Күгәрсен районында 39 йәшлек ҡатын ялған брокерҙарға 3 миллион һум күсергән

Башҡортостан буйынса Эске эштәр министрлығынан белдереүҙәренсә, ханымға үҙен ҙур инвестиция компанияһы вәкиле булараҡ таныштырған кеше шылтыратҡан һәм аҡса эшләргә тәҡдим иткән. Бының өсөн ҡатын кредит алған. Аҡса күсерелгәс брокер элемтәгә сыҡмаған. Полиция халыҡҡа таныш булмаған телефон номерҙарын алмаҫҡа һәм буш вәғәҙәләргә ышанмаҫҡа кәңәш итә.

Бейеүсе Илнар Хәтмуллин хаҡында фильм төшөрөләсәк

Был хаҡта «Башҡортостан» киностудияһы режиссерҙары Роман Пожидаев һәм Радик Килмәмәтов осрашыуҙа республика етәксеһе Радий Хәбиров менән осрашыуҙа белдерҙе. Башҡортостан Башлығы киностудияның ижади пландарын хупланы.

«Беҙҙә бындай фильмдар күберәк булырға тейеш. СВО геройҙары хаҡында хужожестволы картиналар төшөрөгә ваҡыт. Республика, һис шикһеҙ, проекттарға ярҙам итергә әҙер. Документаль фильмдарҙы Республика көнөнә тамамлаһағыҙ, бик яҡшы булыр ине», — тине Радий Хәбиров.

Радий Хәбиров Ватанды һаҡлаусылар көнөнә арналған тантаналы йыйылышта ҡатнашты

Башҡортостан башлығы Радий Хәбиров Ватанды һаҡлаусылар көнөнә арналған тантаналы йыйылышта ҡатнашып, бөгөнгө осорҙа ғәҙәти ир-егеттәр байрамы айырым юғары мәғәнәгә эйә булыуын билдәләне. Барлыҡ ил һаҡсыларының берләшеү символына әйләнде ул. Сара сиктәрендә ҡаһарман яҡташтарыбыҙға дәүләт наградалары тапшырылды, илһөйәрлек рухы менән һуғарылған концерт программаһы күрһәтелде.

Быйыл республика мәктәптәрен төҙөкләндереү өсөн 1 миллиард 500 миллион һум күләмендә аҡса бүленә

2024 йылда республика мәктәптәрен төҙөкләндереү өсөн 1 миллиард 500 миллион һум күләмендә аҡса бүленә. Федераль ҡаҙна сығымдарына Башҡортостанда 31 белем усағына капиталь ремонт эшләү күҙалана. Президент программаһында ҡатнашыусы Рәсәй субьекттары араһында республика лидерҙар иҫәбендә. Был турала Федерация советының фән, мәғариф һәм мәҙәниәт буйынса комтитет рәйесе Лилиә Ғүмәрова видеоконференция ултырышында белдерҙе.

Өфө лимонарийында «Салауат» сортлы лимондың презентацияһы үтте

Сара Өфө ҡалаһының 450 һәм милли геройыбыҙ Салауат Юлаевтың 270 йыллығына арнала. «Салауат» лимонының байрамына Салауат районы, хоккей клубы етәкселәре, ошо исемде йөрөткән ир-егеттәр саҡырылған.

Башҡортостандың халыҡ шағиры Мостай Кәримдең 105 йыллығына арналған саралар дауам итә

Әҙәби-музыкаль осрашыуҙар бөгөн Өфөнөң урта махсус музыка колледжында ла үтте. Тулыраҡ киләһе яҙмала.

Хәйбулла районы командаһы «Урал батырҙың ҡышҡы уйындары»нда ҡатнашасаҡ

«Ылаҡ» уйынында көс һынашасаҡ команда 8 февралдән алып ярыштарға етди әҙерләнгән. Степной ауылында үткән ылаҡ төрки халыҡтары милли спорт төрө буйынса күнекмәләр хаҡында киләһе яҙмала.

Өфөлә ҡышҡы спорт төрҙәре буйынса фестиваль үтте

Башҡорт дәүләт медицина университеты ойошторған спорт сараһында уҡытыусылар һәм студенттар ҡатнашты. Ғәмәлдәге һәм буласаҡ табиптар саңғы һәм сноуборд ярыштарында көс һынашты. Фестиваль ун йыл элек Сочиҙағы Олимпиадаға ирекмәндәр әҙерләү сараһы булараҡ барлыҡҡа килеп, бөгөн йолаға әүерелгән.

Владимир Путин Республика Башлығы Радий Хәбиров исеменә ҡотлау ебәрҙе

. - Беҙ ата-бабаларҙың үлемһеҙ ҡаһарманлығы менән ғорурланабыҙ. Бөгөн дә Рәсәй халҡы патриотик традицияларҙы үтәүселәргә, Тыуған илгә тоғро булыусыларға хөрмәт белдерә, тиелә ҡотлау хатында. Премьер-министр Михаил Мишустиндан да ҡотлау бар. - Был байрам Рәсәйҙең үткәнен, бөгөнгөһөн һәм киләсәгәне ҡәҙерләгәндәрҙе, бөтә ғүмерен Тыуған илгә хеҙмәт итеүгә бағышлағандарҙы берләштерә, тиелә унда. Ватанды һаҡлаусылар көнө менән Президенттың Волга буйы округындағы вәкиле Игорь Комаровтан да ҡотлау алынды.

Радий Хәбиров яугирҙәрҙе иҫкә алыу сараларында ҡатнашты

Бөгөн Республика Башлығы Өфөлә Еңеү паркында Ватанды һаҡлаусылар көнө уңайынан тантанала ҡатнашты. Радий Хәбиров Советтар Союзы Геройҙары Александр Матросов һәм Миңлеғәли Ғөбәйҙуллин һәйкәленә сәскә һалды. Бөйөк Ватан һуғышында һәләк булғандар бер минут тынлыҡ менән иҫкә алынды. Өфөлә Еңеү паркы 1947 йылда асылған. Республика Башлығы Радий Хәбиров бөгөн шулай уҡ Совет майҙанында Рәсәй Геройы Миңлеғәли Шайморатов һәйкәленә сәскә һалды. Сарала Ҡораллы көстәр ветерандары, махсус хәрби операцияла ҡатнашыусылар, йәмәғәт ойошмалары вәкилдәре, хәрби-патриотик клубтар тәрбиәләнеүселәре ҡатнашты. Радий Хәбиров майҙанда ялға ҡайтҡан хәрбиҙәр менән әңгәмәләште. - Улар иҫән-һау әйләнеп ҡайтырға тейеш. Беҙ уларҙы көтәбеҙ, - тине Республика Башлығы.

Йәш блогерҙар Ейәнсура районындағы балалар йортона ҡиммәтле бүләк яһаған!

Өфөнән блогерҙар Илгиз Баҙалов һәм Гүзәл Мырҙабаева Ҡазандан эшҡыуар Гүзәл Хөснөтдинованың марафонында ҡатнаша. Ярыш-марафон шарты буйынса блогерҙарға блог ярҙамында аҡса эшләп, балалар йорттарына бүләктәр өләгеү бурысы ҡуйылған.

Яҡташтарыбыҙ блог ярҙамында 190 мең һумдан ашыу аҡса эшләгән һәм Ейәнсура районының Яңы Николаевка ауылындағы мәктәп-интернатҡа ҡиммәтле техник ҡорамалдар бүләк иткән. Афарин!

Радий Хәбиров Ватан һаҡсылары көнөнә арналған байрам сараларында ҡатнашты

Төбәк етәксеһе Миңлеғәле Шайморатов һәйкәленә, Еңеү паркында Советтар Союзы Геройҙары Александр Матросов менән Миңлеғәле Ғөбәйҙуллин һәйкәлдәре эргәһендәге «Мәңгелек ут» мемориалына сәскә гөлләмәләре һалды. Радий Хәбиров күп милләтле республика халҡын, ир-егеттәрҙе, Ватан һаҡсыларын байрам менән тәбрикләне.

Бөр төркөм мобилизацияланғандар ялдан һуң махсус хәрби операция биләмәһенә юлланды

Тантаналы шарттарҙа йәнә алғы һыҙыҡҡа. Бөр төркөм мобилизацияланғандар ялдан һуң махсус хәрби операция биләмәһенә юлланды. Ватанды һаҡлаусылар көнөндә уларҙы байрамса оҙатып ҡалдылар. Яугирҙар менән хушлашырға яҡындары, хәрбиҙәр, республика етәкселеге лә килде.

Салауат Юлаев батальоны яугирҙары Башҡортостан халҡын Ватанды һаҡлаусылар көнө менән ҡотланы

Рәсәй гвардияһының Салауат Юлаев исемендәге ирекле батальоны яугирҙары Башҡортостан халҡын Ватанды һаҡлаусылар көнө менән ҡотланы. Видеояҙмала яҡташтарыбыҙ
был көндө туғандарынан һәм яҡындарынан ситтә булыуын, масхус хәрби операция биләмәһендә Ватаныбыҙҙың имен киләсәге өсөн көрәшеүен билдәләгән. Шулай уҡ яугирҙар даими хәстәрлек өсөн Башҡортостан башлығы Радий Хәбировҡа рәхмәт белдергән һәм Юғары баш командующий, Рәсәй президенты Владимир Путин менән менән ышаныслы еңеүгә табан барыуҙарын белдергән.

Ватан һаҡсылары көнө уңайынан Иглин районында байрам саралары үҙҙы

Район үҙәгендә тантана обелискҡа сәскә һалыуҙан башланды. Митингта ҡатнашыусылар Бөйөк Ватан һуғышында һәләк булған яугирҙарҙы иҫкә алды. Хәтер саралары Еңеү паркында ла ойошторолдо. Унда йыйылыусылар ҡанлы бәрелештәрҙә һәләк булған ир-егеттәрҙе бер минут тынлыҡ менән хәтерләне.

Ватанды һаҡлаусылар көнө уңайынан Яңылыҡтар хеҙмәте акция иғлан итте

Бөгөн Башҡортостандан күп кенә ир-егеттәр махсус хәрби операцияла ҡатнаша. Нацизмға ҡаршы көрәштә пилотһыҙ осоу аппараттары киң ҡулланыла. Сөнки дрондар ярҙамында командирҙар бөтә мәғлүмәтте реаль ваҡыт режимында күрә, тиҙ һәм аныҡ ҡарарҙар ҡабул итә. Тап шуның өсөн дә Ватанды һаҡлаусылар көнө уңайынан Яңылыҡтар хеҙмәте акция иғлан итте. Яугирҙар һорауы буйынса, «Башҡортостан» мотоуҡсылар полкы өсөн DJI Mavic 3 квадрокоптеры һатып алынасаҡ. Яҡташтарыбыҙҙың ғүмерен һаҡлауға һәм еңеүҙе яҡынайтыуға һәр кем үҙ өлөшөн индерә ала. Бының өсөн аҡсаны Һаҡлыҡ банкы картаһына ебәрергә мөмкин. 2202 2069 3314 9457 (Регина Салаватовна)

Башҡортостандың алдынғы предприятиеларының береһе производствоһын яңыртҡан

Эш «Хеҙмәт етештереүсәнлеге» милли проекты ярҙамында тормошҡа ашырылған. Йылдың икенсе кварталында ғына Белорет йылытыу ҡорамалдары заводында өҫтәмә 30 яңы позиция барлыҡҡа киләсәк. Бынан тыш, бөгөн предприятиеның эске төҙөлөшө лә тулыһынса тиерлек үҙгәргән.

Бөгөн махсус хәрби операция башланыуға теүәл ике йыл

2022 йылдың 24 февралендә президент Владимир Путин операция тураһында иғлан итте. Башҡортостан халҡы Тыуған илде һаҡлауҙа ҙур әүҙемлек күрһәтә. 2022 йылда уҡ Миңлеғәли Шайморатов исемендәге батальон булдырылды. Унан һуң Александр Доставалов һәм Салауат Юлаев исемендәге батальондар ойошторолдо. Бынан тыш, Таһир Кусимов, Миңлеғәли Ғөбәйҙуллин, Даян Мурзин исемдәрен йөрөткән батальондар төҙөлдө. Хәрбиҙәр өсөн тәүге гуманитар йөк 2022 йылдың мартында оҙатылды. Ошонан һуң был эш даими алып барыла. Башҡортостанда хәрбиҙәр һәм уларҙың ғаиләләренә һәр төрлө ярҙам күрһәтеү буйынса саралар комплексы әҙерләнгән.

Өфөлә "Еңеү" кинотеатры ремонтлана

Ҡала хакимиәте капиталь төҙөкләндереү өсөн контракт тәҡдим итә. Бюджеттан 235 миллион һум бүлергә әҙерҙәр. Эштәр киләһе йылдың йәйендә тамамланырға тейеш. Электр, һыу, йылытыу системаларын ремонтларға, иҙән-стеналарҙы тәртипкә килтерергә кәрәк. "Еңеү" кинотеатры 1949 йылда төҙөлгән.

6-8-се кластарҙа йәмғиәтте өйрәнеү фәнен уҡытмаҫҡа тәҡдим итәләр

Мәғариф министрлығы шундай башланғыс менән сыҡты. Ведомствонан белдереүҙәренсә, 9-сы класта аҙнаһына бер генә дәрес ҡалдырырға кәрәк. Документ менән рәсми мәғлүмәттәр порталында танышырға мөмкин. Тейешле ҡарар ҡабул ителһә яңы норма 2025 йылдың 1 сентябренән көсөнә инә. Бер үк ваҡытта мәктәптәрҙә тарих дәрестәрен арттырырға теләйҙәр. Йылына тағы 136 сәғәт өҫтәү мөмкинлеге ҡарала.