#Қонунчиликдаги_янгиликлар

Ўзбекистон Республикаси Вазирлар Маҳкамасининг қарори (500-сон, 24.08.2020 й.) билан Ваколатли иқтисодий операторлар тўғрисидаги низом тасдиқланди.

🔰 Низомга мувофиқ, ваколатли иқтисодий оператор (оператор) – божхона операцияларини амалга оширишда соддалаштирилган божхона тартиб-таомилларидан фойдаланиш ҳуқуқи берилган ва гувоҳнома олган юридик шахслар ҳисобланади.

📝 Юридик шахс ваколатли иқтисодий операторлар реестрига киритиш учун Давлат божхона қўмитасига (Қўмита) ёзма ариза тақдим этади.

📋 Ариза 30 иш куни ичида кўриб чиқилади.

❌ Аризани кўриб чиқиш учун йиғим ундирилмайди.

🔹 Оператор реестрга киритилган кундан эътиборан гувоҳнома турлари бўйича махсус соддалаштиришлардан фойдаланиш ҳуқуқига эга бўлади.

☑️ Давлат божхона хизмати органлари айрим операторларга қайд этилган фаолиятни амалга ошириш учун бошқа имтиёзли шароитлар яратишга ҳақли эмас.

❗️Давлат бошқаруви ва маҳаллий давлат ҳокимияти органлари операторлар бўлолмайди.

🔰 Қарор 2020 йил 26 ноябрдан кучга киради.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Ўзбекистон Республикаси Президентининг “Маиший ва қурилиш чиқиндилари билан боғлиқ ишларни бошқариш тизимини янада такомиллаштириш чора-тадбирлари тўғрисида” (ПҚ-4845-сон, 29.09.2020й.) қарори қабул қилинди.

🔰Мазкур қарор билан Ўзбекистон Республикаси Президентининг 2018 йил 18 майдаги “Маиший чиқиндилар билан боғлиқ ишларни амалга ошириш тизимини янада такомиллаштириш чора-тадбирлари тўғрисида” ПҚ-3730-сон қарорига тегишли ўзгартиришлар киритилди.

📋 Унга мувофиқ 2023 йил 1 январгача бўлган муддатга:

🔹 республикада ишлаб чиқарилмайдиган, товарларни қадоқлаш ва жойлаш-ўраш учун биологик чирийдиган полимер материалларни ишлаб чиқаришнинг технологик жараёнида фойдаланиш учун ўрнатилган тартибда тасдиқланадиган рўйхатлар асосида олиб кирилган технологик ускуналар, эҳтиёт қисмлар ва бутловчи буюмлар, хом ашё ва материаллар божхона тўловларидан (божхона расмийлаштируви йиғимидан ташқари);

🔹 маиший ва қурилиш чиқиндилари билан боғлиқ ишларни амалга ошириш соҳасида фаолият юритаётган ташкилотлар томонидан республикада ишлаб чиқарилмайдиган, ўрнатилган тартибда тасдиқланадиган рўйхатлар асосида олиб кирилган махсус техника, технологик ускуналар, эҳтиёт қисмлар, бутловчи буюмлар божхона тўловларидан (божхона расмийлаштируви йиғимидан ташқари) озод қилинди.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Ўзбекистон Республикаси Давлат божхона қўмитасининг Адлия вазирлигида 2020 йил 13 октябрда 3154-1-сон билан рўйхатга олинган қарори билан “Товарларни божхона кўздан кечируви ва божхона кўригидан ўтказишда ҳамда намуна ва (ёки) синамалар олишда божхона тартиб-таомилларини амалга ошириш тўғрисида”ги йўриқномага ўзгартириш ва қўшимчалар киритилди.

👆 Мазкур ўзгартириш ва қўшимчалар Ўзбекистон Республикаси Президентининг 2020 йил 20 мартдаги ПФ-5971-сон Фармонига мувофиқ киритилди.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Ўзбекистон Республикаси Давлат божхона қўмитасининг Адлия вазирлигида 2020 йил 4 ноябрда 2867-1-сон билан рўйхатга олинган қарори билан “Товарнинг божхона қийматига ва (ёки) божхона тўловларига тузатишлар киритишни тўлдириш тартиби тўғрисидаги йўриқномани тасдиқлаш ҳақида”ги (14.03.2017й., рўйхат рақами 2867) қарори ўз кучини йўқотди.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Ўзбекистон Республикаси Давлат божхона қўмитасининг Адлия вазирлигида 2020 йил 2 ноябрда 2773-5-сон билан рўйхатга олинган қарори билан "Божхона юк декларациясини тўлдириш тартиби тўғрисидаги йўриқнома"га ўзгартириш ва қўшимчалар киритилди.

📋 Йўриқномага киритилган ўзгартириш ва қўшимчалар мувофиқ,

🔺 БЮДнинг 8-графасида Ўзбекистон экспорт товарларини қабул қилувчи ва қабул қилиб олиш тўғрисида топшириқ берган шахс ҳақидаги маълумотларни, 2-графасида Ўзбекистонга импорт қилинаётган товарни жўнатувчи ва жўнатиш тўғрисида топшириқ берган шахс ҳақидаги маълумотларни алоҳида кўрсатиш белгиланди;

🔺 БЮДнинг 2, 8, 9-графаларидаги шахслар устав капиталида давлат улуши бўлган ташкилот бўлса алоҳида код билан кўрсатиш белгиланди;

🔺 БЮДнинг 11-графасида оффшор ҳудудларни аниқлашнинг автоматлаштирилган тизимини йўлга қўйиш имконини берувчи алоҳида код кўрсатиш белгиланди;

🔺 БЮДнинг 20-графасида товарларни жўнатиш шаклининг икки рақамли кодини кўрсатиш (яъни тўғридан-тўғри ёки уч томонлама шартномалар асосида) белгиланди;

🔺БЮДнинг 31-графасида товарнинг марка ёки бренди мавжуд бўлмаган ҳолларда декларация қандай тўлдирилиши кўрсатиб ўтилди ҳамда импорт қилинаётган товарнинг давлат харидларига алоқадорлигини ифодаловчи махсус код кўрсатиш белгиланди;

🔺 БЮДнинг 50-графасида тақдим этилган ҳужжатлар ва маълумотлар учун жавобгар шахснинг СТИРини кўрсатиш белгиланди ҳамда ушбу графани тўлдирилиш талаблари янада аниқлаштирилди;

🔺 БЮДнинг 44-графасида божхона омборларида товарларни сақланиш сабабларини алоҳида кодлар орқали кўрсатиш белгиланди.

🔺 Шунингдек, Божхона кодексининг 255, 269-моддаларига асосан Тўлиқ бўлмаган БЮДни расмийлаштиришда БЮДни тўлдириш тартиби белгиланди.

👆 Мазкур қарор расмий эълон қилинган кундан эътиборан уч ойдан кейин кучга киради.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Ўзбекистон Республикаси Вазирлар Маҳкамасининг "Божхона йиғимлари ставкаларини тасдиқлаш тўғрисида"ги қарори (700-сон, 09.11.2020й.) қабул қилинди.

🔰 Қарорга мувофиқ қуйидагиларни назарда тутувчи божхона йиғимлари ставкалари тасдиқланди:

🔸 давлат божхона хизмати органлари томонидан амалга ошириладиган пулли хизматлар турларини кенгайтириш ҳамда қатъий белгиланган божхона йиғимлари ставкаларини белгилаш;

🔸 рухсат этувчи хусусиятдаги ҳужжатларни бериш билан боғлиқ айрим турдаги божхона йиғимларини бекор қилиш ва уларни халқаро стандартларга мувофиқлаштириш;

🔸товарларни “божхона ҳудудида қайта ишлаш” ва “божхона ҳудудидан ташқарида қайта ишлаш” божхона режимларида расмийлаштирганлик учун божхона йиғими ставкаларини пасайтириш;

🔸 божхона назорати остида ташилаётган товарларни етказиб бериш муддатига риоя қилмаслик учун маъмурий жавобгарлик ўрнига молиявий чора сифатида божхона йиғимини жорий этиш.

❗️Ушбу қарор 2021 йил 1 январдан бошлаб кучга киради.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Ўзбекистон Республикаси Вазирлар Маҳкамасининг “Ўзбекистон Республикаси Давлат божхона қўмитасининг Миллий кинология маркази фаолиятини янада ривожлантириш ва такомиллаштириш тўғрисида”ги (21-сон, 18.01.2021й.) қарори қабул қилинди.

📋 Қарор билан

🔹2021–2023 йилларда Давлат божхона қўмитасининг Миллий кинология маркази фаолиятини янада ривожлантириш ва такомиллаштириш концепцияси,
🔹Мазкур Концепцияни амалга ошириш бўйича “Йўл харитаси”,
🔹Миллий кинология марказида кинологларни тайёрлаш, хизмат итларини ўргатиш ва сотиш тартиби тўғрисидаги Низом,
🔹Яроқсиз итларни сотиш тартиби тўғрисидаги Низом,
🔹Жисмоний ва юридик шахсларга ветеринария даволаш-профилактика ва лаборатория-диагностика ишлари бўйича пуллик хизматлар кўрсатиш тартиби тўғрисидаги Низом тасдиқланди.

✅ Қарорга мувофиқ

🔺Марказ ҳудудида алоҳида Ветеринария клиникаси ташкил этилади.

🔺1,2, 3-даражали кинолог кўкрак нишонлари таъсис этилади

🔺Овчилик, тоғ-чўл чорвачилиги, ўсимликлар карантини, ўрмон хўжалиги, қўриқлаш хизматлари учун итларни тайёлаш йўлга қўйилади.

🔺Миллий кинология марказида ўргатиш учун 17 турдаги ўрта ва йирик зотли итлар қабул қилинади.

🔺 “Кинология хизмати” автоматлаштирилган ахборот тизими ва “Ветеринария хизмати” интерактив хизмати жорий қилинади.

Каналга уланиш ⬇️⬇️⬇️
https://t.iss.one/bojxonahuquqi

Ўзбекистон Республикаси Президентининг "Чарм-пойабзал ва мўйначилик соҳаларини янада ривожлантиришга
доир қўшимча чора-тадбирлар тўғрисида"ги (ПҚ-4982-сон, 8.02.2021й.) қарори қабул қилинди.

📋 Қарор билан

✅ 2023 йил 1 январга қадар Ўзбекистон Республикаси ҳудудига олиб киришда божхона божининг ноль ставкаси қўлланиладиган хомашё, материаллар ва фурнитуралар рўйхати тасдиқланди.

➡️ "Ойбек-автойўл" (Тошкент вилояти) ва "Сариосиё-автойўл" (Сурхондарё вилояти) чегара ўтказиш пунктларидан қўшни давлат чегарасигача бўлган жойларда эксперимент тариқасида маҳаллий тайёр маҳсулотлар савдосига ихтисослаштирилган савдо нуқталарини ташкил этиш белгиланди.
➡️Ушбу савдо нуқталарида фаолият юритадиган тадбиркорлар томонидан реализация қилинадиган ҳамда қўшни давлат ҳудудига олиб чиқилган товарлар экспортга тенглаштирилиши кўрсатиб ўтилди.

☑️ Шунингдек, мазкур қарор билан Ўзбекистон Республикаси Президентининг айрим қарорларига
қўшимча ва ўзгартиришлар киритилган бўлиб, унга мувофиқ:

🔺 Ўзбекистон Республикаси Президентининг 2018 йил 3 майдаги ПҚ-3693-сон қарори 11-банднинг бешинчи хатбошига киритилган ўзгартиришга кўра, мазкур қарорда назарда тутилган имтиёзлар ва преференциялар "Ўзчармимпэкс" УКга нисбатан ушбу бандда қайд этилган вазифаларни амалга оширишга, шу жумладан "Ўзчармимпэкс" УК томонидан импорт қилинган асбоб-ускуналар, бутловчи буюмлар, республикада ишлаб чиқарилмайдиган хом ашё, материаллар ва фурнитураларни чарм, мўйна хом ашёси ва жун тайёрлаш, сақлаш ва қайта ишлаш, чорва молларини автоматлаштирилган ҳолда сўйиш, жун, қоракўл ва сунъий чармдан буюмлар, чарм-атторлик маҳсулотлари, пойабзал ишлаб чиқариш билан шуғулланувчи ташкилотларга уларнинг ўз ишлаб чиқаришида фойдаланиши учун сотишга татбиқ этилиши белгиланди.

🔺 Ўзбекистон Республикаси Президентининг 2019 йил 16 сентябрдаги ПҚ-4453-сон қарори 2-бандининг"б" кичик бандига киритилган ўзгартиришга кўра, Ўзбекистон Республикаси божхона чегараси орқали пахта ип-калаваси ва трикотаж матони олиб чиқишда,
👉 2021 йил 1 январдан бошлаб олиб чиқиладиган ҳар бир килограмм ип-калава учун 0,01 АҚШ доллари,
👉 2022 йил 1 январдан олиб чиқиладиган ҳар бир килограмм ип-калава ва трикотаж мато учун 0,05 АҚШ доллари,
👉 2023 йил 1 январдан - 0,1 АҚШ доллари,
👉 2025 йил 1 январдан - 0,2 АҚШ доллари миқдорида йиғим ундирилиши белгиланди.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Ўзбекистон Республикасининг айрим кодексларига ўзгартиш ва қўшимчалар киритишни назарда тутувчи қонун (ЎРҚ–673-сон, 12.02.2021 й.) Президент томонидан имзоланди.

📋 Қонун билан Жиноят кодексига киритилган ўзагртиришларга кўра, кодекснинг 246-моддаси (Контрабанда) биринчи қисмининг диспозицияси ўзбекча матнидаги сўзлар рус тилидаги матни билан бирхиллаштирилди. Яъни "кучли таъсир қилувчи заҳарли" сўзлари "кучли таъсир қилувчи, заҳарли" сўзлари билан алмаштирилди.

▫️Ушбу Қонун расмий эълон қилинган кундан эътиборан кучга киради.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Вазирлар Маҳкамасининг қарори (102-сон, 25.02.2021 й.) билан Жисмоний шахсларнинг чегара божхона постлари орқали нотижорат мақсадларда олиб кирилаётган белгиланган меъёрлардан ортиқ бўлган товарларига нисбатан амалга ошириладиган тартиб-таомиллар тўғрисидаги низом тасдиқланди.

📋 Низомга кўра, давлат божхона хизмати органлари томонидан вақтинча сақлаш учун қабул қилинган барча товарларнинг вазни ва миқдори ўлчовдан ўтказилиши шарт.

🗓 Вақтинча сақлаш учун қабул қилинган товарлар ва уларнинг ҳужжатлари кўпи билан 30 календарь кун, тез бузиладиган товарлар эса кўпи билан 2 календарь кун мобайнида сақланади.

☑️ Сақлаш муддати уларни вақтинча сақлаш учун қабул қилинган куннинг кейинги кунидан ҳисобланади.

✅ Фуқаролар томонидан маълум қилинган товарларнинг божхона қийматини тасдиқловчи товар ҳужжатлари тақдим этилмаган тақдирда, давлат божхона хизмати органи товарларнинг божхона қийматини мустақил равишда белгилайди.

☑️ Чегара божхона постлари томонидан вақтинча сақлаш учун қабул қилинган товарларни сақлаганлик учун товарлар вақтинча сақловга олинган кундан эътиборан ҳар 100 кг.гача оғирликка (брутто) тўлиқ ва тўлиқ бўлмаган ҳар бир календарь кун учун:

👉 дастлабки 5 кунда БҲМнинг 5 фоизи (12 минг 250 сўм) миқдорида, кейинги 10 кунда БҲМнинг 7 фоизи (17 минг 150 сўм) миқдорида, қолган кунларда БҲМнинг 10 фоизи (24 минг 500 сўм) миқдорида;

👉 тез бузиладиган товарларни вақтинча сақлаганлик учун БҲМнинг 15 фоизи (36 минг 750 сўм) миқдорида божхона йиғими ундирилади.

🔹Товарларни қайтариш, ваколатли шахс (товарларнинг эгаси) томонидан далолатноманинг божхона органи томонидан тасдиқланган нусхаси ва шахсни тасдиқловчи ҳужжатнинг аслини тақдим этиш билан амалга оширилади.

🔁 Товарлар божхона йиғими тўлангандан ҳамда ҳужжатлар расмийлаштируви тугагандан кейин дарҳол қайтарилади.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Вазирлар Маҳкамасининг қарори (101-сон, 25.02.2021 й.) билан Божхона аудитини ўтказиш тартиби тўғрисидаги низом тасдиқланди.

📋 Низомда қуйидагилар назарда тутилган:

🔺 давлат божхона хизмати органлари томонидан товарларни чиқаришга рухсат берилгандан сўнг божхона аудитини ўтказиш тартиби;

🔺 божхона аудити тамойиллари ва усуллари, аудит объектларини танлаш усуллари ва механизми;

🔺 божхона аудитини ўтказишдан аввал ташқи иқтисодий фаолият иштирокчисини хабардор қилиш тартиби;

🔺 божхона аудитини ўтказишдан аввал мустақил равишда ички бухгалтерлик ёки аудиторлик текширувини белгилаш;

🔺 божхона аудити натижаларидан келиб чиқиб, қўшимча ҳисобланган божхона тўловлари аниқланган тақдирда, қонун ҳужжатларида белгиланган тартибда чоралар кўриш тартиби.

🗓 Қарорга мувофиқ

🔹 камерал божхона аудити давлат божхона хизмати органлари томонидан ваколатли шахснинг иш жойи ва (ёки) ўз фаолиятини амалга оширадиган ҳудудга бормасдан амалга оширилади;

🔹сайёр божхона аудити давлат божхона хизмати органлари томонидан ваколатли шахснинг иш жойи ва (ёки) ўз фаолиятини амалга оширадиган худудда ёхуд товарлар жойлашган жойда амалга оширилади;

🔹божхона аудитини амалга ошириш вазифаси юкланган божхона органи мансабдор шахслари “Bojxona auditi” автоматлаштирилган ахборот тизими орқали автоматик тарзда тақсимланади.

❗️Қарор билан тасдиқланган Низом 2021 йил 1 майда кучга киради.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Ўзбекистон Республикасининг “Аудиторлик фаолияти тўғрисида”ги ЎРҚ-677-сон Қонуни 2021 йил 25 февралда қабул қилинди.

📋 Қонунга кўра,

🔹 Молия вазирлиги аудиторлик фаолияти соҳасидаги ваколатли орган ҳисобланади.
🔹 Молия вазирлиги расмий веб-сайтида аудиторлик фаолиятига оид маълумотлар, аудиторлик фаолиятининг стандартлари, аудиторлик ташкилотлари реестри жойлаштирилиши лозим.
🔹 Банклар ва бошқа кредит ташкилотларида аудиторлик текшируви ўтказилишида Марказий банк масъул орган ҳисобланади ҳамда банкларнинг аудиторлик текширувларини ўтказиш ҳуқуқи учун аудиторнинг малака сертификатига эга бўлган Аудиторларнинг реестрини юритади ва уни ўз расмий
веб-сайтига жойлаштиради.
🔹Аудиторлар жамоат бирлашмалари уларнинг малака имтиҳонларини ўтказишда ва тест синовларини тузишда иштирок этиш ҳуқуқига эга.
🔹 Аудитор сифатида малака сертификатига эга бўлган шахслар фаолият юритиши мумкин. Аудиторлик сертификати Молия вазирлиги томонидан берилади.
🔹 Аудиторнинг малака сертификати дастлабки беш йиллик муддатга берилади, унинг амал қилиши навбатдаги ўн йиллик муддатга ва кейинчалик муддатсиз даврга узайтирилади.
🔹 Сертификат олиш учун талабгор олий маълумотли ва охирги 10 йилдан 3 йил бухгалтерия ва аудит соҳасида ишлаган ёки ОТМда ушбу соҳада дарс берган бўлиши керак.
🔹 Аудиторлик фаолиятига аралашишга йўл қўйилмайди. Аудитор ўзи ишлайдиган фақат битта ташкилот муассиси бўлиши мумкин.
🔹 Аудиторлик ташкилотлари аудиторлик текширувлари ва турдош хизматларни кўрсатади.
🔹 Аудиторлик текшируви мажбурий тарзда ва ташаббус шаклида ўтказилади.

✔️ Қонун расмий эълон қилинганидан 3 ой ўтгач кучга киради.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Ўзбекистон Республикасининг “Давлат харидлари тўғрисида”ги ЎРҚ–684-сон Қонуни 2021 йил 22 апрелда қабул қилинди.

📋Қонунга кўра, давлат харидлари жараёни қуйидаги босқичларни ўз ичига олади:
👉давлат харидларини режалаштириш;
👉харид қилиш тартиб-таомилларини амалга ошириш;
👉шартномани тузиш ва бажариш;
👉давлат харидлари мониторинги.

☑️ Ўзбекистон Республикаси Президентининг фармонлари ва қарорларига мувофиқ Инвестиция ва бошқа давлат дастурларига киритилган лойиҳаларни “фойдаланишга тайёр ҳолда топшириш” шартлари асосида “fast-track” усулида (бир вақтнинг ўзида лойиҳалаштириш, харид қилиш ва қурилиш ишлари) амалга ошириш мумкин.

✅Харид қилиш тартиб-таомилларини амалга ошириш турлари қуйидагилардан иборат:
🔺 электрон дўкон;
🔺 бошланғич нархни пасайтириш учун ўтказиладиган аукцион;
🔺 энг яхши таклифларни танлаш;
🔺 тендер;
🔺 тўғридан-тўғри шартномалар бўйича амалга ошириладиган давлат харидлари.
🔺 Президент фармонлари ва қарорлари, Ҳукумат қарорлари билан рухсат этилган харидларнинг бошқа рақобатли турлари.

➡️ Давлат харидлари бўйича давлат назоратини қуйидагилар амалга оширади:
🔹 Ҳисоб палатаси;
🔹 Бош прокуратура;
🔹 Коррупцияга қарши курашиш агентлиги;
🔹 Молия вазирлиги;
🔹 Монополияга қарши курашиш қўмитаси.

☑️ Уставида давлат улуши 50 фоиздан кўп бўлган ҳамда давлат корхоналари ва давлат улуши 50 фоиздан кўп бўлган корхоналар улушининг йиғиндиси 50 фоиздан ортиқ бўлган юридик шахслар корпоратив буюртмачилар рўйхатига киритилмоқда.

☑️ Молия вазирлиги ва бошқа иштирокчиларга савдо натижалари, қонун бузилиш ҳолатлари ва таҳлилий маълумотларни очиқ ахборот манбаларида эълон қилиб бориш вазифаси юклатилмоқда.

📋 Қонунга мувофиқ Инсофсиз ижрочиларнинг ягона реестрига киритилган субъектларнинг давлат харидларида иштирок этишини чеклаш муддати уч йилдан икки йилгача қисқартирилмоқда.

✅ Молия вазирлигида ўқитиш тизимини яратиш орқали буюртмачиларнинг харидга масъул ходимининг касбий маҳорати ва малакаси ошириб борилади.

☑️ Давлат харидлари комиссиясининг таркибига Инвестициялар ва ташқи савдо вазирлиги ҳамда “Ўзинжиниринг” институтининг вакиллари мажбурий тартибда киритиш талаби бекор қилиниб, буюртмачининг вакилларидан ташкил топиши белгиланмоқда.

➡️ Давлат буюртмачиларига харид қилиш тартиб-таомиллари турларини мустақил танлаш имконияти яратилмоқда.
🔺Бунда, давлат буюртмачисининг хоҳишига кўра давлат харидлари бюджет буюртмачилари томонидан базавий ҳисоблаш миқдорининг олти минг бараваригача, (электрон дўконда икки минг беш юз бараваригача) ва корпоратив буюртмачилари томонидан эса бир шартнома бўйича базавий ҳисоблаш миқдорининг йигирма беш минг бараваригача электрон дўкон, аукцион ёки танлаш орқали амалга оширилиши мумкин.

➡️ Харидларни соддалаштирилган тартибда харид комиссияси иштирокисиз тўғридан-тўғри шартномалар асосида амалга ошириш имконияти яратилмоқда.
🔹Бунда, бир шартнома суммаси:
🔺 бюджет буюртмачилари учун базавий ҳисоблаш миқдорининг 25 бараваридан (бир молия йили давомида 500 бараваридан);
🔺 корпоратив буюртмачилар учун базавий ҳисоблаш миқдорининг 50 бараваридан (бир молия йили давомида 1 000 бараваридан) ошмаслиги лозим.

☑️ Харид қилиш тартиб-таомилларини амалга оширишда эълонларни жойлаштиришни энг кам муддатлари қисқартирилмоқда:
🔸 Танлаш усулида харидни амалга оширишда 5 иш кунига;
🔸 Тендер усулида харидни амалга оширишда 12 иш кунига.

❗️Қонун расмий эълон қилинган кундан эътиборан уч ой ўтгач кучга киради.

Каналга уланиш ⬇️⬇️⬇️
https://t.iss.one/bojxonahuquqi

#Қонунчиликдаги_янгиликлар

Давлат божхона қўмитасининг Адлия вазирлигида 2021 йил 6 майда 3220-1 рақам билан рўйхатга олинган қарорига мувофиқ “Божхона юк декларациясини ўзгартириш, унга қўшимча киритиш, уни қайта расмийлаштириш, қайтариб олиш ва бекор қилиш тартиби тўғрисида"ги низомга ўзгартириш ва қўшимчалар киритилди.

📋 Низомга киртилган ўзгартириш ва қўшимчаларга кўра,

🔹“экспорт” божхона режимига расмийлаштирилган БЮДлар бўйича хўжалик юритувчи субъектлар, хорижий ҳамкорлар ва уларнинг реквизитларига оид маълумотлар ўзгарган ҳолларда БЮДга ўзгартириш киритиш талаби бекор қилинади;

🔹БДТнинг 3 (Қўшимча варақлар), 5 (Товарлар номларининг умумий сони), 28 (Молия ва банк маълумотлари) ва “B” (Ҳисоб-китоб тафсилотлари) графаларини тўлдириш тартиби белгиланди ва 14, 50, 54-графаларининг тўлдириш тартибига аниқлик киритилди;

🔹БЮДга киритилган ўзгартиришни ифодаловчи белгини БЮДда қайд этиш мақсадида, божхона органларига тузатиш киритилган БЮДнинг “D” графасида расмийлаштирилган БДТнинг рўйхат рақамини қайд этиш талаби киритилди;

🔹БЮД билан боғлиқ бўлмаган БДТга оид маълумотларга ўзгартириш ва қўшимчалар киритиш тартиби белгиланди.

☑️ Мазкур ўзгартириш ва қўшимчалар қарор расмий эълон қилинган кундан эътиборан уч ойдан кейин кучга киради.

Каналга уланиш ⬇️⬇️⬇️
https://t.iss.one/bojxonahuquqi