Яугирҙар менән тәүлек әйләнәһенә бәйләнештә

Бер генә мөрәжәғәт тә иғтибарһыҙ ҡалмай. Улар гуманитар ярҙам йыя һәм СВО зонаһына ебәрә. Яугирҙар ниндәй посылкаларҙы көтөп ала һәм уларҙың кәйефе нисек?

Был хаҡта БСТ телемарафонында Калинин районы буйынса хәрби туғанлыҡ ойошмаһы Алексей Рябоконь һәм эшҡыуар Руслан Таһиров һөйләне.

https://vk.com/video-27097047_456282229

Элек пилотһыҙ осҡос операторы һөнәре башҡаса ҡылыҡһырламаға эйә ине, әммә заман үҙ ҡанундарын индерә.

Өфө радиоэлектроника һәм телекоммуникациялар колледжы етәксеһе урынбаҫары Александр Арефьев бөгөнгө шарттарҙа уҡытыу нисек үҙгәреүе хаҡында һөйләй.
https://vk.com/video-27097047_456282226

Иҙел башында “Урал батыр вариҫтары” этнофорумы үткәрелә.

Сара 17 августа Белорет районы Ҡоҙашман ауылы янында ойошторола. Фестиваль илдә иғлан ителгән Ғаилә йылына арнала һәм Республика Башлығы грантына уҙғарыла.

Этнофорум барышында “Ҡатай һылыуы”, “Ҡатай батыры” конкурстары, кәсепселәр йәрминкәһе, уҡ атыу буйынса оҫталыҡ дәрестәре була. Башҡорт эстрадаһы йырсылары концерт тәҡдим итә.

6+

Радий Хәбиров Рәсәй почтаһы көнөнә арналған тантаналы сарала ҡатнашты

Күләмле дата 30-cы тапҡыр билдәләнә. Республика почта бүлексәләре һаны буйынса илдә иң ҙур төбәк һанала. 1280 бүлексә иҫәпләнә, улар барлыҡ ауыл-ҡалаларҙы хеҙмәтләндерә. Идаралыҡ составына Өфө магистраль сорттарға айырыу үҙәге, ете курьер ташыу участкаһы һәм автотранспорт предприятиеһы ла инә. Төбәк етәксеһе тармаҡ хеҙмәткәрҙәрен һөнәри байрамдары менән тәбрикләп, фиҙәҡәрлек күрһәткән өсөн дәүләт наградалары тапшырҙы.

Өфөлә IX-сы Йәйге Универсиаданы ябыу тантанаһы үтте

Күләмле спорт сараһы илдә 2008 йылдан алып ойошторола. Башҡортостанда июндән июлгә тиклем уҙғарылған универсиадала ҡатнашыусылар 14 спорт төрөндә көс һынашты - бадминтон, бокс, волейбол, гандбол, дзюдо, еңел атлетика, өҫтәл теннисы, йөҙөү, регби, самбо, көрәш, шахмат буйынса ярыш үтте. Башҡортостан башлығы Радий Хәбиров универсиадала ҡатнашыусы спортсыларҙы һәм тренерҙарҙы тәбрикләп дәүләт наградалары тапшырҙы.

Алдағы тәүлектә Башҡортостанда көслө һәм ҡойма ямғыр көтөлә

Автомобиль юлдарының ҡайһы бер участкаларында ярты километрға хәтлем тиклем күреү мөмкинлеге насарая. «Һауа торошонда киҫкен үҙгәрештәр булыу сәбәпле, белгестәр һыуҙа кәмәләрҙә һәм катамарандарҙа ағыуҙан, урман-тауҙарға походтарҙан, туристик ялдың башҡа төрҙәренән тыйылып торороуҙы үтенә. Шулай уҡ алыҫ араларға сәйәхәт итмәҫкә кәңәш итә.

Өфө районы Ольховое ауылында йәшәүсе ҡатын-ҡыҙҙар яугирҙарға ярҙам итә

Үҙебеҙҙекеләрҙе ташламайбыҙ. Өфө районы Ольховое ауылында йәшәүсе ҡатын-ҡыҙҙар тап ошондай девиз менән махсус хәрби операция биләмәһендә, алғы һыҙыҡта илебеҙҙе нацистарҙан яҡлаусы яугирҙарға ярҙам ҡулы һуҙа. Йөрәк йылыһын, ҡул көсөн өҫтәп маскировка селтәрҙәрен үреүселәр янында БЮТ ижади төркөмө лә булды.

Федераль ҡаҙнасылыҡтың Башҡортостан буйынса идаралығы хеҙмәткәрҙәре МХО-ға гуманитар ярҙам оҙатты

Бөгөн Федераль ҡаҙнасылыҡтың Башҡортостан буйынса идаралығы хеҙмәткәрҙәре махсус хәрби операцияға маскировка селтәрҙәре оҙатты. Гуманитар ярҙам штурмовиктар бригадаһы командирына тапшырылды.

Йыл умартасылыҡ тармағын ныҡлыҡҡа һынай

Аҙналарға һуҙылған ҡойма ямғырҙар нәҙекәйбилдәргә бал йыйырға ҡамаусауламай ҡалманы. Татлы ризыҡтың сифатына, хаҡына тәьҫир итәсәкме?

Махсус хәрби операцияла ҡатнашыусыларға Баймаҡ районынан даими ярҙам оҙатыла

Һәр ауыл күмәк көс менән тиҙ арала ылау әҙерләй. Был юлы Мерәҫ ауылы ҡатын-ҡыҙҙары тәжрибә уртаҡлашып ҡайтып, уңайлы ҡулайламала тауар киҫеп маскировка селтәре үрә башлаған.

Радий Хәбиров «Патриот» илһөйәрлек паркында хәрби уҡыуҙар үтеүсе үҫмерҙәр менән осрашты

Малай һәм ҡыҙҙар төбәк етәксеһе менән аралашып ҡыҙыҡһындырған һорауҙарға яуап алды . Радий Хәбиров йәштәргә «Патриот» илһөйәрлек паркының тарихы тураһында һөйләп , биләмәнең патриотик әһәмиәтен билдәләне . Республика башлығы бөгөн махсус хәрби операцияла ҡатнашыусыларға һәм уларҙың яҡындарына ярҙам итеү республикала өҫтөнлөклө маҡсат булып тора тине.

Радий Хәбиров республиканың ҡала һәм район башлыҡтары семинарында ҡатнашты

Ултырыш Евразия фәнни-мәғариф үҙәгенең студенттар кампусында үтте. Көн тәртибенә төбәктең социаль-иҡтисади үҫеше һәм урындағы үҙидаралыҡтар алдында торған мәсьәләләр сығарылды. Башҡортостан башлығы муниципалитеттар етәкселәренә ҡала һәм райондарҙың тотороҡло үҫеше өсөн рәхмәт белдерҙе.

Дәүләкән районы махсус хәрби операция биләмәһенә 40-тан ашыу гуманитар конвой ебәргән

Ошо көндәрҙә алғы һыҙыҡҡа тағы берәү килде. Уны килтереүҙә район хакимитәе башлығы Илгиз Мөхәмәтйәнов та ҡатнашты. Йөк составында хәрби бурыстарҙы үтәү өсөн кәрәкле техника, мотоциклдар, генераторҙар, квадрокоптерҙар, маскировка селтәрҙәре, медикаменттар. Посылкалар туранан-тура хәрби хеҙмәткәрҙәргә тапшырылды, улар гуманитар ярҙам йыйыуға ҡағылышы булғандарҙың барыһына ла рәхмәт белдерҙе.

Донбаста һәләк булған балаларҙы иҫкә алдылар

Бөгөн, 27 июлдә, Донбасс һуғышында һәләк булған балаларҙы хәтерләйбеҙ. Был көн 2022 йылда Донецк халыҡ республикаһы Башлығы Денис Пушилин указы менән Украина ҡораллы формированиелары уты аҫтында һәләк булған сабыйҙар һәм үҫмерҙәр хәтерен мәңгеләштереү өсөн булдырыла.

Башҡортостанда ҡойма ямғыр эҙемтәләре бөтөрөлә

Ғәҙәттән тыш хәлдәр министрлығының Башҡортостан буйынса баш идаралығы 8 муниципаль берәмектәге 18 һыу баҫыу осрағын контролдә тота. Ҡотҡарыусылар тәүлек әйләнәһенә дежурлыҡ алып бара, халыҡ менән эшләй. Ваҡытлыса урынлашыу пунктары әҙерләнгән. Айырыуса зыян күргән биләмәләргә ярҙам күрһәтеү маҡсатында Өфөнән тейешле ҡорамалдар менән тәьмин ителгән аэромобиль төркөм дә ебәрелгән.

Архангел районы Абҙан ауылында йәшәүсе бер быуатлыҡ ғүмер байрамын ҡаршыланы

Архангел районы Абҙан ауылында йәшәүсе хөрмәтле ағинәй Шәрифә Иҫәнғәле ҡыҙы Хужахмәтова бер быуатлыҡ ғүмер байрамын ҡаршыланы. Йөҙйәшәр ағинәй ил Президенты Владимир Путиндан, Башҡортостан Башлығы Радий Хәбировтан, район етәкслегәнән ҡотлауҙар, бүләктәр һәм сағыу гөлләмәләр ҡабул итте. Республикабыҙҙың төрлө мөйөштәренән ҡайтҡан балалары, ауылдаштары, яҡташтары менән бергә юбилярҙың шатлығын БЮТ ижади төркөмө лә уртаҡлашты.

😱Һыйырҙарҙы йылға ағымы алып китә яҙҙы

Был видеояҙма Баймаҡ районының Әбделкәрим ауылында төшөрөлгән.

"Һыйырҙар Һаҡмар аша сыға. Үгеҙҙе көслө йылға ағымы алып китә яҙҙы", - тип яҙа автор.

Башҡортостан башлығы махсус хәрби операция яугирҙарына рухи ярҙамды көсәйтергә саҡырҙы

Радий Хәбиров Хөкүмәттең бөгөнгө оператив кәңәшмәһендә билдәләүенсә, ватан һаҡсыларының туғандары һәм яҡындары йыш ҡына ғибәҙәтханаларҙа һәм мәсеттәрҙә билдәле бер ваҡыт бүлеүҙе һорай. Был уларға хәрби хеҙмәткәрҙәрҙең һаулығы өсөн доға ҡылырға мөмкинлек бирәсәк.

Башҡортостанда яуым-төшөм һөҙөмтәһендә 7 муниципаль берәмектә 22 хәл контролдә тототола

Бөрйән, Баймаҡ, Белорет райондарындағы 4 осраҡ күҙәтеүҙән алынған. Был турала Ғәҙәттән тыш хәлдәр министрлығының республикалағы баш идаралығы хәбәр итә.

Көнъяҡ райондарҙа сәнәғәт үҫеше муниципалитеттар иҡтисадында яҡшы йоғонто яһай

Инвесторҙар өсөн сеймал, ә урындағы халыҡҡа эш урындары, лайыҡлы хеҙмәт хаҡы. Көнъяҡ райондарҙа сәнәғәт үҫеше муниципалитеттар иҡтисадында яҡшы йоғонто яһай. Яңы инвестиция проекттары тормошҡа ашырыла, өҫтәм эш урындары барлыҡҡа килә.