129-сы гуманитар конвой юлға сыҡты

Алғы һыҙыҡтағы яугирҙарға кәрәк-яраҡтар, техника, ағас материалдары, эсәр һыу, маскировка селтәрҙәре тупланған ылау республика башлығы Радий Хәбиров ҡушыуы буйынса ебәрелде. Адреслы ярҙам Дәүләт Йыйылышы - Ҡоролтай, йәмәғәт ойошмалары, шулай уҡ 12 муниципалитет һәм битараф булмаған граждандар тарафынан йыйылған.

Радий Хәбиров социаль селтәрҙәге сәхифәһенә хәләл ефете ҡурайҙа уйнаған видеояҙма һалды

Каринэ Хәбирова башҡорттарҙың милли уйын ҡоралы менән ансамбль составында сәхнәлә яңғыҙ сығыш яһай. Шулай итеп ул улдары Фәриттең 7 йәшенә үҙенсәлекле бүләк яһаған. «Был хәләл ефетемдең башҡорт мәҙәниәтен яратыуына һәм хөрмәт итеүенә тағы бер дәлил булыуын күрһәтә» тип яҙған төбәк етәксеһе.

Радий Хәбиров бөгөн “Башинформ” мәғлүмәт агентлығы директорҙар советы рәйесе Фәнүр Йәғәфәровты бүләкләне. Уға Башҡортостандың атҡаҙанған матбуғат һәм киң мәғлүмәт хеҙмәткәре исеме бирелде. Бүләкләү сараһы оператив кәңәшмә барышында үтте. Бөгөн Фәнүр Йәғәфәровҡа 50 йәш тула. Ул бер нисә йыл элек республиканың дәүләт һәм муниципаль матбуғат сараларын берләштергән - “Башинформ” мәғлүмәт агентлығы директорҙар советын етәкләне. Быға тиклем “Башҡортостан” дәүләт телерадиокомпанияһы директоры урынбаҫары булды. Фәнүр Мөхәррәм улын юбилейы һәм юғары наградаһы менән ихлас күңелдән ҡотлайбыҙ!

Ҡариҙел районында «Төньяҡ-көнсығыш башҡорттары мәҙәни коды» фестивале уҙҙы

Сарала республиканың 12 районы һәм күрше төбәктәр ҡатнашты. Райондың бренд сараһын тормошҡа ашырыуға республиканан ярты миллион һумлыҡ субсидия бүленгән. Фестивалдә милли кейемдәрҙе тергеҙгән оҫталар, ашнаҡсылар һәм умартасылар өсөн ярыштар ойошторолғайны. Еңеүселәргә аҡсалата бүләк тапшырылды. «Төньяҡ-көнсығыш башҡорттары мәҙәни коды» фестивале төбәктә йәшәгән башҡорттарҙың үҙенсәлекле йолаларын һаҡлауға йүнәлтелгән.

Өфөнөң Шаҡша күперендә автотранспорт хәрәкәте тулыһынса туҡтатыла

Бөгөн төндә Өфөнөң Шаҡша күперендә автотранспорт хәрәкәте тулыһынса туҡтатыла. Был турала бөгөн Башҡортостан башлығы рәйеслегендә уҙған кәңәшмәлә белдерелде. Оператив кәңәшмәлә шулай уҡ йылытыу миҙгеленә әҙерлек, Өфө медицина учреждениеларын капиталь ремонттлау тураһында һүҙ барҙы. Аҙнаның төп темалары тураһында киләһе яҙмала.

Бөрө ҡалаһында Ғаилә, мөхәббәт һәм тоғролоҡ көнөн билдәләнеләр

Бөгөн Рәсәйҙә ғаилә, мөхәббәт һәм тоғролоҡ көнө билдәләнә. Ғаилә ҡиммәттәрен үҫтереү өсөн ойошторолған республика фестивале матур йолаға ярашлы Бөрө ҡалаһында үтте. Байрамда халыҡ ижады күргәҙмәһе, йәрминкә, коляскалар парады, уйындар һәм концерт уҙғарылды, Изге Петр һәм Февронияға һәйкәл асылды. Сарала Башҡортостан башлығы Радий Хәбиров оҙаҡ йылдар татыу ғүмер иткән парҙарҙы ҡотлап, «Әсәлек даны», «Ата-әсә ҡаһарманлығы» миҙалдарын тапшырҙы.

Өфөлә Ғаилә, мөхәббәт һәм тоғролоҡ көнө уңайынан 50, 60 йыл бергә йәшәгән парҙар ҡотланды

Ғаилә, мөхәббәт һәм тоғролоҡ көнө уңайынан байрам саралары баш ҡаланың Киров районында үтте. Сергей Аксаков исемендәге паркта 50, 60 йыл бергә йәшәгән парҙар ҡотланды, концерт номерҙары, оҫталыҡ дәрестәре үтте. Рәсәйҙә ғаилә ҡиммәттәре гел беренсе урында тора, тиелде программа барышында. Римма менән Әғләм Ғәлимовтар ярты быуат иңгә-иң терәшеп йәшәйҙәр. Бер институтты тамамлайҙар, һуңғы курста өйләнешеп, ике бала - ул һәм ҡыҙ үҫтерләләр. Өлгөлө ғаиләне Өфөнөң Киров районы хакимиәте башлығы ҡотланы.

Өфөлә яман шеш менән яфаланған балалар өсөн байрам ойошторолдо

Өфөлә яман шеш менән яфаланған балалар өсөн дә Ғаилә, мөхәббәт һәм тоғролоҡ көнө уңайынан байрам ойошторолдо. Ул Якутов паркы майҙанында үтте.
Байрамды бер төркөм ирекмән әсәйҙәр ойошторған. «Твори добро» хәйриә фонды менән бергә улар дауаханаларға ла барып, яман шеш менән яфаланған кескәйҙәр һәм уларҙың ата-әсәләренә ярҙам күрһәтә.

Өфөлә махсус хәрби операция биләмәһенә сираттағы мобилизацияланыусылар төркөмө оҙатылды

Йолаға ярашлы, «Өфө-арена» спорт комплексы майҙанында уҙған тантанаға яугирҙарҙың туғандары, балалары, дуҫтары йыйылды. Һалдаттар фронтҡа буш ҡул менән бармай, яуҙаштарына йылы кейем, маскировка селтәрҙәре һәм шәхси гигиена әйберҙәре алған. Ял ваҡытында ватан һаҡсылары яҡындары менән күрешкән, өйҙәге эштәрен барлаған, хатта кәләш алып өлгөргәндәр ҙә бар.

Ейәнсура районы Үрге Муйнаҡ ауылында «Һаумыһығыҙ, ауылдаштар!» байрамы уҙҙы

Рухлы һәм нурлы байрам. Ейәнсура районы Үрге Муйнаҡ ауылында «Һаумыһығыҙ, ауылдаштар!» байрамы уҙҙы. Байрамға алыҫ араларҙы - яҡын итеп ҡайтҡан яҡташтар туғанлыҡ ептәрен барланы, ҡан-ҡәрҙәштәре менән танышты. Йәнтөйәгенә күмәк көс менән ҡот өҫтәүсе, иман йорто төҙөүсе, быуындар бәйләнешен һаҡлаусы, халыҡ йолаларын дауам итеүсе Үрге Муйнаҡ ауылы халҡы шатлығын беҙҙең ижади төркөм дә уртаҡлашты.

Башкортостан вернул себе лидерство в рейтинге эффективности промышленной политики. В прошлом году мы были третьими, теперь – снова первые. Результаты ежегодного рейтинга озвучили на Международной выставке «Иннопром-2024», которая проходит в Екатеринбурге. Поздравляю всю нашу команду, весь наш промышленный сектор с этим успехом.

Системная работа, которую мы на протяжении последних лет проводим в республике, приносит свои плоды. Наша промышленность стабильно развивается, несмотря на санкционное давление и сложнейшие экономические условия. По итогам прошлого года рост промпроизводства составил 6,5 %, за пять месяцев 2024-го – 7,4 %.

Мы активно взаимодействуем с Минпромторгом России и Фондом развития промышленности. Развиваем отраслевые кластеры, открываем индустриальные и промпарки. Занимаемся вопросами импортозамещения. Поддерживаем инновационные проекты. Выстраиваем эффективную прямую связь с предприятиями. Большое внимание уделяем подготовке квалифицированных кадров.

Отдельная благодарность – нашим федеральным коллегам за эффективную политику, которая позволяет нам идти вперед, несмотря ни на что. Сегодня мы готовы активно участвовать в новых национальных проектах технологического суверенитета. Продолжаем работать на благо всей страны.

Радий Хәбиров «Башинформ» мәғлүмәт агентлығы директорҙар советы рәйесе Фәнүр Йәғәфәровты бүләкләне

Уға Башҡортостандың атҡаҙанған матбуғат һәм киң мәғлүмәт хеҙмәткәре тигән маҡтаулы исем бирелде. Бүләкләү сараһы Хөкүмәттең оператив кәңәшмәһе барышында үтте. Фәнүр Мөхәррәм улы 50 йәшен билдәләне. Ул бер нисә йыл элек республиканың дәүләт һәм муниципаль матбуғат сараларын берләштергән - «Башинформ» мәғлүмәт агентлығы директорҙар советын етәкләне. Быға тиклем «Башҡортостан» дәүләт телерадиокомпанияһы директоры урынбаҫары булды.

Радий Хәбиров «Иннопром» форумында Башҡортостан делегацияһын етәкләне

Башҡортостан сәнәғәт сәйәсәтен тормошҡа ашырыу буйынса лидер. Бөгөн Екатеринбургтағы «Иннопром» күргәҙмәһендә 2023 йыл йомғаҡтары буйынса рейтинг һөҙөмтәләре иғлан ителде. Ул биш блоктың 42 күрһәткесе нигеҙендә төҙөлгән. Рейтингта икенсе урынды Мәскәү һәм Мәскәү өлкәһе бүлешә, өсөнсөлә Краснодар крайы. Халыҡ-ара күргәҙмә абруйлы рейтингта еңеүҙән тыш эшлекле осрашыуҙарға, хеҙмәттәшлек килешеүҙәренә лә бай булды. Радий Хәбиров федераль кимәлдәге етәкселәр менән осрашып киләсәккә эш йүнәлештәрен дә барланы. Бөгөн Башҡортостан экспозицияһы менән Рәсәй Хөкүмәте Премьер-министры Михаил Мишустин да танышты.

Өфөләге Шаҡша күпере 24 июлгә тиклем ремонтҡа ябылды

Башҡортостан башлығы Радий Хәбиров Шаҡша микрорайонынан Өфөгө йөрөүсе пассажирҙарҙың хәрәкәтен көйләргә ҡушҡайны. Ике аҙна дауамында эргә-тирәлә йәшәүселәр ҡала яны поездары, шул иҫәптән «Ҡарлуғас» күсмә составы менән файҙалана ала. Дим-Шаҡша участкаһында таңғы сәғәт 5-тән киске 10-ға тиклем 30 ҡала яны поезы йөрөйәсәк.

Махсус хәрби операцияға контракт буйынса юлланыусыларға бер тапҡыр бирелә торған матди түләү күләме арта

Хәҙер Рәсәй обоорона министрлығы менән килешеү төҙөгәндән һуң 505 мең һум аҡса алырға мөмкин. Был турала бөгөн Башҡортостан башлығы хакимиәте етәксеһе Максим Забелин белдерҙе.
Максим Забелин әйтеүенсә, Башҡортостан башлығы Радий Хәбировтың ҡушыуы буйынса 10 июлдән һуң хәрби хеҙмәткә контракт төҙөгән граждандарға өҫтәмә түләү бирелә. Аҡса республика ҡаҙнаһынан бүленә. Был Радий Фәрит улының ил именлеге һағына баҫҡан яҡташтарбыҙға ҙур иғтибар бүлеүе менән бәйле. Түләүҙәр контракт буйынса хәрби хеҙмәттең абруйын күтәрергә булышлыҡ итәсәк, тине Максим Забелин.