Радий Хәбиров Нефтекамала махсус хәрби операцияла һәләк булған яугирҙарҙың ата-әсәләре һәм ҡатындары менән осрашты

Башҡортостан Башлығы Радий Хәбиров Нефтекама ҡалаһында махсус хәрби операцияла һәләк булған Денис Богданов, Валерий Фаршатов, Альберт Латипов, Артем Бурасов, Руслан Әхмәҙиев, Андрей Ташкинов, Тимур Стогов, Илмир Вилданов, Рөстәм Вәлиевтың ата-әсәләре һәм ҡатындары менән осрашты. Республика етәксеһе хәрби хеҙмәткәрҙәрҙең ғаиләләренә ихлас ҡайғы уртаҡлашыуын белдерҙе һәм уларға Шайморатов орденын тапшырҙы. Һеҙҙең улдарығыҙ ысын геройҙар, улар менән менән ғорурлана алаһығыҙ, тине Радий Хәбиров.

Ысынбарлыҡҡа тап килмәгән хаҡ һүҙ була алмай

Башҡортостан башлығы хакимиәте етәксеһенең эске сәйәсәт буйынса беренсе урынбаҫары Азат Бадрановтың Баймаҡ районы халҡы менән осрашыуынан һуң ҡайһы бер баҫма һәм телеграм-каналдар халыҡ властарҙы тәнҡитләй тигән мәғлүмәттәр сығарҙы. Иҫбатлау маҡсатында урында йәшәүсе кешенең сығышын яҙҙырып һалғандар. Ләкин был видео киҫәгендә һуңынан нимә булғанын күрһәтмәгәндәр. БЮТ хәбәрселәре был яҙмаларҙың ысынбарлыҡҡа тап килмәүен фашланы.

Ейәнсура районының мәҙәниәт өлкәһе ыңғай үҙгәрештәр кисерә

Һуңғы йылдарҙа ауыл клубтары тәртипкә килтерелә, яңы йыһаздар менән байытыла. Район үҙәгендәге мәҙәниәт йортона ла заманса ҡоролмалар һатып алынған. Быларҙың барыһы ла төрлө проекттарҙа ҡатнашыу һөҙөмтәһендә тормошҡа ашырылған. Яңы уңайлыҡтар халыҡты мәҙәни тормошҡа йәлеп итеүҙе еңеләйтә, ти урындағылар.

Стәрлебаш районында урынлашҡан лагерҙа яңы смена башланды

51 йыл дауамында бында яҡын-тирәләге төбәктәрҙән һәм Рәсәйҙең ҡаһы бер субъектарынан меңдәрсә бала ял итә. Быйыл, яңы исем алып, реконструкция үткәндән һуң, элекке «Орленок» лагеры 600-ҙән ашыу баланы ҡабул итте.

Башҡортостанда «Фәрзәнә көнбайышҡа атлай» фильмы төшөрөлә башланы

«Фәрзәнә көнбайышҡа атлай». Тиҙҙән Ватан кинематографияһы тулыланасаҡ картина ошо исем менән сыға. Ҡуйыусы режиссер Булат Йосопов бөгөн ижади коллектив менән яңы фильм өҫтөндә эш башланы. Бөйөк Еңеүҙең 80 йыллығына арналған кинотаҫма Учалы районындағы ысын хәл-ваҡиғаларға таянып яҙылған.

Киләһе аҙнала Благовещен ҡалаһында “Ғаилә менән балыҡ тотабыҙ” тип аталған Бөтә Рәсәй фестивале уҙа. Ул Ғаилә йылына арнала. “Беҙ ғаиләләрҙе һәм туғандарҙы берләштерергә, тәбиғәттә әүҙем ял итеүҙе пропагандаларға булдыҡ”, тип белдерә сараны ойоштороусылар. Фестиваль барышында балыҡ тотоу буйынса ярыш, оҫталыҡ дәресе уҙғарыла, белгес кәңәше алырға мөмкин. Балалар өсөн уйындар һәм ярыштар ҡаралған. Фестивалдә 5 кешенән торған ғаилә командалары ҡатнаша ала. Заявкалар 24 июлгә тиклем ҡабул ителә. Тулыраҡ мәғлүмәт менән Благовещен районы хакимиәте сайтында танышырға була.

Федераль ҡаҙнасылыҡтың Башҡортостан буйынса идаралығы хеҙмәткәрҙәре МХО-ға маскировка селтәрҙәре үрә

Күңел ҡушыуы буйынса. Федераль ҡаҙнасылыҡтың Башҡортостан буйынса идаралығы хеҙмәткәрҙәре махсус хәрби операцияға маскировка селтәрҙәре үрә.
Ойошманың тамаша залы ҡырмыҫҡа иләүен хәтерләтә. Берәүҙәр махсус ҡоролмала туҡыманы таҫмаларға ҡырҡа, икенселәре оҙон таҫмаларҙы үрерлек итеп бүлә, өсөнсөләре селтәр бәйләй. Ә ике ҙур өҫтәл артында маскировка селтәрҙәрен үреү бара. Федераль ҡаҙнасылыҡ хеҙмәткәрҙәре тәүҙә селтәр үрергә «Масксети щит Өфө» ойошмаһына йөрөгән. Һуңынан уңайлыраҡ булһын өсөн был эште үҙҙәрендә ойошторорға хәл иткән.

Радий Хәбиров социаль селтәрҙәге сәхифәһенә уйнаҡлап йөрөгән зубр менән видеояҙма һалған

Ә был беҙҙең зубр быҙауы. Ул Күгәрсен районында төшөрөлгән. Күрәһең, ҡырағай хайуанға беҙҙең башҡорт урмандарында оҡшай. Белорус-башҡорт зубрҙары ғаиләһендә быҙауҙар артабан да барлыҡҡа килер тип ышанабыҙ, тип яҙған Башҡортостан башлығы.

Нефтекамала урындағы баҡсасылар өсөн 30 бушлай сауҙа майҙансығы булдырылған

Радий Хәбиров төбәккә эш сәфәре барышында баҡса яны участкаларында урындағы халыҡтың һата торған сауҙа майҙансыҡтарын ҡараны. Республика етәксеһе баҡсасылар менән аралашты, улар өсөн булдырылған бушлай сауҙа рәттәре уңайлымы, тип ҡыҙыҡһынды. Шулай уҡ йәшелсә, картуф һәм ер еләге һатып алды.

Баймаҡ районында «Башҡорт аты» Халыҡ-ара фестиваленә әҙерлек барышы тикшерелде

Аттар парады, ҡымыҙ-фест һәм батырҙар ярышы. Баймаҡ районында «Башҡорт аты» Халыҡ-ара фестиваленә әҙерлек барышы тикшерелде. Йола буйынса ул Граф күле буйында үтәсәк. Сара йылҡысылыҡ, ҡымыҙ бешеү, кәсептәр, спорт ярыштары традицияларын һаҡлау һәм үҫтереү маҡсатында уҙғарыла.

Өфөнөң Яҡутов исемендәге паркта «Йәй байрамы» үтте

Был сарала Донбасс һәм Фәләстан балалары ҡатнашты. Байрамға шулай уҡ баш ҡаланың Киров районынан махсус хәрби операцияла ҡатнашҡан яугирҙарҙың балалары ла саҡырылды. Йәш ҡунаҡта өсөн ҡыҙыҡлы анимация программаһы әҙерләнгән, йыр, бейеү һәм аттракциондар ойошторолған. Шулай уҡ балалар Башҡортостанда етештерелгән туңдырма менән һыйланды. Сараны дәүләт йыйылышы-ҡоролтайҙың йәштәр йәмәғәт палатаһы 3 йыл ойоштора.

Ҡайғылы хәбәр...

Махсус хәрби операцияла Сибай театр-концерт берекмәһенең артисы, талантлы бейеүсе Рәил Ханов һәләк булды...

Яҡындарының һәм туғандарының ауыр ҡайғыһын уртаҡлашабыҙ... Яугир менән бәхилләшеү 19 июлдә Ҡорама ауылының 1 май урамында урынлашҡан мәсет янында уҙғарыла.

Өфөләге «Рәсәй - спорт державаһы» халыҡ-ара форумына 5 меңдән ашыу ҡунаҡ киләсәк

Башҡортостан башлығы Радий Хәбиров видеоконференция режимында күләмле сараға әҙерлек буйынса федераль ойоштороу комитетының беренсе ултырышында ҡатнашты. Уны Рәсәй Хөкүмәте рәйесе урынбаҫары Дмитрий Чернышенко үткәрҙе. Вице-премьер форумдың илдәге иң ҙур халыҡ-ара спорт ваҡиғаларының береһе буласағын билдәләне

Бөгөн Башҡортостан башлығы Радий Хәбиров сираттағы «Инвестиция сәғәте»н үткәрҙе

Унда иҡтисадтың һәм социаль өлкәнең төрлө тармаҡтарында яңы проекттар ҡаралды. «Нефтекама ит комбинаты» етәкселеге эшкәртеү предприятиеһын яңыртыу пландары менән уртаҡлашты.

Шаҡша күперенең бер өлөшөндә асфальт-бетон япмаһын түшәү тамамланыу алдында

Бөгөн юлсылар күпер яндауҙарын тулыһынса яңыртыуға тотонған. Иҫегеҙгә төшөрәбеҙ, объектта төҙөкләндереү эштәре «Хәүефһеҙ һәм сифатлы юлдар» милли проекты буйынса алып барыла. Ремонтҡа 2 миллиард һумдан ашыу аҡса йүнәлтелгән.

Өфөлә Башҡортостандағы тәүге аҙыҡ-түлек банкы асылды

Ул кешеләргә бушлай аҙыҡ алырға йәки, киреһенсә, артығын бүлешергә ярҙам итә. Бөгөн бүлеү үҙәгенең баш офисы асылды. Аҙыҡ-түлек ошонда тупланасаҡ. Уларға башлыса 65 йәштән өлкәндәр, яҡын туғандары булмағандар һәм аҙ тәьмин ителгән ғаиләләр мохтаж. Социаль проекттың төп лозунгы «Бүлешеү мөһим» тигән тәрән мәғәнәгә эйә.

Башҡортостанда «Ауыл тренеры» программаһы уңышлы эшләп килә

Башҡортостанда «Ауыл тренеры» программаһы буйынса түләүҙе торлаҡ шарттарын яҡшыртыуға - йорт, фатир, өй төҙөү өсөн участка һатып алыуға һәм төҙөлөшкә тотонорға мөмкин. Шулай уҡ 1 миллион һумға автомобиль һатып алырға, юғары йәки өҫтәмә белем биреү учреждениеларында уҡып сығырға була. Был программа менән Ейәнсура районынан 7 тренер файҙаланған.

Башҡортостанда урып - йыйыу кампанияһы башланды

Тәүге мең тонна уңыш йыйып алынған да инде. Был турала социаль селтәрҙәрҙә Радий Хәбиров яҙҙы. «Ураҡ эштәренә республиканың көнбайыш райондары тотонған. Көньяҡта һәм Урал аръяғында әлегә ямғыр яуа. Дөйөм алғанда, йыл ғәҙәти булмаған, климат шарттары буйынса ҡатмарлы килә.

Радий Хәбиров ауыл биләмәләре башлыҡтарының зона семинарында ҡатнашыусылар менән осрашты

Шишмә районында ойошторолған сараға республиканың 15 төбәге вәкилдәре йыйылды. Республика башлығы билдәләүенсә, былтыр 9 зона семинары үткәрелгән, уларҙың йомғаҡтары буйынса 68 йөкләмә бирелде, күпселеге үтәлгән. Быйыл осрашыуҙар форматын үҙгәртергә һәм «Патриот» паркы биләмәһендә ике көнлөк семинарҙар үткәрергә ҡарар ителгән. Бөгөн төп бурыс - махсус хәрби операцияға ярҙам итеү. Тәү сиратта, был беҙҙең яугирҙарға ярҙам итеүгә ҡағыла.
Радий Хәбиров, республика хәрби хеҙмәткәрҙәрҙең һәм һәләк булған яугирҙарҙың ғаиләләре хаҡында хәстәрлек күрергә тейеш, тип билдәләне.

Ейәнсура районының Балалар сәнғәт мәктәбе яңы музыка ҡоралдары менән тулыланды

Ейәнсура районының Сөләймән Абдуллин исемендәге Балалар сәнғәт мәктәбе яңы музыка ҡоралдары менән тулыланды. Яңы музыка ҡоралдарынан көйҙәр ҙә моңлораҡ яңғырай, ти уҡыусылар. Дәрестәр хәҙер өр-яңы рояль, аккустик һәм һанлы пианино артында үтә. “Мәҙәниәт” милли проекты сиктәрендә музыка мәктәбенә тағы ла баян, аккордион, гитара, домбра һатып алынған. Тынлы инструменттар менән шөғөлләнеүселәр ҙә ситтә ҡалманы.

Баймаҡ районының үҙенсәлекле балалары ата-әсәләре менән бәләкәй сәйәхәткә сыҡты

Улар «Орленок» балалар һауыҡтырыу лагерына ҡунаҡҡа барҙы. Һаулыҡтары буйынса мөмкинлеге сикле балалар өсөн бер көнлөк ял. “Орленок”та улар тиҫтерҙәренең мөхитенә тиҙ ҡушылды: гитарала моңло йырҙартыңланы, дәртле бейеүҙәр ҡараны. Талкаҫ күле буйлап виртуаль экскурсия үтте. Ямғырлы һауа торошо ла уларҙың кәйефен һис төрөшмәне.