Башҡортостандың баш ҡалаһына Рәсәй Президенты Владимир Путин килде

Дәүләт башлығын Мостай Кәрим исемендәге «Өфө» халыҡ-ара аэропортында республика башлығы Радий Хәбиров ҡаршы алды. Эш сәфәре сиктәрендә президент яңы асылған фехтование үҙәгендә булды. Ул Рәсәйҙең спорт министры Михаил Дегтяров, Волга буйы федераль округындағы тулы хоҡуҡлы вәкил Игорь Комаров һәм Башҡортостан башлығы Радий Хәбиров оҙатыуында яңы спорт ҡоролмаһы майҙансығын ҡараны.

Владимир Путин Башҡортостан халҡын Өфөнөң 450 йыллыҡ юбилейы менән ҡотланы

«Рәсәй - спорт державаһы» халыҡ-ара форумының пленар ултырышында Владимир Путин Башҡортостан халҡын Өфөнөң 450 йыллыҡ юбилейы менән ҡотланы. Ул шулай уҡ ил үҫешенә ҙур өлөш индергәне өсөн - хәрби, хеҙмәт, фәнни һәм спорт триумфтары өсөн республикала йәшәүселәргә рәхмәт белдерҙе. Форумда ҡатнашыусылар Башҡортостандың данлыҡлы ҡунаҡсыллығын лайыҡлы баһалар, был иҫ киткес, боронғо төбәктең тарихы, уның уникаль мәҙәни мираҫы һәм спорт традициялары һәм, әлбиттә, заманса ҡаҙаныштары менән ҡыҙыҡһынып танышыр, тип ышанам», - тип билдәләне Владимир Путин.

Өфөлә фехтование үҙәге асылды

«Рәсәй-спорт державаһы» форумының тәүге көнөндә Өфөлә фехтование үҙәге асылды. Үҙәк баш ҡаланың 450 йыллығына арналған объекттарҙың береһе. Ике ҡатлы бинала 28 фехтование юлы, 373 тамашасыға иҫәпләнгән трибуна, тренажер, конференция залдары, медицина бүлеге урынлашҡан. Заманса комплекста фехтование буйынса Рәсәй һәм халыҡ-ара ярыштары уҙғарыласаҡ.

Өфөнөң Ишеү слаломы үҙәге тәүге күләмле спорт сараһы - «Ҡурай иле» Халыҡ-ара ярыштарын ҡабул итте

Турнирҙың тәүге көнөндә спортсылар квалификациялы йөҙөү һәм «Экстрим-слалом» дисциплинаһында үҙ көсөн һынап ҡараны. Ике көнлөк ярыштар «Рәсәй - спорт державаһы» форумы сиктәрендә уҙғарыла.

«Рәсәй - спорт державаһы» халыҡ-ара форумы сиктәрендә 40-тан ашыу сара үтәсәк

Улар иҫәбенә спорт ярыштары, мәҙәни программа һәм эшлекле сессиялар инә. Бөгөн Рәсәй Олимпия комитеты спортсылары комиссияһының киңәйтелгән ултырышы үтте. Комитет президенты Станислав Поздняков залға йыйылыусыларға мөрәжәғәт итеп, данлыҡлы олимпиясылар менән бергә, бында Рәсәйҙең Олимпия резервы вәкилдәре булыуын да иҫкә төшөрҙө.

Республиканың хор капеллаһы уникаль проект әҙерләй

Коллектив Хөсәйен Әхмәтов исемендәге Башҡорт дәүләт филармонияһында башҡорт хор музыкаһының классик әҫәрҙәре антологияһын яҙҙыра башланы. Унда 1940 йылдан алып ижад ителгән 30-ҙан ашыу композиция инәсәк. Тулыраҡ киләһе яҙмала.

Өфөлә яһалма интеллект ярҙамында мутлашыусыларҙы танырға өйрәтәләр

Программа өҫтөндә Өфө фән һәм технологиялар университетының хоҡуҡ институтында эшләйҙәр. Башта мобиль ҡушымта Башҡортостан муниципалитеттарының бер өлөшөнә таратыласаҡ. Мәғлүмәттәргә күҙ һалҡһаҡ, әле көн һайын енәйәтселәр схемаһы арҡаһында республика халҡы уртаса 9 миллион һумдан ашыу аҡсаһын юғалта. Төбәктә кибер енәйәтселеккә ҡаршы көрәш юлдары хаҡында киләһе яҙмала.

🎖🇷🇺В Уфе прошел первый день турнира ветеранов СВО «Герои нашего времени»

Церемония открытия состоялась в спортивном центре имени Баталовой Р.А. в рамках международного форума «Россия – спортивная держава». Соревнования продлятся два дня, 17 и 18 октября, и соберут около ста участников – ветеранов СВО – из восьми регионов России: Башкортостана, Татарстана, Удмуртии, Пермского края, Оренбургской, Самарской, Свердловской и Челябинской областей.

Ветераны с поражениями опорно-двигательного аппарата (ПОДА) участвуют в шести видах спорта: настольном теннисе, пулевой стрельбе, армрестлинге, пауэрлифтинге, волейболе сидя и стрельбе из лука.

Владимир Путин Башҡортостан башлығы Радий Хәбиров менән эшлекле осрашыу уҙғарҙы

Рәсәй Президенты Владимир Путин Башҡортостан башлығы Радий Хәбиров менән эшлекле осрашыу уҙғарҙы. Унда республиканың социаль-иҡтисади үҫеше, махсус хәрби операцияға күрһәтелгән ярҙам төрҙәре барланды.
Радий Хәбиров дәүләт башлығын төбәктең иҡтисади хәле, прпедприятиелар үҫеше һәм ауыл хужалығындағы эш барышы менән дә таныштырҙы. Республика иҡтисады тотороҡло үҫешә һәм киләсәккә өмөтлө аҙымдар яһайбыҙ, тине Радий Хәбиров Владимир Путин менән эшлекле осрашыуҙа.

Владимир Путин «Рәсәй-спорт державаһы» халыҡ-ара форумының пленар ултырышында сығыш яһаны

Олимпия хәрәкәтен үҫтереү, спортсыларҙың хоҡуҡтарын тергеҙеү, балалар спортын килем сығанағына әйләндермәү. Был турала һөйләшеү Рәсәй Президенты ҡарамағындағы Физик тәрбиә һәм спортты үҫтереү буйынса советта барҙы. Ултырышты Владимир Путин алып барҙы. Ил Президенты «Рәсәй-спорт державаһы» халыҡ-ара форумының пленар ултырышында ла сығыш яһаны. Сарала Башҡортостан башлығы Радий Хәбиров та ҡатнашты.

«Рәсәй – спорт державаһы» форумын һәм Өфө юбилейын ҡаршы алып, Башҡортостанда дүрт ҙур спорт комплексы асылды. Улар менән таныштырабыҙ!

Рәсәй Президенты ҡарамағындағы Физик культураны һәм спортты үҫтереү буйынса совет башланғанға тиклем, Башҡортостан Башлығы Радий Хәбиров «Рәсәй – спорт державаһы» форумының әһәмиәте хаҡында һөйләне.

🥇 Бындай саралар төрлө йәштәге кешеләргә спорт менән шөғөлләнергә этәргес бирә. Республикала тәжрибә уртаҡлашыу һәм физик культураны үҫтереү өсөн был бик яҡшы мөмкинлек, тип һыҙыҡ өҫтөнә алды Радий Хәбиров.

🥈 Башҡортостан Башлығы Көрәш һарайында меңдән ашыу баланың күнекмәләргә әҙер булыуы һәм ғариза тапшырыуы хаҡында һөйләне. Был – спорттың халыҡҡа яҡынайыуы күрһәткесе. Балалар үҙ райондарында, өйҙәре эргәһендә шөғөлләнә ала.

🥉 Президент республикаға, халҡыбыҙға ҙур ихтирам менән ҡарай. Мин ир-егеттәребеҙҙең нисек алышыуы хаҡында еткерҙем, уй-фекерҙәре тураһында һөйләнем. Улар менән аҙаҡҡы тапҡыр осрашҡанда, арыған булһалар ҙа, телдәрендә тик бер һүҙ ине – Еңеү, – тип һыҙыҡ өҫтөнә алды Радий Хәбиров.

📽 Тулыраҡ – видеояҙмала

Өфөнөң Инорс биҫтәһендә рәсми рәүештә ишеү слаломы үҙәге асылды

Тантанала Башҡортостан башлығы Радий Хәбиров, Рәсәйҙең спорт министрлығы, ишеү слаломы федерацияһы етәкселеге ҡатнашты. Яңы объектта тәүге күләмле спорт сараһы - «Ҡурай иле» Халыҡ-ара ярыштары ла уҙғарылды.

Радий Хәбиров « Заманса спорт. Инновациялар һәм перспективалар.» күргәҙмәһендә булды

Башҡортостан башлығы Радий Хәбиров XII халыҡ- ара Рәсәй спорт державаһы форумы сиктәрендә үтеүсе « Заманса спорт. Инновациялар һәм перспективалар.» күргәҙмәһендә булды. Федераль һәм төбәк властары араһында Ватан етештереүселәренең продукцияһын, физик культураны пропагандалау маҡсатында ойошторолған экспозиция өс көн дауамында эшләй.

Өфөлә керлинг буйынса ярыштар үтә

Өфөлә иң көслө керлингсылар бәйге тота. «Рәсәй- спорт державаһы» форумы ярышы «Өфө-арена» боҙ һарайында үтә. Бәйгелә 17 йәшкә тиклемге малай-ҡыҙҙар һәм ир-егеттәр командалары ҡатнаша. Илдең төрлө төбәктәренән йыйылған 18 команда араһынан еңеүсе форумдың һуңғы көнөндә билдәләнә. Тулыраҡ мәғлүмәт киләһе яҙмала.

Башҡортостан рапирасылары «Салауат ҡылысы» халыҡ-ара фехтование ярышында еңеү яуланы

Турнир кисә генә асылған фехтование үҙәгендә үтте. Заманса фехтование үҙәге 6 мең квадрат метрҙан ашыу майҙанды биләй, бында 28 фехтование юлы, 373 тамашасыға иҫәпләнгән трибуналы универсаль зал бар. Ярыштар өсөн махсус залдар, тренажер зонаһы ҡаралған. Үҙәк һөҙөмтәләрҙе теркәү системаһы менән йыһазландырылған, был Өфөлә халыҡ-ара кимәлдәге чемпионаттар уҙғарыу мөмкинлеге бирә. «Салауат ҡылысы» яңы үҙәктә үткәрелгән тәүге күләмле спорт ярышы. Спортсылар шарттарҙан ҡәнәғәт.

Өфөлә махсус хәрби операция ветерандары араһында уҙғарылған «Беҙҙең заман геройҙары» турниры тамамланды

Ике көнгә иҫәпләнгән ярыштарҙа илдең 8 төбәгенән йөҙгә яҡын спортсы ҡатнашты. Улар пауэрлифтинг, армрестлинг, өҫтәл теннисы, уҡтан атыу һәм башҡа дисциплинарҙа көс һынашты. Ил кимәлендә уҙғарылған күләмле сара - алғы һыҙыҡтан ҡайтҡан яугирҙарҙы адаптив спортҡа ылыҡтырыу буйынса алып барылған берҙәм эш һөҙөмтәһе.

Хәйбулла районында «Башҡорт баҡыры» компанияһы социаль обьекттарҙы модернизациялауҙа ҡатнаша

Балаларға уңайлы шарттар. Хәйбулла районында «Башҡорт баҡыры» тау-мәғдән компанияһы социаль обьекттарҙы модернизациялауҙа ҡатнаша. Тап был ойошма Подольск ауылының «Ҡояшҡай» балалар баҡсаһында йылытыу системаһы тулыһынса яңыртырға ярҙам иткән, әлеге ваҡытта мәктәп автобустары өсөн йылы гараж төҙөүгә финанс ярҙамы күрһәткән. Яңы шарттарҙа эшләүсе мәктәпкәсә балалар учреждениеһы хвҡында киләһе яҙмала.

Журналистар сәфәрҙә

Махсус хәрби операция биләмәһенә республика киң мәғлүмәт саралары хеҙмәткәрҙәре үргән маскировкалау селтәрҙәре барып еткән. Башҡортостан мотоуҡсылар полкы яугирҙарына һаҡланыу материалын республика журналистар союзы рәйесе Вәдүт Исхаков етәкселегендәге делегация тапшырҙы.

"Башҡортостан" нәшриәт йорто директоры Айнур Дәүләтбәков ошо хаҡта һөйләй.

Маскировка селтәрҙәре яугирҙәребеҙҙе һаҡлаһын. Егеттәребеҙ иҫән-һау тиҙерәк еңеү менән әйләнеп ҡайтһын!

Радий Хәбиров Ҡаҙағстан республикаһының туризм һәм спорт министры менән осрашты

Башҡорт-ҡаҙаҡ оҙон ғүмерлелеге, туризмды үҫтереү, күсмә халыҡтар спорт кубогын булдырыу. Башҡортостан Башлығы Радий Хәбиров менән Ҡаҙағстан республикаһының туризм һәм спорт министры Ербол Мырҙабосыновтың осрашыуында ошо хаҡта һүҙ барҙы. Һуңғы йылдарҙа төбәктәр араһында социаль-иҡтисади хеҙмәттәшлек нығына. Ҡаҙағстан президенты Ҡасым Жомарт Токаев Радий Хәбировты һәм беҙҙең делегацияны Ҡаҙағстанға эш сәфәре барышында шәхсән ҡабул итә.

Өфөлә Бөтә Рәсәй йәйәү йөрөү көнө уҙғарылды

Рәсәйҙең Олимпия комитеты башланғысы менән Өфөлә Бөтә Рәсәй йәйәү йөрөү көнө уҙғарылды. Баш ҡала халҡы Олимпия уйындары чемпиондары һәм призерҙары менән бергә 2024 метр араны атлап үтте. «Рәсәй - спорт державаһы» форумының һуңғы көнөндә уҙғарылған иң күләмле спорт сараһынан репортаж.