Халыҡ-ара коррупцияға ҡаршы көрәш көнө сиктәрендә ойошторолған сара барышында йыл йомғаҡтары барланды

Халыҡ-ара коррупцияға ҡаршы көрәш көнө сиктәрендә ойошторолған сара барышында йыл йомғаҡтары барланды, коррупция, башҡа хоҡуҡ боҙоуҙарҙы иҫкәртеү буйынса яуаплы дәүләт һәм муниципаль хеҙмәткәрҙәр араһында конкурсҡа йомғаҡ яһалды. Башҡортостандың дәүләт власы органдарында һәм урындағы үҙидара органдарында асыҡланған коррупцияға ҡаршы ҡануниәтте боҙған осраҡтарҙы тикшерелде, тейешле тәҡдимдәр индерелде.

Өфөлә «Уҡытыу, тәжрибә, профессионализм» 2-се Евразия торакаль хирургтар конгресы асылды

Өс көн дауам иткән форумда Рәсәй төбәктәре менән Ҡытайҙан, Ҡаҙағстан, Үзбәкстан, Төркмәнстан, Беларусь республикаһы, Иран, Төркиә, Тажикстандан 700-ҙән ашыу кеше ҡатнаша.

Өфөлә онкология диспансерында иртә асыҡланған эсәк яман шеше буйынса ҡатмарлы операция үтте

Республика клиник онкология диспансерында эсәк яман шеше диагнозы ҡуйылған пациентҡа операция яһанылар. Был сир онкологияла иң йыш осрай торған ауырыуҙарҙың береһе. Республикала йәшәүсе 13 меңгә яҡын кеше иҫәптә тора.

Өфөлә балалар баҡсаһы тәрбиәләнеүселәре Ирекмәндәр көнөн изге эштәр менән ҡаршыланы

Бөгөн-Халыҡ-ара ирекмәндәр көнө. Был байрамды ярҙамсыл, бәләгә тарыусыларҙы ҡотҡарырға ашҡынған, изге күңелле кешеләр билдәләй. Улар араһында иң кескәй малай-ҡыҙҙар ҙа бар. 51-се балалар баҡсаһында тәрбиәләнеүселәр пластмасс ҡапҡастар, макулатура йыйып хайуандарға аҙыҡ-түлек йыйырға ярҙам итә. Уларға был изге эштә ата-әсәләр, педагогтар ярҙам итә. Ирекмәндәр эшмәкәрлеге балаларға бәләкәйҙән яуаплы, миһырбанлы, хәстәрлекле булырға ярҙам итә.

Өфөлә 14 йәшлек үҫмерҙәргә паспорттар тантаналы рәүештә тапшырылды

Өфөлә «Беҙ-Рәсәй граждандары» федераль программаһы сиктәрендә 14 йәше тулған үҫмерҙәргә төп рәсми документ-паспорт тапшырылды. Малай-ҡыҙҙарҙың барыһы ла «Беренселәр хәрәкәте» Дөйөм Рәсәй балалар һәм йәштәр хәрәкәтенең төбәк бүлексәһе ағзалары. Тантаналы сара Халыҡ-ара ирекмәндәр көнөнә бәйле ойошторолдо.

Башҡортостандан халыҡ театры Ҡазанда Гран-при яуланы

"Иҙел-йорт" тигән төбәк-ара фестиваль уҙғарылды. Төп призға Зөфәр Солтанов исемендәге халыҡ театры лайыҡ булды. Был турала Дүртөйлө район хакимиәте башлығы Риф Йосопов хәбәр итә. Ҡазан тамашасыһына Назар Нәжми пьесаһы буйынса "Гармунсы егет" тигән спектакль тәҡдим ителгән. Фестивалдә илдең төрлө төбәктәренән халыҡ театрҙары ҡатнашҡан.

Башҡортостан Ҡытайҙың Шаньдун провинцияһы менән хеҙмәттәшлек итә

Вице-премьер-Ауыл хужалығы министры Илшат Фәзрахманов республиканың агросәнәғәт комплексы мөмкинлектәре менән таныштырҙы. Уның әйтеүенсә, Башҡортостан Ҡытайға етен, киптерелгән һөт, көнбағыш һәм рапс майы һата. Беҙҙә сифатлы продукция етештерелә. Тауар шулай уҡ Һиндостан, Пакистан, Афғанстан, Африка дәүләттәренә оҙатыла. Төрлө йүнәлештәрҙә хеҙмәттәшлеккә әҙербеҙ, - тине Илшат Фәзрахманов. Шаньдун вәкилдәре билдәләүенсә, провинцияла 100 миллионндан ашыу кеше йәшәй. Шуға ауыл хужалығы продукцияһына ихтыяж ҙур. Эшкәртеү өсөн мөмкинлектәр бар, күпләп сеймал кәрәк. Башҡортостан менән был өлкәлә хеҙмәттәшлек мөмкинлектәре ҙур.

«Алға» айырым иҡтисади зонаһы милли рейтингта өс лидер иҫәбенә инде

Рейтинг һөҙөмтәләрен Рәсәй кластерҙар, технопарктар һәм махсус иҡтисади зона ассоциацияһы ярҙамында Дәүләт Думаһының иҡтисади сәйәсәт буйынса комитеты һәм «Берҙәм Рәсәй» партияһы Юғары советы бюроһы комиссияһы эксперт советының берлектәге ултырышында иғлан иттеләр.

Бөрйән районы Ҡотан ауылында яңы фельдшер-акушерлыҡ пункты асылды

Яңы ФАП «Оҙайлы һәм әүҙем тормош» милли проекты ярҙамында сафҡа инде. Хәҙер 250-гә яҡын урындағы халыҡ уңайлы һәм заманса шарттарҙа беренсел медицина ярҙамы аласаҡ. Был быйыл төбәктә эшләй башлаған өсөнсө медицина учреждениеһы, декабрь аҙағына тиклем тағы ла ике ФАП асыу планлаштырыла.

Иглин районында махсус хәрби операцияла ҡатнашыусының әсәләренә муниципаль миҙалдар тапшырыла

Бөгөнгә бындай наградаға дүрт тиҫтәнән ашыу гүзәл зат вәкиле лайыҡ булған. Урындағы хакимиәт башлығы Гүзәл Насирова «Махсус хәрби операцияла ҡатнашыусының әсәһе» миҙалын Рәхилә Низамоваға ла тапшырҙы. Уның улы әлеге ваҡытты илебеҙ мәнфәғәттәрен яҡлай. Заман геройҙарын тәрбиәләнгән ҡатын-ҡыҙҙарҙы тәбрикләү тантаналары райондың башҡа ауылдарында ла үтте.

Рәсәйҙә көҙгө саҡырылыш кампанияһы дауам итә

Был осорҙа Башҡортостандан 3 мең ярым егет һалдат итеге кейәсәк. Улар сафында Баймаҡ һәм Йылайыр райондарынан 10 егет тә бар. Ватан һағы оҙатыу тантанаһынан киләһе репортаж.

Шишмә районыың «Патриот» хәрби-илһөйәрлек паркында «Әҙер бул!» фестивале үтте

Ярышта республика район-ҡалаларынан йыйылған мәктәп уҡыусылары патриотик йүнәлештәге проекттары менән сығыш яһаны. Сараға 250-нән ашыу уҡыусы йәлеп ителде. Иң яҡшы проект миҫалы киләһе йылға бөтә муниципалитеттарҙа тормошҡа ашырыласаҡ. Тулыраҡ мәғлүмәт киләһе яҙмала.

Стәрлетамаҡта «Ҡаҙ 2.0» фествиале гөрләне

Ике көн дауам иткән сара йәмәғәт туҡланыу өлкәһендә эшләүсе эшҡыуарҙарҙы, ҡул оҫталарын, ижади коллективтарҙы берләштерҙе. Ҡаланың символы-ҡаҙға бағышланған байрамдан репортаж.

Донъя халыҡтары һөйөүен яулаған «Әй Йола» төркөмө тәүге гастролен Өфөлә тамамланы

Бөйөк «Урал батыр» эпосына арналған музыкаль альбом Рәсәйҙең 22 ҡалаһында яңғыраны. Һәр осрашыу аншлаг менән үткән. Өфө тамашасыһы ла ижади коллективтың сығышын түҙемһеҙләнеп көтөп алған. Әйткәндәй, баш ҡалалағы концерт алдынан «Әй Йола»ның йәнә бер композицияһы донъя күрҙе.

Өфөлә Ейәнсура районы яҡташтар ойошмаһының осрашыуы уҙғарылды

Дебет шәл менән дан тотоусылар. Өфөнөң «Химиктар» мәҙәниәт һарайында Ейәнсура районы яҡташтар ойошмаһының осрашыуы уҙғарылды. Сара Өфөлә йәшәгән яҡташтарҙы һәм муниципалитеттан сыҡҡан кешеләрҙе берләштерҙе.

«Юлдаш» мәғлүмәт һәм йыр-моң каналы үҙенең юбилей йылын юғары күтәренкелектә тамамланы

Бер төркөм радио хеҙмәткәрҙәре Дәүләт-Йыйылышы-Ҡоролтай, Башҡортостан Хөкүмәте, төрлө министрлыҡ-ведомстволарҙың Маҡтау ҡағыҙҙары, миҙалдары менән бүләкләнде. «Юлдаш»тар 25 йыллыҡта ла «Беҙ бергә» девизына тоғро ҡалып яратҡан тыңлаусыһы менән бергә билдәләне.