#Ўзбекистон Республикаси Президентининг “Бирлашган Миллатлар Ташкилоти Бош Ассамблеясининг 2021 йил 18 майдаги “Орол бўйи ҳудудини экологик инновацион ва технологиялар ҳудуди деб эълон қилиш тўғрисида”ги махсус резолюциясини амалга ошириш чора-тадбирлари тўғрисида” 2021 йил 29 июлдаги ПҚ–5202-сон Қарори ижроси юзасидан амалга оширилаётган ишлар бўйича Беруний ОФЙда жойлашган “Қотти оғар” каналидаги Беруний-1 лойиҳаси бўйича янгидан қурилаётган кўприк ўрганилди. Қурувчиларга керакли тавсиялар берилди ва фикр мулоҳазаларини билдириб ўтди.

#Қишлоқ ҳўжалигида сув тежовчи технологиялардан фойдаланиш бугунги куннинг долзарб масаласи ҳисобланади. Сенатор Беруний туманида томчилатиб суғориш технологияси жорий этилган ҳудудда бўлди. Беруний ОФЙ ҳудудидаги “Беруний кластер” МЧЖнинг 14 гектарлик пахта майдонга сув тежовчи ускуналар ўрнатиб ишга туширилган.


#Сув 30 метр ер тагидан артизан қудуқ ҳамда 25 метр чуқурликда сув чиқарувчи насос орқали чиқариладиган бўлиб, ушбу ускуна 24 соат сув билан таъминлайди.Ушбу технология қурилиши учун ҳар бир гектар учун 22.0 млн сўм маблағ сарфланган, пахта ҳосилдорлигини 10 центенерга ошириш имконияти яратилади. Натижада деҳқонларимиз дорамади ошиши кўзланган.
Сенатор М.А.Салимова бугунги кундаги суғориш ишлари энг долзарб масала эканлиги ва бу каби ишларни барча далаларга тадбиқ қилиш кераклигини таъкидлади.

#Туманда йирик ишлаб чиқарувчи BERUNIY TEXTILE INVEST МЧЖ корхонаси фаолияти билан танишди. Корхонанинг асосий иш фаолияти ип калава маҳсулотлари ишлаб чиқариш бўлиб, корхонанинг йиллик қуввати 8500 тонна пахта толаси ишлаб чиқилишига мўлжалланган. Ҳозирги кунда корхонада 300 дан ортиқ ҳодимлар 3 сменада иш олиб бормоқда. Ишлаб чиқарилаётган ип калава Хитой, Туркия давлатларига экспорт қилинмоқда. Жорий йил июн ҳолатига 5 млн. 215 минг АҚШ. доллар экспорт амалга оширилган.


#Корхона фаолиятини кенгайтириш мақсадида 2022 йил ҳудудий инвестиция дастури доирасида қиймати 16,0 млрд. сўмлик “Тайёр кийим ишлаб чиқариш” лойиҳасини амалга ошириш белгиланган бўлиб, ҳозирда Туркия давлатидан
500 АҚШ минг доллар маблағ ҳисобига ускуналар олиб келиниб монтаж ишлари олиб борилмоқда. Лойиҳа амалга оширилиши натижасида 500 нафар иш ўринлари яратилиши кутилмоқда. Сенатор Туркия давлатидан келган мутахассис ҳамда BERUNIY TEXTILE INVEST МЧЖ билан ҳозирда амалга оширилаётган ва келгусидаги лойиҳалар юзасидан мулоқот олиб бориди.

#Сенатор тумандаги Аҳоли бандлигига кўмаклашиш маркази ҳодимлари ишлари билан танишиб чиқиб, марказга мурожаат қилиб келган фуқаролар билан суҳбат ўтказди. Шунингдек, 2022 йил давомида 1613 та янги иш ўринлари режалаштирилган бўлиб, шундан январ-июнъ ойларида 788 та янги иш ўринлари яратилиши режалаштирилган амалда 788 та янги иш ўринлари яратилиб, режа 100 % бажарилган, йил бошидан 324 нафар ишсиз фуқаролар жамоат ишларига жалб қилинган шундан, 62 нафари ёшлардан иборат. Йил бошидан чет элда ишлаб қайтган меҳнат мигрантлари 3971 нафар бўлиб шундан 3582 нафарининг бандлиги таъминланган.


#Ташриф якунида Сенатор М.А.Салимова аҳоли бандлигини таъминлаш бугунги кундаги энг долзарб масала эканлиги ва бу борада тегишли чора-тадбирларни амалга ошириш лозимлиги бўйича кўрсатмалар берди.

“Темир дафтар”, “Аёллар дафтари” ва “Ёшлар дафтари”га киритилганлар билан манзилли ишлаш масалалари ва уларни дафтардан чиқариш механизмлари бўйича сенатор М.А.Салимова Лолазор МФЙда маҳаллада ишловчи маҳалла раиси, ҳоким ёрдамчиси, ёшлар етакчиси, профилактика инспектори, ҳотин қизлар фаоли билан суҳбат ташкил қилди.

“Темир дафтар”, “Аёллар дафтари” ва “Ёшлар дафтари”га киритилган оилалар ва уларга кўрсатилган ёрдамлар билан танишди. Бундан ташқари Лолазор МФЙдаги йўллар қурилиши, бандлик масалалари, маҳалладаги тадбиркорликни ривожлантириш учун яратилаётган шарт шароитлар тўғрисида ҳам суҳбатлашди ҳамда тегишли кўрсатмалар берди.
Шунингдек Лолазор МФЙ Тош кўчасидаги аҳоли хонадонлари ўрганилиб фуқароларнинг мурожаатлари тингланди. 🟢 Beruniy tumani hokimligi axborot xizmati
Web sayt || Instagram | Facebook | Telegram |