Өфөлә «Йәштәр ваҡыты» республика йәштәр ҡаҙаныштары премияһы еңеүселәре һәм лауреаттары бүләкләнде

Конкурс икенсе йыл инде лидерҙарҙы, эксперттарҙы һәм активистарҙы йыя һәм ҡатнашыусыларҙы мөһим башланғыстарҙы тормошҡа ашырыуға рухландыра. Быйыл баһалама ағзалары 700-ҙән ашыу ғаризаны ҡараны. Йәштәрҙең тормош сифатын яҡшыртыуға йүнәлтелгән иң лайыҡлы проекттар һайлап алынды.

Ришат күпере

Ҡараиҙел районының Абдулла ауылында аҫылмалы күпергә коллегабыҙ, күренекле теле журналист, БР-ҙың атҡаҙанған киң мәғлүмәт саралары хеҙмәткәре Ришат Миндияровтың исеме бирелде.

Күперҙә асылған таҡтаташта тележурналисттың портреты һәм хеҙмәттәшебеҙ, шағиры Гөлдәриә Йосопованың Ришат Миндияровҡа бағышланған шиғыры урын алған:
Үткән һайын рәхмәт уҡыр
Тоғро улына халҡы.
Төҫө булып, ауылында
Ришат күпере ҡалды.

Киләһе йылдан транспорт өсөн түбән һалым ставкаһы бурысы булмағандарға ғына ғәмәлдә ҡала

Ваҡытында түләмәүселәр өсөн һалым күләме бермә-бер арта. Шуға күрә яңы йылға бирәсәкһеҙ инеү хәйерлерәк, ти инспекторҙар. Мәҫәлән, Лада Гранта автомобиле өсөн түбән ставка менән 870 һум түләргә кәрәкһә, бурысы булғандар 2175 һум һалым сығарырға мәжбүр буласаҡ.

Дәүләт хеҙмәте һәм идара итеү академияһында «Дельфин ҡушаматлы яугир менән осрашыу үтте

Башҡортостан башлығы ҡарамағындағы Дәүләт хеҙмәте һәм идара итеү академияһында «Дельфин ҡушаматлы яугир менән осрашыу үтте. Уҡыу йорто ректоры Данияр Абдрахманов әйтеүенсә, махсус хәрби операция геройҙары менән осрашыуҙар даими ойошторола.

Донъяуи асыш: Иманай мәмерйәһендә уникаль ҡомартҡылар табылған

Башҡорт археологияһында донъяуи сенсация. Рәсәй фәндәр академияһы Өфө федераль тикшеренеүҙәр үҙәгенең Тарих, тел һәм әҙәбиәт институты археологтары уникаль табышҡа юлыҡҡан. Мәләүез районы Иманай мәмерйәһендә тиҫтә йылдар алып барылған ғилми тикшеренеүҙәр барышында бәләкәй айыу һөйәктәре һәм һунар ҡоралдары табылған. Археологик ҡомартҡыларҙың йәше 35 мең йыллап иҫәпләнә.

Республика махсуслашҡан балалар йортона - 80 йыл

Учреждениела етем һәм ата-әсә ҡарауынан мәхрүм сабыйҙар тәрбиәләнә. Балалар йортоноң Стәрлетамаҡта ла филиалы бар. Юбилейлы дата уңайынан ойошторолған тантанала Каринэ Хәбирова хеҙмәткәрҙәрҙе ҡотланы, бүләктәр тапшырҙы.

«Таланттар йондоҙлоғо» еңеүселәре өсөн яңы йыл шыршыһы

Хәҙер ун өс йыл рәттән «Әсә йөрәге» йәмғиәте һаулыҡ мөмкинлектәре сикләнгән балалар араһында ижади конкурс уҙғара. Яңы йыл алдынан еңеүселәр баш ҡалаға шыршы байрамына саҡырыла. Бөгөн дә республиканың 9 районынан йөҙҙән ашыу бала Милли йәштәр театрына йыйылды. Улар өсөн клоундар, өйрәтелгән хайуандар сығышы ойошторолдо.

«Урал батыр» башҡорт халыҡ ҡобайыры яҙып алыныуға 115 йыл

Башҡортостандың Милли музейы республикала тәүгеләрҙән булып Урал батыр уҡыуҙарын ойошторҙо. Ғалимдар, рәссамдар, мәҙәниәт һәм йәмәғәт вәкилдәре докладтар менән сығыш яһаны. Сарала башҡорт халҡының төп эпосын өйрәнеү, уны танытыу, киләсәктә ҡобайырҙы мәңгеләштереү һорауы ла күтәрелде, тәҡдимдәр яңғыраны. Улар айырым бер йыйынтыҡҡа тупланып, музей журналында нәшер ителер тип көтөлә.

Бишбүләк районында капиталь ремонттан һуң социаль-мәҙәни үҙәк асылды

Бында ауыл хакимиәте, фельдшер-акушер пункты, мордва милли мәҙәниәте үҙәге, тегеү фабрикаһы, китапхана урынлаша. Биләмәлә шулай уҡ хоккей майҙансығы булдырылған. - Ауыл халҡына эш һәм ял өсөн яҡшы мөмкинлектәр бар, тип хәбәр итәләр урындағы хакимиәттән.

Ҡазанға дрондар һөжүм иткән

Бөгөн иртән Татарстандың баш ҡалаһына һигеҙ дрон һөжүм иткән. Татарстан рәйесе Рөстәм Миниханов фажиғә урынына барған. Уның матбуғат хеҙмәтендә әйтеүҙәренсә, зыян күреүселәр һәм һәләк булыусылар юҡ.

Мәктәптәрҙә балаларҙы подвалға төшөргәндәр, сәнәғәт ойошмаларында кешеләрҙе эвакуация пункттарына урынлаштырғандар. Киләһе ике көндә күләмле мәҙәни саралар кисектерелгән.

Шайморатовсылар Донецк халыҡ республикаһының Бахмут йүнәлешендә дошман позицияларын тар-мар итә

Яҡташтарыбыҙ башҡа подразделениелар үтәй алмаҫлыҡ заданиеларға йәлеп ителә. Легендар башҡорт кавалерия дивизияһы командиры Миңлеғәле Шайморатов вариҫтары һәр хәрби бурысты ла теүәл һәм һөҙөмтәле үтәй. Күрһәтелгән ҡаһарманлыҡтар өсөн улар йыш ҡына төрлө дәүлән наградалары менән билдәләнә.

Красноусол ҡасабаһында Ғафури районы башҡорттары ҡоролтайы ултырышы үтте

Урындағы осрашыуҙа Бөтә донъя башҡорттары ҡоролтайының һөҙөмтәләре, йыл йомғаҡтары барланды, көнүҙәк мәсьәләләр буйынса фекер алышыу ойошторолдо. Яңы маҡсаттар билдәләнде. Тулыраҡ мәғлүмәт киләһе яҙмала.

Нуриман районының Красная Горка ауылында заманса кинозал эшләй башланы

Ауыл халҡына кино сәнғәте. «Мәҙәниәт» милли проекты буйынса Нуриман районының Красная Горка ауылында заманса кинозал эшләй башланы. Район мәҙәниәт йортонда урынлашҡан һанлы форматтағы кинозал асыу тантанаһында БЮТ ижади төркөмө лә булды.

Баш ҡалала Музыка йорто төҙөләсәк

Был турала Радий Хәбиров Башҡортостан башлығы ҡарамағындағы Мәҙәниәтте һәм сәнғәтте үҫтереү мәсьәләләренә арналған совет ултырышында белдерҙе. Өсөнсөгә уҙғарылған кәңәшмәлә «Мәҙәниәт» Милли проектының уңышлы һәм һөҙөмтәле тормошҡа ашырылыуы билдәләнде. Уның сиктәрендә йөҙҙән ашыу мәҙәниәт объектында капиталь ремонт ойошторолған.

Башҡортостан башлығы «Теләктәр шыршыһы» Бөтә Рәсәй акцияһында ҡатнашты

Радий Хәбиров физик мөмкинлеге сикләнгән 5 баланың яңы йыл теләген тормошҡа ашырасаҡ. «Теләктәр шыршыһы» быйыл Евразия фән-белем биреү үҙәгенең вуз-ара кампусында урынлашҡан. Йәшел ҡупшыҡайға эленгән шарҙарға республиканың төрлө төбәктәрендә йәшәгән балаларҙың теләк хаттары беркетелгән. Радий Фәрит улына Өфө районы Подымалов ауылынан Венера Әсфәғәнованың ҡурсаҡ, Октябрьскийҙан Михаил Долматовтың трансформер, Салауат районы Лаҡлы ауылынан Камил Хәйретдинов тимер юлы тураһындағы теләктәре эләкте.

Малдарға йыл ярымлыҡ аҙыҡ әҙерләнде

Башҡортостанда быйыл 4 миллион тонна тирәһе сенаж, бесән, силос һәм һалам әҙерләнгән. Ҡаты һәм һутлы мал аҙығының запасы йыл ярым йылға етә, тип белдерәләр ауыл хужалығы министрлығынан. Һәр баш малға 29 центнер аҙыҡ берәмеге тура килә.

Хоккей легендалары Башҡортостанда йыйыла

Киләһе йылдың 12 ғинуарында Өфөлә “Гимаев кубогы” турниры уҙа. Бәйгелә Павел Дацюк, Сергей Мозякин, Данис Зарипов, Вячеслав Фетисов һәм башҡа билдәле уйынсылар ҡатнаша. Спорт министрлығынан хәбәр итеүҙәренсә, билет һатыуҙан килгән килем республикала балалар спортын үҫтереүгә йүнәлтелә.

Был аҙнала Башҡортостан халҡы алты көн эшләй

Рәсәй Хөкүмәте билдәләгән графикка ярашлы, 28 декабрҙә, шәмбе көн эшләгән өсөн 30-ында ял итәбеҙ. 31 декабрҙәге ял 7 ғинуарҙан күсә. Шулай итеп Яңы йыл уңайынан 29 декабрҙән башлап 8 ғинуарға тиклем ял ҡаралған. Киләһе йылда тәүге эш көнө ғинуарҙың 9-ында була.

Владимир Путин М-12 «Көнсығыш» трассаһын асыуҙа ҡатнашты

Өфө менән Мәскәү араһы яҡыная. Владимир Путин М-12 «Көнсығыш» трассаһының Башҡортостан аша үткән участогында транспорт хәрәкәтенә старт бирҙе. Ил башлығы видеобәйләнеш аша төрлө төбәктәрҙә һауа һәм автомобиль юлдары инфраструктураһы объекттарын асыуҙа ҡатнашты. Башҡортостан аша үткән яңы участок 65 километрға һуҙыла. Уның әҙерлеге тураһында Илеш районынын республика башлығы Радий Хәбиров хәбәр итте.

Илеш районы Иләкшиҙе ауылы эргәһендә Муса Гәрәевҡа һәйкәл асылды

«Көнсығыш» федераль трассаның яңы участкаһында - Илеш районы Иләкшиҙе ауылы эргәһендә ике тапҡыр Советтар Союзы геройы Муса Гәрәевҡа һәйкәл асылды. Тантанала Башҡортостан башлығы Радий Хәбиров ҡатнашты. Легендар летчик-штурмовиктың тыуған яғында монументаль композиция ҡуйыу башланғысы менән урындағы хакимиәт һәм «Приуралье» федераль автомобиль юлдары идаралығы сыҡҡайны. Башланғысты төбәк етәксеһе лә күтәреп алды. «Муса Гәрәев тураһында хәтер мәңге ҡәҙерләп һаҡланасаҡ.»-тине үҙ сығышында Радий Хәбиров.