Башҡорт дәүләт ҡурсаҡ театры һуҡыр балалар өсөн спектаклдәр күрһәтеү мөмкинлегенә эйә булды

Театрҙың баш режиссёры Ольга Шәрәфетдинова менән актриса Светлана Имаметдинова Мәскәүҙә, Бөтә Рәсәй һуҡырҙар йәмғиәте тарафынан ойошторолған курстарҙы тамамлап, квалификацияны камиллаштырыу сертификаты алған. Тифлокомментаторҙар һуҡырҙар йәки күреү һәләте сикләнгән кешеләр ҡатнашҡан төрлө сараларҙа эшләйәсәк. Шул иҫәптән күргәҙмә проекттары, спектаклдәр һәм театр буйлап экскурсияларҙы оҙатасаҡ. Бының өсөн махсус текстар әҙерләнгән.

Баймаҡ районында Ишмөхәмәт ҡурғанын ҡаҙыған археологтар ғәҙәти булмаған табышҡа юлыҡҡан

«Ирәндек» музей-ҡурсаулығы урынында ҡәбер соҡоронда кеше һөлдәһе табылған. Тулыраҡ киләһе яҙмала.

Ғафури районы диндарҙары Үзбәк ауылының «Ихлас» мәсетенә семинар-кәңәшмәгә йыйылды

Районда эшләп килгән 25 мәсет араһында «Ихлас» мәсетенә йөрөүселәр берҙәмлеге менән айырылап тора. Дини байрамдар булһынмы, алғы һыҙыҡтағы махсус хәрби операция яугирҙарына ярҙам итеүме-Үзбәк ауылы кешеләре хәйриә акцияларында әүҙем ҡатнаша.

Башҡортостанда Белем көнөндә ата-әсәләргә өҫтәмә ял биреү ҡаралмаған

1 сентябрь-Белем көнөндә мәктәп уҡыусыларының ата-әсәләренә закон буйынса өҫтәмә ял алыу буйынса гарантиялар юҡ, шулай ҙа был мөмкинлектең коллектив килешеүгә индерелеүе мөмкин. Башҡортостандың Ғаилә, хеҙмәт һәм халыҡты социаль яҡлау министрлығынан хәбәр итеүҙәренсә, бөгөн төбәк ойошмалары норматив-хоҡуҡи документтарҙы «демография менюһы» пункттары буйынса тулыландыра. Әле республикала биш меңдән ашыу коллектив килешеү төҙөлгән. Ҡағиҙәләр индерелмәгән компанияларҙа ата-әсәләргә Белем көнөнә ялды түләнгән, йә түләнмәгән отпуск иҫәбенә алырға мөмкин.

Иглин районында махсус хәрби операцияла ҡатнашыусы яугир менән осрашыу үтте

Иглин районының «Үҙебеҙҙекеләрҙе ташламайбыҙ» ирекмәндәр штабында махсус хәрби операцияла ҡатнашыусы яугир менән осрашыу үтте. «Мансур» ҡушаматлы яугир 2006 йылдан алып хәрби тормошо алып бара. Сүриәләге ҡыҙыу нөктәләрҙә хәрби заданиелар үтәгән. Бөгөн хәрби һауа-десант ғәскәрҙәрендә хеҙмәт итә. Иглин ирекмәндәре штабта яугир өсөн экскурсия ойоштороп, бүләктәр тапшырҙы.

Республикала шәкәр сөгөлдөрө уңышы мул булыр тип көтөлә

Был турала Башҡортостан башлығы Радий Хәбиров социаль селтәрҙәрҙә яҙып сыҡты. Әле төбәктә сөгөлдөр татлы тамыр ултыртылған 15 райондың етәүһендә ураҡ эштәре бара. Бөгөнгә 40 мең тонна сөгөлдөр ҡаҙып алынған. Гектар ҡеүәте уртаса 478 центнерға етә.

Сибайҙа «Урал аръяғы» инвестиция һабантуйы башлана

4 сентябрҙән алып 6-һына тиклем Сибай «Урал арьяғы» Бөтә Рәсәй инвестиция һабантуйы форумын ҡабул итә. Әлеге ваҡытта инвестиция һабантуйында ҡатнашырға теләүселәрҙән меңдән ашыу заявка килгән. Форумда Рәсәйҙең тиҫтәнән ашыу төбәге, Кувейт, Иран, Көньяҡ Африка, Ҡытай, Төркиә, Берләшкән ғәрәп әмирлектәре, Ҡаҙағстан, Үзбәкстан делегациялары ҡатнашыуы көтөлә.

Башҡорт медицина университетында бюджет урындары күбәйҙе

Рәсәй Һаулыҡ һаҡлау министрлығының Башҡорт дәүләт медицина университетына абитуриенттарҙы беренсе курсҡа ҡабул итеү тураһындағы бойороғона ҡул ҡуйылды. Уҡыу йортонда йылдан-йыл бюджет урындары күбәйә. Быйыл был күрһәткес 147-гә артып, бюджетҡа уҡырға ингән студеннттар 1 150-гә еткән. Буласаҡ табиптар араһында Берҙәм дәүләт имтихандарында 100 балл йыйғандар ҙа байтаҡ.

Дүртөйлө районы Тәкәрлек ауылында йәшәүселәр берҙәм көс менән биләмәне төҙөкләндереүҙә ҡатнаша

Ҡойо, балалар уйын майҙансығы һәм ял зоналары. Дүртөйлө районы Тәкәрлек ауылында йәшәүселәр берҙәм көс менән биләмәне төҙөкләндереүҙә ҡатнаша. Ҡул оҫталарының береһе Рәлиф Гәрәев тураһында киләһе яҙмала.

Үҙәк Банк кредит биреү буйынса талаптарҙы үҙгәртә

Яңы норма киләһе айҙан көсөнә инә. 1 сентябрҙән 50 мең һумдан 200 мең һумға тиклем кредит аҡсаһы килешеү төҙөгәндән һуң 4 сәғәт үткәс кенә бирелә. 200 мең һумдан ҙур сумма ике тәүлектән һуң күсерелә. Ошо ваҡыт эсендә кеше кредиттан баш тарта ала. Бындай сара мутлашыусыларҙан һаҡланыу өсөн ҡарала, тип хәбәр итәләр финанс учреждениенан.

Мәләүез йылғаһының яр буйы илдә иң төҙөк биләмә исеменә дәғүә итә

Ул 2019 йылда тәртипкә килтерелә башланы. “Ҡайын тракты” йәмәғәт зонаһы 2022 йылда файҙаланыуға тапшырылды. Былтыр Рәсәй Төҙөлөш министры Ирек Фәйзуллин “Мәләүездең сәскәле яры” тигән киңлекте асыу сараһында ҡатнашты. Республика Торлаҡ-коммуналь хужалыҡ министрлығынан белдереүҙәренсә, ремонт барышында ағас материалдар ҡулланылған. АрхиWood премияһы ағастан эшләнгән иң яҡшы архитектура өлгөләре өсөн тапшырыла. Быйыл конкурсҡа 300-ҙән ашыу заявка бирелгән. Мәләүез йылғаһының яр буйы “Мөхит дизайны” номинацияһында ҡатнаша. Тауыш биреү Интернетта премияның рәсми сайтында ойошторолған. Еңеүселәр 11 сентябрҙә Мәскәүҙә иғлан ителә.

Башҡортостанда тренерҙар миллион һумлыҡ грант ала

Был турала хөкүмәт ултырышында Вице-премьер-Спорт министры Руслан Хәбибов белдерҙе. Быйыл 32 кеше "Ауыл тренеры" һәм "Ҡала тренеры" проекттарында ҡатнаша. Уларҙың һәр береһенә миллион һум бирелә. Башҡортостандан спорттың 141 төрө менән шөғөлләнәләр, быйыл республика спортсылары төрлө ярыштарҙа меңдән ашыу миҙал яулаған.

Бәләбәй-Йәрмәкәй-Приютов трассаһы тәртипкә килтерелә

Бәләбәй районында 1 километрҙан ашыу юл ремонтлана. Урта Ҡарамалы ауылы янында эштәр "Тормош өсөн инфраструктура" милли проектына ярашлы алып барыла. Транспорт һәм юл хужалығы министрлығынан хәбәр итеүҙәренсә, был трасса ҙур ауылдарҙы һәм ҡаланы тоташтыра. Бәләбәй, Приютов һәм Йәрмәкәйҙә 80 мең кеше йәшәй. Ремонтты сентябрҙә тамамлау планлаштырыла.

Өфөлә һөт фестивалендә сәй эсеү буйынса рекорд ҡуйырға ниәтләйҙәр

30 августа "Һөт иле" байрамында Бөтә Рәсәй сәй фестивале уҙғарыла. Быйыл унда илдең 10 төбәгәнән 50-нән ашыу етештереүсе ҡатнашырға теләк белдергән. - Бергәләшеп сәй эсеүҙә 2 меңдән ашыу кеше ҡатнашыуы көтөлә, - тип хәбәр итәләр Ауыл хужалығы министрлығынан. "Һөт иле" фестивале "Ҡашҡаҙан" паркында була.

Республикала “Башҡорт йорто” булдырыла

Тышҡы иҡтисади бәйләнештәр һәм конгресс эшмәкәрлеге министры Маргарита Болычева хәбәр итеүенсә, проектҡа ярашлы һатыуға әҙерләнәсәк өйҙәр эсе тик республикала етештерелгән интерьер менән йыһазландырыла. “Башҡорт йорто” менән “Урал аръяғы” Бөтә Рәсәй инвестиция һабатуйында таныштырыу ҡарала.

«Патриот» хәрби-илһөйәрлек паркында йәш шайморатовсылар өсөн профилле смена үтә

Рәсәй геройы Максим Серафимов исемендәге «Патриот» хәрби-илһөйәрлек паркында йәш шайморатовсылар өсөн профилле смена үтә. Унда төрлө район-ҡала белем усаҡтарынан олимпиада, спорт ярыштары һәм ижади конкурстарҙа уңыш ҡаҙанған уҡыусылар ҡатнаша.

Балтас районы Наджар ауылында модулле фельдшер-акушерлыҡ пункты асылды

Заман талаптары буйынса төҙөлгән ФАП-та процедуралар кабинеты, ҡатын-ҡыҙҙарҙың сәләмәтлеген тикшереү бүлеге йыһазландырылған. ЭКГ, дефибриллятор, тонометр һәм башҡа ҡоролмалар алынған. Наджар ауылы фельдшер-акушерлыҡ пунктына 296 кеше, шул иҫәптән 16 бала теркәлгән.

31 август – Ветеринарҙар көнө: Баймаҡ ветстанцияһы тармаҡта алдынғылар рәтендә

31 август-Ветеринарҙар көнө. Баймаҡ районы һәм Сибай ҡалаһының ветеринария станцияһы тармаҡтың иң ҙур бүлексәләренең береһе. Ойошманың эш үҙенсәлектәре менән БЮТ ижади төркөмө яҡындан танышты.

2026 йылдың май-июнендә Өфөлә Халыҡ-ара халыҡ художество кәсептәре фестивале үтә

Был туралағы Указға Башҡортостан башлығы Радий Хәбиров ҡул ҡуйған. Иҫегеҙгә төшөрәбеҙ, төбәк етәксеһе ошондай күләмле сара уҙғарылыуы тураһында быйыл июлдә формаль булмаған берләшмә вәкилдәре менән осрашыуҙа хәбәр иткәйне. Атап үткәндә, ҡулланма сәнғәт һәм кәсептәр күргәҙмәһен ойоштороу планлаштырыуылы билдәләнде. Республикала халыҡ кәсептәрен һаҡлау һәм үҫтереүгә иғтибар ҙур, былтыр ғинуарҙа үткән оператив кәңәшмә барышында ла Радий Хәбиров ҡулланма сәнғәтте тергеҙеү буйынса һөҙөмтәле эш алып барылыуы тураһында фекерен белдерҙе.

Башҡортостан зәңгәр яғыулыҡ үткәреү буйынса илдә бер нисә ай дауамында алдынғы төбәктәр исемлегендә

Был турала республика башлығы Радий Хәбиров «Газ для России» телеграмм каналына интервьюһында хәбәр итте. Башҡортостанда һуңғы дүрт йыл эсендә 185 ауыл-ара газ үткәргесе төҙөлгән, 87 ауылға зәңгәр яғыулыҡ үткәрелгән, 16 мең йорт газға тоташтырылған. Йыл аҙағына тиклем республикала тағы ла 33 ауылды зәңгәр яғыулыҡҡа тоташтрырыу күҙаллана.