Торлаҡ-коммуналь хужалығы өлкәһендә йыл һайын үткәрелеүсе конкурс башланды

Башҡортостан башлығы Радий Хәбиров торлаҡ-коммуналь хужалығы өлкәһендә йыл һайын үткәрелеүсе конкурс башланыуы тураһында иғлан итте. Төбәк етәксеһе был турала социаль селтәрҙәрҙә яҙҙы.

Октябрьский ҡалаһында яңы мәҙәниәт һарайы барлыҡҡа киләсәк

Хөкүмәттең бөгөнгө оператив кәңәшмәһендә Радий Хәбиров мәҙәниәт министрлығына төбәктә мәҙәниәт һарайы төҙөү мәсьәләһен ҡарарға ҡушты. Кисә эш сәфәре барышында урындағы халыҡ 100 меңдән ашыу кеше йәшәгән ҡалала концерт майҙансығы булмауына зарлана.

Баймаҡ районы Түбә ауылына - 110 йыл

Ошо уңайҙан биләмәлә төрлө мәҙәни саралар, тематик осрашыуҙар ойошторола, тарих барлана. Түбә теген фабрикаһы эшселәренә арналған кисәлә БЮТ ижади төркөмө лә ҡатнашты.
Ҡасандыр Түбәлә йоҙаҡ, тимер беркеткестәр эшләү заводы, тау‐байыҡтырыу руднигы гөрләп эшләй. Ул мәлдә ауыл ҡасаба статусына эйә була.

Башҡортостанда Оборона министрлығы менән контракт төҙөү дауам итә

Ватан һағына баҫырға теләүселәр Өфө ҡалаһы Революция урамында урынлашҡан һайлау пунктына мөрәжәғәт итә ала. Граждандың үҙе менән паспорт, хәрби билет, СНИЛС, ИНН һәм банк картаһы реквизиттарын алыу мотлаҡ.

Пять интересных фактов про выборы в Башкирии

- Голосование традиционно будет проходить три дня: 6,7 и 8 сентября

- Избирательные участки будут работать с 8.00 до 20.00 по уфимскому времени.

- Башкирия выбирает Главу Республики, в Уфимском районе пройдут довыборы в парламент, а во многих городах и районах будут выбирать депутатов местных советов.

- Пожилые люди или инвалиды могут проголосовать дома. Позвоните в свою избирательную комиссию до 14 часов воскресения и вам принесут ящик для голосования.

- Общественная организация «Алга Патриот» проводит акцию «Рахмат-2024» - среди проголосовавших разыграют три квартиры, машины и сотни других ценных призов.

«Башҡортостан» полкының ремонт ротаһы ҡыҫҡа ваҡыт эсендә зыян күргән хәрби техниканы тергеҙә

Нығытырға һәм һаҡларға. «Башҡортостан» мотоуҡсылар полкының ремонт ротаһы ҡыҫҡа ваҡыт эсендә зыян күргән хәрби техниканы тергеҙә, уларға дронға ҡаршы селтәр һәм бронелистар йәбештерә.

Өфөләге банк хеҙмәткәрҙәре йәнә бер тапҡыр мутлашыу осрағын иҫкәртте

Баш ҡалала йәшәгән 67 йәшлек ҡатынға аферистар хоҡуҡ һаҡлау һаҡлау органдары хеҙмәткәрҙәре тип шылтырата. Улар, ханымды алдап, кемдер уға кредит бирергә маташа, шуға күрә ярты миллионға икенсеһен алырға кәрәк, тип ышандыра.

Рәсәй президенты Владимир Путин Монголия делегацияһын Өфөгә саҡырҙы

Билдәле булыуынса, быйыл октябрҙә Башҡортостандың баш ҡалаһы «Рәсәй - спорт державаһы» халыҡ-ара форумын ҡабул итә. Дәүләт башлығы Улан-Батыр ҡалаһына һуңғы биш йыл эсендә тәүге тапҡыр килде. Рәсми эш сәфәре барышында Владимир Путин Халхин-Гол йылғаһында Совет һәм Монгол ғәскәрҙәренең еңеүенең 85 йыллығына арналған байрам сараларында ҡатнашты.

Башҡортостанда ураҡ эше ай ярымға һуңлап бара

Шуға ҡарамаҫтан аграрийҙар яҡшы һөҙөмтәләргә ирешә. Әле ямғырһыҙ көндөң бер генә минуты ла бушҡа үтмәй. Һөҙөмтәлә аграрийҙар миллион тонна ашлыҡты ырҙын табаҡтарына оҙатҡан. Гектар ҡеүәте лә насар түгел. Уртаса күрһәткестәрҙән юғары. Ауыл хужалығындағы эш барышы менән бөгөн тармаҡ ведомствоһы етәксеһе Илшат Фәзрахманов таныштырҙы.

Дәүләт Йыйылышы- Ҡоролтайҙың көҙгө сессияһы башланды

Бөгөн Парламент рәйесе профессиональ нигеҙҙә эшләгән депутаттар менән осрашып алда торған бурыстарҙы билдәләне. Константин Толкачев әйтеүенсә, төп маҡсат булып республика иҡтисадына, махсус хәрби операция яугирҙарына һәм уларҙың ғаиләләренә ярҙам итеү, уңайлы хоҡуҡи база булдырыу тора. Парламент өсөн яҙғы сессия уңышлы үткән. Был осорҙа 8 пленар ултырыш үткәрелгән, бөтәһе 128 закон проекты ҡаралған, уларҙың 103-ө закон статусына эйә булған, шулай уҡ 338 ҡарар ҡабул ителгән.

Рәсәйҙә террорға ҡаршы теләктәшлек көнө билдәләнә

Бөгөн - Рәсәйҙә террорға ҡаршы теләктәшлек көнө. Был дата Беслан мәктәбендәге фажиғәнән һуң 2005 йылдан билдәләнә. Ошо айҡанлы бөгөн Өфөлә «Махсус хәрби операция һәм Рәсәйҙең милли төбәктәрендә терроризм һәм экстремизм идеологияһына ҡаршы тороу үҙенсәлектәре» тигән темаға түңәрәк өҫтәл үтте. Сарала дәүләт һәм йәмәғәт эшмәкәрҙәре, ғалимдар, дин әһелдәре, юғары уҡыу йорттары студенттары ҡатнашты.

Башҡортостанда «Башҡорт ихатаһы» программаһы сиктәрендә 143 ихата төҙөкләндерелә

Быйыл «Башҡорт ихатаһы» республикаһы программаһы сиктәрендә утыҙҙан ашыу муниципалитетта 143 ихата төҙөкләндерелә. Барлыҡ эштәрҙе ай аҙағына тамамлау ҡаралған. Өфөнөң Калинин һәм Орджоникидзе райондарында бер юлы дүрт биләмә үҙгәртеп ҡорола

Туймазыла айти технологияһы базаһын туплау мөмкинлеге тормошҡа ашырыла

Башланғыс белем менән бергә, айти технологияһы базаһын туплау мөмкинлеге Туймазы ҡалаһының 1-се гимназияһында тормошҡа ашырыла. «Һанлы мәғариф мөхите» федераль проекты сиктәрендә учреждениела быйыл алты кабинет йыһазландырыла.

Спиртлы эсемлектәрҙе ҡойоп һатыу кибеттәренә бәйле закон әҙерләнә

Дәүләт Йыйылышы–Ҡоролтайҙан хәбәр итеүҙәренсә, ҡанун проекты сентябрҙәге пленар ултырышта икенсе һәм өсөнсө уҡыуға сығарыла. Федераль законға ярашлы, төбәктәр ресторан, бар, кафе һәм буфеттарҙа хәмер һатыуға талаптар ҡуя ала. Бынан тыш, күп фатирлы йорттар йәки улар эргәһендә урынлашҡан йәмәғәт туҡланыу урындарында иҫерткес эсемлектәр һатыу ваҡытын сикләргә рөхсәт ителә. Республика депутаттары торлаҡ биләмәләрендә төнгө ваҡытта хәмер һатыуҙы тулыһынса тыйырға ниәтләй.

Бөйөк Ватан һуғышында Еңеүҙең 80 йыллығына юбилей миҙалы булдырылды

Президент Владимир Путин тейешле указға ҡул ҡуйҙы. Документҡа ярашлы, түңәрәк миҙал алтын төҫтәге металдан яһала. Уның ал яғында Рейхстаг бинаһына Ҡыҙыл Байраҡ ҡаҙаған яугир төшөрөлә. Миҙалдың арт яғында “Бөйөк Ватан һуғышында Еңеүҙең 80 йыллығы” тигән яҙыу уйыла. Рәсәй Хөкүмәтенә награданы эшләү бурысы йөкмәтелә. Юбилей миҙалы менән Бөйөк Ватан һуғышы ветерандары, тыл хеҙмәтсәндәре, элекке концлагерь тотҡондары бүләкләнә.

Башҡортостан мотоуҡсылар полкының миномет батареяһы яугирҙары сәпкә ут асып дошман һөжүмен тотҡарлай

Йөрәк ҡушыуы буйынса. Башҡортостан мотоуҡсылар полкының миномет батареяһы яугирҙары сәпкә ут асып дошман һөжүмен тотҡарлай, беҙҙең штурм төркөмдәренең алға барыуына булышлыҡ итә. Уларҙың уңышлы эшен командование ла бер нисә тапҡыр билдәләп үткән. Мотоуҡсылар ҡаһарманлығы хаҡында тулыраҡ киләһе яҙмала.

Башҡорт дәүләт педагогия университетында яңы магистр программаһы асылды

Мифтахетдин Аҡмулла исемендәге Башҡорт дәүләт педагогия университетында яңы магистр программаһы асылды. Башҡорт филология факультетында хәҙер «Полилингваль белем биреүҙә лингвистик дисциплиналарҙы уҡытыуҙың заманса технологиялары» йүнәлеше буйынса ла белем алырға мөмкин. Быйылғы уҡыу йылына 16 магистрант ҡабул ителгән. Уҡыу шарттары тураһында БЮТ хәбәрсеһе Әлфинә Килдейәрова.

Һуңғы 4 йылда Башҡортостанда 800-гә яҡын юл буйы сервисы объекты файҙаланыуға тапшырылған

Был проекттар дөйөм күләме яҡынса 7 миллиард һум тәшкил иткән инвестициялар ярҙамында тормошҡа ашырылған. Артабан был йүнәлеште үҫтереү мәсьәләләре Республика Хөкүмәтендә ҡаралды. Кәңәшмәлә министрлыҡ, ведомство етәкселәре һәм муниципалитет башлыҡтары ҡатнашты. Быйыл юл буйы сервисында 250 объект төҙөлгән, 220-һе яңыртылған. Ҡайһы бер муниципалитеттар был эштә артта ҡала.

Башҡортостанда күп балалы ғаиләләр өсөн льготалар артты

Урта профессиональ белем алған студенттарҙың уҡыуға түләүгә компенсация алыуға хоҡуғы барлыҡҡа килде. Бынан тыш, 1 сентябрҙән күп балалы ғаиләлә тәрбиәләнеүселәр ҡала автобустарында бушлай йөрөй ала. Льгота республиканың бөтә ҡалаларында ла ғәмәлдә.

Һаулыҡ мөмкинлектәре сикләнгән граждандар өсөн 5 махсус участка әҙерләнгән

Һаулыҡ мөмкинлектәре сикләнгән, шул иҫәптән һуҡырҙар һәм насар күреүселәр өсөн 6, 7 һәм 8 сентябрҙә Башҡортостан башлығын һайлауҙа тауыш биреүгә 5 махсус участка әҙерләнгән.
Теге йәки был сәбәп арҡаһында участкаға килә алмаған һайлаусылар иһә өйҙә лә тауыш бирә ала. Уның өсөн йәкшәмбе сәғәт икегә тиклем ғариза бирергә кәрәк. Инвалидтарға һайлау участкаһында тауыш биреү өсөн уңайлы шарттар тыуҙырыла.