Өфөнөң дуҫлыҡ билдәһе раҫланды

Ҡала советы ултырышында шундай ҡарар ҡабул ителде. Дуҫлыҡ билдәһе металдан ҡойолған, унда ҡул биреп күрешеү, ҡояш нурҙары, Өфөнөң символы - һыуһар һүрәтләнгән. Бындай билдә халыҡтар араһында дуҫлыҡ, хеҙмәттәшлек урынлаштырыуҙа, мәҙәни бәйләнештәрҙе нығытыуҙа, тарихи мираҫты һаҡлап ҡалыуҙа, инвестиция йәлеп итеүҙә, ҙур иҡдисади проекттарҙы ғәмәлгә ашырыуҙа ҡаҙаныштар өсөн тапшырыла.

Өфөлә социаль такси булдырыла

Ул ҡала эсендә һәм аэропортҡа тиклем йөрөй. Ғаилә, хеҙмәт һәм халыҡты социаль яҡлау министрлығынада ошондай проект әҙерләнгән. Документҡа ярашлы, беренсе төркөм инвалидтар һәм инвалид балалар хеҙмәтләндерелә. Улар айына 4 тапҡыр бушлай социаль такси саҡырта аласаҡ. Һәр сәфәрҙең ике сәғәттән артыҡ ваҡытҡа һуҙылмауы шарт. Быйыл бюджетта социаль такси өсөн 20 миллион һумдан ашыу аҡса ҡаралған. Уның ҙур өлөшө махсус транспорт алыуға тотонола. 6 миллион һумға яҡыны социаль хеҙмәттең эше өсөн бүленә.

Заман һайлаусыһы – мобиль һайлаусы

6, 7 һәм 8 сентябрҙә Башҡортостан Республикаһы Башлығын һайлайбыҙ!

Республика Башлығын һайлау — төбәктең алдағы биш йылға үҫеш йүнәлешен билдәләгән мөһим ижтимағи-сәйәси ваҡиға.

https://vk.com/video-85076499_456254005

Өфөлә БРИКС дәүләттәре йәш дипломаттарының форумы дауам итә

Сарала донъяның 30-лаған иленән 100-ҙән ашыу делегат ҡатнаша. Халыҡ-ара йәштәр проекттары, заманса шарттарҙа спортты үҫтереү, сәйәсәт һәм хәүефһеҙлек, күп полярлы донъяны формалаштырыуҙа дәүләт-ара берләшмәнең роле. Башҡортостанда үткән форумда ошо һәм башҡа темалар ҡарала.

«Ветер» ҡушаматлы яугир һалдаттарға һәр яҡлап ярҙам күрһәтеүселәргә рәхмәт һүҙҙәрен еткерҙе

Гуманитар ярҙам алғы һыҙыҡҡа тиклем барып етә. «Ветер» ҡушаматлы яугир һалдаттарға һәр яҡлап ярҙам күрһәтеүселәргә рәхмәт һүҙҙәрен еткерҙе. Махсус хәрби операцияға ул үҙе теләп юлланған. Фронттың ҡатмарлы участкаларында хеҙмәт иткән. Әле штурмлаусы республикаға ҡайтып, дауаланыу үтә.

Баймаҡ ҡалаһында һайлауға әҙерлек әүҙем бара

6,7,8 сентябрҙә Республика халҡы Башҡортостан Башлығы өсөн тауыш бирә. Әлеге ваҡытта һайлау участкаларында мөһим сәйәси кампания алды мәшәҡәттәре бара. Баймаҡ ҡалаһындағы 995-се һайлау участкаһындағы комиссия эше хаҡында киләһе сюжетта.

Өфөлә «Мортаза Рәхимов» тип аталған энциклопедия донъя күрҙе

Ябай ауыл малайынан федераль кимәлдәге дәүләт эшмәкәренә тиклем. Өфөлә «Мортаза Рәхимов» тип аталған энциклопедия донъя күрҙе. Унда республикаға Мортаза Ғөбәйҙулла улы етәкселек иткән осор сағылдырылған. 623 битлек баҫманы төҙөгәндә бай библиографик материал ҡулланылған. Мәғлүмәт өс меңдән ашыу баҫманан алынған. Энциклопедияла Башҡортостандың беренсе Президенты менән эшләгән һәм уны яҡындан белгән кешеләрҙең хәтирәләре лә урын алған. Яңы китаптың тәүге экземплярҙары Мортаза Рәхимовтың коллегаларына тапшырылды.

Общественные наблюдатели – люди с активной гражданской позицией, разного возраста и профессий. Они помогают сделать избирательный процесс прозрачным и избежать нарушений.

О своей работе общественные наблюдатели рассказывают в этом ролике.

Напомним, выборы в Башкортостане пройдут 6, 7, 8 сентября 2024 года.

Радий Хәбиров бер төркөм хеҙмәт алдынғыларын бүләкләне

Фиҙаҡәр хеҙмәте менән республика һәм Өфө үҫешенә тос өлөш индергән 80-дән ашыу кеше дәүләт наградалары алды. Бүләкләнеүселәр араһында төрлө һөнәр эйәләре, шул иҫәптән махсус хәрби операцияла ҡатнашыусы яугирҙар ҙа бар ине.

Өфөлә нефть һәм газ сәнәғәте хеҙмәткәрҙәрен тәбрикләнеләр

Нефть һәм газ сәнәғәте хеҙмәткәрҙәре һөнәри байрамын билдәләй. Ошо уңайҙан бөгөн «Башҡортостан» концерт залында тантаналы ултырыш үтте. Сарала Башҡортостан башлығы Радий Хәбиров ҡатнашты.

Көндөң аяҙайыуы республика аграрийҙарына урып-йыйыу эшен тиҙләтеү мөмкинлеге бирҙе

Хужалыҡтар 700 мең тоннаға яҡын иген йыйып алған. Ә ҡайһы бер райондарҙа ужым культураларын сәсеүгә тотонғандар. Шаран районында ла бөтә көстәр уңыш йыйыуға һалынған. Тулыраҡ киләһе яҙмала.

Өфөлә «Йыл экспортеры» конкурсының округ этабы еңеүселәрен һәм призерҙарын бүләкләү тантанаһы үтте

Бөгөн «Торатау» конгресс-холында Волга буйы федераль округы субъекттары араһында «Йыл экспортеры» бөтә Рәсәй конкурсының округ этабы еңеүселәрен һәм призерҙарын бүләкләү тантанаһы үтте. Республика етештереүселәре, эшҡыуарҙар стратегик сессияларҙа ҡатнашып экспортҡа сығарыу юлдарын барланы.

Өфөлә яңы йәмәғәт биләмәһе асылды

Өфөнөң күркәм юбилейына яңы йәмәғәт биләмәһе. Бөгөн ул тантаналы шарттарҙа баш ҡаланың Киров районында асылды. Скверҙы хәҙер ете башҡорт ырыуы тамғалары һүрәтләнгән таштар, милли уйын ҡоралы - ҡурайҙы һынландырған арт-объект биҙәй. Ҡурайҙан сәғәт ваҡытын, башҡорт халыҡ көй-моңдарын да ишетергә мөмкин.

Башҡортостанда мәғарифкә бәйле яңы закондар көсөнә инә

Дәүләт Йыйылышы–Ҡоролтайҙан хәбәр итеүҙәренсә, яңы уҡыу йылынан мәктәптәрҙә хеҙмәт дәресе мотлаҡ уҡытыла, шулай уҡ “Ватанды һаҡлау һәм хәүефһеҙлек нигеҙҙәре" тигән яңы фән индерелә. Бынан ары уҡыусыларға дәрес ваҡытында мобиль телефон ҡулланыу законға ярашлы сикләнә. 1 сентябрҙән республикала күп балалы ғаиләләрҙә тәрбиәләнгән мәктәп уҡыусылары ҡала йәмәғәт транспортында түләүһеҙ йөрөй ала. Яңы уҡыу йылынан бөтә белем биреү ойошмалары биналары йәки биләмәләрендә дәүләт флагы мотлаҡ ҡуйылырға тейеш. 2 сентябрҙә, Белем көнөндә республикала алкоголь эсемлектәр һатыу сикләнә.

Өфөлә Волга буйы ҡалалары ассоциацияһы ултырышы үтте

Сарала ҡатнашыусыларҙы Рәсәй Президентының Волга буйы федераль округындағы тулы хоҡуҡлы вәкиле Игорь Комаров, Башҡортостан башлығы Радий Хәбиров сәләмләне. Өфөнөң 450 йыллыҡ юбилейы уңайынан үткән сарала 30-ҙан ашыу ҡала етәкселеге, төрлө төбәк вәкилдәре, ҡунаҡтар ҡатнашты. Көн тәртибендә ҡала-ара хеҙмәттәшлек, махсус хәрби операцияла ҡатнашыусыларға ярҙам, етем балаларға торлаҡ бүлеү, мегаполистарҙы үҫтереү юлдары ҡаралды.

Башҡортостанда контракт буйынса хәрби хеҙмәткә ҡабул итеү дауам итә

Хәтерегеҙгә төшөрәбеҙ, контрактты 60 йәшкә, айырым осраҡтарҙа 65 йәшкә тиклемге ир-егеттәр төҙөй ала. Килешеүгә элек хеҙмәт итмәгән, әммә юғары йәки урта профессиональ белем алған граждандар ҙа ҡул ҡуйырға хоҡуҡлы. Оборона Министрлығы менән килешеү төҙөгән Башҡортостан хәрбиҙәренә федераль түләүҙәр менән бергә бер тапҡыр 1 миллион 205 мең һум аҡса түләнә.

Башҡортостанда «Рәхмәт-2024» акцияһы буйынса ҡиммәтле приздар уйнатыла

6, 7 һәм 8 сентябрҙә Башҡортостанда «Рәхмәт-2024» акцияһы буйынса ҡиммәтле приздар уйнатыла. Унда ҡатнашыу өсөн куар-билеттар һайлау участкаларына килеп гражданлыҡ бурысын үтәүселәргә тапшырыла. һәр ғаилә ағзаһына, шул иҫәптән балаларға ла бирелгән билеттарҙы рахмат102.рф. сайтында теркәргә кәрәк.

😍 Международный фестиваль «Сердце Евразии»: прямой эфир, сегодня в 19:00

Традиционно главное летнее событие в Уфе – фестиваль «Сердце Евразии». В этом году он проходит в последние дни лета в 450-летний юбилей башкирской столицы.

⚡ На большой сцене в парке «Ватан» для жителей и гостей столицы выступят отечественные звезды: Ваня Дмитриенко, группа «Пицца», ансамбль «Харизма» из Беларуси и многие другие.

Ссылка на трансляцию: https://vk.com/video-27097047_456283145

Не пропустите!

Һайлауҙа өйҙән ҡатнашырға мөмкин!

6, 7 һәм 8 сентябрҙә Башҡортостан Республикаһы Башлығын һайлайбыҙ!

Әгәр ауырыу, инвалидлыҡ йә яҡын туғаныңды ҡарау сәбәпле, һайлау участкаһына бара алмайһығыҙ икән, борсолмағыҙ, өйҙә тауыш биреп һайлауҙа ҡатнашырға мөмкин. Бының өсөн участка һайлау комиссияһына ситтә һайлау мөмкинлеген биреүҙе һорап мөрәжәғәт итергә кәрәк.

Белешмә өсөн телефон һандары: 88003475454

https://vk.com/video-85076499_456254020?access_key=cc77df67e0e77ec5c6

Владимир Путин Башҡортостан халҡын Өфөнөң 450 йыллығы менән ҡотланы

Владимир Путин Өфө һәм Башҡортостан халҡын баш ҡалаға нигеҙ һалыныуҙың 450 йыллығы менән ҡотланы. Был - ҡаланың бай тарихына ҡараш ташларға, Өфөнө хәрби еңеүҙәре, хеҙмәт, фәнни, ижади ҡаҙаныштары, спорттағы бейеклектәре менән данлаған яҡташтар исемен иҫкә алыу өсөн яҡшы сәбәп, тәьҫирләндергес юбилей.