Башҡортостанда дауыл ике машинаны емергән

Республикабыҙҙа һәм күрше Силәбе өлкәһендәге тәбиғәт ғәрәсәте төшөрөлгән видеояҙмалар интернетҡа таралды.

Көслө дауыл һөҙөмтәһендә Әбйәлил районында һигеҙ тимер-бетон бағана, юл билдәләре ҡолаған, заправка зыян күргән һәм ике машина емерелгән. Силәбе өлкәһендәге Субутулак ауылында йорт ҡыйыҡтары осҡан. Бәхеткә күрә, кешеләр зыян күрмәгән.

Сираттағы төркөм мобилизацияланғандар ялдан һуң махсус хәрби операция биләмәһенә юлланды

Уларҙы оҙатырға яҡындары, власть вәкилдәре һәм хәрбиҙәр йыйылды. Яугирҙарҙы Өфө-Арена боҙ һарайы алдынан тантаналы шарттарҙа оҙаттылар. Яҡташтарыбыҙҙы хеҙмәт иткән урындарына тиклем илтеү өсөн уңайлы автобустар бүленгән.

«Башҡортостан» полкы яугирҙары Республика Хәрби дан музейына үҙ ҡулдары менән яһаған ҡурай тапшырҙы

Еңеү көйө. «Башҡортостан» мотоуҡсылар полкы яугирҙары Республика Хәрби дан музейына үҙ ҡулдары менән яһаған ҡурай тапшырҙы. Был милли музыка ҡоралы ҡурай үләненән түгел, ә юҡҡа сығарылған НАТО бронетехникаһының һыуытыу системаһы торбаһынан эшләнгән. Тулыраҡ мәғлүмәт киләһе яҙмала.

Иглин районы Кәлтә ауылында дөйөм практика табибының яңы офисы асылды

Республиканың тағы ла 13 ауылы халҡы заманса һәм уңайлыҡтары булған бинала сифатлы медицина ярҙамы аласаҡ. Иглин районы Кәлтә ауылында дөйөм практика табибының яңы офисы асылды. Был мөмкинлек «Cәләмәтлек» милли проектының беренсел медицина звеноһын модернизациялау программаһын тормошҡа ашырыу ярҙамында булдырылды. Быға тиклем ауылда фельдшер-акушерлыҡ пункты эшләгән, әммә ул 1978 йылда төҙөлгән иҫке бинала урынлашҡан булған. Яңы шарттарҙа күрһәтелгән сифатлы беренсел медицина ярҙамы хаҡында киләһе яҙмала.

Өфөлә иң көслө финанс грамотаға эйә ғаилә билдәләнә

Бөтә Рәсәй ғаилә фестиваленең төбәк этабында тиҫтәнән ашыу команда сығыш яһай, һәр ҡайһыһында кәмендә ике кеше. Һаҡлыҡҡа йыйылған аҡса һәм инвестициялар буйынса һорауҙарға яуап биреүҙән тыш, улар төрлө оҫталыҡ дәрестәрендә, уйындарҙа ҡатнаша.

Өфөлә Әхмәт Сөләймәновтың тыуыуына 85 йыл тулыу уңайынан ғилми-ғәмәли конференция үтте

Башҡорт фольклорын донъяуи кимәлгә күтәргән ғалим Әхмәт Сөләймәновтың тыуыуына 85 йыл тулыу уңайынан бөгөн ғилми-ғәмәли конференция үтте. Фән докторының яҡты иҫтәлегенә арналған сара быйыл өсөнсө тапҡыр ойошторолдо. Конфререцияла халыҡ иғтибарына Әхмәт Мөхәмәтвәли улының ҡулъяҙмалары төп нөсхәләрҙә тәҡдим ителде.

Ауырғазы районында «Табын фест» төбәк-ара фестивале ойошторолдо

Ауырғазы районында йәшәүселәр һабантуйҙы йыр-бейеү, спорт ярыштары менән ҡаршы алды. Бынан тыш, был көндө биләмәлә «Табын фест» табын ырыуҙары йәштәренең 6-сы төбәк-ара фестивале ойошторолдо.

Талпандан зыян күреүселәр арта

Быйыл 4 мең ярымдан ашыу кеше медицина учреждениеларына мөрәжәғәт иткән. Уларҙың һәр өсөнсөһө - бала. Уҙған йылдың ошо осоро менән сағыштырғанда талпан ҡаҙалыусылар һаны аҙыраҡ. Республикала халыҡ күпләп йөрөгән 4 мең гектарҙан ашыу биләмә талпанға ҡаршы препараттар менән эшкәртелгән.

«Радик бик оялсан була торғайны»

Башҡортостандың халыҡ артисы Радик Юлъяҡшиндың музыка уҡытыусыһы Ирғәле Байрамғолов йырсының мәктәп йылдары хаҡында һөйләй.

Грециянан еңеү менән!

Сибайҙан Зарина Исламова Грецияла үткән тай боксы буйынса донъя чемпионатында алтын миҙал яуланы. Ҡыҙ муай-тай дисциплинаһында сығыш яһаған һәм дүрт алышта ла ышаныслы еңеп сыҡҡан.

Зарина Сибайҙағы «Ҡара аждаһа» клубында шөғөлләнә, тренеры - Александр Гаврилов.

Афарин, башҡорт ҡыҙы!

Өфөлә мигрант туғыҙынсы класс уҡыусыһын көсләгән

8 июндә Өфө аэропортында Рәсәйҙән ҡасып барған Үзбәкстан гражданын ҡулға алғандар.

Быйыл май ай айында Мастурбек (исеме үҙгәртелде) WhatsApp мессенджерында аҡыл үҫеше йәһәтенән артта ҡалған инвалид ҡыҙ менән танышҡан. Мигрант уҡыусыны саф һауала йөрөргә саҡырған, һуңыраҡ өйөнә алып ҡайтып, ҡыҙға ҡарата енси енәйәт ҡылған. Инвалид үҫмер ауырға ҡалған. Әлеге ваҡытта тикшереү үткәрелә.

Республика Башлығы Радий Хәбиров гуманитар ылау водителдәрен бүләкләргә ҡушты

- Тиҫтәләрсә тапҡыр йөк менән барғандар бар. Шайморатов миҙалының статусын билдәләргә кәрәк. Улар ысынлап та ҙур батырлыҡ ҡыла, наградаға күрһәтегеҙ, - тине Радий Хәбиров. Башҡортостандан махсус хәрби операция биләмәһенә 127 ылау алып барылды.

Ҡорбан салыу өсөн махсус урындар билдәләнгән

Уларҙа тейешле контроль булдырылған. Ветеринария идаралығынан хәбәр итеүҙәренсә, Өфөлә ике урын булдырылған. Зинин ауылында һәм Төньяҡ автовокзал янында ҡорбан салына. Быйыл Башҡортостанда ҡорбан өсөн 8 мең һарыҡ әҙерләнгән. Ҡорбан байрамы 16 июндә билдәләнә.

Махсус хәрби операцияға гуманитар ылау ташыған водителдәргә дәүләт наградалары

Үзбәкстан менән хеҙмәттәшлек буйынса юл картаһы, һәр ихатаға видеокүҙәтеү ҡоролмаһы, махсус хәрби операцияға гуманитар ылау ташыған водителдәргә дәүләт наградалары, мутлашыусыларға ҡаршы көрәш программаһы. Радий Хәбиров рәйеслегендә уҙған оператив кәңәшмә мөһим яңылыҡтарға бай булды.

Туймазы районы ирекмәндәре яугирҙар өсөн «кикимор»ҙар әҙерләй

Маскировка костюмын улар шулай тип йөрөтә. Ағас-ҡыуаҡлыҡтарға оҡшатып эшләнгән әйбер дошмандарҙан ҡурсаларға ярҙам итә. Ул яугирҙарыбыҙ араһында ҙур һорау менән файҙаланыла.

Республика райондарының яртыһынан күберәгендә һабантуйҙар уҙҙы

Республика райондарының яртыһынан күберәгендә традицион халыҡ байрамы һабантуйҙар уҙҙы. Был хаҡта үҙенең социаль селтәрҙәрҙәге сәхифәһендә Башҡортостан Башлығы Радий Хәбиров яҙып сыҡты. Төрлө йәштәге, төрлө милләт кешеләренең берҙәмлеген сағылдырған һәм ауыл хужалығы алдынғыларын данлаған һабан байрамы хаҡында ентекләберәк киләһе яҙмала.

Баймаҡ районында һабантуй байрамы үтте

Быйыл ул яҙғы сәсеү батырҙарын, ауыл хужалығы хеҙмәте алдынғыларын тәбрикләүҙән тыш «Ғаилә» һәм «Һаулыҡ мөмкинлектәре сикләнгән кешеләр тураһында хәстәрлек» йылдарына арналды. Баймаҡ-Илеш дуҫлығына 60 йыл тулыу айҡанлы байрамда Илеш районы делегацияһы ла ҡатнашты.

Башҡортостандың мәҙәниәтен үҫтереүгә ҙур өлөш индереүсе, Өфөнөң почетлы гражданы Нәзифә Ҡадирова

«Яңылыҡтар» сығарылышында Өфөнөң 450 йыллығына баш ҡаланың почетлы граждандары тураһында видеояҙмалар циклын дауам итәбеҙ. Сираттағы геройыбыҙ - Рәсәйҙең атҡаҙанған, Башҡортостандың халыҡ артисы, Салауат Юлаев исемендәге дәүләт премияһы лауреаты Нәзифә Ҡадирова. Көслө, моңло тауышҡа эйә эстрада йондоҙо менән БЮТ ижади төркөмө лә осрашты.

Башҡортостанда хужаһыҙ эттәр тураһында законға төҙәтмәләр индерелеүе ихтимал

Радий Хәбиров парламент спикеры Константин Толкачевҡа ошо мәсьәләне өйрәнергә ҡушты. Берәҙәк эттәрҙең бәләкәй балаларға ташланыу осраҡтары бар. - Мәсьәләне төплө өйрәнергә, экологик ойошмалар, Торлаҡ-коммуналь хужалыҡ министрлығы һәм хакимиәт етәкселәре менән кәңәшләшергә кәрәк, - тине Радий Хәбиров.

29 июндә Баймаҡ районының Граф күле буйында “Урман һабантуйы” уҙа

Ярышта ҡатнашыу өсөн йәш сикләнмәй, ғаризалар 25 июнгә тиклем ҡабул ителә. Ир-егеттәр, ҡатын-ҡыҙҙар һәм балалар өсөн айырым уйын-конкурстар ойошторола. Сараға билдәле йырсылар саҡырылған. Һабантуйҙа төп иғтибар ағас һәм ағас эшенә йүнәлтелә. Оҫталыҡты арттырыу, тәжрибә уртаҡлашыу маҡсатында ойошторолған сара Башҡортостан Башлығы Грантына эйә булды.

Радий Хәбиров Башҡортостан башлығына һайлауҙа кандидат булараҡ ҡатнашыу өсөн ғариза тапшырҙы

Республиканың үҙәк һайлау комиссияһы уға теркәү тураһында документ бирҙе. Радий Хәбиров «Берҙәм Рәсәй» партияһының төбәк бүлексәһе тарафынан тәҡдим ителде. Төбәк башлығын һайлау өс көн - 6 сентәбрҙән алып 8 сентябргә тиклем үтә. Радий Хәбиров артабан ҡатмарлы һайлау алды эше тороуын билдәләне.