2025 йылдың 1 сентябренән Башҡортостан мәктәрендә яңы фән уҡытыла башлай

"Тыуған төйәк тарихы. Башҡортостан" тигән курс индерелә. Был турала Мәғариф һәм фән министры Илдар Мәүлетбирҙин белдерҙе. - Авторҙар коллективы билдәләнгән. 1 апрелгә тиклем курс буйынса ҡулъяҙманы әҙерләргә тейешбеҙ, - тине ул. Яңы предметты 5-7-се класс уҡыусылары өйрәнәсәк.

Яңы ВУЗ-ара студенттар кампусында 4 меңдән ашыу студент белем аласаҡ

Бында IQ-парк, Геном үҙәге һәм төп корпус урынлаша. Яңы, заманса комплекс күберәк абитуриенттар йәлеп итеү, белем сифатын яҡшырыу мөмкинлеге бирәсәк тип көтөлә. Кампустың тәүге өлөшө файҙаланыуға тапшырылды.

“Айыҡ ауыл” конкурсының республика этабына 52 ауылдан ғариза ҡабул ителгән

Ярышта ҡатнашыусылар 4 номинация буйынса - эре, ҙур, уртаса, бәләкәй ауылдарға бүленгән. Бөтә донъя башҡорттары ҡоролтайы Президиумы рәйесе Эльвира Айытҡолова ошо турала белдерҙе. Ярыш еңеүселәрен бүләкләү тантанаһы 25 апрелдә Өфөлә була.

Әбйәлил районының Яҡтыкүл ауылында модулле фельдшер-акушер пункты асылды

Бинаға коммуникациялар, һалҡын һәм эҫе һыу, электр уты үткәрелгән. Яңы фельдшер-акушерлыҡ пунктында ҡабул итеү, процедура-прививка кабинеттары, санузел, гардероб бар, халыҡ диспансеризация, вакцинация үтә һәм башҡа дауалау процедуралары алыу мөмкинлегенә эйә. ФАП-та 300-гә яҡын кешегә медицина ярҙамы күрһәтелә.

Башҡортостан йәш хоккейсылары "Алтын шайба" ярыштарында 3-сө урын яуланы

Кушнаренко районы командаһы бронза миҙалға лайыҡ булды. 2009-2010 йылғы үҫмерҙәрҙән тупланған ауыл командалары араһында турнир Салауат һәм Ишембай ҡалаларында үтте. Ярыштарҙа илдең 16 төбәге вәкилдәре ҡатнашты.

Радий Хәбиров Белоруссияның Витебск өлкә башҡарма комитеты рәйесе Александр Субботин менән осрашты

Радий Хәбиров Минскиҙа Белоруссияның Витебск өлкә башҡарма комитеты рәйесе Александр Субботин менән осрашты. Аралашыуҙың төп темаһы иҡтисад һәм социаль өлкәлә үҙ-ара эш итеүҙе нығытыу булды. Бынан тыш, Витебск өлкә башҡарма комитеты етәксеһе республика делегацияһын июнь айында үтәсәк Рәсәй һәм Белоруссия төбәктәре форумына саҡырҙы.

Бөгөн Башҡортостан Республикаһы рәсми делегацияһының Белоруссияға эш сәфәренең икенсе көнө

Программала эшлекле осрашыуҙар ҡаралған. Шулай уҡ Башҡортостан - Белоруссия -халыҡ-ара бизнес форумы үтәсәк. Быға тиклем республиканың бизнес өлкәһе вәкилдәре битуби форматында осрашыуҙар үткәрҙе. Теманы Белоруссиянан БЮТ хәбәрсеһе Айнур Кәбиров дауам итә.

Иглин районында йәшәгән Бөйөк Ватан һуғышы ветераны 100 йәшлек юбилейын билдәләне

Әхмәтзәки Нурғаян улы Сакаев 1924 йылда Әмир ауылында тыуған. 1942 йылдың 15 авгусында атаһы менән Бергә Ҡыҙыл Армия сафына саҡырыла һәм Хәрби-Диңгеҙ флотында хеҙмәт итә башлай. Бөйөк Ватан һуғышы тамаланғандан һуң ул биш йыл дауамында флотта эшләгәс кенә демобилизациялана. Оҙаҡ йылдар Әмит ауылы мәктәбендә уҡытыусы булып эшләй, ғаилә ҡороп биш бала тәрбиәләп үҫтерә.

Рәсәй президентын һайлауҙа видеокүҙәтеү илдең бөтә төбәктәрендә ойошторола

Был турала Үҙәк һайлау комиссияһынан хәбәр итәләр. Рәсәйҙә президент 6 йылға һайлана. Кандидаттар өсөн өс көн эсендә тауыш бирергә мөмкин. Һайлау 15, 16 һәм 17 мартта үтә. Башҡортостанда 3 меңдән ашыу һайлау участкаһы булдырылған.

Башҡортостанда ҡаргиҙәрҙәрҙе иҫәпләнеләр

Дәүләт техник күҙәтеү хеҙмәтенән хәбәр итеүҙәренсә, бөгөнгә 5 мең 400 ошондайт транспорт бар. Ҡар мотоциклы хәүефле техника һанала, уны файҙаланыу һәм теркәү ҡағиҙәләре үтәлергә тейеш. Был техниканы А категорияһы булған водителдәр йөрөтә ала. Башҡа категориялар өсөн инструктаж үтергә кәрәк.

Радий Хәбиров Белоруссияла Башҡортостанда сығарыласаҡ техника өлгөләре менән танышты

Амкодор компанияһы заводы Өфөлә төҙөлә. Радий Хәбиров әйтеүенсә, завод быйыл уҡ сафҡа индереләсәк һәм Башҡортостандың машиналар эшләү өлкәһендә ҙур алға китеш буласаҡ.
Автогрейдер, бульдозер, экскаваторҙар. «Амкодор» заводы сығарған махсус техника Башҡортостанда ла етештерелә башлаясаҡ. «Алға» махсус иҡтисади биләмәһендә төҙөләсәк заводты быйыл уҡ сафҡа индереү күҙаллана. Йылына бында мең берәмек техника йыйыу мөмкинлеге буласаҡ.

Өфөлә быйыл былтырғы күрһәткестәр менән сағыштырғанда, ҡар күберәк яуған

Баш ҡалала быйыл былтырғы күрһәткестәр менән сағыштырғанда, ҡар күберәк яуған. Коммуналь хеҙмәттәр көсөргәнешле режимда эшләһә лә, бөтә ҡарҙы таҙартып өлгөрмәй. Был йәһәттән тағы ла ниндәй саралар күрелә? Тулыраҡ киләһе яҙмала.

Мәсетле районының Оло Ыҡтамаҡ үҙәк район дауаханаһында яңы корпус файҙаланыуға тапшырылды

Заманса йыһазландырылған кабинеттар һәм уңайлы палаталар. Мәсетле районының Оло Ыҡтамаҡ үҙәк район дауаханаһында яңы корпус файҙаланыуға тапшырылды. Декабрь аҙағында уҡ сафҡа ингән учреждение, Радий Хәбиров ҡушыуы буйынса яңыраҡ тулы ҡеүәттә эш башланы. Пациенттарҙы дауалау корпусы менән беҙҙең ижади төркөм танышты.

Республика кардиология үҙәгенең хирургия корпусы төҙөлөшө тамамланыу алдында

9 ҡатлы заманса бинала төҙөлөш эштәре 90 процентҡа теүәлләнгән. Май айында объектты медицина ҡоролмалары менән йыһазландырыу, биҙәү көтөлә. Кардиология үҙәгенең яңы корпусында 320 пациентты хеҙмәтләндереү мөмкин буласаҡ. Бында диагностика, операция блогы, балалар һәм өлкәндәр бүлектәре эшләп торасаҡ.

Стәрлетамаҡта халыҡтың бөтә йәш категориялары өсөн «Финанс тураһында диалогтар» ойошторолдо

Башҡортостанда финанс грамоталылығы буйынса саралар уңышлы тормошҡа ашырыла. Стәрлетамаҡта халыҡтың бөтә йәш категориялары өсөн «Финанс тураһында диалогтар» ойошторолдо. Төрлө аудиторияларҙа уҡыусылар, студенттар, хеҙмәт коллективтары, пенсионерҙар, педагогтар, эшҡыуарҙар, шул иҫәптән үҙмәшғүл граждандар өсөн бушлай лекциялар, оҫталыҡ дәрестәре, методик семинарҙар үтте. «Финанс тураһында диалогтар» проекты тураһында тулыраҡ киләһе яҙмала.

Өфөлә танылған композитор Шамил Ҡолбарисовтың тыуыуына 100 йыл тулыуға арналған Хәтер кисәһе үтте

Яҙ илсеһенә дан. Хөсәйен Әхмәтов исемендәге Башҡорт дәүләт филармонияһында танылған композитор, йырсы, режиссер Шамил Ҡолбарисовтың тыуыуына 100 йыл тулыуға арналған Хәтер кисәһе үтте. Башҡортостан артистары хәтирәләре менән уртаҡлашып, мәшһүр ижадсының әҫәрҙәрен тамашасыға еткерҙе.

Өфөлә ихаталарҙы ҡарҙан таҙартыуға идарасы компаниялар яуаплы

Был турала ҡала хакимиәтендә белдерелде. - Тәү сиратта, йорттарға инеү урындары, тротуарҙар, контейнер майҙансыҡтары таҙартылырға тейеш. Күпләп ҡар яуған ваҡыттарҙа бер юлы бөтә урындарҙы тәртипкә килтереү мөмкин түгел тип хәбәр ителде.

Былтыр республикала 1 миллон 500 меңдән ашыу кеше диспансеризация үткән

Былтыр республикала 1 миллон 500 меңдән ашыу кеше диспансеризация һәм профилактик тикшереү үткән. Уның һөҙөмтәләре буйынса, 300 мең кешелә тәүгә төрлө ауырыуҙар асыҡланған. Төбәктә быйыл да медицина тикшереүе дауам итә, диспансеризацияны йәшәү урыны буйынса поликлиникала бушлай үтергә мөмкин.

Өфө үҙәгендә гранит тротуарҙар була

Был турала ҡала хакимиәтенең архитектура идаралығынан хәбәр итәләр. Быйыл Ленин, Карл Маркс, Пушкин, Комммунистик һәм Яңы күпер урамдары яңыртыла. Шулай уҡ эскәмйә, сүп һауыттары ҡуйыла, фонарҙәр алмаштырыла. Эштәр Өфөнөң 450 йыллығы алдынан алып барыла.

Өфө һәм Минск төҙөлөш өлкәһендә хеҙмәттәшлек итә

Башҡортостан һәм Белоруссия араһында төҙөлөш өлкәһендә хеҙмәттәшлек тураһында килешеү төҙөлдө. Беҙҙең республика бизнес-сәфәр менән Минскиға барҙы. - Башҡортостанда аҙ ҡатлы һәм шәхси торлаҡ төҙөлөшө үҫешә. Был килешеүгә ярашлы, сифатлы төҙөлөш материалдары килтереү, яңы технологиялар ҡулланыу планлаштырыла, - тип белдерҙе Башҡортостан төҙөлөш һәм аритектура министры вазифаһын башҡарыусы Владислав Сидоркин.