Башҡортостан 2024 йыл һөҙөмтәләре буйынса туристик рейтингта 13-сө урын алды

Тәүге урындарға Мәскәү, Мәскәү өлкәһе һәм Краснодар крайы ҡуйылған. Төбәктәр тиҫтәнән ашыу критерий буйынса баһаланған. Улар араһында туристик фирмалар, туристар һаны, ҡунаҡхана бизнесы табышы, енәйәтселек кимәле бар. Быйыл Башҡортостан туризмды үҫтереү өсөн федераль ҡаҙнанан 267 миллион һум ала.

Фәйзи Ғәскәров исемендәге халыҡ бейеүҙәре ансамбле Мәскәүҙә сығыш яһай

Коллектив 11 мартта Кремль һарайында “Донъя халыҡтары бейеүе” программаһын тәҡдим итә. Концерттың беренсе өлөшөндә башҡорт хореографияһы классикаһы өлгөләре: “Зарифа”, “Ете ҡыҙ”, “Төньяҡ амурҙары” һәм алтын фондҡа ингән башҡа бейеүҙәр башҡарыла. Бөйөк Еңеүҙең 80 йыллығына бағышланған композициялар тәҡдим ителә. Тамашаның икенсе өлөшөндә ҡаҙаҡ, белорус, ҡытай һәм башҡа халыҡтарҙың бейеүҙәре була.

Башҡортостанда янғын хәүефе миҙгеленә әҙерлек башланды

Премьер-министр ҡул ҡуйған документта 2025 йылда хәүеф янаған биләмәләр күрһәтелгән. Хәүефле миҙгел 6 ай дауам итә. 18 апрелдән 25 октябргә тиклем була. Документҡа ярашлы, 186 ауыл һәм ҡала, 47 балалар ойошмаһы, 63 баҡсасылыҡ ширҡәте иғтибарға алына.

Башҡортостанда риелторҙар эшмәкәрлеге тураһында закон әҙерләнә

Дәүләт Йыйылышы-Ҡоролтайҙа эшсе төркөм булдырылған. Депутаттар был тармаҡта хеҙмәттәр сифатын яҡшыртыу өсөн ҡануниәтте камиллаштырырға ниәтләй. Спикер Константин Толкачев белдереүенсә, риелторҙарҙың берҙәм исемлеге юҡ, улар квалификацияһын раҫлау өсөн аттестация үтмәй. Бер үк ваҡытта күпселек өсөн фатир һатып алыу, йә һатыу үтә яуаплы һәм мөһим ҡарар. Шуға риелторҙар эшмәкәрлеге төшөнсәһен аныҡларға, улар өсөн талаптарҙы билдәләргә тәҡдим ителә.

Башҡортостанда экологияны яҡшыртыуға 644 миллион һумдан ашыу аҡса йүнәлтелә

Республика Хөкүмәтенән белдереүҙәренсә, уҙған йыл сүп-сар полигондарын бөтөрөү тамамланған, һыу хужалығы объекттарына капиталь ремонт башҡарылған. Быйыл ҡаты коммуналь ҡалдыҡтарҙы ташыу өсөн махсус техника һатып алыуға өҫтәмә 50 миллион һум субсидия бүленә. “Экология” милли проекты урынына “Экологик именлек” федераль программа эшләй. Киләһе йылда экология мәсьәләләрен хәл итеүгә 824 миллион һәм йәлеп итеү күҙаллана.

Махсус хәрби операция биләмәһенә сираттағы гуманатар ылау барып етте

Шәхси посылкалар, йылы кейемдәр, ысын күңелдән яҙылған хат-сәләмдәр. Махсус хәрби операция биләмәһенә сираттағы гуманатар ылау барып етте. Был юлы «Башҡортостан» 31-се мотоуҡсылар полкы торған урынға Миәкә һәм Бишбүләк райондары ярҙам килтерҙе.

Яугирҙар өсөн мендәрҙәрҙән алып дрон япмаларына тиклем

Яугирҙар өсөн мендәрҙәр, окоп шәмдәре һәм хатта дрондарға ҡаршы япмалар. Яңауыл районында ҡул эштәре оҫталары махсус хәрби операция биләмәһендәге яҡташтарыбыҙға ярҙам төрҙәрен арттыра.

Башҡорт дәүләт филармонияһы «Миҙгелдәр килһендәр...» исемле тамаша әҙерләй

Хөсәйен Әхмәтов исемендәге Башҡорт дәүләт филармонияһы «Миҙгелдәр килһендәр...» исемле тамаша әҙерләй. Ул танылған эстрада оҫталарын, йәш һәм таланлы йондоҙҙарҙы берләштерә. Проект республика райондары һәм күрше төбәктәр буйлап гастролгә сығасаҡ. Кисә концерт программаһын тапшырыу сараһы үтте. Унда киң мәғлүәмәт саралары ла саҡырылғайны. Тулыраҡ киләһе яҙмала.

Башҡортостанда юл буйы сервисын үҫтереү дауам итә

Әлегә дөйөм инвестиция күләме 12 миллиард һумға баһаланған 200-ән ашыу проект эшкә алынған. Оператив кәңәшмә барышында «Алға» махсус иҡтисади биләмәһен үҫтереү мөмкинлектәре лә билдәләнде. Ишембай, Стәрлетамаҡ, Өфө райондарында 24 резидент теркәлгән, производстволарға һалынасаҡ дөйөм инвестициялар күләме яҡынса 62 миллиард һумға баһалана. Бынан тыш, төбәктә тағы ла бер ҡала «Хеҙмәт ҡаһарманлығы ҡалаһы» тигән маҡтаулы исемгә дәғүә итә.

Быйыл Башҡортостанда халыҡтың үҙәгенә үткән 244 километрҙан ашыу юлды ремонтлау күҙаллана

Радий Хәбиров рәйеслегендә үткән сираттағы «Транспорт сәғәте»ндә юл селтәренең сифатын һәм хәүефһеҙлеген күтәреү мәсьәләләре тикшерелде. Республиканың транспорт һәм юл хужалығы министры Любовь Минакова билдләүенсә, йыл аҙағына тиклем программаны тормошҡа ашырыу өсөн 6 миллиард 800 миллион һум йүнәлтеләсәк.

Башҡортостанда етем балаларҙың йәшәү шарттары яҡшыра

Былтыр меңдән ашыу кеше торлаҡ менән тәьмин ителгән. 2018 йылдан ғәмәлгә ашырылған программа ярҙамында республикала биш меңдән ашыу етем торлаҡлы булған. Өҫтәүенә ике йыл элек был категорияға ҡараған граждандар өсөн сертификаттар ҙа бирелә башланы. Уның суммаһы 3 миллион 800 мең һум.

Башҡортостанда Мәшғүллек үҙәктәре Кадрҙар үҙәгенә әйләнә

Үҙгәреш атамаға ғына түгел, уларҙың тышҡы йөҙөнә һәм, әлбиттә, граждандар менән эште камиллаштырыуға ҡағыла. Республикала мәшғүллек үҙәктәрен модернизациялау «Демография» милли проекты буйынса 2019 йылда башланды. Үҙгәртеп ҡороу арҡаһында ҡағыҙ эше кәмеп, тағы ла бер нисә яңы уңайлыҡ төрҙәре барлыҡҡа килер, тип күҙаллана.

Ленинград ҡамауын өҙөүгә – 81 йыл: хәтер һаман да тере

Ленинград ҡамауын өҙөүгә 81 йыл. 900 көн буйы дауам иткән блокада ил тарихындағы иң фажиғәле ваҡиғаларҙың береһе. Тарихи дата айҡанлы бөгөн Дәүләт Йыйылышы-Ҡоролтай рәйесе Константин Толкачев ошо дәһшәтле осорҙоң тере шаһиттары менән осрашты.

Туймазы уҡыусылары яугирҙарға шоколадлы хат ебәрә

Яугирҙарға татлы сәләм. Туймазы ҡалаһы уҡыусылары махсус хәрби операцияла ҡатнашыусыларға хаттар яҙғанда конверт эсенә шоколадтар ҙа һала. Был акция мәктәптәрҙә генә түгел, балалар баҡсаларына ла таралған.

Баймаҡта «КЭС-БАСКЕТ» мәктәп баскетбол лигаһы сиктәрендә 27-се спартакиаданың финал уйындары бара

Иң яҡшы команда исеменә ярыштарҙа Баймаҡ, Өфө, Стәрлетамаҡ, Күмертау, Мәләүез, Бөрө, Учалы һәм Сибай командаларының егет-ҡыҙҙары көс һынаша. Тулыраҡ киләһе яҙмала.

Бөгөн Салауат Юлаев исемендәге дәүләт премияһы булдырылған көн

1967 йылда Республика Хөкүмәте әҙәбиәт, сәнғәт, архитектура өлкәһендәге иң яҡшы әҫәрҙәрҙе билдәләү өсөн премия булдыра. Тәүгеләрҙән булып юғары наградаға “Һайланма әҫәрҙәр” йыйынтығы өсөн Мостай Кәрим, “Ырғыҙ” романы өсөн үлгәндән һуң Һәҙиә Дәүләтшина, “Яңы йырҙар” йыйынтығы өсөн Заһир Исмәғилев һәм “Дуҫтарҙа ҡунаҡта” хореографик композиция өсөн Фәйзи Ғәскәров лайыҡ була.

Башҡортостан халҡы уҙған ял көндәрендә мутлашыусыларҙы 8 миллион һумға байытҡан

Тәртип һаҡсылары 28 хәбәр ҡабул иткән. Салауат ҡалаһында 60 йәшлек иргә шылтыратыусы үҙен Пенсия фонды хеҙмәткәре итеп танытҡан. Иҫәпкә алынмаған хеҙмәт ваҡытын теркәү өсөн смс-код һандарын әйтергә күндергән. Ошонан һуң уға йәнәһе лә банктан шылтыратҡандар. Ир исеменә кредит алырға маташыуҙары аҡсаны һаҡлап ҡалыу өсөн тиҙ генә хәүефһеҙ иҫәпкә күсерергә кәрәклеге тураһында хәбәр иткәндәр. Мутлашыусы тоҙағына эләккән кеше ике миллион ярымын, уға ҡушып 450 мең һум кредит аҡсаһын әйтелгән иҫәпкә күсергән.

Стәрлетамаҡта Ағиҙел аша күпер һалына башланы

Был турала "Транспорт сәғәте" кәңәшмәһендә белдерелде. Эштәр республика транспорт системаһы үҫеше программаһы буйынса алып барыла. Яңы күпер 2027 йылда файҙаланыуға тапшырылырға тейеш. Уның оҙонлоғо 400 метр була. Машиналар ике һыҙаттан үтәсәк.

Башҡортостанда халыҡ-ара умартасылар конгресы ике йылға бер уҙғарыласаҡ

Был турала вице-премьер-Ауыл хужалығы министры Илшат Фазрахманов белдерҙе. Быйыл форум беренсе тапҡыр үтте. Унда 15 илдән һәм Рәсәйҙең 80 төбәгенән вәкилдәр ҡатнашты. - Бындай саралар тармаҡ үҫешенә ҙур ҡеүәт бирә, тәжрибә уртаҡлашырға ярҙам итә. Рәсәй һәм сит ил партнерҙары менән хеҙмәттәшлек өсөн яңы мөмкинлектәр асыла, - тине Илшат Фазрахманов.

Учалы районындағы Вознесенка ҡорамы дәүләт тарафынан һаҡлана

Мәҙәни мираҫ объекты сиктәре билдәләнде. Ошо турала документ менән рәсми мәғлүмәттәр порталында танышырға мөмкин. Вознесенка ауылында таш ҡорам 1890 йылда төҙөлә башлай. Уҙған быуаттың 30-сы йылдарында ул ябыла, бында ат һарайы, ауыл хужалығы келәте урынлаша. 90-сы йылдарҙа ҡорам йәнә ғәҙәттәгесә ҡулланыла башлай. Хәҙер бында капиталь төҙөлөш, ер, мелиорация эштәре алып барыу тыйылды.