#onlineavtomaktab
Уйда қолинг! Карантинда биз билан “Йўл ҳаракати қоидалари”ни ўрганинг! Телеграм ижтимоий тармоғида онлайн автомактаб ташкил қилинган бўлиб, бошланғич ва профессионал ўрганувчилар учун дарслар бепул олиб борилади. Аъзо бўлинг ва уйда ўтириб вақтдан унумли фойдаланинг, бепул таълим олинг. Биз сиз учун хизмат қилишдан маъмнунмиз. Дарсларга қўшилиш @boltaboyqodirov

ЭЪЛОН!
Ҳурматли юртдошлар карантин сабабли ҳозирда барча фуқароларимиз уйларида. Аҳолимиз орасида ёлғиз кексалар, кам таъминланган ва боқувчисини йўқотган оилалар ҳам мавжуд. Беруний туманида жамоатчилик асосида фаолият кўрсатувчи ҳомийлик хайрияларини мувофиқлаштириш маркази “Саҳоват уйи” ташкил қилинди. Мазкур ҳайрия марказида тадбиркорлар, кўнгилли волонтёрлар томонидан ёлғиз қариялар, ижтимоий кўмакка муҳтож оилаларга озиқ-овқат маҳсулотлари, бир қанча турдаги товарларни йиғиш ва тарқатиш ишлари тизимли йўлга қўйилган.
Ҳайрия ишларида қатнашиб ёрдам кўрсатмоқчи бўлган саҳоватли инсонлар учун Маҳалла хайрия жамоат фонди Беруний туман бўлинмаси Агробанк филиали
ИНН 201860088 МФО-00607
Манзил: Беруний тумани Шайх Аббос Валий жомеъ масжидининг (Шоббоз бува) “Саҳоват уйи”
(861) 524-26-10
Яхшиликнинг мукофоти ҳам яхшиликдир.

Беруний туман ҳокимлиги, туман прокуратураси ва Ўзбекистон Республикаси Бош прокуратураси ҳузуридаги иқтисодий жиноятларга қарши курашиш департаменти, Қорақалпоғистон Республикаси Беруний тумани бўлими, туман Солиқ инспекцияси ташаббуси билан Навоий, Шимом ОФЙ ҳудудларида “Элга хизмат” савдо ярмаркалари ташкил қилинди. Ярмаркага кираверишда ҳар бир фуқаронинг ҳарорати ўлчаниб, дезинфекция ишлари амалга оширилгач кириш учун рухсат берилмоқда. Карантин сабабли фуқароларимизга енгилликлар яратиш мақсадида озиқ-овқат ва қишлоқ ҳўжалиги маҳсулотлари ярмаркаларида арзонлаштирилган баҳода ун, ёғ, гўшт ва гўшт маҳсулотлари, тухум ва парранда гўштлари шунингдек томорқа учун кўчатлар ҳам сотилиши ташкил қилинди. Ижтимоий кўчма дорихонада барча тиббий дори-дармонлар мавжуд бўлиб харидорлар бундай ташаббусдан жуда маъмнун бўлдилар. Инфекция тарқалишининг олдини олиш бўйича кенг қамровли ҳаракатлар амалга оширилмоқда шу сабабли шахсий автомобиллар ҳаракатига ҳам вақтинчалик чеклов ўрнатилган. Бундай бозорларнинг ҳудудимизга келиши жуда қувонарли, бу вақтинчалик карантин эса ўткинчи эртага яна ҳаётимиз изга тушиб кетади. Фақат сабр билан уйда утиришимиз ва тозаликка риоя қилишимиз зарурдир деди биз билан суҳбатда Навоий ОФЙ турғуни Ю.Халлилаев. Бу каби ярмаркалар туманимизнинг бошқа ҳудудларида ҳам ташкил қилиниши белгиланган.
Беруний тумани ҳокимлиги ахборот хизмати.

Коронавирус инфекцияси Ўзбекистон ҳудудига кириб келиб, карантин чекловлари ўрнатилганига ҳам мана роппа-роса бир ой тўлди. Манашу бир ой ичида барча умумтаълим мактабларида вақтинча таътил эълон қилиниб, янги чоракни ҳам онлайн дарслар орқали уйда бошлаб олдилар. Беруний туманидаги ХТБ га қарашли умумтаълим мактаблари ўқувчилари онлайн олимпиадаларда қатнашиб, билимларини синаб кўрдилар. Натижалар аъло 20 дан зиёд ўқувчилар фанлардан юқори кўрсатгичларни эгаллаб махсус дипломга эга бўлди. Шундай оилалардан бири тумандаги “Тўқимачи” МФЙ да истиқомат қилувчи Аллабергеновлар хонадонининг 3 нафар набиралари, Бутунроссия онлайн олимпиадасида иштирок этиб, хар бири фаҳрли 1-ўринни эгаллади. Оила аъзоларининг қувончлари чексиз. Айниқса бувижони Гулчеҳра опа набираларининг ютуғидан беҳад ҳурсанд. Асалхон қизим соатлаб китобдан бошини кўтармайди. Аниқ фанларга қизиқиши баланд. Уйга вазифаларини бирга ўтириб, муҳокама қилиб бажарамиз. Ҳозир нафақадаги ўқитувчиман. Уйдаги таълимда ўқитувчилик кўникмаларим жуда ас қотиябди. Барчамиз биргаликда бадиий адабиётлар мутолаа қиламиз, томорқага ишлов берамиз деди биз билан суҳбатда Гулчеҳра опа. Иҳчамгина ҳовлининг боғ-роғлари, полиз экинлари кўзни қувнатади. Ўқишдан бўш пайтларимизда бувижонимга қарашиб, томорқа ишлари билан банд бўламан, ёшликдан меҳнатга ўрганмоқдамиз деб айтиб ўтди Малоҳатхон қизимиз. Тумандаги 35-сонли мактабда ўқийман. Хозирда карантин сабабли уй таълимини ўзлаштирмоқдамиз. Барча тенгдошларимни вақтдан унумли фойдаланишга ва ўз устида ишлашга чақириб қоламан. Фарзандларимизнинг бугунги ютуғи ва қувончи эртанги юрт равнақидаги мустаҳкам пойдеворнинг кафолатидир.
Беруний тумани ҳокимлиги ахборот хизмати.