Башҡортостанда ҡош-ҡорт кәмегән

Статистика хеҙмәтенән хәбәр итеүҙәренсә, әле республика хужалыҡтарында 4 миллион 900 мең ҡош бар. Бер йыл элек был һан ике тапҡырға ҙурыраҡ булған. Башҡа мал-тыуарҙың һаны үҙгәрмәгән. Предприятиеларҙа 253 мең һыйыр малы, 541 мең сусҡа, 22 мең 800 йылҡы, 18 мең 600 һарыҡ һәм кәзә аҫрала. Ҡош-ҡорт кәмеүен Өфө районында киҙеү асыҡланыуы менән аңлаталар. Ҙур хужалыҡта бөтә ҡош-ҡорт юҡ ителде.

Теләге булғандар махсус хәрби операцияла ҡатнашыу өсөн контракт төҙөй ала

Республика хәрби комиссариатында буласаҡ яугирҙарға хәрби хеҙмәткә инеү тәртибен, льготалар һәм түләүҙәр тураһында консультация бирә, ниндәй документтар кәрәклеген аңлата. Контракт төҙөүгә запастағы граждандар, яңы хәрби хеҙмәтен тултырыусылар, шулай уҡ хәрби хеҙмәттә булмаған, әммә юғары йәки урта һөнәри белем алған ир-егеттәр хоҡуҡлы. Ошо һәм башҡа һорауҙарға яуапты район-ҡалаларҙа асылған хәрби хеҙмәткә саҡырыу буйынса мобиль мәғлүмәт пункттарында ла алырға мөмкин. Контракт буйынса хәрби хеҙмәткә 65 йәшкә тиклемге ир-егеттәр ҡабул ителә.

Дәүләт Йыйылышы - Ҡоролтайҙа махсус хәрби операцияға арналған күргәҙмә асылды

Экспозицияла тиҫтәләгән экспонат һәм һынлы сәнғәт өлгөләре урын алған. «Рәсәй эҙәрмәндәр хәрәкәте»нең Башҡортостан бүлексәһе менән Хәрби дан музейы яугирҙарҙың форма һәм амуницияһын, Рәсәй Ҡораллы көстәренең хәрби ҡорал фрагменттарын алып килгән. Шулай уҡ «Беҙҙекеләр өсөн тегәбеҙ һәм бәйләбеҙ» хәрәкәте үҙҙәре етештергән продукция өлгөләрен тәҡдим итте.

Ҡырғыҙстан менән Башҡортостан уҡыу йорттары араһында хеҙмәттәшлек юлдары нығый

Ҡырғыҙстан Республикаһының юғары уҡыу йорттары ректорҙары, Ҡырғыҙстан мәғариф академияһы һәм төбәк мәғариф департаменттары етәкселәре, мәктәп директорҙарынан торған делегация Мифтахетдин Аҡмулла исемендәге Башҡорт дәүләт педагогия университетына тәжрибә уртаҡлашырға килде.

Урал аръяғында Башҡорт аты паркы булдырыла

Ул “Ирәндек” музей-ҡурсаулығы нигеҙендә асыла. Туристар тәбиғәттә утлап йөрөгән йылҡы малын күрә ала. “Мәжитов уҡыуҙары” халыҡ-ара конференцияһы барышында ошо турала белдерелде. “Башҡорт аты беҙҙең халыҡ өсөн йәшәү мәғәнәһе. Һуңғы өс йылда аттарҙың артыуы күҙәтелә. Ауыл һәм райондарҙа йылҡысылыҡ менән шөғөлләнеүселәр күбәйә”, - тип белдерҙе республика хөкүмәте вице-премьеры - Ауыл хужалығы министры Илшат Фәзрахманов. 28 ноябрҙә Мәскәүҙә Башҡортостан ауыл хужалығы аҙналығы башлана. Ул “Рәсәй” күргәҙмә-форумы барышында ойошторола. Аҙналыҡтың тәүге өс көнө Башҡорт балы һәм Башҡорт атына арнала.

Луганск һәм Донецк менән хеҙмәттәшлек киңәйә

Башҡортостан Дәүләт Йыйылышы – Ҡоролтай ике республиканың Халыҡ Советтары менән килешеү төҙөй. Документ тейешле тикшереү үткән. Уға йыл аҙағына тиклем ҡул ҡуйыу ҡарала. “Республика парламенттары закондарҙы камиллашытырыу йүнәлешендә бәйләнештәрҙе нығыта. Шулай уҡ тәжрибә уртаҡлашыу, делегациялар менән алмашыу, стажировка үтеү, берлектә саралар ойоштороу ҡарала”, - тип белдерҙе Дәүләт Йыйылышы – Ҡоролтай рәйесе Константин Толкачев. Башҡортостан тәжрибәһе илдең яңы төбәктәренә парламент эшен уңышлы ойошторорға ярҙам итәсәк.

Төркиәлә башҡорт шиғриәте антологияһы донъя күрҙе

Уны Анкаралағы Төрки телдәр институты нәшер иткән. Йыйынтыҡҡа 13 башҡорт шағирының әҫәре индерелгән. Авторҙарҙың шиғырҙары башҡорт һәм төрөк телдәрендә бирелә. Һәр әҙиптең ижадына арналған фәнни мәҡәлә баҫылған. “Милли әҙәбиәтте танытыу маҡсаты тора. Антология беҙҙең өсөн ҙур яңылыҡ. Киләһе йылда китаптың исем туйын уҙғарыу ниәте бар”, - тип белдерҙе Башҡортостан Яҙыусылар берлеге рәйеса Айгиз Баймөхәмәтов.

Марсель Фәрхетдинов: “Ауыр ваҡытта халҡым менән бергә булырға ҡарар иттем”

Йырсы һәм яугир Марсель Фәрхетдинов шулай тип белдерҙе. Республика һәм төбәк-ара конкурстар лауреаты быйыл августа Оборона министрлығы менән килешеү төҙөй. Ул сентябрҙә алғы һыҙыҡҡа юллана. Бөгөн “Певец” ҡушаматлы һалдат “Башҡортостан” мотоуҡсылар полкында хәрби бурысын үтәй һәм йырҙары менән яугирҙәрҙең рухын күтәрә. Журналист Ильяс Батыргәрәев уның менән Кременная ҡалаһында осрашҡан. Сапер Марсель Фәрхетдинов хеҙмәте, ғаиләһе тураһында ошоларҙы һөйләгән. Рәсәй Оборона министрлығы менән килешеү төҙөргә теләгәндәр 117 берҙәм телефонына шылтырата ала. Ситуация үҙәгенең телефоны: 8-347-218-19-19.

Радий Хәбиров бизнес аҙналығында Ҡытай һәм Беларусь делегациялары менән осрашты

Мәртәбәле сара Өфөлә 1 декабргә тиклем дауам итә. Башҡортостан Башлығы Беларусь Иҡтисад министры Юрий Чеботарь менән аралашты. Уртаҡ проекттарҙы тормошҡа ашырыу буйынса һөйләшеү булды. Радий Хәбиров Ҡытайҙың Халыҡ-ара бизнесты үҫтереү үҙәге етәксеһе Ли Янцзюнь менән дә әңгәмә ҡорҙо. Хеҙмәттәшлекте һәм сауҙаны үҫтереү, яңы инвестиция проекттарын тормошҡа ашырыу мәсьәләләре күтәрелде.

Оборона министрлығы менән контракт төҙөүселәргә өҫтәмә аҡса түләнә

Ошо турала Указ бар. Документҡа ярашлы, 10 ноябрҙән һуң контракт төҙөүселәр өсөн яңы түләү ҡаралған. Башҡортостан контракт буйынса хәрби хеҙмәткә һайлап алыу пункты етәксеһе Сергей Родинко белдереүенсә, бөтә түләүҙәрҙе иҫәпкә алғанда бер тапҡыр 400 мең һумға яҡын аҡса бирелә.

😪Ишембайҙа бер йәшлек сабый ваннала тонсоғоп үлгән

22 ноябрь кисендә Ишембайҙа йәшәгән ғаиләлә ҡот осҡос фажиғә булған. «Башинформ» агентлығына үҙ сығанағы хәбәр итеүенсә, 24 йәшлек әсә бер йәшлек улын ваннала йыуындырған саҡта телефон шылтыраған. Ул һөйләшкән арала ҡарауһыҙ ҡалған сабый батып үлгән. Хәҙер хоҡуҡ һаҡлаусылар ваҡиға сәбәптәрен асыҡлай.

‼️«Ванна бүлмәһенә ингән ҡатын балаһының тын алмағанын күреп, ашығыс ярҙам саҡыртҡан. Тик килеп еткән табиптар малайҙың үлемен генә теркәгән», — тине мәғлүмәт агентлығы әңгәмәсеһе.

“Ярҙам поезы” яугирҙәрҙе хәстәрләй

Белгестәр махсус хәрби операцияла ҡатнашыусылар һәм ветерандарға консультация бирә. Быға тиклем граждандар менән осрашыу Белорет, Әбйәлил, Бөрйән райондарында, Межгорье һәм Стәрлетамаҡ ҡалаһында үтте. Белгестәр документтар юллау, медицина хеҙмәте һәм социаль ярҙам сараларына бәйле һорауҙарға яуап бирә. Поездың киләһе туҡталышы 1 декабрҙә Бөрө ҡалаһында була. Махсус хәрби операцияла ҡатнашыусылар шулай уҡ “Ватанды һаҡлаусылар” дәүләт фондының төбәк филиалына мөрәжәғәт итә ала. Ул Өфөнөң Минһажев урамындағы 107-се йортта урынлашҡан. Үҙәк көн һайын иртәнге сәғәт туғыҙҙан киске алтыға тиклем эшләй. Бәйләнеш телефоны: 8 (347) 268-01-02.

Наши на передовой.

Башкирский батальон им. М. Шаймуратова.

Привет от «Кугарсена»

Башҡортостанда инвесторҙарға субсидия бирелә

Республика Зөкүмәтенең ошо турала күрһәтмәһе бар. Уға ярашлы, 2024 йылда инвестиция эшмәкәрлеге алып барыусыларға өҫтәп 400 мең һум йүнәлтелә. Республика адреслы инвестиция программаһына төҙәтмәләр индерелә. 2021 йылда инфраструктура объекттарын төҙөүселәргә субсидия биреү ябайлашты. 500 миллион һум инвестиция йүнәлтеүселәргә сығымдарҙың бер өлөшө ҡаплана. Федераль трассаларҙа объекттар өсөн - 50 миллион һәм республика юлдарында 20 миллион һумлыҡ инвестиция өсөн дә субсидия алырға мөмкин. Инвестиция йәлеп итеү, инвесторҙар өсөн шарттарҙы яҡшыртыу темаһы был көндәрҙә Өфөлә Халыҡ-ара эшҡыуарлыҡ аҙналығына ҡарала.

Башҡортостан Ҡытайға ауыл хужалығы продукцияһын экспортлауҙы арттыра

Уҙған йылда 11 мең тонна йөк оҙатылһа, быйыл ғинуар-сентябрь айҙарында 70 мең тоннаға еткән. Өфөлә Халыҡ-ара бизнес аҙналығында Башҡортостан ауыл хужалығы министрлығы вәкилдәре Ҡытайҙың Халыҡ-ара сауҙа үҫеше үҙәге делегацияһы менән осрашты. - Ҡытай менән мөнәсәбәттәр яҡшы. Конкуренция ҙур. Был баҙарға сифатлы продукция менән үтеп инәбеҙ, - тине вице-премьер-Ауыл хужалығы министры Илшат Фәзрахманов . Халыҡ-ара бизнес аҙналығы дауам итә. Өфөгә илдең бөтә төбәктәренән һәм 21 илдән делегациялар килде.

Башҡортостан торлаҡты файҙаланыуға тапшырыу буйынса алдынғы төбәктәрҙең береһе

Бөгөн Республика Башлығы Радий Хәбиров Төбәктәр үҫеше буйынса хөкүмәт комиссияһы президиумы ултырышында ҡатнашты. Уны вице-премьер Марат Хөснуллин уҙғарҙы. Ил хөкүмәте рәйесе урынбаҫары Башҡортостан етәкселегенә проекттарҙың ваҡытында ғәмәлгә ашырылыуы өсөн рәхмәт белдерҙе. - Башҡортостанда бөтә күрһәткестәр һәйбәт. Торлаҡ төҙөлөшөндә һөҙөмтәләр үтә яҡшы, - тине Марат Хөснуллин.

Радий Хәбиров Башҡортостан киләсәге тураһында фекерен әйтте

Башҡортостанға ҡыҙыҡһыныу арта бара. Республика Башлығы Радий Хәбиров Халыҡ-ара бизнес аҙналығының пленар ултырышында шулай тип белдерҙе. -Бөгөн беҙ алдағы биш йылға план ҡорабыҙ, иҡтисадта, социаль өлкәлә, башҡа тармаҡтарҙа маҡсаттар ҡуябыҙ. Беҙҙең һәр беребеҙ йыш осраҡта киләсәктең ниндәй буласағын билдәләйбеҙ. Кешеләр, ғаиләләр именлеген, йәшәү уңайлығын тәьмин итеү етәкселек эшенең төп йүнәлештәре - тине Радий Хәбиров. Республика Башлығы Ҡаҙағстан һәм Беларусь делегацияларын айырым сәләмләне. Был илдәр төбәктәре менән тығыҙ бәйләнештәр урынлаштырылған. Ҡытай - ҙур иҡтисади партнер булып тора.

😢Ҡайғылы хәбәр

Бөгөн күренекле ортопед-травматолог, юғары категориялы табип Таһир Миңлебай улы Резбаев арабыҙҙан китте. Был турала Стәрлетамаҡтың 1-се ҡала дауаханаһының баш табибы Илшат Яппаров хәбәр итә.

— Таһир Миңлебай улы беҙҙең өсөн һәр ваҡыт үҙ һөнәренә сикһеҙ тоғролоҡ өлгөһө буласаҡ. Уның яҡты иҫтәлеге беҙҙең йөрәктәрҙә мәңге һаҡланасаҡ. Хушлашыу бөгөн Яңы Отрадовка ауылы, Космонавтов урамы, 9-сы йорт адресы буйынса үтәсәк. Мәрхүм иртәгә Ғафури районының Баҡраҡ ауылында ерләнәсәк, — тип яҙа Илшат Яппаров.

Дәүләт Йыйылышы - Ҡоролтайҙың өсөнсө ултырышы үтте

Парламентарийҙар Дәүләт думаһы тарафынан тикшереүгә тәҡдим ителгән закон проекттары өҫтөндә эшләне. Көн тәртибендә алдағы йылдарҙа республика бюджетын планлаштырыу, килемдәрҙе һәм сығымдарҙы геосәйәсәт мәсьәләһенән сығып билдәләү, граждандарҙы социаль хеҙмәтләндереү һорауҙары иғтибар үҙәгендә булды.

Башҡорт тоҡомло аттар алғы һыҙыҡта

Журналист һәм блогер Ильяс Батыргәрәев хәбәр итеүенсә, тағы ла ике ат хәрби постҡа баҫа. Быға тиклем Әбйәлил һәм Буян ҡушаматлы малдар техника үтә алмаған урындарға йөк ташыу өсөн ҡулланыла башлағайны. Аттар махсус хәрби операция биләмәһенә “Башҡорт” ҡушаматлы полк командиры үтенесе буйынса килтерелә. “Яугир аттар – Черныш һәм Малыш хәрби бурыстарҙы уңышлы үтәй ала”, - ти Ильяс Батыргәрәев.