Радий Хәбиров икенсе мөҙәттә Башҡортостан башлығы вазифаһын үтәй башланы

Тантаналы ултырыш бөгөн Дәүләт Йыйылышы - Ҡоролтай йортонда үтте. Инаугурацияла Рәсәй Президентының Волга буйы федераль округындағы тулы хоҡуҡлы вәкиле Игорь Комаров, Дәүләт Думаһы, Башҡортостан парламенты депутаттары, министрлыҡ-ведомство етәкселәре, йәмәғәт эшмәкәрҙәре, махсус хәрби операция яугирҙары һәм башҡа почетлы ҡунаҡтар ҡатнашты. Сарала республиканың Үҙәк һайлау комиссияһы рәйесе Азат Ғәлимханов Радий Хәбировҡа Башҡортостан Башлығы таныҡлығын тапшырҙы.

Баймаҡ районында ураҡ кампанияһы дауам итә

Сентябрь уртаһы етеүгә ҡарамаҫтан, ауыл хужалығы эшсәндәре өсөн ҡыҙыу осор. Оҙайлы ямғырҙарҙан һуң Баймаҡ районы аграрийҙары сыуаҡ көндөң һәр минутын файҙаланып ҡалырға тырыша. Киләһе сюжет Баймаҡ районынан әҙерләнде.

Башҡортостан спортсыһы Анастасия Белякова Өфөлә яңы миҙгелгә әҙерләнә

Башҡортостан спортсыһы Анастасия Белякова трамплиндан саңғыла һикереү буйынса Рәсәй беренселегендә бронза миҙал яуланы. Түбәнге Новгородта уҙған ярыштарҙа 17 йәшкә тиклемге егеттәр һәм ҡыҙҙар ҡатнашты.Әлеге ваҡытта спортсы Өфөлә башҡа тәрбиәләнеүселәр менән яңы миҙгелгә әҙерләнә. Был хаҡта киләһе яҙмала.

БСТ каналында өс фатир һәм машина уйнатыласаҡ!

Иртәгә, 13 сентябрҙә, Башҡортостан юлдаш телевидениеһының «Сәләм» тапшырыуында «Рәхмәт-2024» акцияһының суперприздары уйнатыла. Унда сайтта теркәлгән QR-билеттар ҡатнаша.

«Ҙур Рәхмәт» приздары араһында: өс фатир, автомобиль, дүрт квадроцикл, Сочиға ғаилә сәйәхәтенә юллама, Башҡортостандағы ял базаһына ғаилә турына сертификат.

«Был акцияла аҙаҡҡы отош. Барыһына ла уңыштар теләйбеҙ! Тура эфирҙа осрашырбыҙ, иртәнге сәғәт һигеҙҙә БСТ-ны ҡуйырға онотмағыҙ», - ти ойоштороусылар комитеты вәкиле Регина Ҡадырова.

Радий Хәбиров икенсе мөҙәттә Башҡортостан башлығы вазифаһын үтәй башланы

Тантаналы ултырыш бөгөн Дәүләт Йыйылышы - Ҡоролтай йортонда үтте. Инаугурацияла Рәсәй Президентының Волга буйы федераль округындағы тулы хоҡуҡлы вәкиле Игорь Комаров, Дәүләт Думаһы, Башҡортостан парламенты депутаттары, министрлыҡ-ведомство етәкселәре, йәмәғәт эшмәкәрҙәре, махсус хәрби операция яугирҙары һәм башҡа почетлы ҡунаҡтар ҡатнашты. Сарала республиканың Үҙәк һайлау комиссияһы рәйесе Азат Ғәлимханов Радий Хәбировҡа Башҡортостан Башлығы таныҡлығын тапшырҙы.

Махсус хәрби операцияға ярҙам - республика өсөн өҫтөнлөклө йүнәлештәрҙең береһе

Башҡортостан башлығы Радий Хәбиров тантаналы ултырышта сығыш яһап, хәрбиҙәрҙең киләсәген хәстәрләй башлау мөһимлеген билдәләне. Әүҙем тормош позицияһы булған ветерандар дәүләт һәм муниципаль власть органдарына эшкә йәлеп ителәсәк. Хеҙмәт урындарына килгәндә, һуңғы биш йылда республикала бер-бер артлы яңы производстволар асылды, сәнәғәт үҫеше күҙәтелә.

Өфө лимонарийында урмансылар көнөнә арнап акция уҙғарылды

Сарала ҡатнашыусылар банандарҙы ҡырҡты. Йылы яҡ үҫемлеге ни өсөн ҡышҡылыҡҡа ҡалдырылмай? Яуап киләһе яҙмала.

БСТ телеканалында «Рәхмәт-2024» акцияһының суперприздары уйнатыла

Иртәгә БСТ телеканалының «Сәләм» тапшырыуы тура эфирында «Рәхмәт-2024» акцияһының суперприздары уйнатыла. Унда сайтта теркәлгән барлыҡ QR-билеттар ҡатнаша. «Ҙур Рәхмәт» приздары араһында өс фатир, автомобиль, дүрт квадроцикл, Сочиға юллама, Башҡортостандың ял базаһына ғаилә туры бар. Был акцияның йомғаҡлау уйыны. Тура эфир иртәнге сәғәт 8-ҙә.

Яңауылдан дүрт бер туған тыуған ил һағын баҫҡан

Район хакимиәте башлығы Салауат Ғилмиев социаль селтәрҙәге сәхифәһендә дүрт улы Ватан һағына баҫҡан Сәләховтар ғаиләһе хаҡында яҙған.

Өлкәне Игорь махсус хәрби операцияла контузия алған. Өйөнә ҡайтып, байтаҡ ауырлыҡтарҙы еңеп сыҡҡас, хәҙер ул яңы тормош башлай.

Игеҙәк улдары Виталий менән Валерий ҡыҙыу нөктәләрҙә ҡатмарлы операцияларҙа ҡатнашҡан.

Кинйәләре Кирилл — разведчик, махсус хәрби операцияның тәүге көндәренән алып хәл-ваҡиғалар уртаһында. Өс йыл хеҙмәт осоронда бер тапҡыр ҙа ағайҙары менән күрешмәгән. Бына, ниһайәт, улар күмәкләп ата-әсә йортона йыйылды.

Наталья һәм Виктор Сәләховтар хәҙер хаҡлы ялда. Быйыл улар бергә ғүмер итеүҙәренә 40 йыл тулыуҙы билдәләй.

Дүртөйлөлә 4 йәшлек малайҙың ҡулы тимер ҡоймаға ҡаҙалған

Дүртөйлө үҙәк район дауаханаһы табиптары ҡулы тимер ҡоймаға ҡаҙалған балаға операция яһаған. Операция уңышлы үткән. Башҡортостандың һаулыҡ һаҡлау министры Айрат Рәхмәтуллин үҙенең социаль селтәрҙәге сәхифәһендә хәбәр итеүенсә, кисә кис көнө район дауаханаһына дүрт йәшлек малайҙы килтергәндәр. Уның әсәһе әйтеүенсә, бала урамда уйнап йөрөгән саҡта ҡойма аша дуҫына инергә уйлаған, ләкин ҡолап китеп, ҡулын тимергә эләктергән.

«Хирургтар ашығыс рәүештә кескәй пациентты операция өҫтәленә һалған. Бүлек мөдире Георгий Хан сит есемде алып ташлаған һәм яраны эшкәрткән. Бөгөн малайҙың хәле ҡәнәғәтләнерлек. Ул травматология бүлегендә дауалана», — тип хәбәр итте министр.

Башҡортостан яугирҙары ҡыҫҡа ваҡытлы ялдан һуң махсус хәрби операция биләмәһенә юлланды

Йәнә алғы һыҙыҡҡа. Бөгөн Башҡортостан яугирҙары ҡыҫҡа ваҡытлы ялдан һуң махсус хәрби операция биләмәһенә юлланды. Уларҙы оҙатыу тантанаһы ғәҙәттәгесә, «Өфө-Арена» алдындағы майҙанда үтте. Сараға яугирҙарҙың ҡатындары һәм балалары, ата-әсәләре, дуҫ-иштәре килде.

Баймаҡта «Изгелек марафоны» үтте

«Изгелек марафоны». Баймаҡта Стәрлетамаҡ ҡалаһының «Норис» клиникаһы табиптары һәм «Павильон» рок төркөмө артистары булды. Марафонда ҡатнашыусыларға легендар төркөмдөң концертын ҡараны бушлай табиптарға күренде.

Башҡортостанда Бөтә Рәсәй айыҡлыҡ аҙналығы бара

Ул Рәсәй һаулыҡ һаҡлау министрлығы тарафынан 11 сентябрҙә билдәләнгән айыҡлыҡ көнө сиктәрендә уҙғарыла. Был сараның төп маҡсаты-йәмәғәтселекте алкоголь эсемлектәр ҡулланыуға ҡаршы көрәшкә саҡырыу. Республикала был мәсьәләгә айырым иғтибар бүленә. Властар тыйыуҙар индереп кенә ҡалмай, «Айыҡ ауыл» республика конкурсы кеүек ярыш тәҡдим итә. Мохтаж булғандарға Өфөлә 14 йыл инде хәмер ҡулланған кешеләр өсөн социаль-реабилитация үҙәге эшләй. Был хаҡта тулыраҡ киләһе яҙмала.

Континенталь хоккей лигаһы уҙған аҙнаның оҫталыҡ индексын иғлан итте

Иң юғары баҫҡысты Ярославлдән “Локомотив” клубы биләй. Омскиҙың “Авангард”ы менән Мәскәүҙән “Спартак” командалары икенсе-өсөнсө урындарҙы бүлешә. “Салауат Юлаев” рейтингта 4-се баҫҡысҡа ҡуйылған. Юлаевсылар чемпионатта 3 уйын уҙғарып, өсөһөндә лә еңеү яуланы. Иртәгә беҙҙең хоккейсылар Екатеринбургта “Автомобилист” менән көс һынаша.

Өфөлә район-ҡала архитекторҙары өсөн даими уҡыуҙар ойошторолдо

Башҡортостандың төҙөлөш һәм архитектура министрлығы район-ҡала архитекторҙары өсөн даими уҡыуҙар ойоштора. Сираттағы семинар Шишмә районындағы «Патриот» паркы биләмәһендә уҙғарылды. Ҡатнашыусылар алдында башҡарма власть органдары, төҙөлөш өлкәһе вәкилдәре сығыш яһаны.

Башҡортостандан Көньяҡ Донецк йүнәлешендә мобилизацияланғандар сираттағы ротацияға сыҡты

Көстәрҙе алмаштырып. Башҡортостандан Көньяҡ Донецк йүнәлешендә мобилизацияланғандар сираттағы ротацияға сыҡты. Уларҙың ял итеү, йыуыныу, ҡорал таҙартыу өсөн бер нисә көнө бар. Шулай уҡ был ваҡытты улар туғандары менән бәйләнеш өсөн файҙалана. Был хаҡта тулыраҡ киләһе яҙмала.

Республикала бер ай эсендә «Рекрут» проектында 750 кеше ҡатнашҡан

Улар башлыса контракт буйынса хеҙмәт итеү тураһында мәғлүмәт таратыусы ирекмәндәр, йәмәғәтселәр. Элек был эш бер нисек тә компенсацияланмаған, август айынан 50 мең һум матди ярҙам түләнә. Дәүләт һәм муниципаль хеҙмәткәрҙәрҙән, хәрби хеҙмәткәрҙәрҙән һәм хоҡуҡ һаҡлау органдары хеҙмәткәрҙәренән тыш, 18 йәштән өлкән граждандарға түләү ҡаралған. Рекрут проектында һәр кем ҡатнаша ала.

Өфөлә артистар милли кейемдәрҙә байрам хороводында әйләнде

Бөгөн республикала Башҡортостан халыҡтары милли кейемдәре көнө билдәләнә. Төбәк халҡы өсөн был мөһим байрам, сөнки бында 100-ҙән ашыу милләт бергә дуҫ йәшәй. Республикала байрам йылына ике тапҡыр үткәрелә. Бөгөн ул бөтә район-ҡалаларҙа ла рухлы кәйефтә үткәрелде. Хөсәйен Әхмәтов исемендәге Башҡорт дәүләт филармония артистары «Башҡортостан» тип исемләнгән өр-яңы йыр тәҡдим итте. Ойошманың бөтә артистары милли кейемдәрҙә байрам хороводында әйләнде.

Өфө ҡалаһы тарихы музейы ойошторолоуға 5 йыл

Иҫтәлекле дата уңайынан музейҙың тәүге ҡаҙаныштары билдәләнде, гүзәл баш ҡала тарихын һаҡлауға тос өлөш индергән хеҙмәткәрҙәр бүләкләнде. Биш йыл дауамында тарихи экспозицияларҙы тулыландырыу, архив материалдар туплау буйынса ҙур эш башҡарылған. Дүрт залда Өфөнөң ағас ҡәлғә булған ваҡытынан алып, заманса мегаполисҡа әйләнгәненә тиклем әйберҙәр күрһәтелгән. Тулыраҡ мәғлүмәт киләһе яҙмала.

Өфөлә китап магазины асылды

Зәйнәб Биишева исемендәге Башҡортостан «Китап» нәшриәте сығарған продукция Өфөнөң тарихи үҙәгендә һатыласаҡ. Тантанала абруйлы ҡунаҡтар, яҙыусылар, шағирҙар, мәҙәниәт һәм сәнғәт эшмәкәрҙәре ҡатнашты. Тәүге көндә баҫма ташламалар ҙа тәҡдим ителде. Фирма магазины киләсәктә республикабыҙ мәҙәниәтенә һәм әҙәбиәтенә ярҙам итергә, авторҙар һәм нәшриәтселәр өсөн майҙансыҡ булдырырға тейеш. Ул төрлө йәштәге уҡыусыларҙы йәлеп итеү, мәҙәни ваҡиғалар ойоштороу үҙәге булыр тип күҙаллана.

Башҡортостанда талпандан зыян күреүселәр күп

Башҡортостанда быйыл талпандан зыян күргән 8 мең 100-ҙән ашыу кеше медицина учреждениеһына мөрәжәғәт иткән. Гигиена һәм эпидемиология үҙәге лабораторияһы белгестәре 9 меңләп бөжәкте тикшергән, уларҙың 1 процентында энцефалит вирусы асыҡланған. Республикала балаларҙы һауыҡтырыу һәм ял лагерҙарындағы бөтә майҙандар талпанға ҡаршы эшкәртелгән. Йыл башынан 25 меңгә яҡын кеше энцефалиттан прививка алған.