Өфө «Рәсәй - спорт державаһы» форумын ҡабул итә

Башҡортостан эстафетаны ҡабул итте! Мәскәүҙә беҙҙең республикаға Пермь крайынан Халыҡ-ара спорт форумының рәсми символы тапшырылды. 2024 йылда Өфө «Рәсәй - спорт державаһы» форумын ҡабул итә. Әле күләмле сараға әҙерлек бара. Бынан тыш баш ҡалала Рәсәй спорт министры Олег Матыцин менән Башҡортостан Башлығы Радий Хәбиров Өфөлә Дыуан бульварында Һәм Максим Рыльский урамында ике физкультура-һауыҡтырыу комплексын асыу тантанаһында видеобәйләнеш режимында ҡатнашты.

Башҡортостандан бер төркөм яугирҙар ике аҙналыҡ отпусктан һуң хәрби подразделениеларына юлланды

Ялдан һуң йәнә алғы һыҙыҡҡа. Башҡортостандан бер төркөм яугирҙар ике аҙналыҡ отпусктан һуң хәрби подразделениеларына юлланды. Уларҙы оҙатырға туғандары, хәрби комиссариат һәм власть органдары вәкилдәре килде.

Өфөлә «ПрофФест. Рәсәйҙә эш. Мөмкинлектәр ваҡыты» Бөтә Рәсәй вакансиялар йәрминкәһе үтте

Өфөлә «ПрофФест. Рәсәйҙә эш. Мөмкинлектәр ваҡыты» Бөтә Рәсәй вакансиялар йәрминкәһенең төбәк этабы үтте. Башҡортостандың Ғаилә, хеҙмәт һәм халыҡты социаль яҡлау министрлығы ойошторған күргәҙмә программаһында йөҙгә яҡын эш биреүсе ҡатнашты, йәштәргә улар хеҙмәт баҙарында ихтыяж менән файҙаланған вакансиялар тәҡдим итте. Шулай уҡ майҙанда урта махсус һәм юғары уҡыу йорттары тарафынан профориентация эше алып барылды.

«Атайсал - кесе Ватаным» зональ форумдар серияһы Нуриман районында тамамланды

Яҡташлыҡ көсө, ғаилә ҡиммәттәре, биләмәләрҙе үҫтереүҙә яңы тенденциялар - форум барышында бер нисә тема ҡаралды. Иң мөһиме, проекттың миҙгел эшенә йомғаҡ яһалды.

Өфөнөң «Бишбармаҡ» студияһында Стәрлетамаҡтың коррекция-мәктәбе уҡыусылары ҡунаҡта булды

Һаулыҡ мөмкинлектәре сикләнгәндәр тураһында хәстәрлек йылына бәйле, бөгөн Өфөнөң «Бишбармаҡ» студияһында Стәрлетамаҡ ҡалаһының коррекция-мәктәбе уҡыусылары ҡунаҡта булды. Сара Башҡортостан башлығы гранты ярҙамында тормошҡа ашырылды.

Канаданың «Торонто» хоккей командаһы Родион Әмировты хөрмәтләп иҫкә алды

Клуб етәкселеге «Нью-Джерси» менән уйынға хоккейсының ғаиләһен саҡырҙы. Беренсе осорҙан һуң боҙ һарайы клубында йәш юлаевсы карьераһының иң яҡшы мәлдәрен һүрәтләгән кадрҙар тәҡдим ителде. Шулай уҡ Родиондың ғаилә ағзалары - ата-әсәһе һәм һеңлеләре күрһәтелде.

Ғафури районында йылдың тәүге игеҙәктәре тыуған!

18 мартта Ғафури районынан Арсений һәм Екатерина Мельниковтарҙың ғаиләһендә ысын мөғжизә булған. Уларҙың игеҙәк сабыйҙары тыуған. Йәш ғаиләлә был тәүге балалар. Ғөмүмән, был Ғафури районында йылдың тәүге игеҙәктәре, тип хәбәр итә БР-ҙың Юстиция эштәре буйынса дәүләт комитеты.

Мельниковтарға именлек, бәхетле киләсәк теләйбеҙ!

Асҡындар махсус операцияға “Нива” машинаһы ебәргән

Асҡын районынан Эдуард Тимерғәлин һәм Илдус Хафизов “Нива “ машинаһын гуманитар йөк менән алғы һыҙыҡҡа оҙатыу өсөн республика координацион үҙәккә алып барҙы, тип яҙа “Аскиньская новь”.

Машинаны эшҡыуар Эдуард Тимерғәлин үҙ көсө менән ремонтлаған. Район халҡы йыйған аҡсаға запас частәр һатып алынған. Мәсеткә йөрөүселәр ҙә дөйөм эштән ситтә ҡалмаған. Улар “Нива”ға маскировкалау селтәрҙәре, быҡтырылған ит, яугирҙәр өсөн йылы кейемдәр тейәгән. Шулай уҡ һалдаттар үтенесе буйынса машиналар өсөн запас частәр һатып алып һалғандар, тип хәбәр итә “Аскиньская новь”.

Башҡортостан буйлап Сәләмәтлек поездары йөрөй башлай

Быйыл акция сиктәрендә табиптар республиканың 55 районында халыҡты ҡабул итә. Комплекстар составында күсмә флюорографтар, маммографтар, һаулыҡ үҙәктәре һәм фельдшер-акушерлыҡ пункттары ҡаралған.Сәләмәтлек поездары Башҡортостан башлығы Радий Хәбиров ҡушыуы буйынса 6 йыл элек йөрөй башланы.

Өфөлә Рәсәйҙең һәм Башҡортостандың атҡаҙанған иҡтисадсыһы Мөхәмәт Сәғитдинов иҫтәлегенә мемориаль таҡтаташ асылды

Өфөлә Рәсәйҙең һәм Башҡортостандың атҡаҙанған иҡтисадсыһы, иҡтисад фәндәре докторы, профессор Мөхәмәт Сәғитдинов иҫтәлегенә мемориаль таҡтаташ асылды. Ғүмеренең һуңғы йылдарында ул Коммунистик урамы, 85/1 һанлы йортта йәшәгән, иҫтәлекле билдә торлаҡ фасадына ҡуйылды.

Быйыл Башҡортостанда кәмендә мең саҡрым юл участкаһын төҙөкләндереү планлаштырыла

Ремонт эштәренең күп өлөшө «Хәүефһеҙ һәм сифатлы юлдар» Милли проекты сиктәрендә үтә. Тәүгеләрҙән булып Салауат ҡалаһындағы автомобиль юлы тәртипкә килтерелә башланы.

Башҡорт дәүләт аграр университеты Дания тоҡомло сусҡалар урынына үҙебеҙҙекен үрсетергә иҫәп тота

Юғары уҡыу йорто «Өҫтөнлөк 2030» дәүләт программаһында ҡатнаша. Башҡорт ғалимдары сит ил тоҡомо ДНК-һын тулыһынса асыҡлап, яңы кросс, йәғни тоҡом-ара гибрид уйлап сығармаҡсы.
Буласаҡ хайуанды ғалимдар башта микроскоп аша күрә. Бына, әйтәйек, улар быҙау йомортҡа күҙәнәктәренең йәшәү һәләтен тикшерә. Иң көслөләре инкубаторҙан һуң, һыйырға күсереләсәк. Сусҡа һәм һыу ҡоштарын үрсетеү ҙә ошо уҡ тәртип буйынса эшләр, тип көтөлә.

Өфөлә Айрат Ҡобағошов иҫтәлегенә башҡорт музыка ҡоралдарында уйнаусыларҙың асыҡ конкурсы үтте

Билдәле композитор Айрат Ҡобағошов иҫтәлегенә бөгөн башҡорт музыка ҡоралдарында уйнаусыларҙың асыҡ конкурсы үтте. Өфө районының Алексеевка мәҙәниәт йортонда ойошторолған сарала республика район-ҡалаларынан ансамблдәр, айырым башҡарыусылар һынау тотто.

Махсус хәрби операциянан ялға ҡайтҡан егет ғаилә ҡорҙо

Әбйәлил районының Хәмит ауылында махсус операциянан ялға ҡайтҡан яугир һөйгәне менән сәстәрен-сәскә бәйләне, тип хәбәр итә «Осҡон» гәзите.

Егет — һөнәре буйынса сәнәғәт альпинисы. 2022 йылдың сентябрь айында мобилизация буйынса хеҙмәткә алынған. Өйләнгәндән һуң, кесе сержант махсус хәрби операция зонаһына тағы ла юлланды.

Йәштәргә бәхетле киләсәк, именлек теләйбеҙ!

Башҡортостан ҡотҡарыусылары үҫмерҙәрҙе эҙләүҙең 16-сы көнөнә йомғаҡ яһаны

Бөгөн Өфөнөң Граждандарҙы яҡлау идаралығы һәм БР Ғәҙәттән тыш хәлдәр буйынса дәүләт комитеты ҡотҡарыусылары Ағиҙел йылғаһы буйлап 31 саҡрым араны тикшергән. Белгестәр сүп-сар өйөмдәрен һәм ағаслыҡтарҙы ҡарап сыҡҡан.

Бынан тыш, «Лиза Алерт» отряды ирекмәндәренә моторлы кәмәләр һәм йылға төбөн өйрәнеү өсөн эхолоттар талап ителә. Ярҙам итергә теләүселәр ирекмәндәр менән бәйләнешкә сығырға мөмкин: Елена 8-987-099-70-92, Анастасия 8-937-320-44-74.

⚡⚡ БСТ телеканалы «Бәйләнештә» селтәрендә тура эфирҙа!

Һеҙ һоранығыҙ – беҙ эшләнек! Хәҙер республиканың төп телеканалын телевизорҙан ғына түгел, «Бәйләнештә» селтәрендә лә ҡарарға мөмкин.

Тыуған яғыбыҙ хаҡында яратҡан тапшырыуҙар, сериалдар, яңылыҡтар, ток-шоу – былар барыһы ла һеҙҙең гаджетта. Ҡайҙа булһағыҙ ҙа, БСТ каналынан айырылмағыҙ.

✅Әйткәндәй, тура эфир беҙҙең телеграм-каналда ла бара, бының үрҙәге «Вступить» төймәһенә баҫырға кәрәк!
https://vk.com/video-27097047_456277514

Һай, бүреге, бигерәк шәп!

Халыҡ-ара туған телдәр көнөнә арналған шиғыр һөйләү конкурсында Сабина Юнысова еңеү яулағайны. Ул М. Кәрим исемендәге Башҡорт гимназияһының 2-се "Д" класында белем ала. Бөгөн еңеүсебеҙҙе ихлас күңелдән башҡорт бүреге һәм диплом менән бүләкләнек.

Афарин!
Конкурс бағыусыһы - Илсур Исхаҡов.

Мотоциклда сәйәхәт иткән Баймаҡ егете Индонезияға барып еткән

Баймаҡ районының Әбделкәрим ауылынан Ғәзим Мөхәмәтйәновтың мотоцикл менән донъя буйлап сәйәхәткә юлланыуы тураһында яҙғайныҡ. Ул Мәскәү политехник университетын тамамлаған, инженер булып эшләй.

Бынан алда Ғәзим Рәсәйҙән Һиндостанға тиклем араны мотоцикл менән үтте. Унан инде ул самолет менән Таиландҡа осҡан. Әлбиттә, транспортын осороу бер аҙ мәшәҡәттәр тыуҙырған, бының өсөн 110 мең һум сығым киткән. Бөгөн иһә ул карап менән Индонезияға барып еткән.

— Индонезия буйлап сәйәхәт дауам итә, бәлки, Австралияға етеп, кенгуруны күреп тә ҡайтырмын, — ти Ғәзим.

Хәйерле сәфәр теләйбеҙ яҡташыбыҙға!
Фотоһүрәттә Ғәзим Таиландтағы мотосәйәхәтселәр менән.

Башҡортостанға Белгород өлкәһенән 498 бала килде

Үҙебеҙҙекеләрҙе ташламайбыҙ. Башҡортостанға Белгород өлкәһенән 498 бала килде. Бындай ҡарарҙы өлкә губернаторы менән һөйләшкәндән һуң Радий Хәбиров ҡабул итте. Өлкән класс уҡыусылары уҡыу йылын республикала тамамлай. Оператив кәңәшмәлә республика башлығы балаларҙы ҡабул итеүсе район башлыҡтарына туҡланыу, мәктәпкә йөрөтөү кеүек етди һорауҙарҙы хәл итергә ҡушты. Республика менән идара итеү үҙәгендә шулай уҡ Башҡортостанда индерелгән янғынға ҡаршы махсус режим, ҡыштан һуң урамдарҙы тәртипкә килтереү, яҙғы ташҡынға бәйле хәл тураһында һүҙ барҙы. Оператив кәңәшмәнән репортаж.

Башҡортостан башлығы хөкүмәттә һәм хакимиәттә кадрҙар алмашыныуы тураһында хәбәр итте

Махсус хәрби операция биләмәһенән ҡайтҡан һәм быға тиклем Башҡортостан премьер-министрының беренсе урынбаҫары вазифаһын биләгән Азат Бадранов Башҡортостан башлығы хакимиәте етәксеһенең беренсе урынбаҫары итеп тәғәйенләнде. Урал Килсенбаев Башҡортостан премьер-министрының беренсе урынбаҫары итеп билдәләнде. Был турала Башҡортостан Башлығы Радий Хәбиров оператив кәңәшмәлә белдерҙе.