да оперы, фотаздымкі Караткевіча, яго партрэты, самыя розныя выданні яго знакамітай аповесці.
#выстава