Радий Хәбиров «Китап-байрам» икенсе халыҡ-ара китап йәрминкәһен асыу тантанаһында ҡатнашты

Башҡортостан башлығы Радий Хәбиров «Китап-байрам» икенсе халыҡ-ара китап йәрминкәһен асыу тантанаһында ҡатнашып, Совет майҙанында ойошторолған әҙәби майҙансыҡтар менән танышты. Рәсәй почтаһы күләмле сара символикаһы менән конверт сығарған, почта маркаһына йәрминкәне асып мисәт һуғылды. Шулай уҡ төбәк етәксеһе «Әҙәби прививка» акцияһынан да ситтә ҡалмай, яратҡан китаптарын бүләк итте.

Өфөлә ялға ҡайтҡан яугирҙарҙы махсус хәрби операция биләмәһенә оҙаттылар

Ялдан һуң, кире яуға. Башҡортостандан, ҡыҫҡа ваҡытлы ялдан һуң, махсус хәрби операция биләмәһенә сираттағы төркөм яугирҙар юлланды. Йөҙҙән ашыу яугир өсөн уңайлы автобустар бүленгән. Колонна Донбассҡа ике көндә барып етәсәк.

📚 Башҡортостандың меңәрләгән сығарылыш класс уҡыусылары өсөн бөгөн мәктәптәрҙә һуңғы ҡыңғырау яңғыраны.

Өфөнөң Совет майҙанында Башҡортостан Башлығы Радий Хәбиров баш ҡала мәктәптәренең береһен тамамлаусы ҡыҙ менән мәктәп вальсы бейене.

Хәйерле сәғәттә, аҡ юлдар!

Өфөлә «Туғанлыҡ» VIII халыҡ-ара милли театрҙар фестивале тамамланды

Аҙна дауамында Өфөнөң өс театр майҙансығында 16 фестиваль спектаклен Башҡорт академия драма театрының баш режиссеры Айрат Абушахманов етәкселегендәге эксперт советы ҡараны. Иң яҡшы спектаклдәр һигеҙ төп номинацияла приздар менән бүләкләнде. Фестивалдә Башҡортостандан Салауат башҡорт драма театрының «Ярлыҡау» спектакле «Милли классиканың заманса сиселеше номинацияһында иң яҡшыһы тип танылды. Фестиваль еңеүселәренә тирмә формаһындағы статуэткалар тапшырылды.

Өфөнөң Совет майҙанында «Китап-байрам» Халыҡ-ара китап йәрминкәһе старт алды

Өфөнөң Совет майҙанында «Китап-байрам» Халыҡ-ара китап йәрминкәһе старт алды, ул өс көн дауам итә. Башҡортостан башлығы Радий Хәбиров икенсегә уҙғарылған сараны асыу тантанаһында ҡатнашып, уның йәмәғәтселек өсөн оло әһәмиәткә эйә булыуын билдәләне. Быйыл йәрминкәлә ҡатнашҡан нәшриәт, китап магазиндары артыуы күҙәтелә.

Башҡортостан мәктәптәрендә һуңғы ҡыңғырау тантаналары үтте

Быйылғы уҡыу йылын республикала 15 мең ярым ун беренсе һәм 51 мең туғыҙынсы синыф уҡыусыһы тамамлай. Тантаналы линейкаларҙа уҡытусыларға, мәктәп етәкселегенә рәхмәт һүҙҙәре яңғыраны. Сығарылыш уҡыусыларын алда ҙур һынау - Берҙәм дәүләт имтихандары һәм һөнәр һайлау көтә.

Радий Хәбиров Башҡортостан рустары соборының алтынсы съезында сығыш яһаны

Милләт-ара татыулыҡ - беҙҙең ата-бабаларҙан ҡалған төп мираҫ. Беҙ бер беребеҙгә ҡарата ихтирам, ауыр мәлдәрҙә терәк була белеүебеҙ менән көслө. Радий Хәбиров Башҡортостан рустары соборының алтынсы съезында сығыш яһап республика милли дуҫлыҡ өлгөһө тип белдерҙе. Был дуҫлыҡта рус мәҙәниәте төп берләштереүсе роль уйнай, ныҡлы рухи фундамент булып тора, тине төбәк башлығы.

Өфөлә күренекле опера йырсыһы Федор Шаляпин исемендәге музей асылды

Бөйөк йырсы иҫтәлегенә. Өфөлә күренекле опера йырсыһы Федор Шаляпин исемендәге музей асылды. Реконструкцияланған Соловьевтар йортонда урынлашҡан тарихи объектты асыу тантанаһында Башҡортостан башлығы Радий Хәбиров Өфөлә тотош музейҙар кварталы барлыҡҡа килде тип билдәләне. Бынан тыш ҡайтарылған исемдәр музейы нигеҙенә лә тәүге таш һалынды.

Сибай ҡалаһында «Урал аръяғы-2024» Бөтә Рәсәй инвестиция һабантуйы башланды

Хеҙмәттәшлек килешеүҙәре, эшлекле һөйләшеүҙәр, туй йолалары һәм самауыр байрамы. Бөгөн Сибай ҡалаһында «Урал аръяғы-2024» Бөтә Рәсәй инвестиция һабантуйы башланды. Форумда 10-дан ашыу дәүләт делегацияһы ҡатнаша.

Хәйбулла районы аша Ырымбур өлкәһенә тимер юл һалыныуы ихтимал

Уҙған быуаттың 80-се йылдарында проектланған мәсьәләне бөгөн тормошҡа ашырыу мөмкинлектәре барлана. Был һорау Аҡъяр ауылында үткән ведомство-ара комиссия ултырышында ҡаралды. Сарала шулай уҡ ер аҫты байлыҡтарын сығарған компанияларҙың эшмәкәрлеге лә тикшерелде. Тулыраҡ киләһе яҙмала.

Июндә Башҡортостан халҡы өсөн ике ҡыҫҡа эш аҙнаһы ҡаралған

12 июндә Рәсәй көнө билдәләнә. Ҡорбан байрамы быйыл 16 июнь, йәкшәмбегә тура килә. Ҡануниәткә ярашлы, йәкшәмбеләге ял алдағы дүшәмбегә күсерелә. 17 июнь ял була, тип хәбәр итәләр Ғаилә, хеҙмәт һәм халыҡты социаль яҡлау министрлығынан.

Сибайҙа «Урал аръяғы» Бөтә Рәсәй инвестиция һабантуйының икенсе көнө үтте

Быйыл көҙ Башҡортостанда Төркиә Республикаһының Генераль консуллығын асыу планлаштырыла. Был мәсьәлә «Урал аръяғы» Бөтә Рәсәй инвестиция һабантуйының икенсе көнөндә тикшерелде. Сибайҙағы мәртәбәле форум 10-дан ашыу дәүләт делегацияһын ҡабул итте. Иң ҙур состав Ҡытайҙан, Үзбәкстандан, Төркиәнән килгән. Бөгөн инвестиция һабантуйында Башҡортостан башлығы ла ҡатнаша. Радий Хәбиров сит ил делегациялары менән осрашты, инвестиция сәғәтен үткәрҙе.

Өфөнөң Совет майҙанында «Китап-байрам» икенсе Халыҡ-ара китап йәрминкәһе дауам итә

Күләмле сарала Белоруссия, Әзербайжан, Үзбәкстан, Тажикстан, Ҡаҙағстан, Ҡырғыҙстандан һәм Рәсәйҙең 18 төбәгенән ике йөҙҙән ашыу нәшриәт, китап магазиндары ҡатнаша. Билдәле яҙыусылар, йәмәғәт эшмәкәрҙәре саҡырылған.

Пассажирҙар «Грушин экспрессы» мөмкинлектәрен баһаланы

Өфөнән Златоустҡа- ретропоезда. Рәсәйҙә махсус рәүештә булдырылған «Грушин экспрессы» мөмкинлектәрен Башҡортостандан ярты меңгә яҡын пассажир баһаланы. 1978-cе йылғы состав илдең төп бард фестиваленең илле йыллығына арнап махсус йыһаздандырылған. Музыкаль стилдә, сәхнә ҡуйылған ижади поезд туристарҙы һәм пассажирҙарҙы йөрөтөү өсөн ҡаралған. Тулыраҡ мәғлүмәт киләһе яҙмала.

Иглин районында «Яратам һине, тормош!» конкурсы үтте

Башҡортостанда «Яратам һине, тормош!» республика фествале уҙғарыла. Иглин районының 150-гә яҡын үҙешмәкәр һәләттәрҙе туплаған 30 ижади коллективы республика фестивале финалына сығыу өсөн көрәшә. Өлкән быуын вәкилдәре ярышы хаҡында киләһе яҙмала.

Шаран районында йәш белгес крәҫтиән-фермер хужалыҡ ойоштораған

Тыуған ергә ерегеп. Йәш белгес Азат Әһилиуллин Башҡорт дәүләт аграр университетын тамамлағандан һуң тыуған ауылына эшкә ҡайта. Ер эшен яратҡан герой хаҡында киләһе яҙмала.

Яр буйында юғалған малайҙарҙың береһе табылды

30 мартта Өфөлә юғалған 13 йәшлек Павел Паличевты һәм 14 йәшлек Дамир Әҙеһәмовты эҙләү бер көнгә лә туҡталғаны юҡ. Ағиҙел буйында уларҙың әйберҙәре табылғас, эҙләү ҙә шул юҫыҡта дауам итте.

Шул ваҡыттан алып эҙләү эшенә йөҙәрләгән ирекмән һәм ҡотҡарыусы йәлеп ителгәйне. Әммә, ҡыҙғанысҡа ҡаршы, һаман һөҙөмтә булмай килде.

Бөгөн йылға буйҙарын тикшереү барышында Башҡортостан Республикаһы Ғәҙәттән тыш хәлдәр буйынса дәүләт комитетының Авария-ҡотҡарыу хеҙмәте ҡотҡарыусылары бер баланың кәүҙәһен табып алды. Билдәләре буйынса Павел Паличевҡа оҡшаған. Уны Өфө ҡалаһының Орджоникидзе районындағы Ағиҙел йылғаһы ярында табалар.

Радий Хәбиров Үзбәкстан Премьер-министры Абдулла Арипов менән осрашты

Хеҙмәттәшлек аныҡ эш һәм проекттар кимәленә сыға. Радий Хәбиров Үзбәкстан Премьер-министры Абдулла Арипов менән осрашыуҙа ике республика араһындағы эшлекле бәйләнештәрҙе юғары баһаланы. Башҡортостан башлығы сит илдә рәсми делегацияны етәкләй.

⚡Павел Паличевтың ата-әсәһе улының үле кәүҙәһен таныған

‼️РФ Тәфтиш комитетының Башҡортостан буйынса идаралығынан хәбәр итеүҙәренсә, 13 йәшлек малайҙың ата-әсәһе улдарының мәйетен таныған һәм уның шәхесен раҫлаған. Баланың кәүҙәһе кисә Өфөнөң «Еңеү» паркы янында Ағиҙел ярында табылғайны. Уның кейеме 13 йәшлек Павел Паличевтыҡына оҡшаш ине.

⚡Үҫмер 30 мартта 14 йәшлек Дамир Әҙеһәмов менән бергә юғалды. Улар ата-әсәһенә «Чайка» лагеры янында йөрөп килергә йыйыныуы хаҡында белдерә, әммә балалар өйҙәренә әйләнеп ҡайтмай.

Әбйәлил районы «Урал аръяғы-2024» Бөтә Рәсәй инвестиция һабантуйын ҡабул итте

Төрлө дәүләттәрҙән килгән ҡунаҡтар Айғырбатҡан ауылы эргәһендәге майҙанда халҡыбыҙҙың кәсептәре, йолалары, ғөрөф-ғәҙәттәре менән танышты, сәхнә оҫталары әҙерләгән мәҙәни программаны тамаша ҡылды, милли уйындарҙы, спорт ярыштарын ҡараны.