Республикала хәмер ҡойоп һатыу урындарының эшенә сикләү индерелә

Башҡортостан башлығы Радий Хәбиров тейешле ҡанунға ҡул ҡуйҙы. Уға ярышлы торлаҡ йорттарҙа урынлашҡан һәм төнгө ваҡытта спиртлы эсемлек һатҡан кибеттәрҙең эш сәғәттәре сикләнә. Бындай магазиндарҙа төнгө сәғәт 11-ҙән иртәнге сәғәт 8-гә тиклем араҡы менән сауҙа итеү тыйыла. Закон киләһе йылдың 1 мартынан көсөнә инә.

Иглин пенсионерҙары Торатауҙа булды

Өлкән быуын вәкилдәре Торатауҙа. Иглин пенсионерҙарынан өс тиҫтәгә яҡын кеше Ишембай ерендә «Башҡорт оҙон ғүмерлелеге. Туризм» программаһы буйынса сәйәхәттә булды.Сәйәхәт нөктәһенә Иглиндар уңайлы автобутарҙа барҙы. Көн дауамында өлкәндәр «Торатау» геопаркының визит-үҙәге менән танышты. Торатауға күтәрелеп онотолмаҫлыҡ тәьҫораттар алды.

Баймаҡ ҡалаһында «Мин -Тыуған илемдең патриоты» мәҙәни-спорт акцияһы үтте

Сараның төп өлөшө көҙгө еңел атлетика буйынса ярыш ойоштороуға ҡоролһа, икенсе өлөшөндә сәнғәт оҫталары сығыш яһаны. Тулыраҡ киләһе яҙмала.

Рәсәйҙә МРОТ 22 440 һумға тиклем арта

Рәсәй премьер-министры Михаил Мишустин минималь эш хаҡы күләмен арттырыу пландары хаҡында иғлан итте. Киләһе йылдың башынан МРОТ 16,5% ашыуға артып, 22 440 һум тәшкил итер тип көтөлә.

«Шул рәүешле 4 миллион самаһы хеҙмәткәрҙең эш хаҡы күтәрелергә тейеш», — тине Михаил Мишустин.

Сентябрь башында илдең хеҙмәт министры Антон Котяков хәбәр иткәнсә, 1 октябргә тиклем Дәүләт Думаһына минималь эш хаҡы күләмен 22,4 мең һумғаса арттырыу тураһында закон проекты индерелә.

Лилиә Ғүмәрова Федерация Советына һайланды

Лилиә Ғүмәрова Федерация Советының фән, мәғариф һәм мәҙәниәт буйынса комитеты рәйесе итеп яңынан һайланды. Комитет ағзалары уның кандидатураһын бер тауыштан хупланы.
Был ҡарарҙы хәҙер Федерация Советы пленар ултырышта раҫларға тейеш. Иҫегеҙгә төшөрәбеҙ, Лилиә Ғүмәрова профилле комитетты 2019 йылдан алып етәкләй. Башҡортостан башлығының 12 сентябрҙәге указы менән Лилиә Салауат ҡыҙына Федерация советында Рәсәй сенаторы, Башҡортостан дәүләт власының башҡарма органы вәкиле вәкәләттәре бирелде.

🎉 Результаты розыгрыша:

Победитель:
1. Гульемеш

Проверить результаты

Уҙыш мотоциклдары яугирҙарға оператив рәүештә дошман позицияларына һөжүм яһау мөмкинлеге бирә

Тимер аттар. Уҙыш мотоциклдары һәм квадроциклдар алғы һыҙыҡтағы яугирҙарға оператив рәүештә дошман позицияларына барып етеп, көтөлмәгән һөжүм яһау мөмкинлеге бирә. Мобиль һәм үтемле транспорт саралары дошман терәктәрен штурмлағанда үҙ һөҙөмтәлелеген күрһәтә.

Өфөлә Үҙәк диниә назараты ойошторолоуға 235 йыл тулыу айҡанлы тантаналы ултырыштар үтә

Ил мосолмандары Өфөгә йыйылды. Баш ҡалала Рәсәй мосолмандары Үҙәк диниә назараты ойошторолоуға 235 йыл тулыу айҡанлы тантаналы ултырыш, конференциялар үтә. Унда Рәсәйҙән һәм сит илдәрҙән йөҙҙәрсә диндарҙар ҡатнаша. Бөгөн улар «Ислам идеалдары һәм ҡиммәттәре: ғаиләлә традицион рухи-әхлаҡи ҡиммәттәрҙе һаҡлау, конфессия һәм милләт-ара тыныслыҡты һәм татыулыҡты нығытыу» тип исемләнгән ғилми-ғәмәли конференция уҙғарҙы.

Башҡортостан студенттары юғары технологиялар чемпионатында бронза яуланы

Башҡортостан программистары һынатмай. Бөйөк Новгород ҡалаһында Юғары технологиялар чемпионаты үтте. Бер майҙансыҡта Рәсәйҙең төрлө төбәктәренән һәм сит илдәрҙән килгән студенттар илебеҙҙә импортты алмаштырыуҙы яйға һалырға ярҙам итәсәк асыштарын тәҡдим итте. Һәләтле йәштәрҙе берләштергән турнирҙа Туймазы дәүләт юридик колледжының «Мәғлүмәт системалары һәм программалау» йүнәлеше студенттары лайыҡлы сығыш яһаған.

Башҡортостан балалар баҡсаһы тәрбиәсеһе Бөтә Рәсәй конкурсында еңеү яуланы

Өфөнөң 18-cе башҡорт балалар баҡсаһы тәрбиәсеһе Әлиә Ишдәүләтова «Иң яҡшы туған тел һәм туған әҙәбиәт уҡытыусыһы» Бөтә Рәсәй конкурсында еңеү яуланы. Мәғариф министры Сергей Кравцов яҡташыбыҙҙы тәбрикләп, «2030 йылға тиклемге осорға мәктәпкәсә белем биреүҙе үҫтереү концепцияһын» эшләүҙә ҡатнашырға тәҡдим итте. Күләмле бәйгелә Баймаҡ районы Иҫке Сибай ауылы мәктәбе уҡытыусыһы Азалия Ибраһимова ла лауреат исемен алды.

Башҡортостан халыҡтарының матди булмаған мәҙәни мираҫ объекттары исемлеге тулылана

Башҡортостанда йәшәүсе халыҡтарҙың матди булмаған мәҙәни мираҫ объекттары исемлеге утыҙҙан ашыу яңы объект менән тулыланды. Бөгөн Өфөлә эксперт советының 17-се ултырышы үтте. Уның эшендә фольклорсылар, сәнғәт белгестәре, этнографтар, тарихсылар һәм мәҙәниәт эшмәкәрҙәре ҡатнашты. Эксперт советы вәкилдәре төбәк һәм федераль реестрға инеүгә дәғүә иткән 40 объектты ҡараны.

Өфөлә «Берҙәм Рәсәй» партияһы ирекмәндәре цехы эшләп килә

Меңенсе маскировка селтәре әҙер. Өфөлә йылдан ашыу «Берҙәм Рәсәй» партияһы ирекмәндәре цехы эшләп килә. Ханымдар иртәнән кискә тиклем арымай-талмай яугирҙарға маскировка селтәре үрә. Уларҙың барыһын да Еңеүҙе яҡынайтыу ниәте берләштерә. Ошо арала ғына ирекмәндәр яугирҙарҙың заявкалары буйынса алғы һыҙыҡҡа 2 УАЗ автомобиле, радиоэлектрон көрәш системалары һәм башҡа кәрәк-яраҡтар ебәргән. Әлеге ваҡытта маскировка селтәрен әҙерләү өсөн ярҙамсы ҡулдар талап ителә.

Башҡортостанда яңы штраф көсөнә инә

Радий Хәбиров административ кодексҡа төҙәтмәләр тураһында законға ҡул ҡуйҙы. Уға ярашлы, йәмәғәт урындарында вейп, кальян һәм башҡа составында никотин булған ҡатнашмалар тартыу тыйыла. Законды боҙоусыларға 500 һум штраф һалына. Әлегә тиклем йәмәғәт урындарында ябай тәмәкене генә тартыу тыйылғайны.

Өфөлә етенсе Кузеев уҡыуҙары үтте

Өс йылға бер ойошторолған форум быйыл «Этнос. Йәмғиәт. Цивилизация» тип атала һәм бөйөк ғалим, этнограф Раил Кузеевтың тыуыуына 95 йыл тулыуға арнала. Тарихи дата айҡанлы Археология һәм этнография музейында күргәҙмә лә асылды.

Баймаҡ ҡалаһында «Йәйге шайморатовсылар уйынының» төбәк этабы үтте

Ярыш-уйындың төп маҡсаты йәш быуында рухи-әхлаҡи ҡиммәттәрҙе формалаштырыу, сәләмәт тормош алып барыу, әүҙем гражданлыҡ позицияһын булдырыуға йүнәлтелгән. Тулыраҡ киләһе яҙмала.

Башҡортостан - хеҙмәт баҙары рейтингында бишенсе урында

Федерация субъекттарында хеҙмәт баҙарындағы хәлде баһалау өсөн РИА Яңылыҡтар аналитиктары 2023 йыл йомғаҡтары буйынса хеҙмәт баҙары буйынса төбәктәр рейтингын төҙөгән. Дөйөм алғанда илдең 83 төбәгендә хеҙмәт баҙарындағы хәл ыңғай яҡҡа үҙгәргән. Рейтингты иҫәпләгәндә, тикшерелгән өлкәләге хәлде билдәләүсе һигеҙ күрһәткес анализланған. Улар - хеҙмәт хаҡы кимәлен, мәшғүллекте, хеҙмәт шарттарын үҙ эсенә ала.

Башҡортостанда студенттар исемле стипендияларға лайыҡ булды

Башҡортостан Хөкүмәте уҡыуҙа һәм ғилми эшмәкәрлектә уңышҡа өлгәшкән студенттарға исемле стипендиялар тәғәйенләү тураһында ҡарар ҡабул иткән. Рауил Бикбаев, Мостай Кәрим, Ирек Мөҡсинов һәм Сосланбәк Тавасиев исемендәге дәртләндереү сараларына һигеҙ кеше лайыҡ булған. Уларҙың күбеһе Өфө фән һәм технологиялар университетында белем ала.

Республика мәктәп ашханаларында меню төрләндерелде

Уҡыусыларға бушлай бер нисә гарнир, ит һәм эсемлек тәҡдим ителә. Яңылыҡтың төп идеяһы - ассортиментты арттырып, йәш организмды кәрәкле файҙалы элементтар менән тәьмин итеү. Бөгөн яңы меню республиканың 35 муниципалитетында айырым мәктәптәрҙә индерелгән. Бының өсөн ашхананың техник тәьминәте юғары булырға тейеш.

Өфөлә үҫмерҙәрҙең репродуктив һаулығын һаҡлау үҙәге организмға иғтибарлыраҡ булырға өйрәтә

Ойошма республика медицина-генетика үҙәге базаһында урынлашҡан. Ярты йыл самаһы элек эш башлаған ойошмала бөгөн 500-ҙән ашыу егет һәм ҡыҙ медицина тикшереүе үтеп, белгестәрҙән квалификациялы ярҙам алған. Ул Башҡортостанда үҫмерҙәрҙең репродуктив һаулығын һаҡлауға йүнәлтелгән илдәге икенсе үҙәк.

Өфөнөң 2-се балалар баҡсаһында яңы уйын майҙансығы асылды

Кескәйҙәр ҡаласығын «Башнефть» компанияһы төҙөгән. Был эш Башҡортостан менән «Роснефть» араһындағы хеҙмәттәшлек килешеүенә ярашлы башҡарылған. Заманса уйын биләмәһен асыу тантнанаһынан репортаж.