Сираттағы төркөм яугирҙар ялдан һуң махсус хәрби операция биләмәһенә юлланды

Уларҙы оҙатырға яҡындары, власть вәкилдәре һәм хәрбиҙәр килде. Ватан һаҡсыларын Өфө-Арена боҙ һарайы алдынан тантаналы шарттарҙа оҙаттылар. Яҡташтарыбыҙҙы хеҙмәт иткән урындарына тиклем илтеү өсөн уңайлы автобустар бүленгән.

25 июлдә Башҡортостан юлдаш телевидениеһында «Батырҙар дәүере» телемарафоны

Еңеү өсөн бөтә ил менән, һалдаттарҙың тиңһеҙ батырлығы, ватанға тоғоролоҡ һәм хәрби туғанлыҡ, яугирҙар һәм уларҙың ғаиләләренә ҡаралған федераль һәм төбәк түләүҙәре, контракт өсөн бер миллион һум. Махсус хәрби операция буйынса һорауҙар һәм яуаптар «Батырҙар дәүере» телемарафонында. Башҡортостан юлдаш каналы эфирына ҡушылығыҙ, илдең киләсәге өсөн «Батырҙар дәүере»нең мөһимлеген һәм әһәмиәтен тойоғоҙ. 25 июлдә иртәнге сәғәт 7-нән төнгө 10-сы яртыға тиклем республиканың төп телеканалаында.

Башҡортостанда ярты йыл эсендә 32 кеше сысҡан биҙгәген йоҡторған

Әле республика клиник инфекция дауаханаһында геморрагик биҙгәк менән буйынса тикшереү үткәрелә, биш осраҡта диагноз теркәлгән. Ялан, урман, баҡса шарттарында сысҡан ҡалдыҡтарынан йоҡҡан сир айырыуса йәйге осорҙа күпләп тарала.

Өфөлә сифатлы медицина ярҙамында пациентҡа хәрәкәтләнеү мөмкинлеге ҡайтарылды

Пациентҡа хәрәкәтләнеү мөмкинлеген ҡайтарыу. Өфөнөң 21-се ҡала клиник дауаханаһы табиб-нейрохирургы, медицина фәндәре кандидаты Артемий Новиков арҡа мейеһенә әмәлиәт яһап, ауырыуҙың йәшәү кимәлен бер-нисә кимәлгә еңеләйтергә ярҙам иткән. Ваҡытында сифатлы медицина ярҙамы алған пациент һәм уның һаулығы һағында тороусылар менән БЮТ ижади төркөмө аралашты.

Балаларҙың теле туған телдәрендә асылһын. Киләсәктә улар башҡортса уҡыһындар, һөйләшһендәр, уйлаһын һәм йырлаһындар өсөн, эште күңелле «Әлифба» менән таныштырыуҙан башлайыҡ!

Башҡортостан башлығы Радий Хәбиров.

Шаран районында Вәзих Сөнәғәтуллин иҫтәлеге мәңгеләштерелде

Урман һаҡсыһына стела. Шаран районының Яңы Тамъян ауылында урмансы Вәзих Сөнәғәтуллин иҫтәлеге мәңгеләштерелде. Ерҙең йәшел ҡалҡанын булдырыусы уңған, эшйһөйәр урмансы иҫтәлегенә арналған тантана хаҡында ентекләберәк киләһе яҙмала.

Баймаҡ районында Әхмәҙуллиндарҙың шәжәрә байрамы үтте

Тамыры йыраҡ ағастың ғүмере оҙаҡ. Рәсәйҙә иғлан ителгән ғаилә йылы сиктәрендә Башҡортостандың төрлө төбәктәрендә йәшәгәндәр үҙенең быуын сылбырын барлай. Баймаҡ районының Үрге Яйыҡбай ауылында ла ошондай сараларҙың береһе - Әхмәҙуллиндарҙың шәжәрә байрамы үтте.

Ырымбур өлкәһендә башҡорт мәҙәниәте байрамы үтте

Һайылмыш йылғаһының киң ярын Көйөргәҙе районының милли башҡорт ихаталары биҙәне. Сарала ҡатнашыусыларҙы абруйлы ҡунаҡтар сәләмләне.
Байрамда традицион халыҡ кәсептәре һәм биҙәү-ҡулланма сәнғәте күргәҙмәһе, шулай уҡ йәрминкә ойошторолдо. Килгән ҡунаҡтар сувенирҙар һатып алды һәм милли ризыҡтарҙан ауыҙ итте.

«Көньяҡ ҡапҡа» техник рәүештә август аҙағында асылыуы көтөлә

Өфөнөң күләмле юбилей объектында төҙөлөш эштәре тамамланыу алдында. «Көньяҡ ҡапҡа» техник рәүештә август аҙағында асылыуы көтөлә. Әлеге ваҡытта Генерал Рыленко урамындағы төҙөлөш кенә мәҫәлән, 82 процентҡа тиклем теүәлләнгән. Урында барьер ҡоролмаларын урынлаштырыу, йәшелләндереү кеүек эштәр алып барыла.

Шаҡша күперенең яртыһы буйлап автотранспорт хәрәкәте тергеҙелде

Подряд ойошмалары, көн һайын һәм тәүлек әйләнәһенә эшләп, бөтә графиктарҙы үтәп, кәрәкле сараларҙы бер аҙ алдараҡ тамамланы. Объектта капиталь ремонт «Хәүефһеҙ сифатлы юлда»«милли проекты сиктәрендә алып барыла. Күперҙең беренсе сиратын реконструкциялау өсөн 758 тонна металл конструкция, 500 кубометрҙан ашыу бетон талап ителә.

«Башҡортостан» полкы яугирҙары Иглин районында «Барыһы ла еңеү өсөн» штабы ирекмәндәре менән осрашты

«Башҡортостан» мотоуҡсылар полкы яугирҙары Иглин районында «Барыһы ла еңеү өсөн» штабы ирекмәндәре менән осрашты. Быға тиклем улар бер-береһенең барлығын да белмәй, әммә был активистарға ярҙам итергә ҡамасауламай. Волонтерҙар ватан һаҡсылары өсөн маскировка селтәрҙәре үрә, кәрәкле костюмдар тегә, һалдаттарға хисле хаттар яҙ. Әлбиттә, тыл ярҙамы хәрбиҙәрҙең рухын нығыта. Шуға ла улар рәхмәт йөҙөнән ирекмәндәр менән осрашып, шәхсән рәхмәт әйтергә ҡарар итә.

Башҡорт дәүләт аграр университеты белгестәре инкубаторҙарҙа мал үрсетә

Башҡорт дәүләт аграр университетының прогрессив технологиялар, эмбриология һәм генетика үҙәге белгестәре инкубаторҙарҙа мал үрсетә. Йәш ғалимдар лаборатория шарттарында күҙәнәктән эмбриондар яралта. Һуңынан улар хужалыҡтарға оҙатыла. Шул рәүешле ҡураларҙа юғары етештереүсәнле, сирһеҙ, таҙа тоҡомло малдар барлыҡҡа килә.

Өфөлә «Однажды в Башкортостане» фильмы төшөрөлә башланы

Романтик комедия Мәскәү кинокомпанияһы төркөмө менән берлектә ойошторола. Баш ҡаланан тыш фильм сәхнәләре Шүлгәнташ мәмерйәһе эргәһендә, Нөгөш һыуһаҡлағысында, Торатау геопаркында төшөрөләсәк. Кинотаҫмаға республика театрҙары артистары ла йәлеп ителгән.

БСТ-ла «Батырҙар дәүере» телемарафоны: иртәнге эфир!

Республиканың төп телеканалында «Батырҙар дәүере» старт ала.

Иртәнге эфирҙа ҡарағыҙ: Рәсәйҙең Оборона министрлығы менән нисек килешеү төҙөргә, хәрбиҙәргә ниндәй түләүҙәр ҡаралған һәм башҡа бик күп мәғлүмәттәр.

https://vk.com/wall-85076499_73182

БСТ-ла «Батырҙар дәүере» телемарафоны: көндөҙгө эфир!

Республиканың төп телеканалында «Батырҙар дәүере» дауам итә.

Көндөҙгө эфирҙа ҡарағыҙ: махсус операцияла ҡатнашыусыларҙың ғаиләләренә ярҙам итеү тарихтары, СВО биләмәһендә артистарҙың тормошо, шулай уҡ Донбасстан тура бәйләнеш.

Трансляция башлана: 25 июлдә 10:00 сәғәттә.
https://vk.com/video-27097047_456282128

БСТ-ла «Батырҙар дәүере» телемарафоны: көндөҙгө эфир дауамы!

Башҡортостандың төп телеканалы СВО геройҙарына һәм хәрбиҙәргә арналған «Батырҙар дәүере» телемарафонын дауам итә.

Был бүлектә хеҙмәттәштәребеҙ СВО биләмәһендә эшләгән журналистар менән аралашасаҡ, Башҡортостан мәктәптәрендә илһөйәрлек тәрбиәләү эше менән танышабыҙ, махсус операцияла ҡатнашыусыларға ебәрелгән гуманитар ылауҙарҙы ҡарайбыҙ.

Трансляция башлана: 25 июлдә 13:00 сәғәттә.
https://vk.com/video-27097047_456282129

Башҡорт, рус, татар, сыуаш, мари, мордва һәм башҡалар - барыһы ла ил һағына ҡалҡан булып баҫҡан. Был беҙҙең Рәсәй Геройҙарында сағыла.

БСТ журналисы Гүзәл Хәмитова Башҡортостан яугирҙары менән бергә сәләмләй. Улар араһында БР Дәүләт Йыйылышы - Ҡоролтай депутаты Яков Кугубаев та бар.

https://vk.com/video-27097047_456282183?access_key=af51f9b238ef9fdb10

Яугир хеҙмәттәшебеҙ Рафиҡ Әхмәтшин беҙҙә ҡунаҡта

Ниһайәт, ул махсус операциянан ялға ҡайтты.

БСТ телеканалында «Батырҙар дәүере» телемарафоны бара

Башҡортостандың баш хәрби комиссары Михаил Блажевич республиканың махсус хәрби операцияға индергән өлөшө хаҡында һөйләне.

Яҡташтарыбыҙҙың батырлығы һәм ҡаһарманлығы, шулай уҡ контракт хеҙмәт өсөн бер миллион һумға тиклем барып еткән түләүҙәр хаҡында.
https://vk.com/video-27097047_456282187

БСТ-ла «Батырҙар дәүере» телемарафоны: киске эфир!

Республиканың төп телеканалында «Батырҙар дәүере» марафонының киске бүлеге старт ала. Көн дауамында алғы һыҙыҡтағы ваҡиғалар, һалдаттарға күрһәтелгән ярҙам хаҡында һөйләйбеҙ.

Пилотһыҙ осҡос операторын нисек әҙерләйҙәр? Шәфҡәт туташтары, табиптар һәм ашнаҡсылар алғы һыҙыҡта нисек хеҙмәт итә. Ошо һәм башҡа тарихтар - БСТ каналында.

Трансляция башлана: 25 июлдә 16:00 сәғәттә.
https://vk.com/video-27097047_456282130