Өфөлә «Йәштәр сәйәсәте лигаһы» йәмәғәт ойошмаһы ун йыллыҡ юбилейын билдәләне

Социаль башланғыстарҙы тормошҡа ашырыу, йәштәрҙең һөнәри һәләттәрен асыу, ирекмәндәрҙе тәрбиәләүҙе маҡсат итеп ҡуйған ойошма юбилейында 400-ләп активист ҡатнашты. Малай-ҡыҙҙарҙы өсөнсөгә ҡыҙы тыуыуға бәйле махсус хәрби биләмәнән ҡыҫҡа ваҡытлы ялға ҡайтҡан Башҡортостан хөкүмәте премьер-министрының беренсе урынбаҫары Азат Бадранов, «Бәхет биләмәһе» хәйриә фондының попечителдәр советы рәйесе Каринэ Хәбирова тәбрикләне. Тулыраҡ мәғлүмәт киләһе яҙмала.

Балтас районында яңы юл асылды

Күҙәй ауылын район үҙәге менән тоташтырған объект урындағы халыҡ һорауы буйынса төҙөлгән. Ауылда йәшәүселәрҙең тура бәйләнеш аша Башҡортостан башлығына биргән һорауы властар тарафынан иғтибарһыҙ ҡалмаған. Асфальт юл «Башҡортостанда ауыл биләмәләрен комплекслы үҫтереү» дәүләт программаһы буйынса һалынған.

Ауырғазы районында һыу аҫты тереклегенә ярҙам итеү буйынса экологик акция уҙҙы

Мәке уй ҙа, балыҡты ҡотҡар. Ауырғазы районында һыу аҫты тереклегенә ярҙам итеү буйынса экологик акция уҙҙы. Йылдағыса ирекмәндәр боҙға сығып, мәкеләр уя һәм балыҡтарҙың тонсоғоуына юл ҡуймай. Мәкеләр ҙә ябай түгел, ә махсус технология буйынса эшләнә.

Стәрлетамаҡта Гөлфиә Юнысованың «Урман оркестры» шиғырҙар циклы яңыса яңғыраны

Тәүге тапҡыр филармония сәхнәһендә. Балалар өсөн яҙылған шиғырҙар оркестр оҙатыуында. Стәрлетамаҡта Гөлфиә Юнысованың «Урман оркестры» шиғырҙар циклы яңыса яңғыраны. Тулыраҡ киләһе яҙмала.

Балалар өсөн байрам тамашалары әҙерләнә

Башҡортостан мәҙәниәт учреждениелары махсус хәрби операцияла ҡатнашыусыларҙың балаларына яңы йыл кәйефе бүләк итә. Байрам программаһы бөтә район һәм ҡалаларҙа әҙерләнгән. Өфөлә яңыртылған ҡурсаҡ театры ишектәрен 23 декабрҙә аса. - Махсус хәрби операцияла ҡатнашыусылар һәм уларҙың ғаиләләренә ярҙам сараларына ярашлы, балалар һәм ғаилә ағзалары яңы йыл байрамында ғына түгел, йыл әйләнәһенә тамашаларҙы бушлай ҡарай ала, тип белдерҙе Мәҙәниәт министры Әминә Шафиҡова. Байрам саралары 18 декабрҙә башлана һәм 14 ғинуарға тиклем дауам итә.

Владимир Путин һайлауҙа үҙен-үҙе күрһәтеүсе булараҡ ҡатнаша

Һайлаусылар төркөмө Рәсәй президентын һайлауҙа ҡатнашыуға Владимир Путиндың кандидатураһын хупланы. Был турала Халыҡ фронты башҡарма комитеты етәксеһе Михаил Кузнецов белдерҙе. Һайлаусылар йыйыны Мәскәүҙә үтте. Законға ярашлы, кандидатты кәмендә 500 һайлаусы хупларға тейеш. Владимир Путин өсөн меңгә яҡын кеше килде. Протокол Үҙәк һайлау комиссияһына тапшырыла. Ошонан һуң кандидат өсөн ҡултамғалар йыйыу башлана. Владимир Путин киләһе йылда ил Президентын һайлауҙа ҡатнашасағы тураһында белдерҙе. Тауыш биреү 15, 16 һәм 17 мартта ойошторола.

Баймаҡта яңы балалар поликлиникаһы тиҙҙән ишектәрен аса

Тәүге пациенттарҙы быйыл ҡабул итеү көтөлә. Учреждение 2021 йылда төҙөлә башлаған. Эштәр "Һаулыҡ һаҡлау" милли проекты буйынса алып барылған. Бина өс ҡатлы, поликлиника заманса ҡорамалдар менән йыһазландырылған. Учреждение 15 мең баланы хеҙмәтләндерәсәк.

Республикала торлаҡ төҙөлөшө йылдам бара

Башҡортостанда быйыл 2 миллион 790 мең квадрат метр торлаҡ файҙаланыуға тапшырылған. Был турала Республика Хөкүмәтенән хәбәр итәләр. Күрһәткестәр уҙған йылдың ғинуар-ноябрь айҙарында булғандан 4 процентҡа яҡшыраҡ. -Йыл һөҙөмтәләре буйынса 3 миллион квадрат метрҙан күберәк торлаҡ файҙаланыуға тапшырылырға тейеш, - тине премьер-министр Андрей Назаров.

Башҡортостанда Яңы йыл каникулында янғынға ҡаршы махсус тәртип индерелә

Ғәҙәттән тыш хәлдәр буйынса дәүләт комитетынан хәбәр итеүҙәренсә, ҡышын янып үлеүселәр һаны арта. Тәмәке тартыу, төҙөк булмаған мейес һәм электр приборҙарын файҙаланыу арҡаһында йыш ҡына ут сыға. Ошоно ла иҫәпкә алып 30 декабрҙән 8 ғинуарға тиклем республикала янғынға ҡаршы махсус тәртип индереү тураһында ҡарар ҡабул ителде. Бөтә район һәм ҡалаларҙа хәүефһеҙлек саралары көсәйтелә.

Киләһе йылда "Башҡортостан тауары" проектына 800 компания ҡушыла

Был турала Премьер-министр Андрей Назаров социаль селтәрҙә хәбәр итә. - Башҡортостандың һәр районы уникаль тауары менән билдәле. Бал, икмәк, он, һөт продукцияһы, колбаса, шоколад, ҡаҡ, сәй, май, ҡош-ҡорт һәм башҡаһы. Иң сифатлы тауар махсус билдә менән тамғалана. Киләһе йылда проектта ҡатнашыусылар һанын арттырырға планлаштырабыҙ. "Башҡортостан тауарына" өҫтөнлөк биреүселәр күбәйә бара, - тип яҙа ул. Проект республикала 2013 йылдан ғәмәлгә ашырыла.

Радий Хәбиров республиканың иң яҡшы ирекмәндәрен бүләкләне

Шулай уҡ оператив кәңәшмә барышында Башҡортостанда «мәктәп туризмы» проектының уңышлы тормошҡа ашырылыуы һәм махсус хәрби операцияла ҡатнашыусыларға билдәләнгән ярҙам саралары тураһында һүҙ барҙы. Көнүҙәк темалар хаҡында ентекләберәк видеояҙмала.

Ғафури районында Андрей Мигуновты һуңғы юлға оҙаттылар

Ғафури районы Красноусол ауылында «Башҡортостан» полкының Сергей Зорин исемендәге танк батальоны командиры подполковник Андрей Мигуновты һуңғы юлға оҙаттылар. Яугир менән хушлашырға республика етәксеһе Радий Хәбиров та барҙы.

Өфөлә «Башҡортостан» мотоуҡсылар полкы яугирҙарын ҡаршыланылар

Республика тантаналы шарттарҙа «Башҡортостан» мотоуҡсылар полкы составында махсус хәрби операцияла ҡатнашҡан яугирҙарҙы ҡаршыланы. Мобилизация буйынса хәрби хеҙмәткә саҡырылыусылар ике аҙналыҡ ялға ҡайтты.

Бөрөлә махсус операцияла ҡатнашҡан Рәсәй Геройы Борис Дудкоға арналған күргәҙмә асылды

Хәтерегеҙгә төшөрәбеҙ, «Алтын йондоҙ»ҙо гвардия майорына ил Президенты былтыр тапшырғайны. Борис Дудко етәкселегендәге танк ротаһы дошмандың нығытылған районына һөжүм итә һәм ике тиҫтәгә яҡын танкты юҡ итә. Борис Дудкоға арналған күргәҙмә уның тыуған ҡалаһы Бөрөләге 8-се мәктәптә ҡуйылды.

Башҡортостан Башлығы Дәүләт Йыйылышы - Ҡоролтайға йыллыҡ мөрәжәғәтнамә менән сығыш яһай

19 декабрҙә республика парламентының сираттағы ултырышында Радий Хәбиров депутаттар алдында телмәр тотасаҡ. Сарала республика власть органдары, традицион конфессия вәкилдәре, йәмәғәт эшмәкәрҙәре ҡатнаша. Йыллыҡ мөрәжәғәтнамә республика үҫешен билдәләүсе төп программа документтарының береһе. Быйыл Радий Хәбиров Дәүләт Йыйылышы-Ҡоролтайға 5-се тапҡыр мөрәжәғәт итә. Мөһим сараны иртәгә БСТ каналында иртәнге сәғәт 10-да ҡарағыҙ.

Өфөлә «Башҡорт йыры» конкурсының Гала концерты үтте

«Башҡорт йыры» асҡан исемдәр. Телевизион конкурстың Гала концерты йылдағыса аншлаг менән үтте. Йылдың иң сағыу һәм үҙенсәлекле моң байрамынан репортаж.

Башҡортостанда үҙмәшғүлдәр һаны 1,5 тапҡырға артҡан

Финанс министрлығынан хәбәр итеүҙәренсә, әле 179 меңдән ашыу кеше һөнәри табыш өсөн һалым түләй. Быйыл 11 айҙа үҙмәшғүлдәр республика ҡаҙнаһына 422 миллион һум күсергән. Был сумма былтырғы осорға ҡарағанда 1,7 тапҡырға күберәк. Үҙмәшғүлдәр төҙөлөш, пассажирҙар һәм йөк ташыу, маркетинг-реклама, үҙе етештергән менән сауҙа итеү өлкәләрендә эшләй.

Республикала "Ярҙам поезы" йөрөй

Махсус хәрби операцияла ҡатнашыусылар һәм ветерандарға һәр төрлө ярҙам, дауаланыу, документтар тултырыу буйынса консультациялар бирелә. Белорет, Әбйәлил һәм Бөрйән райондары, Стәрлетамаҡ,Бөрө, Бәләбәй ҡалаларында ошондай хеҙмәттәр күрһәтелде. Артабан, "Ярҙам поезы" Октябрьскийға бара, халыҡты ҡабул итеү 22 декабргә үтә.

Бөгөн Радий Хәбиров Дәүләт Йыйылышы–Ҡоролтайға Мөрәжәғәтнамә менән сығыш яһай

Унда республиканың төп үҫеш йүнәлештәре билдәләнә. Ултырыш сәғәт унда башлана, Мөрәжәғәтнамә Башҡортостан юлдаш телевидениеһы, “Башҡортостан-24”, “Вся Уфа” телеканалдарында, шулай уҡ социаль селтәрҙәрҙә тура трансляциялана.

Йылыһыҙ ҡалған Иглин районында йәшәүсе ғаиләне изгелекле яҡташтары ҡотҡарған

Сатлама һыуыҡта Иглин районы Яңы Ҡыбау ауылында йәшәүсе күп балалы ғаиләнең ҡаҙанлығы сафтан сыға. Һөҙөмтәлә сабыйҙарын яңғыҙ тәрбиәләүсе әсә йортон электр ҡоролмалары менән йылытырға мәжбүр була. Әммә изгелекле кешеләр ауыр хәлдә ҡалыусы ғаиләне ярҙамһыҙ ҡалдырмай.