Инйәр мәктәбендә ата-әсәләр йыйылышы ярҙам һәм патриотик тәрбиә дәресе менән үтте

Белорет районы Инйәр ауылының 2-се урта дөйөм белем биреү мәктәбендә ата-әсәләр йыйылышы махсус хәрби операцияға ярҙам итеү акцияһы менән берлектә ойошторолған. Балаларының өлгәше, мәктәп эшмәкәрлеге, үткән уҡыу йылы һөҙөмтәләре менән танышырға килгән ата-әсәләр окоп шәмдәре, ҡоро душ эшләүгә йәлеп ителгән.

Ауырғазы районы башҡорттары сираттағы ҡорға йыйылды

Йәмәғәт ойошмаһы ағзалары 6-сы Бөтә донъя башҡорттары ҡоролтайы ҡуйған бурыстар буйынса фекер алышты. Сығыштарҙа билдәләнеүенсә, районда йыл һайын туған телдәр һәм милли мәҙәниәтте һаҡлау, ҡул эштәре оҫталарына ярҙам күрһәтеү, милли спорт төрҙәре һәм мәҙәни брендтарҙы үҫтереү, милли йолаларҙы тергеҙеү буйынса төрлө проекттар уңышлы тормошҡа ашырыла.

Рәсәйҙә студенттар өсөн декрет пособиеһын ун тапҡырға арттырырға кәңәш итәләр

Хеҙмәт һәм социаль яҡлау министрлығы ошондай башланғыс менән сыҡты. Пособиены 235 мең һумға тиклем күтәреү мөмкинлеге бар. Уны иҫәпләгәндә стипендия күләме урынына минималь хеҙмәт хаҡына ҡарарға тәҡдим ителә. Закон проекты Думала яҙғы сессияла ҡарала.

Башҡортостан йәшәү сифаты буйынса тәүге 10 төбәк иҫәбенә инде

Һөйөнөслө яңылыҡ менән социаль селтәрҙәрҙә Радий Хәбиров уртаҡлашты. Рәсәй субъекттарының йыллыҡ рейтингы һөҙөмтәләре менән Стратегик башланғыстар агентлығы етәксеһе Светлана Чупшева президент Владимир Путинды таныштырҙы.

Өфөлә «Апиглобал» халыҡ-ара конгресы башланды

Бөтә донъя умартасылары Өфөгә йыйылды. Бөгөн «Торатау» конгресс холында «Апиглобал» халыҡ-ара конгресы башланды. Абруйлы сарала Рәсәйҙең 80 төбәгенән һәм 15 сит илдән ҡунаҡтар ҡатнаша. Конгрессты уҙғарыу урыны итеп тап Башҡортостан һайланыуы осраҡлы түгел. Республика тауар балын етештереү буйынса алдынғы урынды биләй, бал күптән инде төбәктең визит картаһына әүерелгән. Әлеге ваҡытта Башҡортостанда умартасылыҡты үҫтереүгә дәүләт ярҙамы ла күрһәтелә.

Башҡортостанда мөмкинлектәре сикләнгән граждандар өсөн хәстәрлек йылына йомғаҡ яһалды

Башҡортостан башлығы Радий Хәбиров мөмкинлектәре сикләнгән граждандарҙы хәстәрләү йылына йомғаҡ яһап координация советы ултырышын үткәрҙе. Көн тәртибендә инвалидтарҙың көндәлеген еңелләштереү өсөн уңайлы мөхит, хәүефһеҙ инфраструктура булдырыу, социаль реабилитация йүнәлешен үҫтереү мәсьәләләре ҡаралды.

Өфөлә республика буйынса Росгвардия идаралығы йыл йомғаҡтарын барланы

Фронт биләмәһендә хеҙмәттән тыш, 2024 йылда ведомство өсөн элеккесә йәмәғәт тәртибен тәьмин итеү төп бурыс булып ҡала. Росгвардия хеҙмәткәрҙәре быны яҡшы аңлап эш итә. Президент һайлауы, Бөйөк Еңеүҙең 79 йыллығы, «Рәсәй - спорт державаһы» кеүек күләмле сараларҙа ла йәмәғәт тәртибен юғары кимәлдә тәьмин иткән.

Башҡортостанда Яныбай Хамматовтың тормошо һәм ижадына арналған турист маршруты барлыҡҡа киләсәк

Уның буйлап мәктәп балаларын йөрөтәсәктәр. Экскурсия яҙыусының йәшәгән, эшләгән ере, уның исеменә бәйле билдәле урындар буйлап үтә. Маршрутта әҙиптең ижадына ҡағылышлы экспозициялар ҙа ойошторала. Был турала Яныбай Хамматовтың тыуыуына 100 йыл тулыуҙы билдәләү сараларына арналған ултырышта хәбәр ителде.

Өфө урман-техника техникумында стритбол буйынса республика турниры үтте

Профессиональ белем биреү ойошмалары араһында үткән ярыш Башҡортостандың атҡаҙанған физик культура хеҙмәткәре Александр Юнаковский иҫтәлегенә арналды.

Иглин районында 2024 йылға йомғаҡ яһалды

Һәр ҡаҙаныш артында - ауыл кешеһенең оло хеҙмәте. Иглин районында 2024 йылға йомғаҡ яһалды. Отчет докладта яңғыраған факттар урындағы халыҡтың ҡуйылған маҡсаттарға өлгәшеүен күрһәтә.

Уҡыусылар патриотик йырҙар өйрәнәсәк

Рәсәй мәктәптәрендә музыка дәрестәре өсөн эстрада йырҙары һайлана. Эксперттар билдәләнгән. Улар араһында Мария һәм Ҙур театрҙар директоры Валерий Гергиев, опера йырсыһы Илдар Абразаҡов, Щукин исемендәге театр институты ректоры Евгений Князев бар. Был исемлектә шулай уҡ Дума депутаттары күрһәтелгән. Патриотик йырҙар теҙмәһе йәйгә тиклем әҙер булырға тейеш.

1 февралдән социаль түләүҙәр арта

Ғаилә, хеҙмәт һәм халыҡты социаль яҡлау министрлығынан белдереүҙәренсә, Хаҡлы ялдағылар өсөн түләүҙәр инфляция кимәленә ҡарап индексациялана. Февралдән ул 9, ярым процент була. Әсәлек капиталы 7,3 процентҡа индексациялана- икенсе бала өсөн 894 мең һумға етә. Башҡортостанда йәшәү минимумы яҡынса 14,8 процентҡа артты - 1 ғинуарҙан 15 мең 782 һумға еткерелде. Яңы йылдан минималь хеҙмәт хаҡы ла артты. Беҙҙең республикала урал һәм төбәк коэффициенттарын иҫәпкә алғанда, 25 мең 806 һумға етә.

Башҡортостан йәшәү сифаты буйынса тәүге 10 төбәк иҫәбенә инде

Һөйөнөслө яңылыҡ менән социаль селтәрҙәрҙә Радий Хәбиров уртаҡлашты. Рәсәй субъекттарының йыллыҡ рейтингы һөҙөмтәләре менән Стратегик башланғыстар агентлығы етәксеһе Светлана Чупшева президент Владимир Путинды таныштырҙы.

Республика яугирҙарының сираттағы төркөмө ҡыҫҡа ваҡытлы ялдан һуң йәнә алғы һыҙыҡҡа юлланды

Уларҙы «Өфө-арена» спорт комплексы алдынан оҙаттылар. Отпускыға бергә ҡайтҡан кеүек, махсус хәрби операция биләмәһенә лә яугирҙар ойошҡан рәүештә ҡуҙғала. Ир-егеттәрҙе хеҙмәт урынына «Башавтотранс» автобустары алып барасаҡ.

Октябрьский ҡалаһы ирекмәндәре махсус хәрби операция биләмәһенә сираттағы гуманитар ылау туплай

Яугирҙар өсөн маскировка селтәрҙәре һәм костюмдары үрә, йылы юрғандар тегә, окоп шәмдәре яһай. Ирекмәндәр ошо көндәрҙә Донбасҡа юлға сыҡмаҡсы.

“Китап байрамы” һәм “Әйҙә, уйнарға!” фестивален уҙғарыу көнө билдәле булды

Китап йәрминкәһе 23 майҙан 25-енә, уйынсыҡтар фестивале 29 майҙан 1 июнгә билдәләнгән. Саралар быйыл Еңеүҙең 80 йыллығына һәм махсус хәрби операция яугирҙарына арнала. Был турала Башҡортостан Хөкүмәтентә сараларҙы уҙғарыу буйынса ойоштороу комитеты ултырышында белдерелде.
“Китап байрамы” йәрминкәһендә быйыл юбиляр яҙыусыларға һәм шағирҙарға ҙур иғтибар бүленә. Шулай уҡ Рәсәйҙең танылған авторҙары менән осрашыу була, тип белдерҙе Яҙыусылар союзы рәйесе Айгиз Баймөхәмәтов.

Рус география йәмғиәтенең Башҡортостан бүлексәһе илдең иң яҡшы 10 ойошмаһы иҫәбенә инә

Был турала бөгөн Радий Хәбиров Попечителдәр советының эш йомғаҡтарына арналған ултырышында белдерҙе. Осрашыуҙа шулай уҡ һүҙ үҙенсәлекле проекттарға Республика башлығы гранттарын алыу, геопарктар эшмәкәрлеге, киләсәккә маҡсаттар тураһында барҙы.

Радий Хәбиров Башҡорт дәүләт педагогия университетында заманса шарттар менән танышты

Республика башлығы эш сәфәре барышында Мифтахетдин Аҡмулла исемендәге Башҡорт дәүләт педагогия университетында белем биреү шарттары менән дә танышты.
Уҡыу йорто бөтә республиканы уҡытыусылар менән тәьмин итә. Радий Хәбиров буласаҡ педагогтар һәм мәғариф системаһы өсөн кадрҙар әҙерләүселәр менән танышты.

Башҡортостан студенттар спорты өсөн өлгөлө төбәккә әйләнергә мөмкин

Башҡортостан студенттар спортын үҫтереү өсөн өлгөлө майҙансыҡҡа әйләнеүе ихтимал. Был турала Радий Хәбиров менән Советтар Союзы чемпиондары осрашыуында белдерҙеләр. Спортсылар әйтеүенсә, республикала һәр төр спортты үҫтереү өсөн уңайлы шарттар, киң мөмкинлектәр булдырыла.

Ауылдарға юғары белемле кадрҙар йәлеп итеү өсөн финанс ярҙам арта

Йәш белгестәргә миллион һум. Быйылдан Башҡортостанда «Ауыл мәҙәниәт хеҙмәткәре» программаһы федераль бюджеттан да финанслана башлаясаҡ. Тимәк, бәләкәй ауылдарҙа юғары белемле белгестәр һаны тағы ла артасаҡ. Һуңғы 4 йылда ғына мәҙәниәт йүнәлешендә 150 йәш белгес дәүләттән матди ярҙам алған. Программала ҡатнашыу шарттары тураһында киләһе яҙмала.