Владимир Путин указы менән Башҡортостандан мобилизацияланыусыға дәүләт наградаһы тапшырылды

Бүләк үҙ геройын тапты. Владимир Путин указы менән Башҡортостандан мобилизацияланыусыға дәүләт наградаһы тапшырылды. Алғы һыҙыҡтан сыҡҡандан һуң «Серый» ҡушаматлы яугирға Георгий Жуков миҙалы тапшырылды. Бындай миҙал менән Ватан һәм Рәсәй дәүләте мәнфәғәттәрен яҡлауҙа күрһәткән батырлыҡ күрһәткән хәрбиҙәрҙ бүләкләнә. Ҡаһарман яугир һәм уның хеҙмәттәштәренең фронттағы ториошо хаҡында киләһе яҙмала.

Алексей Локотченко махсус хәрби операцияла хеҙмәтен дауам итергә ҡарар итте

«Тыуған илемде яҡлауһыҙ ҡалдырмаясаҡмын». Дәүләт Йыйылышы -Ҡоролтай депутаты Алексей Локотченко Курск өлкәһендә барған ваҡиғалар менән бәйле махсус хәрби операцияла хеҙмәтен дауам итергә ҡарар итте. Парламентарий февралдә Рәсәй Оборона министрлығының ирекле корпусы менән контракт төҙөй. Һәм унда «Пятнашка» интернациональ бригадаһында хәрби артиллерия расчеты командиры вазифаһында хеҙмәт итә.

Башҡортостанда рекрут проекты дауам итә

Бер ай эсендә программа сиктәрендә 650-нән ашыу кеше Оборона министрлығы менән контракт төҙөргә теләк белдергән. Рекрут нигеҙенә Башҡортостан ДОСААФ бүлеге алып барған агитация эше ята. Ирекмәндәр махсус хәрби операцияға гуманитар ярҙам туплай, бынан тыш, контракт төҙөргә теләүселәр менән аңлатыу эше алып бара. Агитация үткәргән һәм буласаҡ һалдаттарҙы хәрби хеҙмәткә йәлеп иткәндәргә 50 мең һумлыҡ матди ярҙам ҡаралған.

Стань одним из 500 волонтёров международного события 💪

Продлевается прием заявок волонтёров на XII Международный форум «Россия — спортивная держава» 🔥

⚡️Форум «Россия — спортивная держава» пройдёт в Уфе в октябре 2024 года. Это будет масштабное событие, которое соберёт вместе профессионалов и любителей спорта со всего мира.

💜 Условия для волонтëров: питание, экипировка, уникальная мотивационная программа, верифицированные часы, благодарности.

👉 Регистрация открыта до 12 сентября на платформе Добро.рф по ссылке: https://dobro.ru/event/10776962

Ғаилә, мөхәббәт һәм тоғролоҡ көнө уңайынан түләүҙәр булыуы мөмкин

Президент Владимир Путин хөкүмәткә ошондай мөмкинлекте өйрәнергә ҡушты. Байрам уңайынан йыл һайын күп балалы ғаиләләргә аҡса бирергә тәҡдим ителә. Башланғыс буйынса доклад декабргә тиклем әҙер булырға тейеш. Ғаилә, мөхәббәт һәм тоғролоҡ көнө 8 июлдә билдәләнә.

Башҡортостан спортсылары күсмә халыҡтар уйындарында тәүге миҙалдар яуланы

Спорт министрлығынан хәбәр итеүҙәренсә, милли көрәштә Алена Фатыхова - көмөш, Камилла Зөлҡәрнәева бронза наградаға лайыҡ булды. Ләйлә Шаһисолтанова мас-рестлингта икенсе урын алды. Бөтә донъя күсмә халыҡтар уйындары Астанала үтә. Ярыштар 13 сентябргә тиклем бара. Башҡортостандан унда 26 спортсы ҡатнаша.

Билдәле спортсы, парламент депутаты Джефф Монсон октябрҙә никах уҡыта

Ул ислам динен ҡабул итте. "Октябрҙә ислам йолаһы буйынса никахҡа инәбеҙ. Тантана Өфө мәсеттәренең береһендә була. Туй киләһе йылдың яҙында көтөлә", тип белдерҙе ул. Джефф Монсон ҡатнаш алыш спортында сығыштары менән билдәле. 2018 йылда Рәсәй паспортын алды. 2023 йылда Америка гражданлығынан баш тартты.

Радий Хәбиров Башҡортостан дәүләт ҡурайсылар ансамбленең тәүге клибын тәҡдим итә

Унда «Ҡағы ташы», «Атлы ғәскәр маршы», «Йәнтүрә маршы» көйҙәре һәм башҡорттарҙың боронғо гимны «Урал» яңғырай. Ансамблдең ғүмере сағыу, ҡурай моңондай оҙон булһын! Барығыҙға ла матур көн теләйем, тип яҙа Башҡортостан Башлығы.
https://vk.com/video413272232_456240335

«Серый» Георгий Жуков миҙалы менән бүләкләнгән

Өфөнән махсус хәрби операция яугире Рәсәй президенты указы менән Георгий Жуков миҙалы менән бүләкләнгән. Яҡташыбыҙ махсус операция биләмәһендә хәрби бурысын үтәгәндә ҡаһарманлыҡ күрһәткән. Был хаҡта «Фронт хаттары Башҡортостан полкы» telegram-каналы хәбәр итә.

«Серый» алғы һыҙыҡта разведчик-снайпер булып хеҙмәт итә. Хеҙмәттәштәре фекеренсә, ул үҙенең подразделениеһында иң мәргән уҡсыларҙың береһе, шуға күрә ул бындай наградаға тулыһынса лайыҡ.

Алъяпҡыс уйнатабыҙ!

БСТ каналының телеграм-каналында шәп отоштар дауам итә. Каналға яҙылған дуҫтарыбыҙ араһында милли биҙәкле алъяпҡыс уйнатабыҙ. Еңеүсе 18 сентябрҙә иғлан ителәсәк. Отоштоң бағыусыһы — «Имран» милли кейем магазины.

Бының өсөн «Бәйләнештә» селтәрендәге яҙма аҫтына комментарий ҡалдырырға һәм телеграм-каналға яҙылырға кәрәк!

Ҡатнашыу өсөн һылтанма: https://vk.com/wall-212341800_35382

Өфөлә «Рәсәй - спорт державаһы» форумының әҙерлек мәсьәләләре буйынса ултырыш үтте

«Рәсәй - спорт державаһы» Халыҡ-ара форумы Өфөгә йөҙҙән ашыу сит ил дәүләттәре вәкилдәрен йыя. Республика менән идара итеү үҙәгендә Башҡортостан Башлығы Радий Хәбиров 17-19 октябрҙә уҙасаҡ форумдың төбәк ойоштороу комитеты менән әҙерлек мәсьәләләре буйынса ултырыш уҙғарҙы. Хәтерегеҙгә төшөрәбеҙ, илдең төп спорт сараһы Рәсәй Президенты Владимир Путин ҡарары менән Башҡортостан ҡабул итә.

Башҡортостан баҫыуҙарында ураҡ кампанияһы тамамланыу алдында

Ауыл хужалығы эшсәндәре баҫыуҙарҙа бойҙай, шәкәр сөгөлдөрө, майлы культураларҙы йыйыу менән мәшғүл. Шишмә районы аграрийҙары ла ҡояшлы көндәрҙе һөҙөмтәле файҙаланып ярауай бойҙайҙы урып-һуға, ужым культураларын сәсеүгә әҙерләнә. Ҙур хужалыҡта бойҙай уңышының уртаса гектар ҡеүәте 32 центнерға етә.

Стәрлетамаҡ районында модулле фельдшер-акушерлыҡ пункты асылды

Был районда һуңғы йылдарҙа файҙаланыуға тапшырылған.8-се һаулыҡ һаҡлау учреждениеһы. Шихан ауылында ФАП «Һаулыҡ һаҡлауҙың беренсел звеноһын модернизациялау» программаһы буйынса сафҡа инде. Унда 400-гә яҡын кешегә сифатлы медицна ярҙамы күрһәтелер тип күҙаллана.

Өфө тимер юл вокзалы бөгөн Геройҙар поезын ҡабул итә

Проект Рәсәйҙең яңы төбәктәре уҡыусыларын илдең ҡалалары, тарихи-мәҙәни ҡомартҡылары менән таныштырыуҙы маҡсат итеп ҡуя. Составта Луганск, Донецк республикаларынан, Херсон, Запорожье өлкәләренән, Себер, Алыҫ көнсығыш федераль округынан уҡыуҙа, спортта, йәмәғәт эштәрендә алдынғы булған 100-гә яҡын уҡыусы. Улар бөгөн Башҡортостандың баш ҡалаһы менән танышты.

Өфөнөң 116-cы мәктәбенең өлкән класс уҡыусылары Рәсәй Геройы Борис Дудко менән осрашты

Ҡаһарман яҡташыбыҙ үҫеп килгән быуынға мәктәптә һәм танк хәрби училищеһында уҡыған йылдары, хәрби хеҙмәте, яу юлы тураһында һөйләне. Йәштәрҙе илһөйәр булырға, маҡсаттар ҡуйып йәшәргә, тарихты өйрәнергә саҡырҙы.

Башҡортостандан мобилизацияла ҡатнашыусылар Рәсәй оборона министрлығы менән контракт төҙөй

Контракт буйынса хеҙмәт итергә киткән яугирҙар 3 миллион 725 мең һумлыҡ түләү алыу мөмкинлегенә эйә. Хәҙер бер тапҡыр түләнгән сумма 1 миллион 205 мең һумға етә. Президент Владимир Путин 1 августан алып йыл аҙағына тиклем махсус хәрби операция биләмәһендә хеҙмәт итеү өсөн контракт төҙөйәсәк хәрбиҙәргә 400 мең күләмендә федераль түләү тураһындағы указға ҡул ҡуйҙы. Ә 10 июлдән Радий Хәбиров ҡушыуы буйынса бер тапҡыр бирелә торған түләү күләме лә арттырылды. Башҡортостанда шулай уҡ «Рекрут» проекты ла һөҙөмтәле эшләй. Контракт хеҙмәтенә ҡул ҡуйыуҙы ойоштороуҙа ярҙам итеүсе ирекмәндәргә 50 мең һум күләмендә түләү ҡаралған.

Башҡортостанда йәмәғәт урындарында вейп һәм кальян тартҡан өсөн штраф була

Дәүләт Йыйылышы – Ҡоролтай депутаттары Административ хоҡуҡ боҙоуҙар кодексына үҙгәреш әҙерләгән. Закон проектына ярашлы, мәктәп, дауахана, поезд, парк, йәмәғәт транспорты туҡталышы, ер аҫты үткәлеүе кеүек халыҡ күпләп йөрөгән урындарҙа ябай йәки электрон тәмәке, вейп һәм кальян тартҡан өсөн 1 мең һумғаса штраф һалына. Документ сентябрҙәге пленар ултырышта ҡарала.

Джефф Монсон октябрҙә никах уҡытырға йыйына

Октябрҙә Рәсәй һәм Америка спортсыһы, Башҡортостан Дәүләт Йыйылышы - Ҡоролтай депутаты Джефф Монсон өйләнә. Ул кәләше менән никах уҡытмаҡсы.

Билдәле булыуынса, кәләштең исеме Екатерина, ә ҡунаҡтар менән туй 2025 йылдың яҙында була.

«Октябрҙә беҙ Екатерина менән ислам йолалары буйынса өйләнешәбеҙ. Яратҡан ҡаламда, Өфө мәсеттәренең береһендә никах уҡытырға булдыҡ. Шәхси тормошобоҙҙо асыҡтан-асыҡ күрһәтеүҙе хупламайбыҙ. Екатерина сығышы менән Мәскәү өлкәһенән, Воркутала йәшәгән. Хәҙер беҙ бергә. Туйҙы 2025 йылдың яҙында үткәрәбеҙ», — тип һөйләгән РИА Новости Спорт агентлығына Джефф Монсон.

Башҡортостан Республикаһы Башлығы вазифаһын үтәй башлауға арналған тантана.

12 сентябрь сәғәт 10-да. Республикала мөһим сәйәси ваҡиға – Радий Хәбировтың Башҡортостан Башлығы вазифаһын үтәй башлауына арналған тантаналы сара.

БСТ, Рәсәй 24, Башҡортостан 24, ЮТВ, Вся Уфа телеканалдарында, Юлдаш радиостанцияһында һәм социаль селтәрҙәрҙә (https://vk.com/radiyhabirov , https://ok.ru/radiyhabirov) тура эфирҙа ҡарағыҙ һәм тыңлағыҙ

Радий Хәбиров «Геройҙар дәүере» программаһында ҡатнашыусы Оскар Ситдиҡов менән осрашты

Яҡташыбыҙ ике йылдан ашыу махсус хәрби операцияла хәрби бурысын үтәп, генерал Шайморатов ордены менән бүләкләнгән. Быйыл июлдән ул «Геройҙар дәүере» президент кадҙар программаһында ҡатнаша. Оскар Ситдиков Башҡортостан башлығы хакимиәтендә Радий Хәбиров остазлығында стажировка үтә. Осрашыуҙа ул төбәк етәксеһенә республикаға идара итеү процестарын эстән күреү мөмкинлеге өсөн рәхмәт белдерҙе.

Башҡортостан яугирҙары ҡыҫҡа ваҡытлы ялдан һуң махсус хәрби операция биләмәһенә юлланды

Йәнә алғы һыҙыҡҡа. Бөгөн Башҡортостан яугирҙары ҡыҫҡа ваҡытлы ялдан һуң махсус хәрби операция биләмәһенә юлланды. Уларҙы оҙатыу тантанаһы ғәҙәттәгесә «Өфө-Арена» алдындағы майҙанда үтте. Сараға яугирҙарҙың ҡатындары һәм балалары, ата-әсәләре, дуҫ-иштәре килде.