Өфөлә Радий Хәбировты хуплап митинг-концерт ойошторолдо

Бөтә республика - бер майҙанда. Өфөлә «Торатау» конгресс-холы алдында Башҡортостан башлығы Радий Хәбиров алып барған сәйәсәтте хуплап 50 мең тирәһе кеше йыйылды. Йәмәғәтселек республика етәксеһе экстремистарға ҡаршы алып барған көрәште яҡлап үҙәк майҙанға сыҡты, фекерҙәре менән уртаҡлашты.

Радий Хәбиров цивилизациялы диалог алып барырға әҙер булғандарға ҡул һуҙҙы

Шулай итеп, республика башлығы Башҡортостандың көслө лидеры булыуын тағы бер тапҡыр иҫбатланы, тип иҫәпләй эксперттар. Политологтар һәм йәмәғәт эшмәкәрҙәре фекеренсә, бөгөнгө концерт халыҡтың тыуған Башҡортостандың мәнфәғәттәре өсөн берләшергә һәм ваҡыт әҙер булыуын күрһәтте.

Башҡортостан башлығы яҙыусылар менән осрашты

Башҡортостан Яҙыусылар Союзының 90 йыллығын билдәләү, Ҡаҙағстанда Башҡортостан әҙәбиәте көндәре, яҙыусыларға Башҡортостан башлығы грантын 10 миллион һумға арттырыу. Республика башлығы Радий Хәбировтың яҙыусылар менән осрашыуында һүҙ заман әҙәбиәте, көнүҙәк проблемалар, киләсәк бурыстар, үҫеш юлдары тураһында барҙы. Осрашыуҙа ҡатнашыусылар Радий Хәбировҡа әҙәби ижадҡа иғтибары өсөн рәхмәт белдерҙе һәм үҙҙәренең теләктәшлеген еткерҙе.

Башҡортостандың IT-компаниялары йыл һайын йөҙҙәрсә миллион һумлыҡ грант ота

Башҡортостандың IT-компаниялары «Һанлы технологиялар» проекты сиктәрендә йыл һайын йөҙҙәрсә миллион һумлыҡ грант ота. Аҡсалата ярҙам һанлы технология өлкәһендә эшләүсе ойошмаларҙы дәртләндереү, уларҙың идеяларын тормошҡа ашырыу өсөн йүнәлтелә. Былтыр республиканың өс IT-проекты федераль һөм төбәк бюджетынан 135 миллион һумлыҡ грант отто. Еңеүселәрҙең икеһе менән БЮТ ижади төркөм осрашты.

Өфөлә никах теркәүселәргә Ғаилә йылы уңайынан Башҡортостан Башлығынан бүләккә сәй сервизы тапшырылды

Был көндө никахҡа инеүселәр матур сервиздан сәй эсеп иҫләйәсәк. Өфөнөң Киров районы ЗАГС-нда никах теркәүселәргә Ғаилә йылы уңайынан Башҡортостан Башлығы Радий Хәбировтан бүләккә сәй сервизы тапшырылды.

Башҡортостан һәм Тажиҡстан уртаҡ сәнәғәт проекттарын арттырырға ниәтләй

Ошо көндәрҙә Рәсәй делегацияһы сит илдә сәфәрҙә булды. Унда Башҡортостан Үҫеш корпорацияһы етәксеһе Наил Ғәббәсов ҡатнашты. Тажиҡстанға сәнәғәт өлкәһендә уртаҡ инвестиция проекттарын тормошҡа ашырырға тәҡдим ителде. Сәфәр барышында Дүшәнбе ҡалаһы һәм бер нисә өлкәлә инфраструктура майҙансыҡтары күрһәтелде, бизнес вәкилдәре менән осрашыуҙар булды.

"Өфө” халыҡ-ара аэропорты 2023 йылға йомғаҡ яһаны

Былтыр 4 миллион 800 меңгә яҡын пассажир хеҙмәтләндерелгән. Был күрһәткес 17 процентҡа артҡан. Эске йүнәлештә – 50, сит илдәргә 19 маршрут буйынса авиарейстар башҡарылған. Өфөнән Владикавказ һәм Ярославль, шулай уҡ Минск, Сәмәрҡәнд, Пхукет һәм Шарджаға осоштар асылды.

Рәсәйҙә йорт хайуандарын тамғалау мотлаҡ була

Былтыр сентябрҙә федераль закон көсөнә инде. Исемлектә эре һәм ваҡ мөгөҙлө малдар, йылҡы, ҡош-ҡорт, бәләкәй йәнлектәр, шулай уҡ бал ҡорттары, балыҡ бар. Законға ярашлы, быйыл сентябргә тиклем бөтә һыйыр һәм аттарҙы маркировкалау талабы ҡуйыла. Мәғлүмәт Ауыл хужалығы күҙәтеү хеҙмәтенең “Хорриот” тигән электрон системаһына индерелә.

Башҡортостанда лифттарҙы алмаштырыу ваҡытынан алда үтәлеп килә

Торлаҡ-коммуналь хужалыҡ министрлығынан белдереүҙәренсә, бөгөнгә 27 күп ҡатлы йортта 59 лифт ҡуйылған. 2023 йылда план тулыһынса үтәлгән. Республикала 10 йылда 3 мең 800-ҙән ашыу лифт алмаштырылған. Бының өсөн яҡынса 10 миллиард һум тотонолған.

Республикала былтыр 4 меңгә яҡын кеше исемен алмаштырған

Юстиция эштәре буйынса дәүләт комитетынан хәбәр итеүҙәренсә, был һан 2022 йылға ҡарағанда 16 процентҡа күберәк булған. Исемен алмаштырырға йәки төҙәтергә теләгәндәр Өфөлә йышыраҡ теркәлгән. Әйткәндәй, былтыр Әминә һәм Әмир исемдәре иң популяр булған.

Рәсәйҙә 1 февралдән социаль түләү һәм пособиелар арттырыла

Президент ҡушыуы буйынса Хөкүмәт тейешле бойороҡ әҙерләй. Документҡа ярашлы, әсәләк капиталы беренсе бала өсөн 630 мең һумға еткерелә, сабый тыуғанда 24,6 мең һумлыҡ пособие бирелә. Һуғыш ветерандары, инвалидтарға ла түләү арта. Йәмғеһе 40-тан ашыу социаль пособие индексациялана. Ул 20 миллион кешегә ҡағыла, тип белдерәләр федераль министрҙар кабинетынан.

Өфөлә йәшәүсе махсус хәрби операцияла ҡатнашыусы яугирҙар өсөн маскировка селтәрҙәре үрә башлаған

Ярҙам итеү теләге менән. Өфөлә йәшәүсе Әлфир Аҡҡужин махсус хәрби операцияла ҡатнашыусы яугирҙар өсөн маскировка селтәрҙәре үрә башлаған. Бәләкәйҙән инвалид булып ҡалған егет был шөғөлгә өйрәнеү өсөн ирекмәндәрҙә оҫталыҡ дәресе үткән. Әлфир Аҡҡужин 9 йәшендә аварияға эләгеп, сәләмәтлегенә зыян килә. Шуға ҡарамаҫтан тырыш, ярҙамсыл егет Рәсәй ислам университетын тамамлаған. Илһөйәр ирекмәндең башланғыстарын Башҡортостан батальондарының рухи остазы Хәмзә Хафизов та хуплаған. Оҫталыҡ дәрестәре тамамланғас Әлфир Аҡҡужин маскировкалау селтәрҙәрен йортонда үрә башлаясаҡ.

Өфөлә “Өлгөлө башҡорт ғаиләһе” конкурсы финалына сығыусылар билдәләнде

Бәйгелә Архангел, Ауырғазы, Өфө, Дәүләкән, Иглин, Ҡырмыҫҡалы һәм Шишмә райондарынан, Өфө ҡалаһынан 14 ғаилә ҡатнашты. Баш ҡаланан “Ғаилә ижады” номинацияһында Шәһәрғазиндар, “Ғаилә кәсебе”ндә Асаиновтар, Дәүләкән районынан “Ғаилә традициялары һәм ҡиммәттәре”ндә Ғәлимовтар ғаиләһе еңеү яуланы. Еңеүселәр конкурстың республика этабында сығыш яһай.

Республика Хәрби Дан музейында МХО-ға арналған күргәҙмә залы яңы экспонаттар менән байытылды

Республика Хәрби Дан музейында махсус хәрби операцияға арналған күргәҙмә залы яңы экспонаттар менән байытылды. Был юлы экспозицияның бер өлөшөн трофей әйберҙәргә өҫтөнлөк бирелгән. Уның аша килгән халыҡ бөгөнгө ысынбарлаҡты күҙаллай ала.

Бөрө ҡалаһында «Керәшен һыуыҡтары» төбәк-ара эстрада йыр һәм бейеү фестиваль-конкурсы башланды

Сараның тәүге көнөндә конкурсанттар өс номинацияла көс һынашты. Иртәгә үтәсәк гала-концертта еңеүселәр исеме билдәләнә. Бөрө ҡалаһы брендына әйләнгән саранан репортаж.

✨Өфөлә Мортаза Рәхимовҡа һәйкәл ҡуйыу эштәре башланды

Башҡортостандың беренсе Президентына һәйкәлде асыу тантанаһы 7 февралдә үтәсәк, тап ошо көндә Мортаза Рәхимовҡа 90 йәш тулған булыр ине. Әлеге ваҡытта һәйкәл ҡуйыласаҡ биләмә кәртәләнгән, нигеҙ плитаһын һала башлағандар.

Проектҡа ярашлы, һәйкәл бронзанан буласаҡ, бейеклеге - 4 метр. Ул БР Дәүләт Йыйылышы - Ҡоролтай йорто алдында, ике фонтан араһында урынлашасаҡ.

Башҡортостан йәштәре финанс белем буйынса онлайн дәрестәрҙә ҡатнаша ала

Рәсәй банкы өлкән класс уҡыусылары һәм урта уҡыу йорттары студенттары өсөн осрашыуҙар ойоштора. Унда шәхси финанс план төҙөргә, киберенәйәселәрҙе асыҡларға, аҡса менән дөрөҫ ҡулланырға өйрәтәләр. Аҙаҡ “Финанс белем буйынса уйындар” уҙа. Яҙғы сессия 19 апрелгә тиклем дауам итә. Финанс белем буйынса онлайн дәрестәр 2015 йылдан ойошторолоп килә. Ошо ваҡыт эсендә унда республиканан 250 меңдән ашыу кеше ҡатнашҡан.

Республикала “Беҙҙең йөрәк йылыһы” тигән акция иғлан ителде

Унда балалар баҡсалары һәм мәктәптәр ҡатнаша. Балалар махсус хәрби операция яугирҙәренә хат яҙа, сувенирҙар яһай, һүрәт төшөрә. Акция 17 февралгә тиклем дауам итә. Тулыраҡ мәғлүмәт менән “Ветеран Башкортостана” газетаһының рәсми сайтында танышырға мөмкин.

Контракт төҙөмәйенсә махсус операцияла ҡатнашыусыларға ла ветеран статусы бирелә

Был турала Владимир Путин яугирҙәрҙең ғаиләләре менән осрашыуҙа белдерҙе. Рәсәй Хөкүмәте 1 апрелгә тиклем ҡануниәткә үҙгәрештәр индерергә тейеш. Уға ярашлы, махсус хәрби операцияла контракт төҙөмәйсә ҡатнашыусыларға хәрби бәрелештәр ветераны статусын биреү ҡарала. Бынан тыш, үлгәндән һуң Рәсәй Геройы исеме бирелгән яугирҙәрҙең ғаиләләренә льготаларҙы закон яғынан нығытыу бурысы ҡуйыла.

Дәүләт милкен ташламалы хаҡҡа ҡуртымға алыу буйынса килешеүҙәр һаны артҡан

Уҙған йылда республикала 113 бәләкәй һәм урта эшҡыуарлыҡ субъекты һәм үҙмәшғүлдәр дәүләт мөлкәте менән файҙаланған өсөн 130 льготалы ҡуртым килешеүе төҙөгән, был 2022 йыл менән сағыштырғанда 49 процентҡа күберәк. Ярҙамдың суммаһы 56 миллион һумға баһалана. Льготалы шарттар тәүге өс йылда яҡынса 40-80 процент ҡуртым аҡсаһын түләүҙе күҙ уңында тота.