Баш ҡалала йәнә үҙенсәлекле операция башҡарылды

Яһалма интеллектҡа ҡоролған әмәлиәт. Башҡорт дәүләт медицина университеты кликинаһының роботлаштырылған хирургия үҙәгендә йәнә үҙенсәлекле операция башҡарылды. Был юлы ул оҫталыҡ дәресе рәүешендә тура эфирҙа алып барылды. Эш барышы менән танышҡан ординаторҙар, дәрес һуңында белгестәргә ҡыҙыҡһындырған һорауҙарын бирҙе. Заманса технологиялар менән йыһазландырылған Өфөләге үҙәк Волга буйы федераль округында берҙән-бере.

Мәсетле районынан Сөләймәновтар Ғаилә йылын үҙ йортонда ҡаршылай

Мәсетле районы Көршәле ауылында йәшәүсе Ләйсән һәм Фидан Сөләймәновтар бер нисә йыл элек дәүләттән аҡсалата ярҙам ала. «Ауыл биләмәләрен комплекслы үҫтереү» программаһы буйынса йәш ғаиләгә йорт төҙөү өсөн бер миллион һумға яҡын аҡсалата сертификат тапшырыла. Улар был суммаға нигеҙ һала, йорт стенаһы күтәрә. Былтыр өй газға тоташтырыла.

Өфөнөң урмансылар паркында ғашиҡ парҙар йүгерҙе

Спорт сараһы быйыл унынсы тапҡыр ойошторолдо. Сатлама һыуыҡ иртәлә ҡала баҡсаһында марафонға йыйылыусылар араһында БЮТ ижади төркөмө лә булды.

Ғаилә — беҙҙең тормошта иң мөһим төшөнсә❤

«Бөтә ғаилә менән» проектында теркәлеп, ябай ғына күнегеүҙәрҙе үтәгеҙ һәм приздар алығыҙ!✨

Тулыраҡ мәғлүмәт всейсемьей.рф порталында.

Ғафури районының Яугилде ауылында Ғаилә йылына арналған байрам сараһы ойошторолдо

«Айыҡ ауыл» конкурсы сиктәрендә үткән сарала ауыл халҡы, Ауырғазы, Дәүләкән, Өфө, Ишембай райондары вәкилдәре лә ҡатнашты. Яугилделәр район этабы еңеүселәре. Тиҙҙән район данын республика кимәлендә яҡлаясаҡтар.

Өфөнөң урмансылар паркында ғашиҡ парҙар йүгерҙе

Спорт сараһы быйыл унынсы тапҡыр ойошторолдо. Сатлама һыуыҡ иртәлә ҡала баҡсаһында марафонға йыйылыусылар араһында БЮТ ижади төркөмө лә булды.

Һалдат ҡаршылау борондан ҡалған йола

Ейәнсура районының Өмбәт ауылы халҡы йәмле яҙ айында махсус хәрби операцияға юлланған Рәүф Баевты ҡаршы алған. Өмбәттәр ауыл мәҙәниәт йортонда ошо уңайҙан аят уҡытҡан.

«Хазина» ансамбле ағинәйҙәре һалдат ҡайтыуға сәк-сәк бешергән һәм уны йырлап ҡаршы алған. Ауыл ҡатындары Мәймүнә Абдуллина һәм Лилиә Рәхмәтуллина тәмле былау әҙерләгән, башҡа ҡатын-ҡыҙҙар өҫтәл әҙерләүгә тос өлөш индергән. Мәсет имамы Ришат Ҡотошев яугирҙың именлегенә аяттар бағышлап, доға ҡылған.

Башҡа һалдаттар ҙа тыуған яҡтарына иҫән-һау әйләнеп ҡайтһын!

Быйыл төбәктә тағы ла 123 йәмәғәт биләмәһе төҙөкләндерелә

Быйыл «Торлаҡ һәм ҡала мөхите» милли проектының «Уңайлы ҡала мөхите булдырыу» программаһы буйынса республикала тағы ла 123 йәмәғәт биләмәһе төҙөкләндерелә. Уларҙың 67-һе ҡалала, 56-һы ауылда урынлашҡан. Барлыҡ проекттарҙы ла былтыр яҙ төбәктә йәшәүселәр үҙҙәре онлайн-тауыш биреү ярҙамында һайлағайны. Был турала Башҡортостан башлығы Радий Хәбиров социаль селтәрҙәге сәхифәһендә яҙған.

Башҡортостанда контракт буйынса хәрби хеҙмәткә һайлап алыу дауам итә

Үҙәк хәрби округ частарына эләгергә мөмкин. Унда пилотһыҙ авиация һәм радиоэлектрон көрәш бүлексәләре булдырылған, был йүнәлештәр буйынса махсус әҙерлек үтергә була. Контракт төҙөүселәргә дәүләт тарафынан айына 210 мең һумдан башлап лайыҡлы хеҙмәт хаҡы ҡаралған, килешеү бер йылдан күберәк ваҡытҡа иҫәпләнһә - бер тапҡыр 195 мең һум түләнә. Исемле хәрби бүлексәләрҙә - башҡорт батальондарында республика, муниципалитет тарафынан өҫтәмә финанс ярҙам ҡаралған. Махсус хәрби операцияла ҡатнашыусыларҙың ғаиләләре социаль льготалар менән дә файҙалана. Үҙ ирке менән алғы һыҙыҡҡа барырға теләүселәр 117 берҙәм телефон һандары буйынса шылтыратып, контракт төҙөү шарттарын белешә ала.

Ишембайҙар махсус хәрби операцияла ҡатнашыусы яҡташтарыбыҙға ярҙам итә

Бер йылға яҡын эшләп килгән ойошма маскировка селтәрҙәре, сапер сумкалары, носилкалар тегә, окоп шәмдәре етештерә. Бөтә әйберҙәр ҙә һалдаттарҙың заказдары буйынса эшләнә. Бөгөн штабта ике тиҫтәгә яҡын ирекмән иҫәпләнә, Ишембайҙан тыш, ойошмаға күрше ауылдарҙан да ҡушыла башлағандар. Изге эштә ҡатнашыусылар 3 сменала эшләй. Ҡала хакимиәте улар өсөн бушлай бүлмә лә биргән.

Яңауыл районында «Яңауыл яугиры» тип исемләнгән тәүге муниципалитет-ара ярыш үтте

Яңауыл районында «Айыҡ ауыл» республика конкурсы сиктәрендә «Яңауыл яугиры» тип исемләнгән тәүге муниципалитет-ара ярыш үтте. Унда республиканың дүрт районынан 10 команда ҡатнашты. Хәрби-ғәмәли эстафетала ҡатнашыусылар автоматты ваҡытҡа йыйып һүтте, ҡаршылыҡтарҙы үтеп, беренсе медицина ярҙамы күрһәтеүҙә белемдәрен күрһәтте.

Былтыр Өфө заводтарының береһе үҙ продукцияһын донъяның 8 иленә оҙатҡан

Быраулау ҡоролмалары етештереүсе предприятие баҙарҙа 19 йыл эшләй. Былтыр ойошма дәүләт ярҙамында яңы станоктар һатып алыу мөмкинлеге менән файҙаланып, етештереүҙе арттырыуға ирешкән. Заманса ҡорамалдар ярҙамында завод Көнсығыш Азия илдәренә тауарҙар ебәрә башлаған.

Яугир һөйгәненә тәҡдим яһаған

Октябрьскийҙан махсус операция яугире ҡыҫҡа ваҡытлы ялға ҡайтҡанында һөйгән ҡыҙына кейәүгә сығырға тәҡдим яһаған. Ҡыҙ үҙенең ризалығын белдергән. Йәштәр ғинуар аҙағында өйләнешкән.

«Пушистик» позывнойлы һалдат махсус операцияға ағаһы артынан фронтҡа киткән. Быға тиклем ул радиация, химик һәм биологик һаҡлау ғәскәрҙәрендә хеҙмәт иткән. Ул

«Һөйгәнемде хәрби рух менән оҙатам. Иҫән-һау һәм еңеү менән ҡайтһын!» - ти яҡташыбыҙҙың хәләл ефете.

Башҡортостан Үҙәк һайлау комиссияһында эфир ваҡытын бүлеү буйынса йәрәбә уҙғарҙылды

Башҡортостан Үҙәк һайлау комиссияһында ҡайһы кандидаттың ҡасан телевидение һәм радиола сығыш яһауы асыҡланды. Рәсәй Президенты вазифаһына дәғүә итеүселәр араһында һайлау алды материалдарының эфирҙа сығыу ваҡыты, көнөн билдәләү буйынса йәрәбә уҙғарҙылар. Төбәк телерадиоканалдарында бушлай сығыш яһау мөмкинлеген кандидаттар теркәлгән партия һәм ышаныслы вәкилдәре һайланы. Эфир ваҡытын төбәктең 8 радио һәм телекомпанияһы тәҡдим итә.

Республика клиник йоғошло ауырыуҙар дауаханаһы лабораторияһы төҙөкләндереүҙән һуң үҙ эшен яңынан тергеҙә

Теүәл анализдар өсөн. Республика клиник йоғошло ауырыуҙар дауаханаһы лабораторияһы төҙөкләндереүҙән һуң үҙ эшен яңынан тергеҙә. Бер нисә ай эсендә медицина учреждениеһында яңы ҡорамалдар ҡуйылған һәм хеҙмәт шарттары яҡшыртылған.

«Демография» милли проекты сиктәрендә Өфөлә геронтология үҙәгенең яңы бинаһы төҙөлә

50 урынға иҫәпләнгән социаль объект оло йәштәгеләр һәм һаулыҡ мөмкинлектәре сикле ҡарттар өсөн тәғәйенләнгән. Барлыҡ уңайлыҡтары булған яңы корпус быйыл файҙаланыуға тапшырылыр тип күҙаллана.

Өфөнөң 450 йыллығына баш ҡалала махсус кофе тәҡдим ителде

Уфачино - юбилей ҡәһеүәһе. Өфөнөң 450 йыллығына баш ҡалала махсус кофе тәҡдим ителде. Өфө лимонарийында үҫкән ҡәһеүә бөртөктәренән етештерелгән үҙенсәлекле эсемлек ҡурай еләге һәм сәк-сәк менән биҙәп эшләнә. Проект етәксеһе, Уфачино ҡәһеүәһе капучино кеүек билдәле продукт буласаҡ тип өмөтләнә.

Ишембайҙа йәшәүсе аттарҙы өйрәтеүсе гүзәл зат вәкиле донъя кимәлендә иң яҡшыһы тип танылған

Татьяна Носова тояҡлы хайуандарҙы күнекмәләргә ун йыллап өйрәтә. Әле уның тәрбиәһендә 3 бейә бар. Конкурсҡа ул сығышының видеоһын ебәргән. Онлайн бәйгене донъяның иң оҫта хайуан өйрәтеүселәре баһалаған.

Бөгөндән Башҡортостанда табипҡа телефон аша яҙылғанда СНИЛС кәрәк була

Һанлы үҫеш министрлығынан хәбәр итеүҙәренсә, шылтыратыуҙы ҡабул иткән робот страховка номерын һорай. Был шәхесте аныҡлау өсөн кәрәк. 122 өҫтәмә 2 һандарына шылтыратып өйгә табип саҡыртырға, ҡабул итеүгә алдан яҙылырға, вакцина алыу көнөн һайларға мөмкин.

Баймаҡ районында ҙур мәҙәни үҙәк төҙөлә

Урғаҙа ауылындағы бинаның майҙаны 3 мең квадрат метрҙан ашыу була. Бында тамашасы залы, күргәҙмә биләмәһе, уйын бүлмәһе, китапхана, оҫтахана урынлаша. Шулай уҡ балалар сәнғәт мәктәбен асыу планлаштырыла, тип хәбәр итә социал селтәрҙә вице-премьер Алан Марзаев. Мәҙәни үҙәк 68 процентҡа әҙер.