Ауылдарға юғары белемле кадрҙар йәлеп итеү өсөн финанс ярҙам арта

Йәш белгестәргә миллион һум. Быйылдан Башҡортостанда «Ауыл мәҙәниәт хеҙмәткәре» программаһы федераль бюджеттан да финанслана башлаясаҡ. Тимәк, бәләкәй ауылдарҙа юғары белемле белгестәр һаны тағы ла артасаҡ. Һуңғы 4 йылда ғына мәҙәниәт йүнәлешендә 150 йәш белгес дәүләттән матди ярҙам алған. Программала ҡатнашыу шарттары тураһында киләһе яҙмала.

Баймаҡ мәктәптәрендә Ватан һаҡсылары йылына старт бирелде

Баймаҡ районы мәктәптәрендә Рәсәйҙә иғлан ителгән Ватан һаҡсылары һәм Башҡортостанда иғлан ителгән Махсус хәрби операцияла ҡатнашыусылар һәм уларҙың ғаиләләренә ярҙам йылы сараларына старт бирелде. Район мәғариф бүлегендә үткән тантанала төбәктең белем усаҡтары етәкселәре, кадеттар, шайморатовтсылар һәм йәш армиясылар кластарында белем алыусылар «Солтан» ҡушаматлы махсус хәрби операция яугиры меннә осрашты. Тулыраҡ киләһе яҙмала.

Фронттан һуңғы аманат: Сәлихйән Кайбышевтың хаты музейға тапшырыла

«Совет илен бер кем дә еңә алмай. Беҙ еңербеҙ, бер үк борсолма, әсәй». Ҡыҙылармеец Сәлихйән Кайбышевтың яҡын кешеһенә яҙылған һуңғы хаты 82 йылдан һуң киң йәмәғәтселек иғтибарына тәҡдим ителәсәк. Өфөнән Мөнирә Байгилдина әсәһенең бер туған ағаһы яҙған хатты БСТ телеканалының «Яңылыҡтар» хеҙмәте ижади төркөмө аша Хәрби дан музейына тапшырырға теләк белдерҙе.

12 йәшлек фермер: Данил Ҡуңысбаевтың себеш үҫтереү серҙәре

Көҙ һаналыр себештәр яҙ морон төртә. Ейәнсура районында йәшәүсе 12 йәшлек малай инкубатор алып бер нисә йыл рәттән себештәр сығара. Данил Ҡуңысбаев былтыр төрлө тоҡомло 200 тауыҡ үҫтергән.

Башҡортостанда йыл аҙағына тиклем алты поликлиника файҙаланыуға тапшырыла

Төҙөлөш һәм архитектура министры вазифаһын башҡарыусы Артем Ковшов белдереүенсә, яңы медицина учреждениялары Янауыл, Асҡар, Асҡын, Баҡалы ауылдары һәм Учалы менән Благовещен ҡалаларында булдырыла.

Башҡортостанда балалар баҡсаһы өсөн түләү артты

Республика Хөкүмәте ҡарарына ярашлы, һәр муниципалитет хаҡты үҙ аллы билдәләй. Бер үк ваҡытта мәғариф учреждениелары сумманы билдәләнгән кимәлдән арттыра алмай. Өфөлә баланың баҡсала булған һәр көнө өсөн 185 һум түләргә кәрәк. Был уҙған йылдағы кимәлдән 7 һумға күберәк.

Башҡортостан башлығы Радий Хәбиров йәш эшҡыуарҙар менән осрашты

«Патриот» хәрби илһөйәрлек паркында үткән сара республиканың төрлө район-ҡалаларынан йыйылған 250 кешене берләштерҙе. Радий Хәбиров ҡатмарлы иҡтисади шарттарҙа төбәктә эшҡыуарлыҡ йүнәлешен үҫтереү, бизнесҡа ярҙам сараларын һаҡлау әһәмиәтенә туҡталды.

Өмөтлө йәштәр: Ильяс Хәтмуллиндың уңыш тарихы

Бөгөнгө студенттар нисек уҡый һәм ниндәй маҡсаттар менән йәшәй? Һорауға яуап киләһе яҙмала.

Мобилизацияланыусылар кире яуға ҡуҙғалды

Сираттағы бер төркөм яугирҙарҙы махсус хәрби операция биләмәһенә оҙатыу тантанаһы, ғәҙәттәгесә, «Өфө-арена» спорт объекты биләмәһендә уҙҙы. Яугирҙарҙы Херсон өлкәһендәге хәрби бурыс үтәү урындарына тиклем тәүлектән ашыу юл көтә. Автобусты Ғәҙәттән тыш хәлдәр министрлығы һәм полиция хеҙмәткәрҙәре оҙатып барасаҡ.

Өфө районы Йоматау халҡы йәмәғәт транспорты етмәүенә зарлана

Проблема ауылда ғына түгел, бөтә ауыл биләмәһендә күҙәтелә. Урындағыларға мәктәп, балалар баҡсаһы, дауахана кеүек социаль учреждениеларға ла барып етеүе ҡатмарлы. Халыҡ яуаплы ведомстволарға ла мөрәжәғәт итә, тик үҙгәреш юҡ. Урындағылар менән БЮТ ижади төркөмө аралашты.

Ҡырмыҫҡалы районында ҡатын-ҡыҙҙар араһында балыҡ ҡармаҡлау буйынса ярыш уҙҙы

Ҡырмыҫҡалы районында ҡатын-ҡыҙҙар араһында беренсе тапҡыр балыҡ ҡармаҡлау буйынса ярыш уҙҙы. Сараны «Айыҡ ауыл» конкурсында ҡатнашыусы Ибраһим ауылы халҡы ойошторҙо. Балыҡ тотоу фестивале төрлө ауыл биләмәләрен генә түгел, күрше район ҡунаҡтарын да йәлеп итте. Гүзәл заттар араһында иң шәп балыҡсыны нисек асыҡлайҙар?

Ейәнсура районы үҙәгендәге «Салауат» физкультура-һауыҡтырыу комплексы ремонттан һуң тулы ҡеүәттә эш башланы

Объект 2009 йылда сафҡа ингән. Былтыр уны капиталь төҙөкләндереү маҡсатында Башҡортостан Хөкүмәте һәм республиканың Спорт министрлығы тарафынан 10 миллион һум аҡса бүленә. Майҙан алып ноябргә тиклем тренажер залында резина япма түшәлә, яҡтыртыу ҡоролмалары алмаштырыла, стеналар буяла. Шулай уҡ спорт залы һәм фитнес бүлмәһе яңырыу кисерә.

Өфөлә Студент баскетболы ассоциацияһының йондоҙҙар матчы үтте

Көрәш һарайы ҡабул иткән уйынды ҡарарға Башҡортотсан башлығы Радий Хәбиров һәм олимпия чемпиондары килде. Ярыш «Көнсығыш» һәм «Көнбайыш» ирҙәр һәм ҡатын-ҡыҙҙар йыйылма командалары араһында уҙҙы. Көсөргәнешле осрашыу «Көнсығыш» командаһының еңеүе менән тамамланды.

Башҡортостан 2024 йыл һөҙөмтәләре буйынса туристик рейтингта 13-сө урын алды

Тәүге урындарға Мәскәү, Мәскәү өлкәһе һәм Краснодар крайы ҡуйылған. Төбәктәр тиҫтәнән ашыу критерий буйынса баһаланған. Улар араһында туристик фирмалар, туристар һаны, ҡунаҡхана бизнесы табышы, енәйәтселек кимәле бар. Быйыл Башҡортостан туризмды үҫтереү өсөн федераль ҡаҙнанан 267 миллион һум ала.

Фәйзи Ғәскәров исемендәге халыҡ бейеүҙәре ансамбле Мәскәүҙә сығыш яһай

Коллектив 11 мартта Кремль һарайында “Донъя халыҡтары бейеүе” программаһын тәҡдим итә. Концерттың беренсе өлөшөндә башҡорт хореографияһы классикаһы өлгөләре: “Зарифа”, “Ете ҡыҙ”, “Төньяҡ амурҙары” һәм алтын фондҡа ингән башҡа бейеүҙәр башҡарыла. Бөйөк Еңеүҙең 80 йыллығына бағышланған композициялар тәҡдим ителә. Тамашаның икенсе өлөшөндә ҡаҙаҡ, белорус, ҡытай һәм башҡа халыҡтарҙың бейеүҙәре була.

Башҡортостанда янғын хәүефе миҙгеленә әҙерлек башланды

Премьер-министр ҡул ҡуйған документта 2025 йылда хәүеф янаған биләмәләр күрһәтелгән. Хәүефле миҙгел 6 ай дауам итә. 18 апрелдән 25 октябргә тиклем була. Документҡа ярашлы, 186 ауыл һәм ҡала, 47 балалар ойошмаһы, 63 баҡсасылыҡ ширҡәте иғтибарға алына.

Башҡортостанда риелторҙар эшмәкәрлеге тураһында закон әҙерләнә

Дәүләт Йыйылышы-Ҡоролтайҙа эшсе төркөм булдырылған. Депутаттар был тармаҡта хеҙмәттәр сифатын яҡшыртыу өсөн ҡануниәтте камиллаштырырға ниәтләй. Спикер Константин Толкачев белдереүенсә, риелторҙарҙың берҙәм исемлеге юҡ, улар квалификацияһын раҫлау өсөн аттестация үтмәй. Бер үк ваҡытта күпселек өсөн фатир һатып алыу, йә һатыу үтә яуаплы һәм мөһим ҡарар. Шуға риелторҙар эшмәкәрлеге төшөнсәһен аныҡларға, улар өсөн талаптарҙы билдәләргә тәҡдим ителә.

Башҡортостанда экологияны яҡшыртыуға 644 миллион һумдан ашыу аҡса йүнәлтелә

Республика Хөкүмәтенән белдереүҙәренсә, уҙған йыл сүп-сар полигондарын бөтөрөү тамамланған, һыу хужалығы объекттарына капиталь ремонт башҡарылған. Быйыл ҡаты коммуналь ҡалдыҡтарҙы ташыу өсөн махсус техника һатып алыуға өҫтәмә 50 миллион һум субсидия бүленә. “Экология” милли проекты урынына “Экологик именлек” федераль программа эшләй. Киләһе йылда экология мәсьәләләрен хәл итеүгә 824 миллион һәм йәлеп итеү күҙаллана.

Махсус хәрби операция биләмәһенә сираттағы гуманатар ылау барып етте

Шәхси посылкалар, йылы кейемдәр, ысын күңелдән яҙылған хат-сәләмдәр. Махсус хәрби операция биләмәһенә сираттағы гуманатар ылау барып етте. Был юлы «Башҡортостан» 31-се мотоуҡсылар полкы торған урынға Миәкә һәм Бишбүләк райондары ярҙам килтерҙе.

Яугирҙар өсөн мендәрҙәрҙән алып дрон япмаларына тиклем

Яугирҙар өсөн мендәрҙәр, окоп шәмдәре һәм хатта дрондарға ҡаршы япмалар. Яңауыл районында ҡул эштәре оҫталары махсус хәрби операция биләмәһендәге яҡташтарыбыҙға ярҙам төрҙәрен арттыра.