Өфөлә етенсе Кузеев уҡыуҙары үтте

Өс йылға бер ойошторолған форум быйыл «Этнос. Йәмғиәт. Цивилизация» тип атала һәм бөйөк ғалим, этнограф Раил Кузеевтың тыуыуына 95 йыл тулыуға арнала. Тарихи дата айҡанлы Археология һәм этнография музейында күргәҙмә лә асылды.

Баймаҡ ҡалаһында «Йәйге шайморатовсылар уйынының» төбәк этабы үтте

Ярыш-уйындың төп маҡсаты йәш быуында рухи-әхлаҡи ҡиммәттәрҙе формалаштырыу, сәләмәт тормош алып барыу, әүҙем гражданлыҡ позицияһын булдырыуға йүнәлтелгән. Тулыраҡ киләһе яҙмала.

Башҡортостан - хеҙмәт баҙары рейтингында бишенсе урында

Федерация субъекттарында хеҙмәт баҙарындағы хәлде баһалау өсөн РИА Яңылыҡтар аналитиктары 2023 йыл йомғаҡтары буйынса хеҙмәт баҙары буйынса төбәктәр рейтингын төҙөгән. Дөйөм алғанда илдең 83 төбәгендә хеҙмәт баҙарындағы хәл ыңғай яҡҡа үҙгәргән. Рейтингты иҫәпләгәндә, тикшерелгән өлкәләге хәлде билдәләүсе һигеҙ күрһәткес анализланған. Улар - хеҙмәт хаҡы кимәлен, мәшғүллекте, хеҙмәт шарттарын үҙ эсенә ала.

Башҡортостанда студенттар исемле стипендияларға лайыҡ булды

Башҡортостан Хөкүмәте уҡыуҙа һәм ғилми эшмәкәрлектә уңышҡа өлгәшкән студенттарға исемле стипендиялар тәғәйенләү тураһында ҡарар ҡабул иткән. Рауил Бикбаев, Мостай Кәрим, Ирек Мөҡсинов һәм Сосланбәк Тавасиев исемендәге дәртләндереү сараларына һигеҙ кеше лайыҡ булған. Уларҙың күбеһе Өфө фән һәм технологиялар университетында белем ала.

Республика мәктәп ашханаларында меню төрләндерелде

Уҡыусыларға бушлай бер нисә гарнир, ит һәм эсемлек тәҡдим ителә. Яңылыҡтың төп идеяһы - ассортиментты арттырып, йәш организмды кәрәкле файҙалы элементтар менән тәьмин итеү. Бөгөн яңы меню республиканың 35 муниципалитетында айырым мәктәптәрҙә индерелгән. Бының өсөн ашхананың техник тәьминәте юғары булырға тейеш.

Өфөлә үҫмерҙәрҙең репродуктив һаулығын һаҡлау үҙәге организмға иғтибарлыраҡ булырға өйрәтә

Ойошма республика медицина-генетика үҙәге базаһында урынлашҡан. Ярты йыл самаһы элек эш башлаған ойошмала бөгөн 500-ҙән ашыу егет һәм ҡыҙ медицина тикшереүе үтеп, белгестәрҙән квалификациялы ярҙам алған. Ул Башҡортостанда үҫмерҙәрҙең репродуктив һаулығын һаҡлауға йүнәлтелгән илдәге икенсе үҙәк.

Өфөнөң 2-се балалар баҡсаһында яңы уйын майҙансығы асылды

Кескәйҙәр ҡаласығын «Башнефть» компанияһы төҙөгән. Был эш Башҡортостан менән «Роснефть» араһындағы хеҙмәттәшлек килешеүенә ярашлы башҡарылған. Заманса уйын биләмәһен асыу тантнанаһынан репортаж.

Республикала 27 ҡала һәм районда йылытыу миҙгеле башланды

Бөгөнгә 1 мең самаһы күп фатирлы йортҡа, 700-ҙән ашыу социаль объектҡа йылы бирелгән. Торлаҡ-коммуналь хужалыҡ министрығынан ошо турала белдерәләр. Башҡортостанда йылылыҡ миҙгелен башлауҙың берҙәм көнө ҡаралмаған. Һәр хакимиәт үҙе ҡарар ҡабул итә.

Башҡортостанда миллион тонна шәкәр сөгөлдөрө ҡаҙып алынды

Ауыл хужалығы министрлығынан хәбәр итеүҙәренсә, бөгөнгә баҫыуҙарҙың 40 процентында эш теүәлләнгән. Һәр гектар уртаса 438 центнер уңыш бирә. Шәкәр заводтары 141 мең тоннанан ашыу сеймал эшкәрткән, 17 мең тонна шәкәр етештерелгән. Быйыл шәкәр сөгөлдөрөнән 2 миллион 400 мең тонна уңыш көтөлә.

Курск өлкәһе губернаторы Алексей Смирнов Радий Хәбировҡа һәм республика халҡына рәхмәт белдерҙе

«Украина Ҡораллы көстәренең террористик һөжүме һөҙөмтәһендә Курск өлкәһенең күп кенә халҡы эвакуацияланырға мәжбүр була. Кешеләр ауыр тормош хәлендә ҡала, яҡындарын, торлаҡтарын юғалта. Рәсәйҙең бөтә субъекттары ла беҙгә теләктәшлек күрһәтә. Балаларыбыҙҙы, ғаиләләребеҙҙе туғандары кеүек ҡаршы ала. Курск өлкәһенә көн һайын гуманитар ярҙам килә. Беҙ бик рәхмәтлебеҙ! Һеҙҙең һәм Башҡортостан халҡының күрһәткән ярҙамы баһалап бөткөһөҙ. Бергәләп бөтә ауырлыҡтарҙы еңеп сығырбыҙ, тағы ла көслөрәк булырбыҙ һәм еңербеҙ, тип ышанам», - тиелә Башҡортостан башлығы исеменә килгән хатта.

Өфөлә сираттағы йәмәғәт урыны асылды

Яңы сквер Телеүҙәк артында, тарихи һыу башняһы майҙанында урынлашҡан. Майҙанда ағастар ултыртылған, ял өсөн уңайлыҡтар булдырылған.

Александр Доставалов исемендәге Башҡорт кадет корпусы Волга буйы федераль округында иң яҡшыһы

Иң яҡшы кадет корпусы байрағы йәнә Ишембайҙа. Рәсәй Геройы Александр Доставалов исемендәге Башҡорт кадет корпусы Волга буйы федераль округында иң яҡшыһы тип билдәләнде. Был исемгә уҡыу йорто икенсе йыл рәттән лайыҡ була. Еңеү менән уларҙы үҙенең социаль селтәрҙәрендә Башҡортостан башлығы Радий Хәбиров та ҡотланы. «Бында ҡаты дисциплина, көслө уҡыу базаһы, бер нисә тел өйрәтелә, күп түңәрәктәр һәм секциялар эшләй, спортҡа айырым баҫым яһала», - тип яҙған төбәк етәксеһе.

Өфөлә Башҡортостан Халыҡтар дуҫлығы йортоноң «Минең күп милләтле ғаиләм» проектына йомғаҡ яһалды

Күләмле сарала башҡарма власть органдары, дини ойошмалар, милли-мәҙәни үҙәктәр, «Ватан һаҡсылары» дәүләт фонды филиалы вәкилдәре ҡатнашты.

Башҡортостан ирекмәндәре «Һаҡлаусы фәрештә» почет билдәһенә лайыҡ булды

Награданы бөгөн Әхмәтзәки Вәлиди исемендәге Милли китапханала Мәскәүҙән килгән ҡунаҡтар-Рунет яҙыусылар союзы етәкселәре тапшырҙы. Республикала тәүге тапҡыр бирелгән Почетлы билдә менән 8 ирекмән бүләкләнде.

Өфөгә Татарстандың дәүләт йыр һәм бейеү ансамбле килде

Өфөгә «Бейеү - халыҡ күңеле» Халыҡ-ара хореография сәнғәте фестивале сиктәрендә Татарстандың дәүләт йыр һәм бейеү ансамбле килде. Ижади коллектив бер сәхнәлә Фәйзи Ғәскәров исемендәге дәүләт академия халыҡ бейеүҙәре ансамбле менән сығыш яһаны. Донъя халыҡтары бейеүҙәре оркестр башҡарыуындағы тере музыка менән оҙатылып барҙы.

Башҡортостан күп функциялы үҙәге илдә иң яҡшыһы тип танылды

Ул Бөтә Рәсәй конкурсында өс номинацияла юғары баһа алды. - Бер юлы өс номинацияла еңеү - тәүге тапҡыр. Республикала күп функциялы үҙәктәр эшен яҡшыртыу буйынса ҙур эш башҡарыла. Офистарҙы уңайлыраҡ итәбеҙ. Йыл һайын беҙҙең үҙәктәр 3 миллиондан ашыу кешене хеҙмәтләндерә. Башҡортостанда 77 офис һәм 443 бүлексә бар. Ҙур команда эше өсөн рәхмәт, - тип яҙа Радий Хәбиров.

Өфөлә Рәсәйҙең бөтә педагогик университеттары исемен йөрөтәсәк йүкәләр ултыртылды

Мәғариф аллеяһы Башҡорт дәүләт педагогия университеты майҙанында «Йәшел Башҡортостан» акцияһы буйынса барлыҡҡа килде. Сара сиктәрендә республика район-ҡалаларында 40 меңдән ашыу төп ағас һәм ҡыуаҡлыҡтар ултыртылған.

7 октябрҙә Башҡортостанда «Салют» балалар реабилитация комплексы асыла

Был хаҡта социаль селтәрҙә Радий Хәбиров хәбәр итте. «Бер нисә йыл элекүҙенсәлекле балаларҙың ата-әсәләре менән осрашыуҙа беҙҙә мотлаҡ ҙур, заманса реабилитация үҙәге барлыҡҡа киләсәк тип вәғәҙә бирҙем. Һәм был вәғәҙәмде үтәнем. Ҡыҙғанысҡа ҡаршы, балалар ауырый. Бындай осраҡтарҙа улар өсөн иң яҡшы шарттар булдырырға, дауалау, реабилитациялау һәм уҡытыуҙың иң яҡшы методикаларын тупларға кәрәк», - тип яҙҙы төбәк етәксеһе.

Нуғай ауылында йәшәүсе ханым үҙ ихатаһында ҡомартҡы күргәҙмәһе ойошторған

Теплица урына тирмә, ә тирмәлә музей. Нуғай ауылында йәшәүсе ханым үҙ ихатаһында ҡомартҡы күргәҙмәһе ойошторған. Заманса тирмә эсендә ике йөҙ йыллыҡ тарихы булған экспонаттар ҙа күрергә мөмкин. Һәм был музейҙы ул тулыһынса үҙ көсө менән туплаған.

Өфөлә оҫталар республика төрлөлөгөн сағылдырған үҙенсәлекле сувенирҙар тәҡдим итте

Туризм өлкәһендә үҙ эшен аҡан кәсеп оҫталарына киң юлдар. Оҫталар «Туристик сувенир» бөтә Рәсәй конкурсының республика этабы сиктәрендә ярышты. Өфө районы Дорогин ауылынан Гөлсөм Хөсәйенова Дим буйы башҡорттарының күкрәк кейеме күсермәһен алып килгән. Үҙе аутентик материалдарҙан милли кейем өлгөләрен тергеҙеү менөн шөғөлләнә. Түшелдерек, һаҡалдарҙы боронғо көмөш тәңкәләр, ҡыҙыл мәрйендән муйынсаҡтар, тәбиғи таштар менән биҙәй, ә ситтәрен кител төймәләр менән нығыта.