Стәрлетамаҡ районыныда Башҡортостандағы иң ҙур малсылыҡ комплексы төҙөлә

Ул 80 гектар майҙанда урынлашҡан егерменән ашыу бинаны үҙ эсенә аласаҡ. Инвестициялар күләме 6 миллиард һумдан ашыу. Объект әле 50 процентҡа әҙер, уны ваҡытынан алда төҙөп бөтөү планлаштырыла.

«Өфө» Халыҡ-ара аэропортынан кесе Хажға барыусылар изге сәфәргә юлланды

Өфөнән Ғөмрәгә тура рейс менән. «Өфө» Халыҡ-ара аэропортынан бөгөн төндә кесе Хажға барыусылар изге сәфәргә юлланды. Бығаса республика халҡы Сәғүд Ғәрәбстанына илдең башҡа ҡалалары аша ғына бара ала ине. Хәҙер бындай мөмкинлекте Башҡортостандағы турист фирмаларының береһе тәҡдим итә.

Төбәктең онкодиспансер белгестәре бөйөрҙә яман шеш тромбын алыуҙа яңы технология файҙалана башланы

Республиканың клиник онкодиспансер белгестәре бөйөрҙә яман шеш тромбын алыуҙа яңы технология файҙалана башланы. Был республикала тәүге тәжрибә. Бығаса файҙаланылмаған яңы ысул хирург өсөн дә, пациентҡа ла уңайлы.

Баймаҡ ҡалаһында һәм Ишембай районындағы Верхотор ауылында парктар төҙөкләндерелә

2023 йылда ошо тораҡ пункттар «Бәләкәй ҡалаларҙа һәм тарихи биләмәләрҙә уңайлы ҡала мөхитен булдырыу» Бөтә Рәсәй конкурсында еңеүсе тип танылған. Был турала социаль селтәрҙәрендә Башҡортостан башлығы Радий Хәбиров хәбәр итте. Баймаҡ бәйгелә икенсе тапҡыр иң яҡшылар исемлегенә инә. Быға тиклем ҡалала үҙәк майҙан төҙөкләндерелһә, хәҙер Салауат Юлаев исемендәге парк тәртипкә килтереләсәк.

Махсус хәрби операцияла ҡатнашҡан бер төркөм яугирҙар ҡыҫҡа ваҡытлы ялдан һуң алғы һыҙыҡҡа юлланды

Бөгөн махсус хәрби операцияла ҡатнашҡан бер төркөм яугирҙар ҡыҫҡа ваҡытлы ялдан һуң алғы һыҙыҡҡа юлланды. Егеттәрҙе оҙатыу тантанаһы Өфө арена спорт һарайы эргәһендәге майҙанда үтте.

Радий Хәбиров Мәскәүҙә Владимир Якушев менән осрашты

Башҡортостан башлығы Радий Хәбиров Мәскәүҙә «Берҙәм Рәсәй» партияһының генераль советы секретары вазифаһын ваҡытлыса башҡарыусы, Федерация советы рәйесенең беренсе урынбаҫары Владимир Якушев менән осрашты.
Радий Хәбиров осрашыуҙа төбәк бүлексәһенең эшмәкәрлеге, махсус хәрби операцияла ҡатнашыусыларға һәм уларҙың ғаиләләренә ярҙам, ветерандарҙың йәмәғәт тормошонда әүҙем ҡатнашыуы тураһында һөйләне.

Һуғыш ветерандары республика клиник госпиталендә яугирҙар һәм уларҙың яҡындары реабилитация үтә ала

Махсус хәрби операция башланғандан алып, госпиталдә 700-ҙән ашыу ир-егеткә медицина ярҙамы күрһәтелгән. Учреждениела физик яраларҙы дауалау, психологик ярҙам, магнит терапияһы, массаж, махсус күнекмәләр, сәләмәт туҡланыу һәм башҡа уңайлыҡтар ойошторолған.

Иглин районының Сыуаш-Ҡобау ауылында Федор Матвеевҡа мемориаль таҡтаташ асылды

Ошо ауылда тыуып-үҫкән яугир хәрби бурысын үтәгәндә һәләк була. Махсус хәрби операция бурыстарын үтәү барышында күрһәткән батырлығы һәм ҡаһарманлығы өсөн Федор Матвеев үлгәндән һуң Батырлыҡ Ордены менән бүләкләнә. Мемориаль таҡта яугир уҡыған мәктәп бинаһына ҡуйылды. Хәтер сараһында хәрби хеҙмәткәрҙең туғандары, уҡытыусылары , мәктәп уҡыусылары, ауылдаштары ҡатнашты.

Баймаҡ районы халҡынан сираттағы ылау туплана

Көндәр һалҡынайыуҙы күҙ уңында тотоп «Һалдатҡа йылы ойоҡтар» акцияһы иғлан ителде. Шулай көнкүреш әйберҙәре, аҙыҡ‐түлек туплана. Ҡуянтау ауылында йәшәүсе Зәкиә Ғүмәрова ла бик сауаплы эш башҡара,ул һалдаттарға йоҡо ҡапсыҡтары тегә.

Шаран районы Түбәнге Зәйет ауылында «Батырлыҡ дәресе» уҙҙы

«Ватанға хеҙмәт итәм» Бөтә Рәсәй акцияһы сиктәрендә Шаран районы Түбәнге Зәйет ауылында «Батырлыҡ дәресе» уҙҙы. Осрашыуға ошо мәктәпте тамамлаусы, махсус хәрби операцияға мобилизацияланыусы «Татарин» ҡушаматлы яугир килде. Илһөйәрлек темаһына арналған осрашыу хаҡында тулыраҡ киләһе яҙмала.

Өфөлә көҙгө-ҡышҡы осорҙа үҙйөрөшлө машиналарҙы файҙаланыу мәсьәләһенә арналған семинар-кәңәшмә үтте

Баш ҡалала көҙгө-ҡышҡы осорҙа үҙйөрөшлө машиналарҙы файҙаланыу мәсьәләһенә арналған семинар-кәңәшмә үтте. Уның сиктәрендә ҡеүәтле транспорт сараларының техник төҙөклөгө, норматив талаптар үтәлеше ҡаралды. Коммуналь хеҙмәттәр автопаркы даими яңыртыла.

Хәйбулла районы үҙәге Аҡъярҙа ветерандар араһында шахмат турниры уҙғарылды

Интеллектуаль спорт төрө менән районда йәшәгән олоһо-кесеһе теләп шөғөлләәнә. Балалар-үҫмерҙәр спорт мәктәбендә ауыл биләмәләре ветерандары араһында тәүге тапҡыр ойошторолған матч хаҡында киләһе яҙмала.

Бөгөн Өфөләге Шаҡша күпере ябыла

Ике йүнәлештә лә машиналар йөрөшө туҡтатыла. Ҡалаға ингән һәм сыҡҡан водителдәр Өфө-Аэропорт трассаһы, Көнсығыш сығыу юлы һәм Нуғай шоссеһынан йөрөй ала. Шаҡша биҫтәһе эсендәге йәмәғәт транспорты ҡала электричкаһы теҙмәһенә ярашлы хәрәкәт итә. Шаҡша күпере “Хәүефһеҙ сифатлы юлдар” милли проектына ярышлы ремонтлана. Төҙөкләндереү эштәре тулыһынса киләһе йылдың февралендә тамамлана. Шаҡша күперендә автомобиль хәрәкәте 24 ноябрҙә киске сәғәт 8-ҙә асылырға тейеш.

"Өфө" һыу аҫты кәмәһе Һиндостанға килеп етте

Рәсәй Тымыҡ океан флоты караптары Кочи портында туҡталды. Диңгеҙселәр Һиндостан хәрбиҙәре менән осраша, спорт ярыштарында ҡатнаша, тип хәбәр итәләр Рәсәйҙең Һиндостандағы илселегенән. "Өфө" дизель һыу аҫты кәмәһе 2022 йылдың мартында һыуға төшөрөлдө. Ул Тымыҡ океан флоты составына инде.

Өфөлә ҡар һәм боҙлауыҡҡа ҡаршы эштәргә әҙерләнәләр

Был көндәрҙә урам-тротуарҙарҙы тәртиптә тотоусы предприятиеларҙы тикшерәләр. Боҙлауыҡҡа ҡаршы 15 мең тонна галит һәм 1 мең 300 тоннаға яҡын бионорд әҙерләнгән. Ҡалала ике ҡар иретеү пункты бар. Улар Трамвай һәм Сәғит Агиш урамдарында урынлашҡан. Икеһе лә ҡышҡы миҙгелгә әҙер.

Өфөнөң Шаҡша күперендә транспорт хәрәкәте тулыһынса туҡтатыла

Бөгөн киске сәғәт 8-ҙә Өфөнөң Шаҡша күперендә транспорт хәрәкәте тулыһынса туҡтатыла. «Хәүефһеҙ сифатлы юлдар» милли проекты буйынса ул бер айға ябыла. Был осорҙа иретеп-йәбештереү һәм монтажлау эштәре башҡарыла.

Ҡырмыҫҡалы районынан Гөлниса Мөхәмәтҡолова 95 йәшен билдәләй

Һынауҙар аша килгән бәхет. Ҡырмыҫҡалы районы Мөҡсин ауылында йәшәгән Гөлниса Мөхәмәтҡолова ауырлыҡ кешене сыныҡтыра, бәхет хеҙмәт һәм тырышлыҡ менән яулана, тип иҫәпләй. Бала сағы һуғыш йылдарына тура килгән хеҙмәт ветераны ошо көндәрҙә 95 йәшен билдәләй.

«Дуҫлыҡ иле биҙәктәре» асыҡ республика балалар халыҡ хореографияһы фестиваль-конкурсына йомғаҡ яһалды

Быйыл баш ҡалала үткән сарала республика район-ҡалаларынан 30-ҙан ашыу ижади коллектив ҡатнашты. Һайлап алыу турын үтеүселәр бөгөн Гала-концертта сығыш яһаны

Башҡорт киноһы Һиндостанда күрһәтелә

Иртәгәнән 27 октябргә тиклем Тривандрум ҡалаһында халыҡ-ара фестиваль уҙғарыла. Бында Рәсәй һәм Һиндостан төбәктәре мәҙәни йолалары менән таныштыра. Фестивалдең бер йүнәлеше кино сәнғәтенә бағышлана. Башҡортостандан Һиндостан тамашасыһына режиссер Айнур Асҡаровтың "Еңмеш" фильмы тәҡдим ителә.

Билдәле спортсы Джефф Монсон Өфөлә Рой Джонс менән алыша

Был сара киләһе йылдың мартына планлаштырылған. Ошонан һуң ҡатнаш алышта сығыштарҙы тамамлайым, тип белдерҙе Джефф Монсон. Алыш оҫталары Америкала тыуған, улар Рәсәй гражданлығын алды. Джефф Монсон - Башҡортостан парламенты депутаты.

Минималь хеҙмәт хаҡы 22 мең 440 һум була

1 ғинуарҙан сумма 17 процентҡа арттырыла. Дәүләт Думаһы ошо турала закон ҡабул итте. МРОТ артыуы эшләп йөрөүсе 4 миллион 200 мең граждандың хеҙмәт хаҡында сағыласаҡ, тине парламент спикеры Вячеслав Володин. Рәсәй президенты билдәләгән бурыстарҙың береһе минималь хеҙмәт хаҡын йыл һайын арттыра барыуға бәйле. 2030 йылға МРОТ 35 мең һумға етергә тейеш.