Өфөләге Евразия фәнни-мәғариф үҙәгенең ВУЗ -ара кампусы 4 меңдән ашыу студент һыйҙырышлы буласаҡ

Өфөләге Евразия фәнни-мәғариф үҙәгенең ВУЗ -ара кампусы 4 меңдән ашыу студент һыйҙырышлы буласаҡ. Был турала Радий Хәбиров социаль селтәрҙәрендә белдерҙе. Республика етәксеһе төҙөлөш майҙанында эшләгән техника һанын да иҫәпләгән. Әле унда 19 кран һәм 600 төҙөүсе эшләй. Кампус Рәсәйҙә иң яҡшыһы буласаҡ, тигән Радий Хәбиров.

Республика йәштәре «Беренселәр хәрәкәте» конкурсында йәнә еңеүсе

Башҡортостан өсөнсө йыл рәттән «Беренселәр хәрәкәте» грант конкурсында ҡатнашыусылар һәм еңеүселәр һаны буйынса илдә алдығылыҡ биләй. Быйыл мәҫәлән, 40 еңеүсе 53 миллион һумдан ашыу аҡса отҡан. Был турала бөгөн Башҡортостан башлығы ҡарамағындағы Бөтә Рәсәй балалар һәм йәштәр ижтимағи-дәүләт хәрәкәтенең координация советы ултырышында әйтелде. Вуз-ара студенттар кампусының Геном үҙәгендә үткән осрашыуҙа республика башлығы ла ҡатнашты. Радий Хәбиров йәштәрҙең һорауҙарына яуап биреп кенә ҡалмай, төплө кәңәштәрен дә еткерҙе.

Йырсы Гөлназ Асаева интернет киңлектәрендә таралған видеоға асыҡлыҡ индерҙе

Сәхнә йондоҙо әйтеүенсә, ысынында иһә яҙмала күренгән айыу ҡулға эйәләштерелгән хайуан. Уны клип төшөргән ваҡытта шаяртыу өсөн музыкаль команданың директоры алып килгән. Ләкин бына айыу ғына шаяртыуҙы аңламаған. Ҡоттары осҡан артистарҙы тынысландырам тип айыуға ҡулын һуҙғанда ваҡытта ирҙе тырнап ала.

Өфөлә фатир хужалары ремонтсыға миллиондар күсереп алданып ҡуйған

ӨФөлә Әй урмында, Ғәли Ибраһимов урамында йәшәүсе яңы фатир хужалары подрядсыға ремонтҡа миллиондар күсереп алданған. Фатир хужалары хоҡуҡтары боҙолоуына ризаһыҙлыҡ белдерә, был хаҡта эске эштәр идаралығына ғариза менән мөрөжәғәт иткән. Алданған фатир хужалары менән БЮТ ижади төркөмө лә осрашты. Был хаҡта тулыраҡ киләһе яҙмала.

Быйыл Башҡортостанда дауаханаларҙы модернизациялау өсөн 400 миллион һум аҡса бүленгән

2029 йылға тиклем иҫәпләнгән төбәк программаһы буйынса Өфөлә тиҫтәләгән дауахана-поликлиниканы тәртипкә килтереү күҙаллана. Былтыр тәүге объект булып Республика туберкулезға ҡаршы диспансерының балалар бүлеге ремонтланды. 1970 йылдарҙа төҙөлгән бинала палаталар, коридорҙар һәм туҡланыу урыны төҙөкләндерелгән.

Бәләбәй районы Знаменка ауылында табип амбулаторияһы сафҡа инәсәк

Социаль объект «Оҙайлы һәм әүҙем тормош» милли проектына ярашлы төҙөлгән. Быға тиклем медицина ярҙамы 1978 йылда төҙөлгән кирбес бинала күрһәтелә. Ул яңы санитар-эпидемилогик нормаларға тап килмәй. «Оҙайлы һәм әүҙем тормош» милли проекты сиктәрендә ике ай эсендә модулле табип амбулаторияһы ҡалҡып сыға. Эске биҙәү эштәре тамамланған, учреждение һыу менән тәьмин итеү системаһына тоташтырылған. Бер үк ваҡытта амбулатория заманса медицина ҡорамалдары менән дә йыһазландырылған.

Әр-Рәхим йәмиғ мәсетенең икенсе һәм өсөнсө ҡатына тәҙрәләр урынлаштырыу башланды

Тәҙрә конструкцияларының һуңғы партияһы әҙер. Әр-Рәхим йәмиғ мәсетенең икенсе һәм өсөнсө ҡатына тәҙрәләр урынлаштырыу башланды. Витраждарҙы Өфө районындағы компания әҙерләй. Дини объектта барған эш барышы тураһында репортаж.

Радий Хәбиров Өфөлә математика лицей-интернаты төҙөлөшөнә старт бирҙе

Бөгөн республика етәксеһе буласаҡ бинаның нигеҙенә капсула һалды. Сарала шулай уҡ төҙөүселәр, Башҡортостандың математика буйынса йыйылма командаһы тренеры Александр Столяров менән Бөтә Рәсәй уҡыусылар олимпиадаһы призеры Виктор Ужегов ҡатнашты. Киләсәк быуынға хат тексы һалынған капсула бинаның нигеҙенә төшөрөлөп, өҫтө цемент ҡатнашмаһы менән ҡапланды.

МХО биләмәһе яугирҙарынан республика Хәрби дан музейына сираттағы трофей тапшырылды

Был пилотһыҙ осоу аппараты һигеҙ йөҙ километр араны үтеү һәләтенә эйә. Ул тылдағы обьекттар һәм хәрби нығытмаларға һөжүм итеү өсөн тәғәйенләнгән. Ауырлығы 60 килограмм самаһы, оҙонлоғо 3 метрҙан ашыу. Әммә был ҡош маҡсатына ирешә алмай, уны беҙҙең яугирҙар ҡыйратып өлөгөрә. «Башҡоростан» полкы яугирҙары Венер Яҡуповҡа был трофейҙы республика Хәрби дан музейына тапшырыуҙарын үтенә.

«Беренсе тирмә» ирекмәндәре Донецк һәм Луганскиҙа яугирҙарға ярҙам итә

«Беренсе тирмә» төбәк проекты ҡатын-ҡыҙҙары төркөмө Луганск һәм Донецк халыҡ республикалары госпиталдәрендә яралы яугирҙарға ярҙам күрһәтә. Ирекмәндәр араһында төрлө һөнәр эйәләре. Махсус хәрби операцияла яҡындары һәләк булғандар ҙа бар. Уларҙы бер маҡсат-яугир яҡташтарыбыҙға Башҡортостан сәләмен, күңел йылыһын, күстәнәстәрен еткереү, яралылырға төҙәлергә ярҙам итеү теләге берләштерә.

Миәкә районы аграрийҙары 4 мең гектар ерҙә бөртөклө культураларҙы урып алған

Миәкә районы аграрийҙары 4 мең гектар ерҙә бөртөклө культураларҙы урып алған. Был дөйөм күләмдең 10 проценты. «Нива» хужалығында комбайндар һоло һуғыуға төшкән. Сиратта бойҙай һәм арпа. Эштәр йылдам бара, ти механизаторҙар.

Ишембайҙа «Урал батыр» йәнһүрәтен төшөрөү тамамлана

«Ишембайфильм» балалар һәм үҫмерҙәр өсөн мультфильмдар ижад итеү студияһы проектында ҡатнашыусыдарҙы башҡорт халыҡ эпосы рухландырған. Команда проектты республика башлығы грантына тормошҡа ашыра. Мультфильм нейроселтәр анимацияһы ҡулланып төшөрөлгән.

Бәләбәйҙәге «Чемпион» спорт мәктәбе яңы бина туйлай

Былтыр төҙөкләнедереү эштәренең беренсе этабы тамамланып, ҡыйыҡ аҫтында хоккей коробкаһы төҙөлә. Ҡышҡыһын унда сәкән һуҡһалар, йәйгеһен майҙансыҡ волейбол, баскетбол, футбол өсөн яраҡлаштырыла.

Башҡортостан йылға аръяғында яңы торлаҡ төҙөү өсөн 8,5 миллиард һум аласаҡ

Башҡортостан Өфө йылғаһы аръяғында коммуналь инфраструктура төҙөлөшөнә федераль үҙәктән 8 миллиард ярым һум аҡса аласаҡ. Был ҡарарҙы Рәсәйҙең төбәктәр үҫеше буйынса хөкүмәт комиссияһы ҡабул итте. Уның ултырышында видеобәйләнеш аша республика башлығы Радий Хәбиров та ҡатншты.

Радий Хәбиров Өфөлә математика лицей-интернаты төҙөлөшөнә старт бирҙе

Бөгөн республика етәксеһе буласаҡ бинаның нигеҙенә капсула һалды. Башҡортостандың теүәл фәндәргә һәләте булған малай-ҡыҙҙарҙын берләштерәсәк белем усағы «Йәштәр һәм балалар» милли проектына яршалы төҙөлә.

Радий Хәбиров төҙөлөш алдынғыларына дәүләт наградалары тапшырҙы

Йыл һайын августың икенсе йәкшәмбеһендә Рәсәйҙә төҙөүселәр көнө билдәләнә. Һөнәри байрам уңайынан Башҡортостан башлығы Радий Хәбиров бер төркөм хеҙмәт алдынғыларына дәүләт наградалары тапшырҙы. Төбәк етәксеһе республиканың төҙөлөш тармағында эшләүсе һөнәрмәндәргә оло рәхмәтен еткерҙе. Уларҙың тырышлығы һәм яуаплылығы менән төбәктә тиҫтәләгән социаль объекттар, торлаҡ йорттар, юлдар һәм башҡа объекттар сафҡа индерелә.

Башҡортостанда төҙөүселәрҙе һөнәри байрамдары менән ҡотланылар

Төҙөүселәр көнөн уңайынан Өфөлә колонна залында хеҙмәт алдынғыларына дәүләт наградалары, Рәхмәт хәттары һәм Почет грамоталары тапшырылды. Башҡортостандың төҙөлөш өлкәһендә 180 мең кеше эшләй. Тап улар тырышлығы һәм яуаплылығы менән яңы социаль объекттар, торлаҡ йорттар һалына.

Быйыл Башҡортостанға туризмды үҫтереүгә 400 миллион һумдан ашыу аҡса бүленгән

Һуңғы ике йылда ғына был тармаҡҡа яҡынса 3,7 миллиард һум йүнәлтелгән, шуларҙың 1,5 миллиарды-«Туризм һәм ҡунаҡсыллыҡ»милли проекты буйынса федераль бюджеттан. Республикала уңайлы һәм заманса туристик инфраструктура формалаша, кемпингтар, глэмпингтар һәм афреймдар менән йыһазландырылған яңы турбазалар төҙөлә.

Өфөлә «баланы мәктәпкә әҙерлә» хәйриә акцияһы үтте

«Берҙәм Рәсәй» партияһы акцияһына малай-ҡыҙҙарға мәктәпкә йыйынырға ярҙам итергә эшҡыуарҙар, бағыусылар һәм йомарт кешеләр ҡушылған. «Баланы мәктәпкә әҙерлә» хәйриә акцияһы аша мөмкинлектәре сикләнгән, күп балалы һәм аҙ тәьмин ителгән ғаиләләрҙә тәрбиәләнеүселәргә, махсус хәрби операция биләмәһендә ҡатнашыусы яугир балаларына яңы уҡыу йылы башланыуға мәктәп кәрәк-яраҡтары, кәнсә туарҙары менән ярҙам күрһәтелде. Хәйриә ярҙамын шулай уҡ илдең яңы төбәктәренән күсенергә мәжбүр булған уҡыусылар ҙа алды.

Республика халҡы бер көндә аферистарға 8 миллион һум күсергән

Кешеләр телефондағы тауышҡа ышанып, ҙур суммалар юғалта, бурысҡа бата. Башҡортостан буйынса Эске эштәр министрлығынан белдереүҙәренсә, Салауат ҡалаһында йәшәгән пенсионер ҡатын 335 мең һум аҡсаһын банкомат аша ялған дәүләт хеҙмәткәренә ебәргән. Стәрлетамаҡта торған ҡатын 1 миллион һумдан ашыу аҡсаһын инвестиция булараҡ һалған. Сумма билдәһеҙ иҫәпкә күсерелгән. Инвесторҙар аҡсаны алыу менән юҡҡа сыҡҡан. Полиция таныш булмаған кешеләр менән аралашыуҙың хәүефле булыуы тураһында иҫкәртә.