Өфөлә «ялған» алкоголь менән сауҙа иткән һәм поезд пассажирҙарын ағыулаған ҡатын ҡулға алынды

Өфөлә тимер юл вокзалы платформаһында «ялған» алкоголь менән сауҙа иткән һәм поезд пассажирҙарын ағыулаған ҡатын ҡулға алынды. «Хәүефһеҙ республика» проекты активистары граждандарҙың ялыуҙары буйынса транспорт полицияһы идаралығы хеҙмәткәрҙәре менән бергә спиртлы продукцияһының законһыҙ әйләнешен тикшерҙе.

Бәләбәй ирекмәндәре алғы һыҙыҡтағыларҙы маскировка селтәрҙәре менән тәьмин итә

Махсус хәрби операция башланыу менән ун мең квадрат метр септә үрелгән. Япмалар миҙгелгә, урындағы мөхиткә яраҡлаштырып эшләнә. Танкты һәм башҡа техниканы хәрби һөжүмдән йәшерергә ярҙам итә. Материал булараҡ белорус пленкаһы ла ҡулланыла. Әлегә складта 26 маскировка селтәре иҫәпләнә, уларҙы быйыл көҙ сираттағы гуманитар ылау менән оҙатыу планлаштырылған.

Луганск һәм Донецк республикаһынан уҡыусылар Өфө фән һәм технологиялар университеты менән танышты

Луганск һәм Донецк республикаһынан килгән 50-нән ашыу уҡыусы Өфө фән һәм технологиялар университеты менән танышты. Экскурсия «Университет сменаһы» федераль проекты буйынса ойошторола.

Фәрзәнә Утарбаеваның фильмын Кореяла күрһәтәсәктәр!

1 - 4 августа Көньяҡ Кореяның Чолла-Пукто провинцияһында SMVFF (Supbatdeul Mountain Village Film Festival — кинофестиваль горной деревни Supbatdeul) кинофестивале үтә.

Фестивалгә донъяның төрлө төбәктәренән ауыл тормошон сағылдырған 15 фильм һайлап алынған. Кинофестиваль ойоштороусылары үҙаллы корея теленә тәрдемә яһаған.

Һоҡланғыс! Афарин!

Өфөгә БРИКС илдәренең юғары аудит органдары башлыҡтары йыйылды

Башҡортостан башлығы кәңәшмәгә килгән Рәсәйҙең Иҫәп палатаһы рәйесе Борис Ковальчук менән осрашты. Радий Хәбиров республиканың илде Иҫәп палатаһы менән үҙ-ара эш итеү һөҙөмтәлелеген юғары баһаланы. Төбәк етәксеһе шулай уҡ БРИКС сиктәрендә юғары аудит органдары башлыҡтарының осрашыуының ҙур әһәмиәткә эйә булыуы әйтте. Эшлекле сарала 11 илдең аудит органдары етәкселәре ҡатнаша. Халыҡ-ара кимәлдәге сараның тәүге эш көнө һөҙөмтәләре буйынса Өфө декларацияһы ла ҡабул ителде.

Башҡортостан сәнәғәт инфраструктураһының үҫеше буйынса ил кимәлендә алдынғылар иҫәбендә

Бөгөн төбәктә 12 индустриаль һәм 19 парктың эшләүе билдәле. Шулай уҡ 9 сәнәғәт кластеры булдырылған. Тап ошо күрһәткес буйынса республика Рәсәйҙә беренсе килә.

Стәрлетамаҡ районы Рощинский ауылында моделле мәҙәниәт һарайы төҙөкләндерелә

«Мәҙәниәт» милли проекты сиктәрендә Стәрлетамаҡ районы Рощинский ауылында моделле мәҙәниәт һарайы төҙөкләндерелә. Капиталь ремонт майҙа башланып, сентябрҙә тамамланырға тейеш.

Өфөлә бер төркөм яугирҙар «Хәрби хәрәкәттәр ветераны» таныҡлығы алды

Шәхси хәрби компанияла хеҙмәт иткән бер төркөм яугирҙар «Хәрби хәрәкәттәр ветераны» таныҡлығы алды. Документтарҙы Башҡортостан башлығы Хакимиәте етәксеһенең беренсе урынбаҫары Азат Бадранов менән «Ватанды һаҡлаусылар» дәүләт фонды филиалы етәксеһе Гөлнур Ҡолһарина тапшырҙы.

Өфөлә 112-се Башҡорт Кавалерия Дивизияһы музейы фонды яңы экспонат менән тулыланды

Бөйөк Ватан һуғышының дәһшәтле йылдарын сағылдырыусы ҡәҙерле ҡомартҡы. Красный Луч хакимиәте Башҡортостан Башлығы Радий Хәбировҡа «Максим» пулеметына патрон таҫмаһы булып хеҙмәт иткән ҡумта бүләк итте. Хөкүмәттең оператив кәңәшмәһендә Радий Хәбиров патрон таҫмаһы өсөн ҡумта Башҡорт кавалерия дивизияһы алыштары урынында табылған тигән факттарҙы әйтте. Тарихи экспонат Өфөләге Хәрби Дан музейының Дим биҫтәһендәге филиалына тапшырылды.

«Сәләмәтлек поездары» республика буйлап эшен дауам итә

Акция башланғандан алып - 15 апрелдән белгестәр 120 меңгә яҡын кешене ҡабул иткән, 30 мең тикшеренеү уҙғарылған. Һаулыҡ буйынса проблемалары асыҡланған осраҡта, өҫтәмә медицина диагностика саралары күрелгән. Социаль әһәмиәтле ауырыуҙарға - шәкәр диабеты, яман шеш, туберкулезға шик тыуған осраҡтар ҙа бар. Барыһы ла контролдә тотола. Был турала Башҡортостан башлығы Радий Хәбиров социаль селтәрҙәге сәхифәһендә хәбәр итте.

Башҡортотсанда яуым-төшөм менән бәйле хәл көсөргәнешле ҡала

Ямғыр ташҡыны башланғандан алып бөтәһе 101 кеше эвакуациялана, уларҙың 32-һе-балалар. Тәүлек эсендә Башҡортостандың өс йылғаһында һыу күтәрелгән. Белоретта Маты йылғаһының һыу кимәле 150, Мәсетле районының Оло Ыҡтамаҡ ауылында Әй йылғаһы 34, Октябрьский ҡалаһында Ыҡ йылғаһы 10 сантиметрға артҡан. Рәсәй Ғәҙәттән тыш хәлдәр ми нистрлығының Башҡортостан буйынса баш идаралығында оператив штаб тәүлек әйләнәһенә эшләүен дауам итә.

Республикала һыу баҫыу эҙемтәләрен бөтөрөү-эштәре бара

Сибай менән Әбйәлилде тоташтырған юлда Казанка ҡасабаһы янында күперҙе йыуғайны. Әлеге ваҡытта Баймаҡ юл ремонт -төҙөлөш идаралығы унда төҙөкләндереү эштәре алып бара. Юлдың ситенә таш түшәлә.

1 августан эшләп йөрөгән хаҡлы ялдағыларҙың пенсияһы арта

Социаль фондтың Башҡортостан буйынса бүлексәһе 2023 йылда эшләгән республика пенсионерҙарының страховка пенсияһын ғаризаһыҙ тәртиптә ҡайтанан иҫәпләй. Бынан тыш, ҡараусыны юғалтыу буйынса пенсия ла арттырыла. Аҡса августа ғәҙәти график буйынса күсерелә.

Контракт төҙөгән хәрби операцияла ҡатнашыусыларға 400 мең һум түләнә

Владимир Путин 1 августан 31 декабргә тиклем контракт төҙөгән хәрби операцияла ҡатнашыусыларға 400 мең һум күләмендә бер тапҡыр бирелә торған түләү тураһында указға ҡул ҡуйҙы. Был сумма Оборона министрлығы менән бер йылдан контрактҡа ҡул ҡуйғандарға тәғәйенләнә.
Хәтерегеҙгә төшөрәбеҙ, Башҡортостанда ла Радий Хәбировтың ҡушыуы буйынса 10 июлдән контрактсыларға бер тапҡыр бирелә торған түләү күләме артты. Махсус хәрби операция биләмәһендә хеҙмәт итеү өсөн Оборона министрлығы менән контрактҡа ҡул ҡуйыусылар бер тапҡыр республиканан 505 мең һум аласаҡ. Өфө хакимиәте өҫтәмә рәүештә 300 мең һум түләйәсәк. Шулай итеп, 400 мең һум федераль түләүҙәрҙе иҫәпкә алып, Башҡортостандан хәрбиҙәр бер тапҡыр 1 миллион 205 мең һум аласаҡ. Бөтә һорауҙар буйынса төбәк халҡы ситуацион үҙәктең 122 йәки 218-19-19 номерҙары буйынса, шулай уҡ «Минең документтарым» күп функциялы үҙәге офистарында мөрәжәғәт итә ала. Һайлап алыу пункты номеры: 248-29-31.

Дәүләт ярҙамы менән Башҡортостанда яңы предприятиелар һаны артҡандан-арта

Республика иҡтисады үҫешенә тос өлөш, ерле халыҡҡа - өҫтәмә эш урындары. Дәүләт ярҙамы менән Башҡортостанда яңы предприятиелар һаны артҡандан-арта. Беҙҙең төбәктә инвесторҙар йәлеп итеү буйынса махсус эш алымы бар. Ул «Инвестиция сәғәте» форматындағы ултырыштар. Башҡортостан башлығы үҙ аҡсаһын республика үҫешенә һалырға теләүселәр менән ҡыҙыҡлы проекттарҙы тикшерә.

Александр Прядко Өфөнән Валерий Чипизубовҡа рәхмәт хаты тапшырҙы

Башҡортостан буйынса эске эштәр министры Александр Прядко «Үҙәк баҙар» комплексында хеҙмәт итеүсе һаҡсы Валерий Чипизубовҡа рәхмәт хаты тапшырҙы. Ир банкомат аша мутлашыусыларға аҡса күсерегә маташҡан ханымды был аҙымдан туҡтатҡан. Шул рәүешле ул ҡатындың ярты миллион һум аҡсаһын һәм нервыларын һаҡлап алып ҡалған.

Көйөргәҙе районында мотоцикл менән мопед бәрелешеүе һөҙөмтәһендә ике уҡыусының ғүмере өҙөлгән

Республика дәүләт автоинспекцияһы мәғлүмәттәре буйынса, ҡот осҡос фажиғә төн уртаһында Шабағыш ауылында теркәлгән. Аварияла 16 һәм 17 йәшлек ике водитель юл-транспорт ваҡиғаһы урынында һәләк була, 14 һәм 18 йәшлек ике пассажир ауыр йәрәхәттәр менән дауаханаға оҙатыла. Йәш кешеләрҙең водитель таныҡлығы булмауы билдәле.

Башҡортостан табитары тәүге тапҡыр елек майын күсереп ултыртыу буйынса операция яһаны

Әмәлиәт Республика балалар клиник дауаханаһының онкология һәм гематология үҙәгендә башҡарылған. Табиптар коллективы быға оҙаҡ әҙерләнгән. Был эштә Дима Рогачев исемендәге балалар гематологияһы, онкология һәм иммунология үҙәге белгестәре ярҙам күрһәтә. Пациент - 10 йәшлек ҡыҙ, операцияны яҡшы кисерә. Элек бындай пациенттарға башҡа төбәктәргә операцияға йөрөргә тура килә ине. Хәҙер Өфөлә асылған балалар онкологияһы һәм гематологияһы үҙәге ярҙамында сифатлы дауалау алырға мөмкин.

Баймаҡта «Һаулыҡ марафоны» үтте

Баймаҡта «Башҡорт оҙон ғүмерлелеге» проектына ярашлы «Йөрәк-ҡан тамырҙары сирҙәренә ҡаршы көрәш» программаһын ғәмәлгә ашырыу йәһәтенән «Һаулыҡ марафоны» үтте. Унда Башҡортостан Республикаһы Һаулыҡ һаҡлау министрлығының белгес-эксперты Ирина Карамова, Республика клиник инфекция дауаханаһының баш табибы, эпидемиолог Азат Мөхәмәтйәнов ҡатнашты.

Рәсәй мосолмандары Башҡортостандың тәүге имамы Хажи Хөсәйенбәк рухына аят бағышланы

14-се быуатта Башҡорт ерлегендә йолаларҙы, ғибәҙәт ҡылыу тәртибен халыҡҡа еткергән, мәғрифәтсе, дин әһеле Шишмә районының Ҡара-Яҡуп ауылы эргәһендә Аҡ зыяратта ерләнгән. Уның ҡәбере өҫтөндә кәшәнә төҙөлгән. Архитектур ҡомартҡы республика мосолмандары өсөн изге урын һанала. Шуға ла йыл һайын районда динданҙар йыйыны үтә. Форум сиктәрендә балалар һәм үҫмерҙәр өсөн «Мин Ислам динен өйрәнәм» конкурсы ла ойошторолдо.