Өфөләге Шаҡша күпере ябылыуға бәйле өҫтәмә электричкалар йөрөйәсәк

3 яңы поезд Дим-Шаҡша-Иглин маршрутына сыға, тип хәбәр итәләр Башҡортостан ҡала яны пассажирҙар компанияһынан. 21 октябрҙән Шаҡша күперендә машиналар йөрөшө бер айға тулыһынса туҡтатыла. Ошо ваҡытта Өфө агломерацияһында 54 ҡала яны поезы йөрөйәсәк. Күперҙә капиталь ремонт уҙған йылда башланды, эштәрҙе киләһе йылда тамамлау көтөлә.

Республикала һауа торошо һыуытыу менән автоһәүәҫкәрҙәр өсөн көҙгө мәшәҡәттәр башланды

Тәгәрмәсте алмаштырырға ваҡыт. Республикала һауа торошо һыуытыу менән автоһәүәҫкәрҙәр өсөн көҙгө мәшәҡәттәр башланды. Һауа температураһының үҙгәреүе боҙлауыҡҡа сәбәпсе була, бигерәк тә иртәнге һәм төнгө сәғәттәрҙә. Белгестәр нимә кәңәш итә? Тимер атты ҡышҡылыҡҡа әҙерләү өсөн тәгәрмәстәрҙе ҡасан алмаштырырға? Тулыраҡ киләһе репортажда.

Көнбағыш майҙандарының 47 проценты эшкәртелгән

Башҡортостанда майды культуралар урыу дауам итә. Быйыл ул 315 мең гектартҙа сәселгән. Стәрлетамаҡ районы хужалыҡтарының береһе көнбағыш урыуҙы тамамлау алдында. Йәй ямғырлы булыуға бәйле, майлы культура уңышы юғары . Ә шул уҡ ваҡытта иген һәм ҡуҙаҡлы культуралар ныҡ ҡына зыян күргән.

Башҡортостанда хәрби контрактты бер көн эсендә төҙөргә мөмкин

«Һаҡсы» тип аталған үҙәктә ир-егеттәр «берҙәм тәҙрә» ысулы буйынса медицина тикшереүе үтеп, банк картаһы асып, документтарҙы туплап алғы һыҙыҡҡа юллана ала. Ватан һаҡсыларына ике тәүлеккә тиклем бушлай йәшәү шарттары , өс тапҡыр туҡланыу ойошторолған. Быға тиклем контракт килешеүе төҙөү өсөн бер нисә адрес үтергә тура килһә хәҙер егеттәр өсөн бөтә уңайлыҡтар булдырылған.

Өфөлә Шәһит Хоҙайбирҙин исемендәге журналистар премияһы лауреаттары билдәләнде

Өфөлә Башҡортостан Хөкүмәтенең Шәһит Хоҙайбирҙин исемендәге журналистар премияһы лауреаттары билдәләнде. 2024 йыл өсөн абруйлы наградаға «Башҡортостан» телерадиокомпанияһының «Башҡорт каникулдары» проектының ижади төркөмө, «Ашҡаҙар» гәзите баш мөхәррире Рәмил Мансуров һәм «Башинформ» мәғлүмәт агентлығының махсус хәбәрсеһе Роман Якимчук лайыҡ булды. Шәһит Хоҙайбирҙиндың йорт-музейында ойошторолған тантанала БЮТ ижади төркөмө лә булды.

Ҡәҙим Аралбаев Хәйбулла районында китап һөйөүселәр менән осрашты

Яҡташтар менән осрашыу. Башҡортостандың халыҡ шағиры, Салауат Юлаев исемендәге дәүләт премияһы лауреаты Ҡәҙим Аралбаев Хәйбулла районында китап һөйөүселәр менән осрашты. Аҡъяр үҙәк район китапханаһында һәм Яңы Ергән ауылында әҙип ижадына арналған саралар хаҡында киләһе яҙмала.

Башҡортостанда баҡсасылыҡ ширҡәттәренә илткән юлдарҙы ремонтлау дауам итә

Башҡортостан башлығы социаль селтәрҙә хәбәр итеүенсә, быйылға дөйөм оҙонлоғо 26 ярым километрлыҡ 20 юл һайлап алынған. «Был юлдар бик мөһим. Сөнки улар республиканың 6 муниципалитеты - Өфө, Күмертау ҡалалары, Бәләбәй, Иглин, Ҡырмыҫҡалы, Кушнаренко, Өфө һәм Шишмә райондарында 72 баҡсасылыҡ ширҡәтенә үтеүҙе тәьмин итә. Юлдарҙы ремонтлауға барлығы 150 миллион һум аҡсма бүленде. Бөтә объекттарҙа ла эш бара - ремонтты ҡышҡа тиклем тамамларға ниәтләйбеҙ» тип белдергән төбәк етәксеһе.

2 меңдән ашыу ирекмән «Рәсәй - спорт державаһы» халыҡ-ара форумында ҡатнашыуға ғариза биргән

Улар етди һайлап алыу үткән. Һөҙөмтәлә күләмле сараға 500 кеше йәлеп ителәсәк. Яңы төҙөлгән Көрәш һарайында волонтерҙар менән йомғаҡлау осрашыуы уҙҙы. Уларға форум ҡунаҡтарын ҡаршы аласаҡ фирма экипировкаһы тапшырылды. Билдәле булыуынса, 17-19 октябрҙә Өфө Рәсәйҙең спорт баш ҡалаһына әйләнә.

Дәүләт Йыйылышы - Ҡоролтайҙың 14-се пленар ултырышы 24 октябрҙә үтә

Был турала бөгөн Парламенттың Президиум ултырышында белдерелде. Депутаттар ҡарамағына 5 тиҫтәнән ашыу документ сығарылды. Закон проекттары араһында социаль йүнәлештәгеләр күп. Мәҫәлән, физик мөмкинлеге сикләнгәндәргә ярҙамға кеше беркетеү тураһында. Инвалидтың ярҙамға мохтажмы, юҡмы икәне Башҡортостандың Ғаилә, хеҙмәт һәм халыҡты социаль яҡлау министрлығы тарафынан билдәләнәсәк.

Бөрө районының «Бәрәкәтле ялан»да йәшәүселәр цивилизациянан ситтә ғүмер итеүгә өҫтөнлөк бирә

Ҡала шау-шыуынан урманға. Бөрө районында бынан 22 йыл элек барлыҡҡа килгән «Бәрәкәтле ялан» биләмәһендә йәшәүселәр ғаилә, тыуған ер кеүек ҡиммәтәрҙе һаҡлап ғүмер итә. Дәүләттән икешәр гектар ерҙе 49 йылға ҡуртымға алып улар цивилизациянан ситтә ғүмер итеүгә өҫтөнлөк бирә.

Иртәгә Өфөлә ике сәғәткә Совет майҙаны янында юлдар ябыла

Пушкин һәм Совет урамдарының айырым өлөштәрендә хәрәкәт сәғәт 12-нән сикләнә, тип хәбәр итәләр ҡала хакимиәтенән. Йәмәғәт транспорты йөрөшөндә лә үҙгәрештәр була. Сикләү "Рәсәй - спорт державаһы" форумын уҙғарыуға бәйле ҡабул ителә. Конгресс иртәгә башлана һәм 19 октябргә тиклем бара.

Төбәктә авария хәлендәге торлаҡты күсереүгә биләмәләрҙе комплекслы үҫтереү механизмы ярҙам итәсәк

Был хаҡта Радий Хәбиров үткәргән сираттағы «Төҙөлөш сәғәте» ндә һүҙ барҙы. Республиканың төҙөлөш һәм архитектура министры вазифаһын башҡарыусы Артем Ковшов хәбәр итеүенсә, быйыл октябргә Өфөлә, Нефтекамала, Туймазыла һәм Шишмәлә 40 мең квадрат метр авария хәлендәге торлаҡты күсереүҙе күҙ уңында тотҡан биләмәләрҙе комплекслы үҫтереүсе 10 килешеү төҙөлгән.

Ишембай районы Ҡолғона ауылында мөһим социаль обьекттар файҙаланыуға тапшырылды

Ауылда табип амбулаторияһы эш башланы , янғын һүндереү һәм башҡа социаль хеҙмәттәр техникаһы өсөн тәғәйенләнгән күп функциялы бокс асылды. Ҡолғоналарҙың шатлығын БЮТ ижади төркөмө лә уртаҡлашты. Был хаҡта тулыраҡ киләһе яҙмала.

Стәрлетамаҡта Рәсәй Оборона министрлығы менән контракт төҙөүселәргә түләү ике тапҡырға арттырылды

Хәҙер ул 400 мең һум тәшкил итә. Бынан тыш, «Стәрлетамаҡ һыу каналы» предприятиеһында һәм Ҡала мәҙәниәт һарайында эшләп, контракт төҙөүселәргә 205 мең һумға тиклем өҫтәмә түләү ҡаралған. Шул уҡ ваҡытта вакантлы урындар сикләнгән тип билдәләнә. Иҫегеҙгә төшөрәбеҙ, был аҙнала Өфө хакимиәте лә илдең Ҡораллы көстәрендә хеҙмәт итеү тураһында килешеү төҙөгән яҡташтарыбыҙға бер тапҡыр бирелә торған аҡсалата түләүгә үҙгәреш индерҙе. Бығаса ул 300 мең һум булһа, хәҙер - 400 мең һум. Башҡортостандан контракт хеҙмәте тураһында тулыраҡ мәғлүмәтте башбат.рф сайтында йәки +7 (347) 218-19-19 телефоны буйынса табырға мөмкин.

Благовар районында йылҡысылыҡ үҫешә

Өс йыл элек фермер Илфат Әхмәтшин «Ғаилә фермаһы» конкурсында еңеп алынған грантҡа йөҙҙән ашыу бейә һәм айғыр һатып алған, бөгөн ат малы һаны күпкә артҡан. Ит продукцияһын етештереү буйынса цех та ойошторолған.

Өфөлә Рәйес Түләковтың тыуыуына 65 йыл тулыуға арналған «Утлы йөрәк» тип аталған түңәрәк өҫтәл уҙҙы

Өфөлә Шәйехзада Бабич исемендәге республика дәүләт йәштәр премияһы лауреаты, Рәсәйҙең һәм Башҡортостандың яҙыусылар союзы ағзаһы, шағир һәм журналист Рәйес Түләковтың тыуыуына 65 йыл тулыуға арналған «Утлы йөрәк» тип аталған түңәрәк өҫтәл уҙҙы.
Хәтер кисәһендә уның яҡындары, әҙәбиәт белгестәре, яҙыусылар, курсташтары, студенттар ҡатнашты.

Киләһе йылда Рәсәйҙә МРОТ-ты 22 мең 440 һумға еткереү ҡарала

Ошо турала закон проекты Дәүләт Думаһына тапшырылған. Документҡа аңлатмала билдәләнеүенсә, минималь хеҙмәт хаҡын арттырыу 4 миллиондан ашыу кешенең эш хаҡын күтәрергә мөмкинлек бирә. Ҡайһы бер пособиелар МРОТ күләменә бәйле. Владимир Путин 2030 йылға тиклем минималь хеҙмәт хаҡын 35 меңгә еткереү бурысын ҡуйҙы. Быйыл Башҡортостанда МРОТ - 22 мең 128 һум. Республика күрһәткесе, урал коэффициенты иҫәбенә, Рәсәйҙәге уртаса һандан юғары.

Башҡортостанда яңы тыуған сабыйҙарға ҡушылған һирәк исемдәр аталды

ЗАГС идаралығынан хәбәр итеүҙәренсә, 14 октябргә республикала Әмир атлы 459 малай, Әминә исемле 362 ҡыҙ тыуған. Ата-әсәләр малайҙарға йышыраҡ Тимер, Марк, Артем һәм Эмир исемдәрен ҡушҡан. Ҡыҙҙарға София, Ева, Әмилә һәм Арина исемдәре бирелгән. Эмзар, Дауыт, Закир, Роланд, Лукьян, Ғәйшә, Тылсым, Бибиәминә тигән һирәк исемдәр бар.

Салауат Юлаев һәйкәле төҙөкләндерелә

Тарихи-мәҙәни экспертиза реконструкция проектын хупланы. Һәйкәлдең эске каркасы алмаштырыла. Ул һүтеп алына. Һәйкәл тәүге тапҡыр буялған ҡуйы һоро төҫ кире ҡайтарыла. Шулай уҡ ҡурған реконструкциялана. Эштәр 300 миллион һумға баһалана. Төҙөкләндереүҙе быйыл ноябрҙә башлау көтөлә.

⚡ Заседание Совета по развитию физической культуры и спорта с Владимиром Путиным: прямой эфир!

Главное событие этих дней – Международный форум «Россия – спортивная держава».

Крупнейшее спортивное мероприятие проходит в Уфе, 17 октября его посетит Президент России Владимир Путин, который примет участие в заседании Совета по физической культуре и спорту.

Не пропустите прямую трансляцию на телеканале БСТ!

👉 Смотреть эфир

Подписывайся на БСТ

Башҡортостандың баш ҡалаһына Рәсәй Президенты Владимир Путин килде

Дәүләт башлығын Мостай Кәрим исемендәге «Өфө» халыҡ-ара аэропортында республика башлығы Радий Хәбиров ҡаршы алды. Эш сәфәре сиктәрендә президент яңы асылған фехтование үҙәгендә булды. Ул Рәсәйҙең спорт министры Михаил Дегтяров, Волга буйы федераль округындағы тулы хоҡуҡлы вәкил Игорь Комаров һәм Башҡортостан башлығы Радий Хәбиров оҙатыуында яңы спорт ҡоролмаһы майҙансығын ҡараны.