Өфөлә «Елкән» телевизион конкурсы лауреаттары концерты үтте

Башҡорт композиторҙары әҫәрҙәренә яңы һулыш. Өфөлә йәштәр араһында башҡорт классик музыкаһын башҡарыусыларҙың «Елкән» телевизион конкурсы лауреаттары концерты үтте. Ул Федор Шаляпин исемендәге музыка музейында ойошторолдо. Балалар башҡарыуында Хөсәйен Әхмәтов, Нариман Сабитов, Рәүеф Мортазин, Рафаил Ҡасимов, Светлана Шаһиәхмәтова, Илдар Хисаметдинов һәм Урал Иҙелбаев әҫәрҙәре яңғыраны.

Башҡортостанда 2024 йылда федераль программа буйынса 6 мәктәп төҙөкләндерелгән

Башҡортостанда 2024 йылда федераль программа буйынса 6 мәктәп төҙөкләндерелгән, тағы ла 25 уҡыу йортонда алып барылған капиталь ремонт киләһе йылға тамамланасаҡ. Был турала Башҡортостан башлығы Радий Хәбиров социаль селтәрҙәрҙәге сәхифәләрендә яҙа.

Башҡортостан менән Санкт-Петербург араһында хеҙмәттәшлек тураһында килешеүгә ҡул ҡуйылды

Өфөлә Дәүләт Йыйылышы - Ҡоролтай һәм Санкт-Петербургтың закондар сығарыу йыйылышы араһында хеҙмәттәшлек тураһында килешеүгә ҡул ҡуйылды. Документҡа ярашлы, парламент-ара бәйләнештәр яңыртылған юл картаһы буйынса төҙөлә.

Өфөлә ҡырҡылған урмандар урынына яңы үҫентеләр ултыртыла

Был турала Өфө ҡалаһы хакимиәтендә үткән матбуғат конференцияһында Архитектура һәм ҡала төҙөлөшө идаралығы етәксеһе Руслан Хәйруллин белдерҙе. Әле Өфөлә күләмле өс инфраструктара проекты тормошҡа ашырыла, улар инженер селтәрҙәре һуҙыу, йәғни газ, һыу, канализация һуҙыу менән бәйле. Эш барышында 30 гектар тирәһе ағасты ҡырҡырға тура килә. Әммә Руслан Хәйруллин әйтеүенсә, ҡырҡылғандары урынына Өфөнөң төнъяҡ өлөшөндә яңы үҫентеләр ултыртыу ҡаралған. Был бурыс коммуникация селтәрҙәрен һуҙған компаниялар иңенә ята. Бөтәһе 150 меңгә яҡын ылыҫлы ағас ултыртыла.

Хәйбулла районында «Икмәк» фестивале ойошторолдо

Икмәккә мәҙхиә йырлаусы фестивалгә хужабикәләр тәмле бәлеш бешерҙе. Улар сарала ҡатнашыусыларға боронғо рецептар ҙа тәҡдим итте, ғаилә йолалары менән таныштырҙы. Икмәк бешереүселәр, кондитерҙар, шәхси эшҡыуарҙар һәм уңған хужабикәләр ҡатнашлығындағы байрам хаҡында киләһе яҙмала.

Республикала һөнәри байрамдары алдынан иң яҡшы уҡытыусылар билдәләнде

Исемлектә мәктәп-колледждар, туған тел һәм полилингваль белем биреү усаҡтары уҡытыусылары ла бар ине. Йәмғеһе 100 белгес 50 меңешәр һумлыҡ сертификатҡа эйә булды.

Баш ҡалала Уҡытыусылар көнөнә арналған тантналы ултырыш үтте

Өфөнөң Почетлы уҡытыусы исеме булдырылды. Тәүге наградалар бөгөн Уҡытыусылар көнөнә арналған тантналы ултырышта 16 педагогҡа тапшырылды. сарала шулай уҡ мәғариф хеҙмәткәрҙәре алдында торған бурыстар билдәләнде, уңыштар барланды.

Башҡортостандан йөҙгә яҡын яугир ике аҙналыҡ ялдан һуң йәнә алғы һыҙыҡҡа юлланды

«Өфө-арена» эргәһендәге майҙанда хәрбиҙәрҙе оҙатыу тантанаһы үтте. Уларҙың күбеһе мобилизация буйынса Ватан һағына баҫҡан. Хәрби комиссариат, ҡала хакимиәте вәкилдәре, дин әһелдәре үҙ сығыштарында ил мәнфәғәтен яҡлап хәрби бурыс үтәгән яҡташтарыбыҙҙың ҡаһарманлыҡ, илһөйәрлек өлгөһө булыуын билдәләп, имен ҡайтыуҙарын теләне. Яугирҙарҙың күбеһе отпускыһын ғаиләһе эргәһендә уҙғарған, көнкүреш эштәр менән булған.

Рәсәй Президенты Владимир Путин армияға көҙгө саҡырыу кампанияһы тураһындағы указға ҡул ҡуйҙы

Рәсми мәғлүмәткә ярашлы, быйыл илдә хәрби хеҙмәткә 133 мең кеше саҡырыла. 1 октябрҙән йыл аҙағына тиклем дауам иткән кампанияла 18 йәштән 30 йәшкә тиклем ир-егеттәр армияға алына. Башҡортостан илебеҙ Ҡораллы көстәренә бөтәһе 4 меңдән ашыу һалдат ебәрәсәк. Хеҙмәт итеү ваҡыты элеккесә бер йыл дауам итә. Хеҙмәткә яңы алынған егеттәрҙе республиканың йыйылма пунктынан октябрь уртаһында оҙата башлаясаҡтар. Йәш әрмистәр махсус хәрби операцияға йәлеп ителмәйәсәк.

Һыу менән сауҙа итеүселәр һәм «Уфаводоканал» араһында бәхәс

Ярты йылдан ашыу вендинг автоматтары аша һыу ҡойоп һатыу итеүсе Өфө эшҡыуарҙары менән тәьминәтсе ойошма араһында бәхәс бара. Эшҡыуарҙар менән улар туранан-тура килешеүҙәр төҙөүҙән баш тарта, быны үҙәкләштерелгән һыу менән тәьмин итеү, һыу ағыҙыу системаларына тоташтырыуға техник шарттар биреү мөмкин түгеллеге менән аңлаталар. Мәсьәләнең сиселеше киләһе яҙмала.

Баймаҡта дәүләт проекты ярҙамында һыу мәсьәләһе ыңғай хәл ителгән

Урындағы башланғыстарҙы яҡлау программаһына ауыл биләмәләре, мәктәп, балалар баҡсалары ғына түгел, һуңғы йылдарҙа ҡалала йәшәүселәр ҙә әүҙем ҡушыла. Баймаҡтың Социалистик урамы халҡы проект ярҙамында һыу мәсьәләһен ыңғай хәл иткән.

«Сәләм» телеканалы республика район-ҡалалары телестудиялары хеҙмәткәрҙәре өсөн уҡыуҙар ойошторҙо

Интенсив курста журналистар һәм операторҙар алдында тәжрибәле белгестәр сығыш яһаны, муниципаль телевидение хеҙмәткәрҙәре өсөн оҫталыҡ дәрестәре ойошторолдо. Белемде камиллаштырыу, тамашасыларға сифатлы контент әҙерләү маҡсатында ойошторолған уҡыуҙарҙа барлығы 62 муниципаль телекомпания хеҙмәткәре ҡатнашты.

Автоинспекция бәлиғ булмаған водителдәр өсөн язаны ҡәтғиләштерергә тәҡдим итә

Был тема Республика парламентында түңәрәк өҫтәлдә ҡаралды. Быйыл Башҡортостанда мототранспорт йөрөткән балалар ҡатнашлығында 48 авария булған. Уларҙа бер баланың ғүмере өҙөлгән, 50-гә яҡыны йәрәхәттәр алған. Шулай уҡ электр самокаттар менән аварияға тарыған 14 балаға табиптар ярҙамы күрһәтелгән.

Башҡортостанда Ырымбур өлкәһе менән сик буйына тиклем юл ремонтлана

Аҡъяр һәм Новочеркасск араһында төҙөкләндереү эштәре бара. Юлдың оҙонлоғо 14 километрға яҡын. Ул ҙур социаль әһәмиәткә эйә, ике төбәкте тоташтыра, тип хәбәр итәләр Республика юл хужалығы идаралығынан. Шулай уҡ Таналыҡ йылғаһы аша күпер капиталь ремонтлана. Эштәр билдәләнгән план буйынса бара.

Ил хөкүмәте мәктәптәрҙә тәмәке тартыуҙы тыйыу тураһында проектты хупланы

Административ кодексҡа төҙәтмәләр әҙерләнде. Республика парламенты рәйесе Константин Толкачев белдереүенсә, мәктәп һәм балалар баҡсалары биләмәләрендә тәмәке, шулай уҡ вейптар ҡулланыуҙы сикләү маҡсаты ҡуйыла. Штрафты 3 мең һумға тиклем еткереү тәҡдим ителә. Закон проекты Дума ҡарауына тапшырыла. - Статистика буйынса өлкән кластарҙы белем алыусыларҙың 60 проценты парта. Наркологтар быны электрон тәмәке, вейптарға мода булыуы аңлата. Бындай хәлде үҙгәртергә тейешбеҙ, - тине Константин Толкачев.

Башҡортостан башлығы гранттары фондына биш йыл тулды

Ошо ваҡыт эсендә ул коммерция булмаған ойошмаларҙың төрлө өлкәләрҙәге социаль әһәмиәтле башланғыстарына ярҙам күрһәтә. Төбәк етәксеһе Радий Хәбиров социаль селтәрҙәрҙә яҙыуынса, 2020-2024 йылдарҙа мәҙәниәт, спорт, һаулыҡ мөмкинлектәре сикләнгәндәргә ярҙам итеү, кинематография, киң мәғлүмәт саралары, йәштәр сәйәсәте, республика халыҡтары телдәрен һаҡлау һәм үҫтереү өлкәһендә 830 проектҡа грант бүленгән. Был ваҡыт эсендә 20 конкурс үткәрелә, уларға 4 меңдән ашыу ғариза ҡабул ителә.

Өфөлә ғалимдар Арктиканы үҙләштереү мәсьәләләре тураһында фекер алышты

Донъяның билдәле ғалимдары Валериан Альбанов исемендәге ҡотопсолар музейында Арктиканы үҙләштереү мәсьәләләре тураһында фекер алышты. Ҡунаҡтарға Өфө фән һәм технологиялар университеты хеҙмәткәрҙәре эшләгән поляр балҡыш һәм планетаның башҡа геофизик күренештәрен фаразлау мөмкинлеге биргән виртуаль модель күрһәтелде. Унда шулай уҡ Ер шарының төньяғын һәм төньяҡ боҙло океанды өйрәнеү буйынса мәсьәләләр ҡаралды.

Хөсәйен Әхмәтов исемендәге Башҡорт дәүләт филармонияһы 86-сы ижад миҙгелен асты

Тантаналы саралар мәҙәниәт учреждениеһының бер юлы ике залында үтте. Ҙур залдағы осрашыу мәҫәлән, 450 йыллығын билдәләгән Өфөгә төрлө заман композиторҙарынан музыкаль бүләктәр тажы бүләк итте. Сәхнәлә бер юлы ике коллектив - Башҡортостандың милли халыҡ уйын ҡоралдары оркестры менән әҙәби-музыкаль лекторий сығыш яһаны. Өфөгә арналған танһыҡ йырҙар тамашасыларҙы йәнә бер нисә быуын үҫкән көй-моңдарҙы иҫкә төшөрҙө. Улар араһында башҡорт профессиональ композиторҙар мәктәбе корифейҙары Мәсәлим Вәлиев, Заһир Исмәғилев, Таһирйән Кәримов, Нариман Сабитов кеүек һәм башҡа авторҙарҙың композициялары яңғыраны.

Дмитрий Губерниев Өфөгә халыҡ-ара спорт форумына саҡырҙы

«17-19 октябрҙә яратҡан Башҡортостанымда, күркәм Өфөлә «Рәсәй - спорт дәүләте» халыҡ-ара спорт форумы үтә. Күләмле ваҡиға баш ҡаланың 450 йыллығы менән тап килеүе символик мәғәнәгә эйә».
Был турала билдәле спорт комментаторы Дмитрий Губерниев белдерҙе. Ул яҙҙырған видеояҙманы республиканың Спорт министрлығы үҙенең telegram-каналында урынлаштырған. Телевидение алып барыусыһы билдәләүенсә, Башҡортостанда спортҡа ҙур иғтибар йәлеп ителгән. Республика үҫешә, спорт объекттары төҙөлә.
Шуға ла Өфөлә көслө пленар дискуссиялар һәм спорт саралары уҙа. Барығыҙҙы ла мәҙәни, мәғариф, спорт программаларында әүҙем ҡатнашырға саҡырам. Рәсәйҙе ысын мәғәнәһендә бөйөк спорт иле итәсәкбеҙ. Осрашҡанға тиклем! - тип әйткән Дмитрий Губерниев.

Өфөлә төҙөкләндерелгәндән һуң, сираттағы күп ҡатлы йорт ихатаһы файҙаланыуға тапшырылды

Өфөнөң Черниковка биҫтәһендә төҙөкләндерелгәндән һуң, сираттағы күп ҡатлы йорт ихатаһы файҙаланыуға тапшырылды. Тантаналы шарттарҙа үткән сара олоһон да, кесеһен дә бергә йыйҙы. 80-се йылдар башында туғыҙ ҡатлы йорт сафҡа ингәндән алып биләмәпә ремонт эштәре уҙғарылмаған. Мәсьәлә тик быйыл «Башҡорт ихаталары» республика программаһы ярҙамында хәл ителә. Һөҙөмтәлә, ҡала ихатаһы танымаҫлыҡ булып үҙгәрә.