Алексей Романов «Ватанды һаҡлаусылар» фондының Башҡортостандағы филиалы эшмәкәрлеге менән танышты

Рәсәй Геройы Алексей Романов «Ватанды һаҡлаусылар» фондының Башҡортостандағы филиалы эшмәкәрлеге менән танышты, ветерандар ойошмаһы етәкселәре менән осрашты. Рәсәй Геройы махсус хәрби операция ҡатнашыусыларына төрлө яҡлап булышлыҡ итеү буйынса фекер алышты.

Башҡортостан журналистары махсус хәрби операция биләмәһенә маскировкалау селтәрҙәре алып барҙы

Журналистар яугирҙарға. Махсус хәрби операция биләмәһенә республика киң мәғлүмәт саралары хеҙмәткәрҙәре үргән маскировкалау селтәрҙәре килеп етте. Башҡортостан мотоуҡсылар полкы яугирҙарына һаҡланыу материалын республика журналистар союзы рәйесе Вәдүт Исхаков етәкселегендәге делегация тапшырҙы.

Ғафури районынан умартасы XVIII быуатта йәшәгән ҡарт олатаһының кәсебен тергеҙгән

Бөгөн ул шөғөлөн яңы кимәлгә күтәреү маҡсатында федераль грант та яулаған. Башҡортостандан 9 проект араһынан һайлап алынған 4 эш араһында Ғафури районынан шәхси эшҡыуар ҙа бар.

«Айыҡ ауыл» - 2024 республика конкурсының муниципаль этабы дауам итә

Быйыл унда Иглин районынан тиҫтәләгән ауыл ҡатнаша. Былтыр муниципаль этапта еңеү яулап, ауыл мәҙәниәт йорто биләмәһен кәртәләгән сыбаҡайҙар быйыл да изге эшкә ҙур тырышлыҡ һаласаҡ. Айыҡ ауыл халҡы йәшәйеше хаҡында киләһе яҙмала.

Шишмә районы Келәш ауылында яңы быуын китапханаһы асылды

Сара Башҡортостандың халыҡ шағиры Мостай Кәримдең 105 йыллығына арналды. Китапхана техник тәьминәте буйынса республикала иң яҡшылар исемлегенә инә ала. Уны төҙөүгә «Мәҙәниәт» милли проекты буйынса 8 миллион һум грант аҡсаһы йүнәлтелгән. Мәғариф үҙәгендә бөйөк әҙиптең тормошо һәм ижады менән теләгән һәр кем иң заманса ысулдар менән таныш ала.

Баш ҡалала физик культураны һәм спортты үҫтереү мәсьәләләре буйынса советы ултырышы үтте

Бөгөн көрәш һарайында Башҡортостан башлығы ҡарамағындағы физик культураны һәм спортты үҫтереү мәсьәләләре буйынса советы ултырышы үтте. Йыйылышта шулай уҡ «Рәсәй-спорт державаһы» форумына килгән ҡунаҡтар, билдәле спортсылар, чемпиондар ҡатнашты.

Мәскәүгә юғары тиҙлекле поезд, Сухумға самолет һәм граждандар йәмғиәте башланғыстары

Мәскәүгә юғары тиҙлекле поезд, Сухумға самолет һәм граждандар йәмғиәте башланғыстары. Башҡортостан башлығы рәйеслегендә үткән Хөкүмәт кәңәшмәһендә ошо һәм башҡа мәсьәләләр ҡаралды. Йылытыу миҙгеле менән бәйле һорауҙар, аграр тармаҡтың эшкәртеү секторын үҫтереү мөмкинлектәре тикшерелде.

Радий Хәбиров махсус хәрби операция яугирҙарына Шайморатов ордендарын тапшырҙы

Башҡортостан башлығы оператив кәңәшмәлә махсус хәрби операция яугирҙарына Шайморатов ордендарын да тапшырҙы. Бүләкләнеүселәрҙең береһе беҙҙең элекке колллегабыҙ, журналист Павел Самойлин. «Ҡайтыр» ҡушаматлы яугир. Ул алғы һыҙыҡта 2023 йылдың ноябренән. Уның иҫән ҡалыу тарихы мөғжизәгә тиң. Яҡташыбыҙ 4 көн емереклектәр аҫтында ятҡандан һуң табыла. Әле ул Мәскәү госпиталендә ярты йыл дауалау курсы үтеп тыуған яғына ҡайтҡан. «Гранит» ҡушаматлы яугир мотоуҡсылар полкының штаб начальнигы, алғы һыҙыҡҡа юлланыуына декабрҙә ике йыл тула. Яугирҙар Республика етәкселегенә, халыҡҡа иғттибары, хәстәрлеге өсөн рәхмәт белдерҙе.

Радий Хәбиров Стәрлетамаҡ ҡала советы ултырышында ҡатнашты

Стәрлетамаҡ ҡалаһы хакимиәте башлығы итеп 33 йәшлек Эмиль Шәймәрҙәнов тәғәйенләнде. Ҡала советы депутаттары уның кандидатураһын бер тауыштан хупланы. Ултырышта Башҡортостан башлығы Радий Хәбиров та ҡатнашып, быға тиклем хакимиәтте етәкләгән Рөстәм Ғәзизовтың эшенә юғары баһа биреп, уның идара итеү сифаттары республика кимәлендә файҙаланыласаҡ тип белдерҙе.

Өфөлә Халыҡ-ара Рәсәй - Иран үҙәге асылды

Халыҡ-ара Рәсәй - Иран үҙәге Өфө фән һәм технологиялар университеты базаһында Евразия фәнни-тикшеренеү үҙәгенең юғары уҡыу йорттары кампусында асылды. Унда фарсы теле курстары ойошторола. Төрлө өлкәләрҙән уҡыусылар, студенттар һәм белгестәр Яҡын һәм Урта Көнсығыш телдәре мәҙәниәтен белгән иҡтисадсылар, политологтар һәм журналистар ил ғилеме һәм тел әҙерлеге үткәрәсәк.

Стәрлетамаҡ районыныда Башҡортостандағы иң ҙур малсылыҡ комплексы төҙөлә

Ул 80 гектар майҙанда урынлашҡан егерменән ашыу бинаны үҙ эсенә аласаҡ. Инвестициялар күләме 6 миллиард һумдан ашыу. Объект әле 50 процентҡа әҙер, уны ваҡытынан алда төҙөп бөтөү планлаштырыла.

«Өфө» Халыҡ-ара аэропортынан кесе Хажға барыусылар изге сәфәргә юлланды

Өфөнән Ғөмрәгә тура рейс менән. «Өфө» Халыҡ-ара аэропортынан бөгөн төндә кесе Хажға барыусылар изге сәфәргә юлланды. Бығаса республика халҡы Сәғүд Ғәрәбстанына илдең башҡа ҡалалары аша ғына бара ала ине. Хәҙер бындай мөмкинлекте Башҡортостандағы турист фирмаларының береһе тәҡдим итә.

Төбәктең онкодиспансер белгестәре бөйөрҙә яман шеш тромбын алыуҙа яңы технология файҙалана башланы

Республиканың клиник онкодиспансер белгестәре бөйөрҙә яман шеш тромбын алыуҙа яңы технология файҙалана башланы. Был республикала тәүге тәжрибә. Бығаса файҙаланылмаған яңы ысул хирург өсөн дә, пациентҡа ла уңайлы.

Баймаҡ ҡалаһында һәм Ишембай районындағы Верхотор ауылында парктар төҙөкләндерелә

2023 йылда ошо тораҡ пункттар «Бәләкәй ҡалаларҙа һәм тарихи биләмәләрҙә уңайлы ҡала мөхитен булдырыу» Бөтә Рәсәй конкурсында еңеүсе тип танылған. Был турала социаль селтәрҙәрендә Башҡортостан башлығы Радий Хәбиров хәбәр итте. Баймаҡ бәйгелә икенсе тапҡыр иң яҡшылар исемлегенә инә. Быға тиклем ҡалала үҙәк майҙан төҙөкләндерелһә, хәҙер Салауат Юлаев исемендәге парк тәртипкә килтереләсәк.

Махсус хәрби операцияла ҡатнашҡан бер төркөм яугирҙар ҡыҫҡа ваҡытлы ялдан һуң алғы һыҙыҡҡа юлланды

Бөгөн махсус хәрби операцияла ҡатнашҡан бер төркөм яугирҙар ҡыҫҡа ваҡытлы ялдан һуң алғы һыҙыҡҡа юлланды. Егеттәрҙе оҙатыу тантанаһы Өфө арена спорт һарайы эргәһендәге майҙанда үтте.

Радий Хәбиров Мәскәүҙә Владимир Якушев менән осрашты

Башҡортостан башлығы Радий Хәбиров Мәскәүҙә «Берҙәм Рәсәй» партияһының генераль советы секретары вазифаһын ваҡытлыса башҡарыусы, Федерация советы рәйесенең беренсе урынбаҫары Владимир Якушев менән осрашты.
Радий Хәбиров осрашыуҙа төбәк бүлексәһенең эшмәкәрлеге, махсус хәрби операцияла ҡатнашыусыларға һәм уларҙың ғаиләләренә ярҙам, ветерандарҙың йәмәғәт тормошонда әүҙем ҡатнашыуы тураһында һөйләне.

Һуғыш ветерандары республика клиник госпиталендә яугирҙар һәм уларҙың яҡындары реабилитация үтә ала

Махсус хәрби операция башланғандан алып, госпиталдә 700-ҙән ашыу ир-егеткә медицина ярҙамы күрһәтелгән. Учреждениела физик яраларҙы дауалау, психологик ярҙам, магнит терапияһы, массаж, махсус күнекмәләр, сәләмәт туҡланыу һәм башҡа уңайлыҡтар ойошторолған.

Иглин районының Сыуаш-Ҡобау ауылында Федор Матвеевҡа мемориаль таҡтаташ асылды

Ошо ауылда тыуып-үҫкән яугир хәрби бурысын үтәгәндә һәләк була. Махсус хәрби операция бурыстарын үтәү барышында күрһәткән батырлығы һәм ҡаһарманлығы өсөн Федор Матвеев үлгәндән һуң Батырлыҡ Ордены менән бүләкләнә. Мемориаль таҡта яугир уҡыған мәктәп бинаһына ҡуйылды. Хәтер сараһында хәрби хеҙмәткәрҙең туғандары, уҡытыусылары , мәктәп уҡыусылары, ауылдаштары ҡатнашты.

Баймаҡ районы халҡынан сираттағы ылау туплана

Көндәр һалҡынайыуҙы күҙ уңында тотоп «Һалдатҡа йылы ойоҡтар» акцияһы иғлан ителде. Шулай көнкүреш әйберҙәре, аҙыҡ‐түлек туплана. Ҡуянтау ауылында йәшәүсе Зәкиә Ғүмәрова ла бик сауаплы эш башҡара,ул һалдаттарға йоҡо ҡапсыҡтары тегә.

Шаран районы Түбәнге Зәйет ауылында «Батырлыҡ дәресе» уҙҙы

«Ватанға хеҙмәт итәм» Бөтә Рәсәй акцияһы сиктәрендә Шаран районы Түбәнге Зәйет ауылында «Батырлыҡ дәресе» уҙҙы. Осрашыуға ошо мәктәпте тамамлаусы, махсус хәрби операцияға мобилизацияланыусы «Татарин» ҡушаматлы яугир килде. Илһөйәрлек темаһына арналған осрашыу хаҡында тулыраҡ киләһе яҙмала.

Өфөлә көҙгө-ҡышҡы осорҙа үҙйөрөшлө машиналарҙы файҙаланыу мәсьәләһенә арналған семинар-кәңәшмә үтте

Баш ҡалала көҙгө-ҡышҡы осорҙа үҙйөрөшлө машиналарҙы файҙаланыу мәсьәләһенә арналған семинар-кәңәшмә үтте. Уның сиктәрендә ҡеүәтле транспорт сараларының техник төҙөклөгө, норматив талаптар үтәлеше ҡаралды. Коммуналь хеҙмәттәр автопаркы даими яңыртыла.