БСТ телеканалалында «Геройҙар дәүере. Шайморатовҡа -125» тип исемләнгән телемарафон ойошторола

27 августа БСТ телеканалалында «Геройҙар дәүере. Шайморатовҡа -125» тип исемләнгән телемарафон ойошторола. Был көндө телевизор ҡараусыларҙы комдивтың тормошо һәм 112-се Башҡорт кавалерия дивизияһы тураһында программалар көтә. Шулай уҡ Махсус хәрби оперция биләмәһендә ҡатнашыусылар, контракт төҙөүселәр, ветерандар менән әңгәмәләр ойошторола.

Республикала тәүге тапҡыр Башҡортостан предприятиеларында эшләүсе йәштәр слеты уҙҙы

Шишмә районындағы «Патриот» паркында ойошторолған сара 200 йәш белгесте берләштерҙе. Улар өсөн көн дауамында ҡыҙыҡлы лекциялар, стратегик сессия үтте. Эшләүсе йәштәр менән Башҡортостан башлығы Радий Хәбиров та осрашты. Республика етәксеһе ҡатнашыусыларҙың һорауҙарына яуап бирҙе һәм слетты киләсәктә лә уҙғарыу кәрәклеген белдерҙе.

Өфөлә Эшҡыуарлыҡ акселераторы еңеүселәре билдәләнде

Өфөлә Евразия ғилми-белем биреү үҙәгенең «Яңы импульс» тип исемләнгән Эшҡыуарлыҡ акселераторы еңеүселәре билдәләнде. Проект ярҙамында йәш ғалимдарға үҙ башланғыстарын тормошҡа ашырыуға матди ярҙам бирелә. Йәмғеһе 110 кеше заявка тапшырған, уларҙың 34-е генә проекттарҙы яҡлау этабына үткән. Һөҙөмтәлә экология, медицина, IT-технологиялар кеүек бер нисә йүнәлеш буйынса 9 еңеүсегә ярты миллион һумға тиклем сертификат тапшырылды.

Нефтекамалағы «Искож» предприятиеһында октябрҙә яңы производство цехы асыла

Ойошмала транспорт өсөн хәүефһеҙ иҙән түшәме етештерелә башлай. Илле йылдан ашыу эшләп килгән еңел сәнәғәт предприятиеһында производство ҡеүәттәре арта, экспорт үсешә. Республиканың еңел сәнәғәт флагманы тураһында сюжет.

Өфөлә «Көҙ романтикаһы» классик музыка фестивалендә Денис Мацуев сығыш яһаны

Өфөлә - «Көҙ романтикаһы». Бөтә Рәсәй классик музыка фестиваленең тәүге көнөндә юғары мәҙәниәт һөйөүселәр алдында Дмитрий Крюков етәкселегендә Башҡортостандың дәүләт академия симфоник оркестры Рәсәйҙең халыҡ артисы, танылған пианист Денис Мацуев менән бергә сығыш яһаны. Күләмле мәҙәни сараға Рәсәйҙең атҡаҙанған, Башҡортостандың халыҡ артистары Илдар менән Асҡар Абдразаҡовтар ҙа саҡырылғайны. Асыҡ һауалағы концерттан киләһе сюжетта.

Өфөлә билдәле ағинәй Альбина Исхаҡованың шәхси күргәҙмәһе асылды

Өфөлә «Урал» этно-үҙәгендә билдәле ағинәй Альбина Исхаҡованың шәхси күргәҙмәһе асылды. «Яратыуҙың сиге юҡ» исеме аҫтында ойошторолған экспозицияла биҙәү-ҡулланма сәнғәте һәм халыҡ ижады өлгөләре тәҡдим ителде. Сарала башҡорт түшелдеректәре коллекцияһы менән танышырға, оҫталыҡ дәрестәрендә ҡатнашырға мөмкин.

Йылайыр районында Фәрит Бикбулатовҡа арналған фестиваль үтте

Башҡортостандың халыҡ артисы Фәрит Бикбулатов иҫтәлегенә асыҡ фестиваль. Йырсының тыуған ере Йылайыр районында һәләтле йырсылар, муызканттар ҡатнашлығында уҙғарылған мәҙәни сара хаҡында ентекләберәк

Башҡортостанда ғәҙәттән тыш хәл тәртибе индерелде

Документҡа Радий Хәбиров ҡул ҡуйҙы. Оҙайлы ямғырҙар арҡаһында тупраҡ ныҡ дымланған, сәсеүлектәргә зыян килгән. Ғәҙәттән тыш хәл режимы 50 район һәм Күмертау ҡала округы биләмәһендә ҡабул ителгән. 5 сентябргә тиклем хужалыҡтар Ауыл хужалығы министрлығына зыян күләмен, тотонолған аҡса суммаһын нигеҙләгән документтар әҙерләп тапшырырға тейеш. 19 августа вице-премьер-Ауыл хужалығы министры Илшат Фәзрахманов 120 мең гектарҙа ауыл хужалығы культуралары юҡҡа сығыуы тураһында белдерҙе. Зыян суммаһы 1 миллиард 60 миллион һумға баһаланды.

Башҡортостанда пилотһыҙ авиация системаларын үҫтереү стратегияһы ҡабул ителде

Республика хөкүмәтенең ошо турала ҡарары бар. Документ 2030 йылға һәм унан һуң 2035 йылға тиклем иҫәпләнгән. Үҫеш өсөн бер нисә төп йүнәлеш билдәләнгән. Улар - үҙебеҙҙең пилотһыҙ аппараттарға ихтыяжды арттырыу, ҙур етештереү үҙәктәре булдырыу, инфраструктураны яҡшыртыу, кадрҙар әҙерләү һәм был өлкәлә тикшеренеүҙәр алып барыу. Дрондарҙы ауыл хужалығында, төҙөлөш тармағында ҡулланыу өсөн ҙур мөмкинлектәр бар.

🌸Һөйөнсө!

«Телеүҙәк» тапшырыуы алып барыусыһы Гөлсимә Иштанова абруйлы награда - «Башҡортостандың атҡаҙанған матбуғат һәм киң мәғлүмәт саралары хеҙмәткәре» исеме менән бүләкләнде. Хеҙмәттәшебеҙгә награда Ҡариҙел районында матбуғат һәм киң мәғлүмәт саралары хеҙмәткәрҙәренең Журналистар фестивалендә тапшырылды. Әйткәндәй, сара быйыл «Медиағаилә» исеме аҫтында уҙа.

Ихлас күңелдән ҡотлайбыҙ!

Сираттағы «Инвестиция сәғәте»ндә ҡаралған бер нисә яңы проектҡа дәүләт ярҙамы күрһәтеләсәк

Башҡортостан башлығы уҙғарған инвестиция сәғәтендә эшҡыуарҙар сәнәғәт һәм туризм проекттары тәҡдим итте. «Фармстандарт-Өфөвита» компанияһы Өфөлә препараттар етештереүҙе киңәйтергә, комплекс төҙөргә ниәтләй. Инвестицияларҙың дөйөм күләме 10,5 миллиард һум самаһы тәшкил итәсәк.

Башҡортостанда ҡойма ямғырҙарҙан һуң уңыш һәләк булыуға бәйле ғәҙәттән тыш хәл режимы индерелде

Был туралағы күрһәтмәгә республика башлығы Радий Хәбиров ҡул ҡуйған. Документҡа ярашлы, 11 июлдән 20 августҡа тиклем тупраҡ саманан тыш артыҡ дымланыуы арҡаһында республиканың 50 районында һәм Күмертау ҡалаһында ғәҙәттән тыш хәл иғлан ителгән. Режим 11 сентябргә тиклем ғәмәлдә була. Ауыл хужалығы министрлығына муниципалитеттар менән берлектә тупраҡ саманан тыш дымланыу эҙемтәләрен бөтөрөу буйынса саралар планын тормошҡа ашырырға ҡушылған.

Показываем новые точки притяжения в Башкирии

На этот раз — это Ишимбай. Жители города рассказали, как преобразилась их малая родина и позвали всех жителей республики в гости.

Рәхим итегеҙ!

Башҡортостан яугирҙары ялдан һуң йәнә хәрби бурыстарҙы үтәү өсөн юлланды

Ял итеүселәрҙе ғәҙәттәгесә «Өфө-Арена»спорт комплексы алдындағы майҙанда оҙатыу сараһы үтте. Дин әһелдәре хәрбиҙәргә өгөт-нәсихәт һүҙҙәре менән мөрәжәғәт итте. Ял ваҡытында яугирҙәр ғаиләләре янында булған, туғандары, яҡындары менән күрешкән. Хеҙмәт урынына улар полкташтарына күстәнәстәр, маскировка селтәрҙәре, аҙыҡ-түлек һәм башҡа кәрәк яраҡтар алып бара.

Баймаҡ ҡалаһында ирекмәндәр штабы асылды

Үҙәк махсус хәрби операцияла ҡатнашҡан яҡташтарыбыҙға гуманитар ярҙам йыйыу, маскировка селтәрҙәре үреү урыны булып торасаҡ.

Күренекле дәүләт эшмәкәре Зәкәриә Аҡназаровтың тыуыуына 100 йыл

Ул 24 йыл Башҡорт АССР-ы Министрҙар Советы рәйесе вазифаһында эшләй. Башҡортостан тарихында уның исеменә тотош бер дәүер бәйле. Республиканың юғары социаль-иҡтисади үҫеше лә тап ул эшләгән йылдарға тура килә. Был турала социаль селтәрҙә Республика Башлығы билдәләгән. Тап

⁩ Кесе һәм урта эшҡыуарлыҡтың республиканың тышҡы сауҙа бәйләнештәрен нығытыуҙа роле

Ләйсән Николаева, «Опора России» йәмәғәт ойошмаһының рәйесе бүлексәһе етәксеһе.

Башҡортостанда ауыл хужалығы кооперацияһына берләшкән хужалыҡтар дәүләт ярҙамын ала