Алғы һыҙҙыҡтағыларға радиоэлектрон көрәш системаһы

Башҡортостан юлдаш телеканалы хеҙмәткәре Гүзәл Хәмитова «Батырҙар дәүере» телемарафонында РЭБ һатып алыу башланғысына старт биргәйне. Телевизор ҡараусылар, битараф булмаған кешеләр ярҙамында тиҙ арала тейешле сумма - 105 мең һум йыйылған. Һатып алынған система «Башҡортостан» полкы хәрбиҙәренә тапшырылды.

Өфөлә баш ҡала юбилейына арналған махсус күргәҙмә эш башланы

Өфөгә һөйөү менән. Башҡортостан Республика Профсоюздар йортонда бөгөн баш ҡала юбилейына арналған махсус күргәҙмә эш башланы. Экспозиция 36 рәссамдың картиналарын берләштерә. Улар аша Өфөнөң тарихи-мәҙәни урындарын, заман объекттарын танырға мөмкин.

Еңеү яҡын!

Рәсәйҙең Оборона министрлығы менән контракт төҙө һәм 1 миллион 200 мең һумға тиклем аҡса ал! Ай һайын 210 мең эш хаҡы, ғаилә һәм балалар өсөн 40-тан ашыу төрлө льготалар ҡаралған.

Телефон номеры - 122!

Башҡортостанда «Финист» электрпоезы тәүге рейсҡа сыҡты

Заманса тимер юл транпорты Өфө-Белорет-Өфө маршруты буйынса юлланды. Кондиционер, телефон зарядкалау өсөн розетка менән йыһазландырылған вагондар тәүге пассажирҙарҙы ҡыуандырҙы. Рәсәйҙә етештерелгән юғары сифатлы электричка cәғәтенә 160 километр тиҙлектә елдерә ала. Эш көндәрендә поезд Өфө-Дим-Өфө маршруты буйынса йөрөйәсәк.

Илеш районы халҡы алғы һыҙыҡтағы яугирҙарға ярҙам итә

Үрге Йәркәй ауылында йәшәүсе эшҡыуар Динар Бәхтизин мобилизация башланыу менән тәүгеләрҙән булып хәрбиҙәргә ярҙам ҡулы һуҙа. Был юлы ул яугирҙарҙың үтенесе буйынса ҡеүәтле генератор һатып алған. Алғы һыҙыҡта хәрбиҙәргә кәрәкле ҡорамал ҡыҫҡа ваҡытлы ялдан һуң йәнә фронтҡа юлланыусы «Золотой» ҡушаматлы яугирға тапшырылды.

Бүздәк районында «Бәлешфест» милли аш-һыу фестивале үтте

Бөгөн Бүздәк районында иң тәмле бәлеш бешереүселәр асыҡланды. Йола буйынса «Бәлешфест» милли аш-һыу фестивале Бүздәктең Спорт һәм ял паркында уҙҙы. Төбәктә 2017 йылдан бирле үткәрелеүсе сара быйыл да Башҡортостанда йәшәүсе төрлө милләт вәкилдәрен бер табын артына йыйыҙы.

Учалы районында урта һәм бәләкәй эшҡыуарлыҡ субъекттары артҡан

Әле улар 1812 иҫәпләнә. Ә үҙмәшғүлдәр ике тапҡырға күберәк. Күрһәткес шул иҫәптән дәүләт тарафынан уңайлы финанс инструменттар булдырылыуға бәйле. Әйтәйек, 2023 йылда район эшҡыуарҙарына 4 миллион һумдан ашыу субсидия бүленгән. Башҡортостан башлығы Радий Хәбиров ҡушыуы буйынса тормошҡа ашырылған «Инвестиция» һәм «Эшҡыуарлыҡ сәғәттәрендә» йүнселдәргә төрлө яҡлап ярҙам күрһәтелә.

Өфөлә «Физкультурниктар көн»ө үҙғарылды

Өфөлә республиканың төп хоккей аренаһында «Физкультурниктар көн»ө үҙғарылды. Был байрам беҙҙең илдә 1939 йылдан билдәләнә. Физкультура уҡытыусылары, тренерҙар, спортсылар һәм ябай спорт һөйөүселәр уны үҙҙәренең төп һөнәри байрамы тип иҫәпләй. Был хаҡта киләһе яҙмала.

«Первушин» аэродромында парашют менән һикереү спорты буйынса күнекмәләр тергеҙелде

Оҙайлы ваҡыттан һуң, үҙәк яңы форматта эш башлап, «ҡанат» тибындағы парашюттарҙа һикереүҙәр ойоштора. Үҙәктең эшмәкәрлеге менән яҡындан БЮТ ижади төркөмө танышты.

Баймаҡ районында Талҡаҫ күле буйында шәмбе өмәһе үтте

Таҙа мөхит. Баймаҡ районында Талҡаҫ күле буйында шәмбе өмәһе үтте. Яр буйын сүп-сарҙан таҙартыу өмәһендә урындағы халыҡ, ирекмәндәр һәм Дәүләт Думаһы депутаты Зариф Байғусҡаров ҡатнашты. Экологик акцияға Баймаҡтан, Сибайҙан, Магнитогорскиҙан 200-ҙән ашыу кеше ҡушылды. Уртаҡ көс менән күл буйы пластик ҡалдыҡтарҙан, шешәләрҙән һәм башҡа сүп-сарҙан таҙартылды. Күләмле акцияға водолаздар ҙа йәлеп ителде. Махсус әҙерләнгән белгестәр күл төбөндә ятҡан сүп-сарҙы йыйып Талҡаҫ буйын тәртипкә килтерҙе.

"Урал" волейбол клубы атамаһын үҙгәртте

Яңы миҙгелдән команда "Динамо-Урал" тип йөрөтөлә башлай. Клуб менән хәҙер Башҡортостандың "Динамо" физкультура-спорт йәмғиәте идара итә. Республика волейболсылары ил Суперлигаһында сығыш яһай. Уйындар сентябрҙә башлана.

Волга буйы округындағы иң ҙур мәктәп Өфөлә 2025 йылдың 1 сентябренә асыла

Был турала Төҙөлөш һәм архитектура министры вазифаһын башҡарыусы Артем Ковшов белдерҙе. Белем йорто Кузнецов Затонында һалына. Ул 2 мең 200 уҡыусыға иҫәпләнә. Бында төҙөлөш 2023 йылда башланды. Уҡыу кластарынан тыш, мәктәптә 4 спорт һәм тамаша залы, дизайн, фото, театр һәм кино студияһы, нәшриәт, робототехника кабинеты була.

Президент России Владимир Путин подписал указ, согласно которому единовременная выплата из федерального бюджета для контрактников повышается до 400 тыс. рублей. С учетом региональной и муниципальной поддержки общая сумма выплат в Башкортостане составляет до 1,2 млн рублей.

Где можно узнать подробную информацию о службе по контракту?

- по номеру Ситуационного центра Башкортостана: 122 (доб. 1) или + 7 (347) 218-19-19

- в пункте отбора на контрактную службу по адресу: г. Уфа, ул. Революционная, 156. Телефон + 7 (347) 248-29-31

- в офисах МФЦ «Мои документы»

- на сайте башбат.рф

Тарҡаҙылар еңеүҙе яҡынайта!

Йәрмәкәй районының Тарҡаҙы ауылында гуманитар ярҙам әҙерләү штабында ниндәй генә цех юҡ. Ябай ауыл халҡы еңеүҙе нисек яҡынайта, ниндәй ярҙам әҙерләй, ниндәй идеялар менән янып-көйә — ошо һәм башҡа хаҡында киләһе репортажда ҡарағыҙ.

Сығанаҡ: https://vk.com/wall-35065816_406966

Күп балалы ғаиләләрҙә тәрбиәләнгән уҡыусылар транспортта бушлай йөрөй ала

Дәүләт Йыйылышы – Ҡоролтай ошоға бәйле закон ҡабул итте. Уға ярашлы, беренсе сентябрҙән өс һәм унан күберәк бала тәрбиәләнгән ғаиләнән мәктәп уҡыусылары йәмәғәт транспортында көнөнә ике тапҡыр бушлай йөрөй була. Шулай уҡ бушлай ашатыу, бушлай дарыуҙар менән тәьмин итеү, балалар баҡсаһына ҡабул иткәндә өҫтөнлөк биреү, мәктәп формаһы өсөн компенсация түләү һәм башҡа льготалар ҡаралған.

Башҡортостанда Дим йылғаһы таҙартыла

Эштәр "Экология" милли проектына ярашлы алып барыла. Тәбиғәттән файҙаланыу һәм экология министрлығынан хәбәр итеүҙәренсә, Шишмә һәм Өфө райондары биләмәһендә йылғанан сүп-сар, ағас ҡалдыҡтары сығарыла. Димдә таҙартыу эштәрен йыл аҙағына тиклем тамамлау планлаштырыла.

Ер һөрөү буйынса ил чемпионатында Башҡортостанда ике кеше ҡатнаша

Мәләүез районынан механизаторҙар Илдар Ишекәев һәм Валерий Романов Һарытау өлкәһенә юлланды. Тупраҡты эшкәтеү оҫталары ярышы 18 авгусҡа тиклем дауам итә. Чемпионатта 50 төбәктән, шулай уҡ Ҡытай, Беларусь, Ҡырғыҙстан һәм Ирандан тракторсылар ҡатнаша. Илдар Ишекәев 2022 йылда ил беренселегендә көмөш миҙал яуланы.

Не все патриоты в силу возраста или состояния здоровья могут поехать в зону СВО, но каждый может внести свой вклад в обеспечение безопасности и процветания нашей страны. Поэтому ДОСААФ инициировал, а республика поддержала новую меру социальной поддержки в помощь активистам, которые помогают привлекать контрактников в ряды Вооружённых Сил РФ - проект «Рекрут».

Активисты много ездят по всей республики, добираясь до самых отдаленных населенных пунктов, встречаются с людьми, ведут агитационно-разъяснительную работу и все это за счет собственных средств в ущерб своей семье и личному времени. Поддержка этих людей позволит усилить и повысить качество работы.

Принять участие в проекте «Рекрут» может каждый. Для этого нужно найти потенциального кандидата на заключение контракта на военную службу, прийти с ним в ближайшее отделение ДОСААФ, а потом сопроводить в военкомат. Как только ваш кандидат прибудет в военную часть, вы получите 50 тысяч рублей. Подробнее по телефону Ситуационного центра +7 (347) 218-19-19.

Республика яугирҙарының сираттағы төркөмө ҡыҫҡа ваҡытлы ялдан һуң йәнә МХО биләмәһенә юлланды

Республика яугирҙарының сираттағы төркөмө ҡыҫҡа ваҡытлы ялдан һуң йәнә махсус хәрби операция биләмәһенә юлланды. Оҙатыу сараһы «Өфө-Арена» спорт комплексы алдындағы майҙанда үтте. Хәрбиҙәр ике аҙна ял иткән.

Баймаҡ ҡалаһында ирекмәндәр штабы булдырыла

Изге ярҙам йәки берҙмлек көсө. Баймаҡ ҡалаһы Әлибаев урамының 53-сө йортонда ирекмәндәр штабы булдырыла. Әле унда ремонт эштәре бара. Киләһе яҙма ошо хаҡта.