Башҡортостан милли проекттар буйынса алдынғы төбәктәр иҫәбендә

Был турала Рәсәй Хөкүмәте рәйесе урынбаҙы Марат Хөснуллин билдәләне. Вице-премьер видеобәйләнеш режимында төбәк үҫеше буйынса Хөкүмәт комиссияһы президиумы ултырышын үткәрҙе. Уның эшендә Башҡортостан башлығы Радий Хәбиров ҡатнашты.

«Инвестиция сәғәте»дә юл тармағында, мәғарифта һәм хеҙмәтләндереү өлкәһендә яңы проекттар хупланды

Радий Хәбиров етәкселегендә үткән сираттағы тематик кәңәшмәлә иҡтисадтың һәм социаль өлкәнең төрлө тармаҡтарында яңы башланғыстар ҡаралды. «Юкси Парк» компанияһы вәкилдәре Өфөнөң Нуғай ауылында 140 урынлыҡ балалар баҡсаһы менән берләштерелгән 300 урынлыҡ мәктәп төҙөү проектын тәҡдим итте.

Башҡортостанға туристар ағымы арта

Был республикала шул иҫәптән ял урындары күбәйеүенә лә бәйле. Ял базаларын үҫтереүҙе Радий Хәбиров төбәк менән етәкселек итә башлау осоронда туризм йүнәлешендә төп бурыстарҙың береһе тип билдәләгәйне. Башҡортостан башлығы ҡушыуы буйынса эске туризм менән шөғөлләнгән эшҡыуарҙар өсөн грант һәм субсидиялар системаһы, ташламалар булдырылды. Матди ярҙамға республиканың төрлө райондарында ял йорттары төҙөлә, инфраструктура булдырыла.

Башҡортостан башлығы вазифаһына кандидат күрһәтеү тураһында документтар тапшырыу осоро тамамланды

Шулай итеп, һайлауҙа 5 партия вәкиле ҡатнашырға теләк белдергән. Башҡортостан Үҙәк һайлау комиссияһына тәүгеләрҙән булып «Берҙәм Рәсәй» партияһынан тәҡдим ителгән Радий Хәбиров документтар тапшырҙы. Ҡалған партияларға килгәндә, «Ғәҙел Рәсәй» - Владимир Нагорныйҙы, ЛДПР - Иван Сухаревты, «Яңы кешеләр» Илшат Тимерйәновты, Коммунистар - Артур Шәйнуровты тәҡдим итте. Хәтерегеҙгә төшөрәбеҙ, быйылғы һайлауҙар өс көн дауамында - 6, 7 һәм 8 сентябрҙә үтәсәк.

Ейәнсура районы Үтәғол ауылында йәшәүсе халыҡ яугирҙарға ярҙам әҙерләй

Махсус хәрби операция биләмәһендәге яугирҙарға тыл ярҙамы. Ейәнсура районы Үтәғол ауылында йәшәүсе халыҡ ирекмәндәр төркөмәнә тупланып был изге эште күмәк көс менән башҡара.

Өфөнөң «Торатау» Конгресс-холлында һыйырҙарҙы селекциялау мәсьәләләре тикшерелде

Юғары сифатлы ғына түгел, эре баш малдың сәләмәт булыуы ла шарт. Бөгөн Өфөнөң «Торатау» Конгресс-холлында һыйырҙарҙы селекциялау мәсьәләләре тикшерелде. Сара Уралдағы һөт малының тоҡомсолоҡ эше буйынса 66-сы совет ултырышы сиктәрендә үтте. Фекер алышыуҙа илдең алты төбәгенән белгестәр ҡатнашты.

Рәсәй вуздарында ҡабул итеү кампанияһы старт алды

Сығарылыш синыф уҡыусылары өсөн яуаплы осор. Рәсәй вуздарында ҡабул итеү кампанияһы старт алды. Быйыл республика юғары уҡыу йорттары 15 меңгә яҡын бюджет урын тәҡдим итә. Уҡырға инеү ысулдары, яңы йүнәлештәр тураһында ентекләберәк киләһе яҙмала.

Радий Хәбиров хәрби-патриотик тәрбиә буйынса советтың ултырышында ҡатнашты

Башҡортостан башлығы Радий Хәбиров Федерация Советы ҡарамағындағы хәрби-патриотик тәрбиә буйынса советтың беренсе ултырышында ҡатнашты. Уны ил парламенты юғары палатаһы рәйесе урынбаҫары Юрий Воробьёв уҙғарҙы. Ултырыш видеоконференция бәйләнеше режимында уҙҙы.

Өфөлә үтәсәк «Рәсәй - спорт державаһы» форумында ирекмән булараҡ ҡатнашыуға теркәү башланды

Был турала Шишмә районындағы «Патриот» хәрби-илһөйәрлек паркында старт алған Республика ирекмәндәр лагерында иғлан ителде. Быйыл күләмле слетта муниципаль волонтерҙар штабтары, социаль йүнәлештәге коммерция булмаған ойошмалар, йәмәғәт берләшмәләренән өс йөҙҙән ашыу кеше ҡатнашты.

Өфөлә Рәсәйҙең һәм Башҡортостандың халыҡ уҡытыусыһы Лиза Әғәҙуллинаны һуңғы юлға оҙаттылар

Өфөлә Рәсәйҙең һәм Башҡортостандың халыҡ уҡытыусыһы Лиза Ҡыям ҡыҙы Әғәҙуллинаны һуңғы юлға оҙаттылар. Халыҡ-ара кимәлдә танылған педагог менән хушлашырға Башҡортостан башлығы Радий Хәбиров, мәғариф өлкәһе вәкилдәре, коллегалары, уҡыусылары, туғандары килде. Төбәк етәксеһе үҙ сығышында Лиза Ҡыям ҡыҙының тормош юлы уҡытыусылыҡ эшенә һөйөү менән тулы булыуын билдәләне.

Өфөлә Медицина хеҙмәткәрҙәре көнөнә арналған тантаналы ултырыш үтте

Өфөнөң «Торатау» конгресс холында Медицина хеҙмәткәрҙәре көнөнә арналған тантаналы ултырыш үтте. Аҡ халатлыларҙы һөнәри байрамдары менән Башҡортостан башлығы тәбрикләне. Радий Хәбиров халыҡ сәләмәтлеге һағында тороусыларға фиҙаҡәр хеҙмәте өсөн рәхмәт белдереп дәүләт наградаларын тапшырҙы.

Башҡортостан башлығы вазифаһына кандидатлыҡҡа сығыу тураһында документ тапшырыу осоро тамамланды

Һайлауҙа ҡатнашырға биш парламент партияһы вәкиле теләк белдергән. Тәүгеләрҙән республика Үҙәк һайлау комиссияһына «Берҙәм Рәсәй» партияһынан тәҡдим ителгән Башкортостан башлығы Радий Хәбиров документтарын тапшырҙы. «Ғәҙел Рәсәй - Патриоттар хәҡиҡәт өсөн» партияһынан - Владимир Нагорный, ЛДПР-ҙан - Иван Сухарев, «Яңы кешеләр» партияһынан Илшат Тимерйәнов һәм КПРФ-тан Артур Шәйнуров сыҡҡан. Башҡортостан башлығын һайлау 3 көн - 6 сентябрҙән 8-нә тиклем дауам итә.

Өфөлә балалар баҡсаһы тәрбиәселәре өсөн гранттар конкурсының тәүге еңеүселәре билдәләнде

Иң яҡшы проект авторҙарына Башҡортостан башлығы Радий Хәбиров ярты миллион һумлыҡ сертификаттар тапшырҙы. Гранттар конкурсын төбәк етәксеһе былтыр Уҡытыусы һәм остаз йылында булдырғайны. Ул Рәсәйҙә беренсегә үткәрелә.

Әбйәлил районы Юлдаш ауылында яңы мәсет асылды

Әбйәлил районында тағы ла бер ауыл иман нурына ҡойондо. Юлдаш ауылында төбәктәге 55-се мәсет асылды. Берҙәм көс, уртаҡ теләк менән башҡарылған изге эш тә һанаулы ваҡыт эсендә тормошҡа ашырыла. Шуға ла тантаналы сара тотош район халҡын бергә йыйҙы.

Рәсәй Геройы Тамерлан Илһамовҡа 30 йәш тулған булыр ине

Әбйәлил районы егете, махсус хәрби операцияла ҡатнашыусы Тамерлан Илһамов 2022 йылда батырҙарса һәләк булды.

Бөгөн БСТ каналында геройҙың тыуған көнө уңайынан "Ключи от неба Тамерлана Ильгамова" фильмы күрһәтеләсәк.

Бөгөн илдә Хәтер һәм ҡайғы көнө

1941 йылдың нәҡ ошо көнөндә фашист Германияһы СССР-ға һөжүм итә. Был көн Рәсәй тарихында иң фажиғәле даталарҙың береһе һанала. Бөйөк Ватан һуғышында 27 миллион совет һалдаты һәләк була. Башҡортостандан иһә фронтҡа 700 меңләп кеше китә, уларҙың 300 меңе яу яланында ятып ҡала. Хәтер һәм ҡайғы көнөндә һәр кем дәһшәтле йылдарҙы иҫкә ала. Ҡалаларҙа митингылар ойошторола.

Радий Хәбиров республика ирекмәндәр лагерында ҡатнашыусылар менән осрашты

Рәсәй Геройы Максим Серафимов исемендәге «Патриот» хәрби-илһөйәрлек паркында үткән сарала бөтәһе 300 кеше ҡатнашты. Волентерҙар лагеры сиктәрендә улар бында ирекмәнлек эшмәкәрлегенә мотивацияны арттырыуға, социаль эштең иң яҡшы тәжрибәләре менән уртаҡлашыуға, активистарҙың ижади һәм мәҙәни үҫешенә йүнәлтелгән уҡыу курсын үтә. Осрашыуҙы асып, Радий Хәбиров республиканың ирекмәндәр хәрәкәте вәкилдәренә рәхмәт әйтеп, һуңғы йылдарҙа ирекмәнлек роле беҙҙең йәмғиәт өсөн ҙур әһәмиәткә эйә булыуын билдәләне.

Яраланған депутат йәнә Ватан һағына баҫты

Алексей Локотченко махсус хәрби операция биләмәһенә быйыл февралдә юллана, тәүге көндәрҙән үк алғы һыҙыҡта тора. Артиллерия расчеты командиры булып хеҙмәт итә, һуңынан взвод командиры итеп тәғәйенләнә. Хәрби хәрәкәттәр ваҡытында йәрәхәтләнә, эвакуация төркөмө яугирҙы оператив рәүештә госпиталгә алып килә, унда уға операция яһала.

Мәләүез районынан хәрби бәрелештәр ветеранына күп функциялы инвалид коляскаһы тапшырылған

Илдар Кәбиров «Ватанды һаҡлаусылар» дәүләт фондының адаптация программаһына ла эләккән. Алғы һыҙыҡтан яраланып ҡайтҡан яугирҙың социаль-көнкүреш һорауҙарының нисек хәл ителеүе хаҡында киләһе яҙмала.

Ҡариҙел районының Абдулла ауылында бағыр үрсетелә

Был кәсеп менән Ғиндуллиндар ғаиләһе 2016 йылдан алып шөғөлләнә. Балыҡтарҙы һыу менән өҙлөкһөҙ тәьмин итеү өсөн тау шишмәһе эргәһендә яһалма быуа быуылған. Дәүләт гранты ярҙамында фермер хужалығының матди-техник базаһы нығытылған. Төҙөкләнедереүҙән һуң бында туристар ҙа ял итә.

20 июндә Рәсәй вуздарында ҡабул итеү кампанияһы старт алды

Абитуриенттар өсөн ҡыҙыу осорҙоң ҡасанға тиклем дауам итеүе, уҡырға инеү ысулдары, яңы йүнәлештәр, бюджет урындар иҫәбе менән Республика йылдам һөнәри әҙерлек үҙәге етәксеһе урынбаҫары Гәүһәр Ғәлиева таныштырҙы. БЮТ хәбәрсеһе Гөлназ Хәйбуллина әңгәмәһе.