Башҡортостанда хәрби хеҙмәткә контракт төҙөгән өсөн түләү 2 миллион һумға тиклем арттырылды

1 ғинуарҙан алып республиканан Оборона министрлығы менән килешеү төҙөүселәргә бер тапҡыр 2 миллион, артабан ай һайын 210 мең һум түләнә. Шулай итеп контракт төҙөүселәр тәүге йылда 4 миллион 520 мең һум аҡса аласаҡ. Башҡортостанда махсус хәрби операцияла ҡатнашыусыларға һәм уларҙың ғаилә ағзаларына 40-тан ашыу ярҙам сараһы ҡаралған.

Бишбүләк районы ирекмәндәре махсус хәрби операциялағы яҡташтарыбыҙға ярҙам итә

Хәрәкәткә райондың 26 ауылы тоташҡан. Ирекмәндәр шул тиклем күп, хатта уларға хәрби кәрәк-яраҡтар етештереү өсөн материал етмәй. Шуға улар Республика башлығына мөрәжәғәт иткән. Бишбүләк ирекмәндәренең фронтҡа ярҙамы ошо билбауҙар тегеүҙән башлана. Бөгөн оҫталар 25-тән ашыу әйбер төрө етештереә. Улар араһында - носилка, буржуйка мейестәре, ҡоро аш, маскировка селтәрҙәре һәм башҡалар.

Яңы йылдың тәүге сәғәттәрендә Башҡортостанда 10 бала донъяға килгән

Улар 5 малай һәм биш ҡыҙ. Сабыйҙарҙың ата-әсәләрен социаль селтәр аша Радий Хәбиров та ҡотлаған. Республика башлығы медицина хеҙмәткәрҙәренә рәхмәт һүҙҙәрен еткереп, аҡ халатлылар байрам көндәрендә лә үҙ эшен яратып һәм ихлас башҡара, тип билдәләгән.

Хыялын тормошҡа ашырыр өсөн Антарктидала эшләп ҡайтҡан

Өфөнән Артур Исҡужин йыл ярым ерҙәге иң һыуыҡ ҡитғала командировкала булып, теген производствоһын асыуға аҡса йыйған. Хәҙер замандашыбыҙ этно стилдәге кейем брендын халыҡҡа тәҡдим итә.

Шишмә районында Ҡыш бабайҙар парады ойошторолдо

Ул район үҙәгенең төп урамдары буйлап уҙҙы. Конкурста Ҡыш бабай, ҡарһылыуҙар,ҡар бөртөктәре һәм башҡа әкиәт геройҙары ҡатнашты. Халыҡ араһында йыл хужаһы булған йылан образын һайлаусылар ҙа күп.

Башҡортостанда янғын хәүефһеҙлеге буйынса комиссия ултырышы үтте

Башҡортостан Хөкүмәте Премьер-министры урынбаҫары Ирек Сәғитов етәкселегендә республиканың ғәҙәттән тыш хәлдәр Һәм янғын хәүефһеҙлеген тәьмин итеү буйынса комиссияһы ултырышы үтте.
Видеоконференция форматында үткән ултырышта муниципаль район биләмәләренә халыҡты иҫкәртеү сараларын көсәйтеү тураһында ҡарар ҡабул ителде.Профилактика төркөмдәре вәкилдәренә асоциаль тормош алып барған кешеләргә, күп балалы ғаиләләргә, яңғыҙ йәшәгән граждандарға рейдтар үткәреү бурысы ҡуйылды.

Махсус хәрби операцияла ҡатнашыусы «Дельфин» Яңы йылды ғаиләһе менән үткәрҙе

Яңы йыл байрамын ғаилә менән, балалар янында. Өфөнән махсус хәрби операцияла ҡатнашыусы «Дельфин» ҡушаматлы яугир ике аҙналыҡ отпускыһын дүрт балаһы, туғандары янында үткәргән. Ғаиләһе менән ил баш ҡалаһы Мәскәүгә Кремль шыршыһына барғандар. Яугир тыуған ерҙән көс алып яңынан яуҙаштары янына Донбассҡа, алғы һыҙыҡҡа юллана. Ул полкташтарына исемле посылкалар ҙа алған.

Махсус хәрби операцияла ҡатнашыусыларға ярҙам концерты старт ала

Башҡортостанда махсус хәрби операцияла ҡатнашыусылар һәм уларҙың ғаиләләренә ярҙам итеү йылы 11 ғинуарҙа Рәмил Баҙамшиндың хәйриә концерты менән башлана. Билеттар һатыуҙан алынған килем Миңлеғәле Шаймортатов исемендәге махсус хәрби операция ветерандары һәм инвалидтарын социаль яҡлау фондына күсереләсәк.

Айрат Рәхмәтуллин Кушнаренкола шәхси консультациялар үткәрҙе

Башҡортостандың һаулыҡ һаҡлау министры Кушнаренко үҙәк район дауаханыһының яңы поликлиникаһы эшмәкәрлеге менән танышып, пациенттарҙы ҡабул итте. Айрат Рәхмәтуллин шәхси консультация барышында министр булараҡ ҡына түгел, табип-невролог кәңәштәрен дә бирҙе.

Бала саҡ хыялынан – Рәсәйҙең юғары наградаһына

Ғафури районы башҡорттары ҡоролтайы рәйесе, хеҙмәт ветераны, ветеринария станцияһы етәксеһе,өлгөлө атай. Башҡортостандың географик үҙәге Ерек ауылынан Фаил Һәҙиәт улы Зәйнетдиновтың биләгән вазифалары ла, хеҙмәт тәжрибәһе лә бай.

Асҡын районында йәшәүсе һәүәҫкәр рәссам ҡайын туҙына үҙенсәлекле һүрәттәр төшөрә

Оҫта ҡуллы Гөлсиәр Сәғитованың картиналарын Рәсәйҙә генә түгел, хатта ситтә илдәрҙә лә яратып алалар. Рәссам ижади эштәрендә республика тәбиғәтен, хайуандар һәм ҡоштар донъяһын сағылдыра.

Радий Хәбиров: «Ирекмәндәрҙең изге эштәре беҙҙе еңеүгә яҡынайта»

Яугирҙарыбыҙ өсөн 10 меңдән ашыу маскировка селтәре, 25 мең окоп шәме - был Миңлеғәле Шайморатов исемендәге ирекмәндәр штабының 2024 йылдағы эше һөҙөмтәһе, - тип яҙа үҙенең социаль селтәрҙәрендә Башҡортостан башлығы.

Салауат районы Мөрсәлим ауылында йәшәүсе Максим Шаһиморатовтың хыялы тормошҡа ашты

Бөгөн ул Өфөләге Ҡурсаҡ театрында ҡунаҡта булды. Яңы йыл сараһына 5-се класта уҡыусы малай һеңлеләре менән бергә килде. Быға тиклем Максим Радий Хәбиров менән тура бәйләнешкә үҙенең хатын ебәреп, уға робот-трансформер бүләк итеүҙәрен һәм Башҡортостан етәксеһенең кабинетын күреү теләген белдергән ине. Тулыраҡ киләһе яҙмала.

Күп балалы Кашаевтар ғаиләһе Яңы йылды бүләктәр һәм хыялдар менән ҡаршылай

Яңы йыл табынына төрөк тәмлекәсе. Иглин районы Һарт Лабау ауылынан күп бала тәрбиләүсе Кашаевтар ғаиләһе Яңы йылды көтөлмәгән бүләктәр, яҡты уй-маҡсаттар, матур теләктәр менән ҡаршыланы. Был хаҡта тулыраҡ киләһе яҙмала.

Башҡорт опера һәм балет театрында тарихи премьера – «Ете ҡыҙ»

«Ете ҡыҙ»ҙы хәҙер башҡорт халыҡ бейеүендә генә түгел, балетта ла күрергә мөмкин. Данлыҡлы легенда нигеҙендә либретто яҙылып, спектакль ҡуйылды. Башҡорт дәүләт академия опера һәм балет театры сәхнәһендә ул былтыр октябрҙә тамашасы иғтибарына тәҡдим ителде. Февралдә үтәсәк тамашаларға билеттарҙың ҡалмауы - милли балеттағы яңы сәхнә әҫәренең уңышы тураһында һөйләй.

«Сируси» сериалы төшөрөлөүгә 10 йыл

Детектив жанрындағы фильм 2014 йылда Ишембай районының Маҡар ауылында, Стәрлетамаҡ һәм Өфө ҡалаларында төшөрөлә.

Өфөнән акушер Эльвира Ғәләмова яңы йыл каникулын оҫтаханала үткәрә

Ижади ял. Өфөнән акушер Эльвира Ғәләмова яңы йыл каникулын оҫтаханала үткәрә. 3 тиҫтә йылдан ашыу ғүмерен медицинаға бағышлаған табип башҡала үҙәгендәге «Микеланджело» студияһында картиналар төшөрөү менән шөғөлләнә. Эльвира Тәлғәт ҡыҙы фекеренсә, матурлыҡ тыуҙырыу уға акушерлыҡ хеҙмәтендә - бала көткән гүзәл заттар менән эшләгәндә лә ярҙам итә.

Ратмир Мәүлиев ихаталарҙа ҡар йыйыу сифатын тикшерҙе

Өфө мэры Ратмир Мәүлиев баш ҡаланың ихата биләмәләрендә ҡар йыйыу сифатын һәм торлаҡ-коммуналь хеҙмәттәрҙең эшен тикшерҙе. Адрестар рейд барышында шунда уҡ алдан иҫкәртеүһеҙ һайланып барылды. Намыҫһыҙ идара итеүсе компанияларға ҡарата тейешле саралар күрәсәкбеҙ, тине Ратмир Мәүлиев. Шулай уҡ ихаталарҙы таҙартыу ваҡытында автомобилдәрҙе ваҡытында күсереп ҡуйыу өсөн халыҡ менән эште көсәйтеү кәрәклегенә баҫым яһалды.

Башҡортостанда туристар ағыуланған

Был хәл енәйәт кодексы буйынса тикшерелә, тип хәбәр итәләр Тәфтиш комитетының республика буйынса идаралығынан. Мәскәүҙән 15 туристың Октябрьский ҡалаһындағы ял базаһында ағыуланыуы тураһында мәғлүмәт бар. Уларға Өфөлә медицина ярҙамы күрһәтелгән.

Өфө Раштыуаны ҡаршылай

Православ христиандарҙың байрамы уңайынан саралар бөгөндән 7 ғинуарға ҡарай төндә 19 ҡорамда ойошторола, тип хәбәр итәләр ҡала хакимиәтенән. Башҡортостан телевидениеһында байрамдан трансляция була. Раштыуаға бәйле Өфөлә машиналар йөрөшө сикләнә. Бөгөн киске етенән Маяковский, Бехтерев, Бикбай, Гагарин, Киров, Амур урамдарының бер өлөшө ябыла.