БСТ | Яңылыҡтар
2.41K subscribers
5.17K photos
8.05K videos
209 links
Новости главного медиахолдинга Республики Башкортостан на башкирском языке
Download Telegram
Media is too big
VIEW IN TELEGRAM
2026 йылдың май-июнендә Өфөлә Халыҡ-ара халыҡ художество кәсептәре фестивале үтә

Был туралағы Указға Башҡортостан башлығы Радий Хәбиров ҡул ҡуйған. Иҫегеҙгә төшөрәбеҙ, төбәк етәксеһе ошондай күләмле сара уҙғарылыуы тураһында быйыл июлдә формаль булмаған берләшмә вәкилдәре менән осрашыуҙа хәбәр иткәйне. Атап үткәндә, ҡулланма сәнғәт һәм кәсептәр күргәҙмәһен ойоштороу планлаштырыуылы билдәләнде. Республикала халыҡ кәсептәрен һаҡлау һәм үҫтереүгә иғтибар ҙур, былтыр ғинуарҙа үткән оператив кәңәшмә барышында ла Радий Хәбиров ҡулланма сәнғәтте тергеҙеү буйынса һөҙөмтәле эш алып барылыуы тураһында фекерен белдерҙе.
Media is too big
VIEW IN TELEGRAM
Башҡортостан зәңгәр яғыулыҡ үткәреү буйынса илдә бер нисә ай дауамында алдынғы төбәктәр исемлегендә

Был турала республика башлығы Радий Хәбиров «Газ для России» телеграмм каналына интервьюһында хәбәр итте. Башҡортостанда һуңғы дүрт йыл эсендә 185 ауыл-ара газ үткәргесе төҙөлгән, 87 ауылға зәңгәр яғыулыҡ үткәрелгән, 16 мең йорт газға тоташтырылған. Йыл аҙағына тиклем республикала тағы ла 33 ауылды зәңгәр яғыулыҡҡа тоташтрырыу күҙаллана.
Media is too big
VIEW IN TELEGRAM
Өфөнән Татьяна Овчинникова-«Финист» менән «Ҡарлуғас» электропоездарының 5 миллионынсы пассажиры

Был турала Башҡортостан башлығы Радий Хәбиров социаль селтәрҙәр аша хәбәр итеп, Татьянаға ҡотлау һүҙҙәрен еткерҙе. Билетты ул Силәбегә тиклемге яңы эскпрессҡа һатып алған. Кропачёв ҡасабаһында йәшәгән ағаһының тыуған көнөнә саҡырылған булған. Ҡыҙ Башҡортостан ҡала яны пассажирҙар компанияһынан иҫтәлекле бүләктәр алды. Төбәк етәксеһе билдәләүенсә, һуңғы йылдарҙа Рәсәй тимер юлдары менән республикала йәшәүселәрҙең уңайлығын күтәреү буйынса алып барылған эш үҙ һөҙөмтәләрен бирә.
Media is too big
VIEW IN TELEGRAM
Фронт менән тыл араһында – йөрәк ептәре: Йылайыр ирекмәндәренең изге эше

Яуҙа сыныҡҡандар бер генә хәрби бәрелештәрҙән дә ситтә ҡала алмай. Тап улар һуғыштың ни тиклем ауыр һәм һалдаттарға тыл, яҡындар, дуҫтар терәге мөһим икәнлеген яҡшы аңлай.
Йылайыр районының хәрби туғанлыҡ ойошмаһы егеттәре лә ошондай битараф ҡала алмаған яҡташтарыбыҙ. Улар үҙ көсө менән гуманитар ярҙам туплап махсус хәрби операция биләмәһенә йөрөтә.
👍2🔥2
Media is too big
VIEW IN TELEGRAM
Ишембай районы халҡы махсус хәрби операцияла ҡатнашыусыларға гуманитар ярҙамды даими оҙата

Алаҡай һәм Скворчиха ауылдарында йәшәүселәр ҙә ирекмәнлек хәрәкәтенә ҡушылған. Маскировка селтәрҙәре үреү булһынмы, бал продукцияһы, шифалы үләндәр әҙерләүме-изге эш берҙәм көс менән башҡарыла. Алғы һыҙыҡтағыларға терәк булған замандаштарыбыҙ тураһында киләһе материал.
Media is too big
VIEW IN TELEGRAM
Бөрөлә махсус хәрби операцияла һәләк булған яугирҙар иҫтәлегенә мемориал таҡтаташ асылды

Хәтер комплексын асыу тантанаһында хәрбиҙәрҙең туғандары, яҡташтары, йәмәғәт ойошмалары вәкилдәре, мәктәп уҡыусылары ҡатнашты. Мемориал хәрби хәрәкәттәр ветерандары һәм ватан һаҡсыларының яҡындары тәҡдиме менән сафҡа индерелгән.
Media is too big
VIEW IN TELEGRAM
Иглин районында педагогтар Яңы уҡыу йылы алдынан «Август кәңәшмәһенә» йыйылды

Уҡытыусылар уҙған уҡыу йылы һөҙөмтәләрен барлап, яңы маҡсаттар билдәләне. Семинарҙа ҡатнашыусылар мәғариф системаһында 1 сентябрҙән ғәмәлгә ингән үҙгәрештәр, федераль министрлыҡ тарафынан раҫланған яңы ҡарарҙар буйынса эш планын билдәләне.
Media is too big
VIEW IN TELEGRAM
Өфөлә һаулыҡ һаҡлауҙа сифат һәм хәүефһеҙлек буйынса Бөтә Рәсәй конгресы башланды

Өфөлә «Һаулыҡ һаҡлау өлкәһендә сифат һәм хәүефһеҙлек биләмәһе. Клиник практикала сифат менеджменты системаһы» тип исемләнгән Бөтә Рәсәй конгресы башланды. Ике көнгә иҫәпләнгән сарала медицина ярҙамы күрһәтеү, шулай уҡ ғүмер оҙайлығын, тыуымды арттырыу кеүек көнүҙәк мәсьәләләр ҡарала.
Media is too big
VIEW IN TELEGRAM
Быйыл Ғафури районының Ҡотлоғужа һәм Игенйылға ауылдарында яңы фельдшер-акушерлыҡ пункты төҙөлгән

Быйыл Ғафури районының Ҡотлоғужа һәм Игенйылға ауылдарында яңы фельдшер-акушерлыҡ пункты төҙөлгән. Медицина учреждениелары халыҡҡа беренсел сифатлы медицина ярҙамын күрһәтеү өсөн кәрәкле ҡорамалдар менән йыһазландырылған. Игенйылға ауылында Фельдшер-акушерлыҡ пунктын асыу тантанаһын беҙҙең ижади төркөм дә күҙәтте. Тулыраҡ киләһе яҙмала.
👍1🥰1
Media is too big
VIEW IN TELEGRAM
Өфөләге вуз-ара студенттар кампусында ғаилә ялы ойошторолдо

Йолаға әйләнгән сара был юлы яҡынлашып килгән Белем көнөнә арналды. «Бергәләп мәктәпкә: сентярҙе нисек еңел үткәрергә» тип аталған сараны Башҡортостандың Ғаилә, хеҙмәт һәм халыҡты социаль яҡлау министрлығы менән «Ғаилә» хеҙмәте ойошторҙо.
Media is too big
VIEW IN TELEGRAM
Башҡортостанда аҙна эсендә тәбиғәттә аҙашҡан кешеләр буйынса 6 осраҡ теркәлгән

Аҙна башынан Башҡортостанда тәбиғәттә, урманда һәм һыу ятҡылыҡтарында аҙашҡан, юғалған кешеләр буйынса алты осраҡ теркәлгән. Ғәҙәттән тыш хәлдәр буйынса дәүләт комитеты мәғлүмәттәренә ярашлы, ҡотҡарыу хеҙмәте 11 кешегә, шул иҫәптән 2 балаға ярҙам күрһәткән. Бәшмәк йыйғанда, балыҡ ҡармаҡлағанда, тауға күтәрелгәндә ҡайтыр юлды таба алмаусылар, шулай уҡ һуңға ҡалып, яҡындарын хәүефкә һалыусылар ҙа булған.
This media is not supported in your browser
VIEW IN TELEGRAM
Радий Хәбиров Донбасста «Башҡортостан» полкы яугирҙары менән осрашты

Төбәк етәксеһе алғы һыҙыҡта ватан һаҡсыларының йәшәү шарттары, медицина пункты, ашхана эшмәкәрлеге һәм хәрби техника менән танышты. Радий Хәбиров ир-егеттәр менән аралашып, республиканан оҙатылған гуманитар ярҙам буйынса хәрбиҙәрҙең теләктәрен һорашты.
Media is too big
VIEW IN TELEGRAM
Радий Хәбиров Донбасстағы «Саур-могила» мемориалында Мәңгелек утҡа сәскә һалды

Донбасҡа эш сәфәре барышында Башҡортостан башлығы Радий Хәбиров Донецк халыҡ республикаһы башлығы Денис Пушилин менән бергә «Саур-могила» мемориаль комплексындағы Мәңгелек утҡа сәскә һалды.
Media is too big
VIEW IN TELEGRAM
Хәрби хеҙмәткә алыныусылар тәүге көндән уҡ атыу, һөжүм һәм разведка серҙәренә өйрәнә

Яңы хәрби хеҙмәткә алыныусы бер генә һалдат та әҙерлекһеҙ яуға инмәй. Оборона министрлығы менән килешеү төҙөүселәрҙе шундуҡ алғы һыҙыҡҡа ебәрәләр тигән хәбәр дөрөҫлөккә тап килмәй, ти махсус хәрби операция биләмәһендә эшләгән полигон инструкторҙары. Ул ғына ла түгел, күпте күреп өлгөргән яугирҙар ҙа даими күнекмәләр үтеп тора. Һуғыш алып барыу шарттары йылдам үҙгәргән мәлдә башҡаса мөмкин түгел.
Media is too big
VIEW IN TELEGRAM
Өфөлә «Һөт иле» ауыл хужалығы фестивале үтте

Ҡашҡаҙан майҙаҙында республика фермерҙары һәм һөт предприятиелары тиҫтәләгән төрлө продукция тәҡдим итте, һөт ризыҡтары күргәҙмәһе ойошторолдо. Фестивалдә ҡатнашыусы һәр кем һөт тәмләп ҡарап, туңдырма менән һыйланды. Сауҙа майҙансыҡтарында һөт продукцияһынан тыш, йәшелсә-емеш, ит, бал һәм башҡа ризыҡтар тәҡдим ителде. Фестивалдә 100 мең самаһы кеше ҡатнашты.
Media is too big
VIEW IN TELEGRAM
Салауат Юлаев һәйкәленең ҡурғаны киҫелмәйәсәк

Башҡортостандың мәҙәни мираҫ объекттарын дәүләт һаҡлауы буйынса идаралыҡта Салауат Юлаев һәйкәле реставрацияһы ваҡытында уның ҡурғанын киҫеп алалар тигән мәғлүмәтте иңҡар иттеләр. Постамент ҡуйылған ер участкаһын нығытыу ғына ҡаралған.
Media is too big
VIEW IN TELEGRAM
Шишмә районы Яңы Киевка ауылында йәшәүселәр тиҫтә йылдар дауамында юлһыҙ интегә

Ямғырлы йәйҙә, яҙын һәм көҙөн ауылға илткән юл аҡтарылып, тәрән кәлейә хасил була, еңел автомобилдәр, автобустар йөрөй алмай. Халыҡ ашығыс ярҙам каретаһы, янғын һүндереү хеҙмәттәре ваҡытында килеп өлгөрмәй, тип зарлана. Яңы Киевкаға илткән юлдарҙан беҙҙең ижади төркәм дә үтеп ҡараны.
👍2
Media is too big
VIEW IN TELEGRAM
Башҡортостанда киҫкен респиратор сирҙәр артасаҡ: табиптар прививка яһатырға саҡыра

Сентябрҙә республикала киҫкен респиратор вируслы инфекциялар менән ауырыусылар ике тапҡырға артып, 20 мең кешегә етеүе ихтимал. Эпидемиологтар һалҡын тейеү миҙгеленә әҙер булырға кәңәш итә. Тәү сиратта, профилактикаға иғтибарҙы арттырырға кәрәк. Әле поликлиникаларҙа прививка кампанияһы башланған. Гриптан вакцинаны өлкәндәр ҙә, балалар ҙа бушлай яһата ала. Табиптар билдәләүенсә, был сирҙән һаҡланыуҙың иң һөҙөмтәле ысулы.
Media is too big
VIEW IN TELEGRAM
Башҡорт дәүләт педагогия университетында беренсе курс студенттары өсөн адаптация сменаһы бара

Мифтахетдин Аҡмулла исемендәге Башҡорт дәүләт педагогия университетында беренсе курс студенттары өсөн адаптация сменаһы бара. Өс көн дауамында юғары уҡыу йортона ингән егет-ҡыҙҙар вуз менән таныша, студент тормошона әҙерләнә. Быйыл махсус смена 9-сы йыл рәттән ойошторола.