Ирекмәндәр республика хәрби дан музейына «Бук» зенит ракета комплексының ҡойроҡ өлөшөн тапшырҙы

Нацистар махсус хәрби операция биләмәһендә Рәсәй вертолетын бәреп төшөрөргә маташҡанда, ул беҙҙең ғәскәрҙәрҙең позицияһына ҡолай. Бәхеткә күрә, бер кем дә зыян күрмәй.
Волонтерҙар вәғәҙәһен үтәй. Меңәрләгән саҡрым юл үтеп «Бук» ЗРК ракетаһының ҡойроҡ өлөшө Өфөгә килтерелә. Уның ауырлығы бер нисә тиҫтә килограмм. Республика хәрби дан музейы хеҙмәткәрҙәре әйтеүенсә, бындай экспонат әлегә булмаған.

Өфөлә яндан уҡ атыу буйынса асыҡ милли турнир үтте

Рәми Ғарипов исемендәге 1-се Башҡорт республика гимназия-интернатында яндан уҡ атыу буйынса асыҡ милли турнир үтте. Балалалар араһында тәүгә ойошторолған спорт сараһы мәғариф учреждениеһының 80 йыллығына арналды. Ярышта республика район-ҡалаларынан 100-ҙән ашыу уҡсы бәйге тотто.

Хәйбулла районында тиҙ шахмат буйынса район беренселеге уҙғарылды

Хәйбулла районы Аҡъяр ауылының балалар-үҫмерҙәр спорт мәктәбендә тиҙ шахмат буйынса район беренселеге уҙғарылды. Интеллектуаль уйында балалар баҡсалары тәрбиәләнеүселәре - ике тиҫтәнән ашыу малай-ҡыҙ ҡатнашты.

Бөгөн Учалы ҡалаһында Башҡортостандың халыҡ артисы Әхәт Мортазин исемендәге «Диктор тауышы» төбәк-ара конкурсы үтте.

Бәйге еңеүселәре Линар Муралиев менән Айгүзәл Аслыева.

Радий Хәбиров «Беҙ бергә. Спорт» Бөтә Рәсәй ҡышҡы спартакиадаһында ҡатнашыусыларҙы сәләмләне

Башҡортостан насар ишеткән кешеләр өсөн «Беҙ бергә. Спорт» Бөтә Рәсәй ҡышҡы спартакиадаһын ҡаршылай. Ярышта ҡатнашыусыларҙы Радий Хәбиров сәләмләне. Төбәк башлығы социаль селтәрҙәге сәхифәһендә хәбәр итеүенсә, сарала илдең 30 төбәгенән 800-ҙән ашыу иң көслө спортсы сығыш яһай.

Быйыл йәй Өфө үҙәгендә 1 мең 100 түләүле парковка урыны барлыҡҡа киләсәк

Был турала бөгөн журналистар менән осрашыуҙа баш ҡала хакимиәте башлығы Ратмир Мәүлиев хәбәр итте. Уның билдәләүенсә, әлеге ваҡытта муниципаль контракттарға ҡул ҡуйылған. Ҡар иреү менән халыҡ араһында мәғлүмәт-аңлатыу эше башлана, мәғлүмәт системаһының ниндәй тариф һәм нисек эшләүе менән таныштырыу ҡарала. Шулай уҡ юлдарға тейешле билдәләр һәм тамғалар ҡуйырға кәрәк, - тине ҡала мэры.

Саҡмағош районында йәшәүсе махсус хәрби операция биләмәһендәге һалдаттарға баян моңдары яҙҙыра

Саҡмағош районы үҙәгендә йәшәүсе Марсель Әшрәпов махсус хәрби операция биләмәһендәге һалдаттарға баян моңдары яҙҙыра. Хәрби музыканы башҡарған видеояҙмаларҙы ул былтырҙан алып атаһы - «Чикаго» ҡушаматлы яугир һәм уның хеҙмәттәштәренә арнап төшөрә. Марсель менән БЮТ ижади төркөмө осрашты.

Башҡорт дәүләт педагогия университетында хәрби хәбәрселәр фотокүргәҙмәһе асылды

Мифтахетдин Аҡмулла исемендәге Башҡорт дәүләт педагогия университетында хәрби хәбәрселәр фотокүргәҙмәһе асылды. Эштәрҙең күбеһен «Башинформ» агентлығы журналисы Эдуард Ҡусҡарбәков тәҡдим итте.

Өфөлә Алексей Касьянов Нәзиә Ишмөхәмәтованы 101 йәше менән тәбрикләне

Башҡортостан буйынса баш федераль инспектор Алексей Касьянов Нәзиә Ишмөхәмәтованы 101 йәше менән тәбрикләне. Бөйөк Ватан һуғышы ветераны Ғафури районы Еҙем-Ҡаран ауылында тыуып үҫкән. 1941-1945 йылдарҙа ул СССР-ҙың Эске эштәр Халыҡ комиссариаты белгесе булып эшләй.

«Ҡоролтай 3.0» стратегик сессияһында яңы маҡсаттар билдәләнде

Бөгөн Өфөлә Бөтә донъя башҡорттары ҡоролтайы иғлан иткән Ватанды һаҡлаусылар йылын асыу тантанаһы һәм йәмәғәт ойошмаһының алдағы биш йылдағы проект эшмәкәрлеге буйынса «Ҡоролтай 3.0» стратегик сессияһы уҙҙы.
Мәғлүм булыуынса, Бөтә донъя башҡорттары ҡоролтайының 6 съезында ойошманың Президиумы һәм Башҡарма комитеты составы яңыртылды. Әле ағзалар комиссияларға бүленгән, муниципаль берәмектәрҙә съезд ҡарарҙарын тормошҡа ашырыу буйынса йыйындар ойошторола.

Өфөлә Ишембайға «Хеҙмәт ҡаһарманлығы ҡалаһы» исеме бирелеүгә бәйле яҡташтар йыйыны уҙғарылды

Тантаналы сараға Башҡортостан Хөкүмәте, ҡала хакимиәте етәкселеге, билдәле йәмәғәт эшмәкәрҙәре һәм хеҙмәт ветерандары саҡырылды. Почетлы ҡунаҡтар үҙ сығышында Ишембайҙың сәнәғәт үҫешенә бәйле тарихи мәғлүмәттәр, видеояҙмалар менән уртаҡлашты.

Өфөлә трамвай линияларын төҙөкләндереү башлана

Баш ҡала хакимиәте башлығы Ратмир Мәүлиев ошо турала белдерҙе. Бының өсөн республика бюджетынан 2 миллиард һум аҡса бүлеү ҡарала. Йыл аҙағына тиклем проект-смета документтары әҙер була, ҡаланың көньяҡ өлөшөндә реконструкцияға старт бирелә. Сентябрҙә Өфөгә Мәскәүҙән 60-тан ашыу трамвай килтерелә. Улар тиҙ арала пассажирҙар йөрөтә башларға тейеш. Ҡаланың төньяҡ өлөшөндә ремонт эштәре 2025 йылдың аҙағында, 2026 йылдың башында башланырға тейеш. “Электр транспорты беҙҙең өсөн бик мөһим”, - тип белдерҙе Ратмир Мәүлиев.

Башҡортостанда ябылған баҙарҙар урынына йәрминкәләр ойошторола

2007 йылда 111 баҙар булған. 2024 йылдың декабрендә 32 генә ҡалған. Был турала Сауҙа һәм хеҙмәттәр министры вазифаһын башҡарыусы Алексей Гусев белдерҙе. Уның әйтеүенсә, баҙарҙар һаны кәмеүе ҙур супермаркет һәм онлайн-сауҙа үҫеше менән бәйле. Конкуренция артҡан. Беҙҙең республикала әле 300-ҙән ашыу йәрминкә майҙансығы бар. Уларҙа 4 мең сауҙа урыны булдырылған.

Республика хужалыҡтары сәсеүгә әҙерләнә

Ауыл хужалығы министрлығынан хәбәр тиеүҙәренсә, 2 миллион 800 мең гектар ерҙә эштәр ҡаралған. Бының өсөн 30 миллиард һум кәрәк. - Орлоҡ, яғыулыҡ, ашлама ҡиммәтләнә, эш хаҡы өсөн сығымдар арта. Федераль ауыл хужалығы министрлығынан ташламалы кредиттар бүленергә тейеш, тип белдерҙе вице-премьер-Ауыл хужалығы министры Илшат Фәзрахманов.

Тарихҡа ингән данлыҡлы ауыл

Баймаҡ районының Урғаҙа ауылы Ленин орденына лайыҡ булған «Йылайыр» совхозы менән дан тота. Унда йәшәгән халыҡ өсөн яҡшы шарттар булдырылырға тейеш, ти Башҡортостан хөкүмәтенең элекке вице-премьеры Хәләф Ишморатов.

Радий Хәбиров етәкселегендә Башҡортостан делегацияһы эш сәфәре менән Белоруссияға килде

Республика башлығы Радий Хәбиров етәкселегендә Башҡортостан делегацияһы эш сәфәре менән Белоруссияға килде. Эшлекле программа буйынса туғандаш республикалар араһында тиҫтәләгән килешеүгә ҡул ҡуйыу күҙаллана. Башҡортостан башлығы Радий Хәбиров Белоруссия республиканың төп иҡтисади партнеры тип билдәләне.

Башҡортостанда йыл башынан 400-ҙән ашыу ут сығыу осрағы теркәлгән

Ҡыш йылы килеүгә ҡарамаҫтан, Башҡортостанда янғындар артҡан. Йыл башынан ғына 400-ҙән ашыу ут сығыу осрағы теркәлгән, уларҙа 28 кеше һәләк булған. Был турала ғәҙәттән тыш хәлдәрҙе иҫкәртеү һәм бөтөрөү, янғын хәүефһеҙлеген тәьмин итеү буйынса комиссияның пландан тыш ултырышында белдерелде.

Республика йәмәғәтселеге Мортаза Рәхимовтың тыуыуына 91 йыл тулыуҙы билдәләй

Бөгөн республика йәмәғәтселеге Башҡортостандың тәүге Президенты Мортаза Рәхимовтың тыуыуына 91 йыл тулыуҙы билдәләй. Дәүләт Йыйылышы-Ҡоролтай депутаттары, Мортаза Ғөбәйҙулла улы менән бер осорҙа эшләгән етәкселәр уның һәйкәленә сәскә һалды.

Урғаҙа ауылы халҡы был объекттарҙы көтөп алды

Өфөнөң 102-се мәктәбе директоры Шайморат Тимербулатов Баймаҡ районының Урғаҙа ауылында асылған социаль-мәҙәни үҙәк һәм дауахана хаҡында фекерен белдерҙе.

Бинаның дөйөм майҙаны – 3 мең квадрат метрҙан ашыу. Төҙөлөштөң хаҡы иһә 200 миллион һумдан күберәк.

«Минеңсә, ҙур, күркәм мәҙәниәт йорто ҡалҡып сыҡты. Балаларға художестволы үҙешмәкәрлек, сәнғәт менән шөғөлләнеү өсөн мөмкинлектәр бар. Тамаша залы ла ҙур, мәҙәниәт министры беҙҙең театрҙар һәм филармония артистары концерттар, спектаклдәр менән гастролгә килер тип вәғәҙәләне. Бында тормош ҡайнап торорға тейеш. Урғаҙала һыу менән тәьмин итеү мәсьәләһен хәл итергә кәрәк әле. Баймаҡ районында егәрле халыҡ йәшәй, беҙ районға үҫешергә ярҙам итербеҙ», – тине үҙәкте асыу тантанаһында Радий Хәбиров.

Махсус хәрби операцияла ҡатнашыусы яугирҙарҙың туғандары маскировка селтәрҙәре үрә

Бының өсөн улар Саҡмағош районы үҙәгендәге Миңлеғәле Шайморатов исемендәге ирекмәндәр штабына йыйыла. Алғы һыҙҙыҡтағы яугирҙарға ебәреләсәк маскировка селтәрҙәрен үреү уңайлы булһын өсөн махсус станок эшләнгән. Сарала һалдаттарҙың әсәләренә һәм ҡатындарына «Ғаилә» үҙәге хеҙмәткәрҙәре психологик ярҙам күрһәтә.