Өфөлә Миҙхәт Шакировҡа һәйкәл өсөн урын билдәләнде

Бөгөн тура бәйләнеш барышында Башҡортостан Башлығы республиканың күренекле дәүләт эшмәкәре, 1969-1987 йылдарҙа КПСС-тың Башҡортостан өлкә комитетының беренсе секретары Миҙхәт Шакировҡа Өфөлә һәйкәл ҡуйыу урынын билдәләүҙәрен әйтте.

https://vk.com/video-85076499_456255310

Башҡортостанда «Дәрүиш рухы» музыкаль фестивален йыл һайын ойошторорға тәҡдим ителде

— Бик матур сара! Мәҙәниәт министры Әминә Ивний ҡыҙы Шафиҡова уны йыл да үткәрергә тәҡдим итә. Майҙансыҡ та һәйбәт. Көрәш һарайында, спорт ярыштарынан тыш, ошондай мәҙәни саралар ойоштороу мөмкинлеге лә бар, — тине Радий Хәбиров. — Мин оло ҡәнәғәтлек алдым.

https://vk.com/video-85076499_456255303

Башҡортостанда сирле бал ҡорттарын контролһеҙ индереүгә юл ҡуймау буйынса саралар күрелә

Бөрйән районы умартасыһы Вадим Сәйфетдинов Башҡортостан Башлығы менән тура бәйләнеш ваҡытында Радий Хәбировтан башҡорт бал ҡортоноң популяцияһын кәметкән сирле ҡорттарҙы башҡа төбәктәрҙән контролһеҙ индереүгә юл ҡуймау буйынса саралар күреүен һораны.

«Бының ҡатмарлы проблема икәнлеген, умартасыларҙың башлыса көньяҡ төбәктәрҙән бал ҡорто пакеттарын килтереп, һуңынан башҡорт балы тип һатыуҙарын беләм. Антибиотиктар ҙа ҡулланалар. Беҙҙең ветеринария хеҙмәттәре ошо хаҡта белә һәм сара күрә», – тип билдәләне Радий Хәбиров.

https://vk.com/video-85076499_456255308

Радий Хәбиров «Тура бәйләнеш» ваҡытында 65 һорауға яуап бирҙе

Махсус хәрби операцияла ҡатнашыусыларға ярҙам итеү Башҡортостан башлығы Радий Хәбиров шәхсән хәстәрләгән темаларҙың береһе. Төбәк етәксеһе кисә дүрт сәғәттән ашыу дауам иткән «тура бәйләнеш» барышында алғы һыҙыҡтағы яугирҙарға, хәрби ветерандарға ҡағылышлы һорауҙарға туҡталды. Байтаҡ мәсьәләләр буйынса Радий Хәбиров оператив хәл итеү юлдарын билдәләне. Йөкмәткеле, һөҙөмтәле әңгәмә барышында Радий Хәбиров республика халҡының, журналистарҙың һәм йәмәғәтселәрҙең 65 һорауына яуап бирҙе.

Өфөлә Виктор Ивановтың шәхси күргәҙмәһе асылды

«Үҙ күҙҙәрем менән». Хәрби рухани протоиерей Виктор Ивановтың «Рәсәй - минең тарихым» мультимедиа тарихи паркында асылған шәхси күргәҙмәһе шулай тип атала.
Экспозицияла руханиҙың 2022-2024 йылдарҙа махсус хәрби операция барышында графика ысулы менән төшөрөлгән эштәре ҡуйылған. Картиналарҙа яугирҙарҙың көнкүреше, емерек йорттар һәм блиндаждар, махсус техника, ялан кухняһы, пейзаждар һәм яугир яҡташтарҙың портреттары һүрәтләнгән. Уларҙың һәр ҡайһыһы күргәҙмәне ҡараусыларҙа тәрән хис-тойғолар уята.

Өфөлә үлемесле юл фажиғәһе теркәлгән

Өфөнөң Октябрь районы суды дәүләт автоинспекцияһы хеҙмәткәре лә зыян күргән үлемесле юл-транспорт ваҡиғаһында ғәйепләнеүсе водителгә ҡарата яза сараһын билдәләне.
Ул ҡулға алынды һәм СИЗО-ға ебәрелә. Судта ир бәләкәй ҡыҙы барлығы хаҡында әйтеп, йомшағыраҡ яза биреүҙәрен үтенә, ултырыш башланыр алдынан уҡ ҡылған ғәмәленә үкенес белдерә.

Өфөнөң Көрәш һарайында Халыҡ-ара эшҡыуарлыҡ аҙналығы дауам итә

Бөгөн уның сиктәрендә 10-сы Бөтә Рәсәй юридик форумы үтте. Баш ҡалабыҙ илебеҙҙең юриспруденцияһын үҫтереүгә ҙур өлөш индергән ғалимдар, хоҡуҡ белгестәрен, йәмәғәт һәм дәүләт эшмәкәрҙәрен ҡабул итте. Эшлекле сара барышында урындағы үҙидаралыҡ органдары эшмәкәрлегенә бәйле һорауҙар ҡаралды.

Туймазы судының тарихы: архив, ҡағыҙҙар һәм яҙмыштар

Улар тәртип һағында тора. Ошо аҙнала һөнәри байрамын билдәләгән юристар сафында судьялар ғына түгел, тиҫтәләгән башҡа һөнәр эйәләре лә бар. Әйтәйек, Туймазы район-ара судында үҙ һөнәренә ярты быуат тоғро суд сәркәтибе эшләй. Ошо һәм башҡа геройҙар тураһында киләһе яҙмала.

Өфөлә «Иҫтәлеккә бүләк» тип исемләнгән ҡыҫҡа метражлы фильм төшөрөлә

Сюжет нигеҙенә ата менән ҡыҙ араһындағы ҡатмарлы мөнәсәбәттәр, үҙ-ара аңлашылмаусанлыҡтың нимәгә килтереүе хаҡында тарих һалынған. Фильм Рәсәй Президентының мәҙәни башланғыстар фонды ярҙамында төшөрөлә. Премьера киләһе йылдың февралендә көтөлә.

Салауат Юлаев һәйкәлен төҙөкләндереү проектын дәүләт экспертизаһы хупланы

- Реставрацияны оҫтаханала ғына эшләргә мөмкин. Бының өсөн скульптураны алырға кәрәк. Һәйкәл урынлашҡан ҡурған яһалма ҡоролма булып тора. Ул да тергеҙелә, - тип хәбәр итәләр ведомствонан. Башҡорт халҡының милли геройы Салауат Юлаевҡа һәйкәл 1967 йылда асыла. Суйын скульптураның ауырлығы 40 тоннаға яҡын. Ҡурған менән бергә уның бейеклеге 14 метрға етә.

Башҡортостанда мәсет һәм сиркәүҙәрҙә янғын сәбәптәре аталды

Ғәҙәттән тыш хәлдәр министрлығынан хәбәр итеүҙәренсә, быйыл дин йорттарында 9 тапҡыр ут сыҡҡан. - Янғындарҙың күбеһе электр ҡорамалдарын ҡулланыу ҡағиҙәләрен үтәмәү арҡаһында булған, - тип белдерәләр ведомствонан. Быйыл Ауырғазы һәм Шаран райондарында һәм Өфө ҡалаһында сиркәүҙәрҙә, Әбйәлил, Ҡыйғы, Федоровка, Яңауыл, Асҡын, Бүздәк райондарында мәсеттәрҙә ут сығыу осраҡтары теркәлде.

Башҡортостанда Ялта халыҡ-ара иҡтисади форумы башланды

«Бизнес аҙналығы» сиктәрендә ойошторолған сарала 35 ил вәкилдәре ҡатнаша. Уның барышында 30 миллиард һумдан ашыу инвестиция проекттарын тормошҡа ашырыу буйынса килешеүҙәр төҙөләсәк. Власть органдары вәкилдәре, эшҡыуарҙар, эксперттар, йәмәғәт эшмәкәрҙәре бер майҙанда бизнес проекттарҙы тормошҡа ашырыу, төбәк иҡтисадын үҫтереү һорауҙары буйынса тәжрибә уртаҡлашып фекер алышасаҡ.

Туймазы районы Покровка ауылында күп балалы ғаиләнең өйөндә янғын сыҡҡан

Бөгөн төндә Туймазы районы Покровка ауылында күп балалы ғаиләнең өйөндә янғын сыҡҡан. Тауышҡа һәм төтөн еҫенә беренсе булып әсә кеше уяна. Ул шунда уҡ хәүефте аңлап ирен уята. Ата-әсә тиҙ арала 5, 8 һәм 10 йәшлек улдарын һәм бер йәше лә тулмағын ҡыҙҙарын тышҡа алып сыға. 70 квадрат метр майҙанды ялмап алған ут һүндерелә. Әммә йортта артабан йәшәү мөмкин түгел. Әле урында ғәҙәттән тыш хәлдәр министрлығы дознавателе эшләй. Ваҡиға сәбәптәре асыҡлана.

Башҡортостанда ашығыс ярҙам хеҙмәте камиллаштырылды

Шылтыратыусы урынын автоматик рәүештә билдәләү функцияһы барлыҡҡа килеү менән, мөрәжәғәтте ҡабул итеү ваҡыты ике тапҡырға ҡыҫҡарҙы. Уңайлыҡ телмәр етешһеҙлеге булған пациенттарҙың шылтыратыуын эшкәртеүҙе лә еңеләйтә. Бынан тыш, оператив үҙәк фельдшерҙары пациент тураһында мәғлүмәтте системаға тулыһынса тултырмай, ул компьютерҙа автоматик рәүештә килеп сыға. Оператив үҙәктә һәр бер шәфҡәт туташының тәүлегенә 200-ҙән ашыу мөрәжәғәт ҡабул итеүен иҫәпкә алғанда, был сираттағы ыңғай үҙгәреш.

Өфөлә ҡыҫҡа ваҡытлы ялға ҡайтҡан хәрбиҙәрҙе оҙатыу тантанаһы үтте

Бөгөн ҡыҫҡа ваҡытлы ялға ҡайтҡан хәрбиҙәрҙең бер төркөмө юлға сыҡты. Оҙатыу тантанаһы ғәҙәттәгесә «Өфө-Арена» боҙ һарайы алдындағы майҙанда үтте. Башҡортостан башлығы исеменән яугирҙарға Хөкүмәт Премьер-министры урынбаҫары вазифаһын башҡарыусы Ирек Сәғитов мөрәжәғәт итте. «Бөгөн бөтә ил һеҙҙең менән ғорурлана. Алғы һыҙыҡта булған саҡта ғаиләләрегеҙ ышаныслы ҡулдарҙа», тине вице-премьер.

Бер туған дүрт ағалы-ҡустылы Бәшировтар Ватан һағында

Бер туған дүрт ағалы-ҡустылы Бәшировтар Ватан һағында, махсус хәрби операция биләмәһендә. Улар Архангел районы Максим Горький ауылынан. Егеттәрҙең өсәүһе хәрби юлдан киткән, ә кинйәләре 2022 йылда уҡ хәрби бурысын үтәргә алғы һыҙыҡҡа юлланған. Теүәл бер йылдан һуң контрактҡа ҡул ҡуйған. Ҡаһарман улдар һәм халыҡтың тылдағы ярҙамы хаҡында киләһе яҙмала..

Башҡортостанда Ялта халыҡ-ара иҡтисади форумы үтте

«Бизнес аҙналығы» буйынса ойошторолған сарала 35 ил делегацияһы ҡатнашты. Власть органдары вәкилдәре, эшҡыуарҙар, эксперттар, йәмәғәт эшмәкәрҙәре бер майҙанда бизнес проекттарҙы тормошҡа ашырыу, төбәк иҡтисадын үҫтереү һорауҙары буйынса тәжрибә уртаҡлашты, фекер алышты. Ялта халыҡ-ара иҡтисади форумы 2015 йылдан Ҡырым республикаһында ойошторола. Быйыл уны Өфөлә уҙғарыу тәҡдиме осраҡлы һайланмаған.

Радий Хәбиров республикала мигранттар эшмәкәрлегенә сикләү индереү ихтыяжы юҡлығы тураһында белдерҙе

«Улар беҙгә кәрәк». Радий Хәбиров «Тура бәйләнеш» барышында республикала мигранттар эшмәкәрлегенә сикләү индереү ихтыяжы юҡлығы тураһында белдерҙе. Башҡортостан башлығы фекеренсә, сит ил граждандары иҡтисад өсөн, атап әйткәндә, төҙөлөш өлкәһендә кәрәк. Мигранттарҙың аҡса эшләргә теләүҙәре ыңғай күренеш, тик ҡытыршылыҡтар ҙа юҡ түгел.

Радий Хәбиров Рәсәйҙең Социаль фонды рәйесе Сергей Чирков менән осрашты

Башҡортостан башлығы Радий Хәбиров Рәсәйҙең Социаль фонды рәйесе Сергей Чирков менән осрашты. Яҡтар фондтың төбәк бүлексәһе эшмәкәрлеген тикшерҙе һәм социаль өлкә проекттарын тормошҡа ашырыу буйынса хеҙмәттәшлек тураһында килешеүгә ҡул ҡуйҙы.

Бөрйән районы махсус хәрби операцияла ҡатнашыусы яҡташтарына сираттағы гуманитар ылау оҙатты

Төбәк халҡы яугирҙар һорауы буйынса посылкаларҙан тыш, алғы һыҙыҡҡа мобиль мунса, мотоцикл да оҙатты.