Yaponiya Kurill orollarini Rossiya bosqini ostidagi o’z hududlari deb e’lon qildi.

II Jahon urushidan beri bu hududlar bo’yicha ixtilof mavjud bo’lgan, ammo Tokio shu paytgacha bu orollar bo’yicha o’z pozitsiyasini bu qadar keskin e’lon qilmagan edi.

@bmamadiev

Fransiya Prezidenti Emmanuel Makron 24-aprel kuni 2-muddatga prezidentlikka saylandi. Oxirgi 20 yilda ilk bor Fransiyada amaldagi prezident 2-muddat uchun kechgan saylovda g'olib bo'ldi.

@bmamadiev

Ayni damda Ukraina va uning tevaragidagi parvozlar xaritasi

Manba: adsbexchange.com

@bmamadiev

Yetakchi davlatlarning 2021-yilgi harbiy xarajatlari (milliard dollar)

@bmamadiev

"Twitter" o'zining Ilon Mask tomonidan sotib olinayotganini e'lon qildi. Tomonlar 44 milliard dollarga kelishgan. Demak, dunyoning eng boy odami, "Tesla", "SpaceX" kabi bir necha kompaniyalar egasi Mask "Twitter"ning har bir aksiyasi uchun $54,20 dan to'laydi.

Hujjat ishlari tamomlangach, kompaniya fond birjalaridan butunlay olinadi, ya'ni u endi xususiy kompaniyaga aylanadi.

Yangilik e'lon qilinishidan avval kompaniya aksiyalari savdosi allaqachon to'xtatilgan edi.

Kompaniya Ilon Mask qo'liga o'tgach, "Twitter"da qanday o'zgarishlar paydo bo'ladi? Endi ko'pchilikni shu savol qiziqtiradi.

Mask kompaniyani haqiqiy so'z erkinligini himoya qila olmayotganlikda ayblab kelayotgan edi. U shu masalada ishlashini, platformani yangi imkoniyatlar bilan boyitishini e'lon qildi.

Donald Tramp yana "Twitter"ga qaytishi mumkinmi? U ko'p yolg'onlarni ishlatgani uchun prezidentligi paytida platformadan bir umrga badarg'a qilingan edi. Shu masala ham ko'pchilikni qiziqtirmoqda. 🤔

@bmamadiev

Bugun Germaniyadagi AQSh harbiy bazasida AQSh va dunyoning 40 dan ortiq mamlakati rasmiylari birga o'tkazgan anjumanda Ukrainaga og'ir harbiy qurollarni yetkazib berishga kelishib olindi.

NATO nafaqat Ukrainaning g'alaba qozonishini, balki bunday agressiyalar yana yuz bermasligini ta'minlash maqsadida Rossiyaning harbiy qudratini zaiflashtirishni ham maqsad qilmoqda.

@bmamadiev

Rossiyaning neft bozori allaqachon sanksiyalar asoratini seza boshladi. Neft ishlab chiqarish Ukraina bosqini boshlangan kundagiga qaraganda kamaygan. Xalqaro bozorda Rossiyaning "Ural" nefti xalqaro "Brent" markasidan 35 dollar arzonga sotilyapti; chunki xaridor kam.

O'tgan yili Rossiya federal byudjetining 45 foizi neft va gaz savdosi tushumlaridan qoplangan. Tushum kamaygan sari, urushni moliyalash yanada qiyinlashadi.

AQSh va Britaniyaning embargosini hisobga olmaganda, Rossiyaning neft va gaz sanoatiga to'g'ridan to'g'ri sanksiyalar hali kiritilmagan. Shunga qaramay, xalqaro kompaniyalar sanskiyalarga yo'liqib qolmaslik uchun Rossiya neftini sotib olishdan imkon qadar o'zini chetga olyapti. Yirik xalqaro neft kompaniyalari Rossiya bozorini tark etyapti.

Yevropa Ittifoqi Rossiyaning neft-gaz sanoatiga bosqichma-bosqich sanksiyalarni joriy qilishni rejalayapti. Masalan, 15-maydan boshlab "Rosneft" kompaniyasiga qarshi sanksiyalari kuchga kiradi. Yil oxirigacha Rossiyadan neft sotib olishni butunlay to'xtatish maqsad qilingan. Bir necha yil ichida esa Rossiya gazidan butunlay voz kechish umid qilinyapti.

Ukrainada urush butunlay tugagan taqdirda ham, Rossiya 24-fevral kungi chegaralarga qaytsa ham, endi bu sanksiyalarning bekor qilinishini kutmaslik kerak. Ular uzoq yillar, ehtimol Putin hokimiyatdan ketgungacha amalda bo'ladi. Bu esa Rossiya iqtisodiyotini bir necha o'n yillar orqaga suradi.

Putin G'arbning Rossiyaga qarshi bu qadar jipslashishini va urush bunchalik cho'zilishini o'ylamagan edi.

Urush, albatta, G'arb iqtisodiyotiga ham og'ir yo'qotishlarni olib kelyapti. Urush bilan bog'liq global muammolar tufayli keyingi yillarda AQSh va Yevropa iqtisodiyoti turg'unlikka kirishi ehtimoli bor. Lekin Rossiyani zaiflashtirish uchun G'arb bu badalni to'lashga tayyor.

Chunki hozirgi imkoniyat boshqa bo'lmasligi mumkin.

@bmamadiev

Yuqoridagi rasmlardan olingan ba'zi gaplarga e'tibor qarating:

"1 vazifadan 4 bajarildi"
"o'rta Uchun barcha fanlardan 4 chorak baliga asoslanib"
"Dars o'tkazvotti"
"Vazifaning matnini nusxalash"

Qaysi tilda yozilgan bu? Namuncha o'zbek tilini buncha xo'rlashmasa? Imloviy xatolarni hali sanamadim, ular g'ij-g'ij.

Aytishlaricha, bu ilova vazirlik tomonidan majburlab hamma ota-onalarga pulli obuna qilingan ekan.

Ommaga chiqarish oldidan nahotki birorta mutaxassis bu ilovani ko'zdan kechirib bermagan bo'lsa? Uyat.

@bmamadiev

Kremlga yaqin propagandachilar Qozog'istonga ochiqdan-ochiq tahdid qilishni boshlabdi.

Qozog'iston yaqinda bu yil 9-mayda harbiy parad o'tkazilmasligini ma'lum qilgan edi.

@bmamadiev

O'zbekiston Mudofaa vazirligi: O'zbekistonda 9-may G'alaba kuni emas, balki Xotira va Qadrlash kuni. Harbiy parad o'tkazilmaydi.

@bmamadiev

Ukraina prezidenti idorasi maslahatchisi, harbiy tahlilchi Aleksey Arestovichning aytishicha, Ukraina qo'shinlari iyun oyi o'rtalaridan boshlab mudofaadan qarshi hujum amaliyotlariga o'tadi.

Bu G'arbdan olinadigan qo'shimcha og'ir harbiy qurollar yetkazilishi bilan bog'liq.

@bmamadiev

2022-yilning birinchi choragida AQSh iqtisodiyoti kutilmaganda -1,4 foizga qisqargan. Bir foiz o'sish kutilayotgan edi.

Agar ikki chorak ketma-ket iqtisodiyot qisqarsa, mamlakat iqtisodiyotida rasman turg'unlik (recession) boshlangan hisoblanadi.

@bmamadiev

AQSh Prezidenti Jo Bayden Kongressdan Ukraina uchun qo'shimcha 33 milliard dollar yordam ajratishni so'radi.

Yordam o'z ichiga nimalarni oladi?

- Harbiy yordam uchun $20,4 milliard dollar;
- Ukraina xalqi va hukumatiga iqtisodiy yordam uchun 8,5 milliard dollar;
- Gumanitar yordam va oziq-ovqat uchun 3 milliard dollar.

@bmamadiev

Сахарликкача бедорларга

Мабодо ҳали бедор бўлсангиз, яна бир интервьюни жудаям тавсия этаман. "Ҳошимов иқтисодиёти" дастурининг меҳмони Москва давлат университети профессори Наталья Зубаревич меҳнат мигрантлари, меҳнат бозоридаги ўзгаришлар, рус зиёлисининг оғриқлари, россияликларнинг сезги даражаси ва албатта урушга муносабат ҳақида фикр юритади.

P.S. Твиттерда Беҳзод Ҳошимов ушбу интервьюни одатдагидан кўра кўпроқ одам кўргани ҳақида айтиб қолди. Бунга ҳайрон бўлмадим, чунки интервью ва ундан парчалар Россия ва россияликларнинг пабликларида айланишни бошлади. Хусусан, мен ҳам биринчи парчани россиялик дўстларнинг тик-ток саҳифасидан кўрдим (россияликларнинг сезгиси ҳақидаги қисми).

Иккинчи эътиборли нарса урушга нисбатан қозоғистонликларнинг ва ўзбекистонликларнинг муносабати билан боғлиқ. Зубаревичнинг версияси, албатта қизиқроқ ва илмийроқ. Лекин менимча қозоғистонликларнинг урушга нисбатан қатъиятли нафратида январь воқеаларининг ўрни ҳаддан зиёд бўлди. Қозоғистонлик биродарларимиз "русский мир"нинг даҳшати қаергача олиб келиши мумкинлигини ўз кўча ва майдонларида ОДКБ байроғи билан пайдо бўлган танклардан тасаввур қила олишди назаримда.

https://youtu.be/qZLRGDGLh34

AQSh Kongressi Vakillar palatasi Ukraina Lend-Liz qonunini qabul qildi. Avvalroq uni Senat ham tasdiqlagan edi.

Qonunga ko'ra, AQSh endi Ukrainaga cheklovlarsiz og'ir qurollarni yetkazib berishi mumkin.

Ukraina olishi mumkin bo'lgan yangi qurollar ro'yxati:

- Uchinchi avlod "M1A2 Abrams" tanklari
- "M2A3 Bradley" zirxli mashinalari;
- "M109A6 Paladin" zirxli mashinalari;
- "HIMARS" raketa tizimlari;
- MLRS M270 MLRS raketa tizimlari;
- "NASAMS 2" havo mudofaa tizimi;
- "Patriot" havo mudofaa tizimi;
- To'rtinchi avlod "F-16" qiruvchi samolyotlari.

Qonun bo'yicha qurollar lizing yoki ijara asosida beriladi. Qurollarga shikast yetkazilgan taqdirda, puli to'lanishi kerak.

Lend-liz dasturi ilk bor 1941-yil II Jahon urushi davrida fashistlar Germaniyasiga qarshi kurashayotgan Britaniyaga harbiy yordam berish maqsadida qabul qilingan edi.

@bmamadiev

Rossiya armiyasining ahvoli

Bir paytlar Rossiya Prezidenti Vladimir Putinning yaqin do'sti hisoblangan va Rossiya harbiy kemalarini qurishda qatnashgan milliarder Sergey Pugachyov bilan o'tkazilgan suhbatdan parcha

@bmamadiev

Assalomu alaykum, hurmatli dindoshlar!

Nyu York shahrida ilk marta MahallaUSA jamiyati O'zbekistondan tashrif buyurgan diniy ulamolarimizdan Qosim Qori Karimov ishtirokida Eid al Fitr - Hayit Namozini Siz aziz yurtdoshlarimiz uchun tashkil qilmoqda.

2-May kuni Nyu Yorkda yomg'irli havo bo'lish ehtimoli borligi uchun, ushbu Hayit Namozi yopiq joyda o'tkazilishi ta'minlanmoqda.

Barcha tashrif buyuruvchilar o'z JOYNAMOZLARI bilan kelishlarini so'rab qolamiz.

Hayit Namozida ma'ruza, suhbatlar O'zbek tilida olib boriladi.

Hayit Namozidan keyin tashrif buyuruvchilarga BAYRAM OSHI tortiq qilinadi.

Vaqti: 02-May, Dushanba ertalab 07:00

Manzil: Metropolitan Ballroom
2555 Shell Road
Brooklyn, NY 11223

Telefon:
9292679398
3473553300