Республикала Башҡортостан башлығы өсөн тауыш биреүгә әҙерлек башланды

Кандидаттар өсөн республика халҡы 6 сентябрҙән 8 сентябргә тиклем тауыш бирәсәк. Бынан тыш, ошо уҡ көндәрҙә ҡала һәм район депуттары ла һайлана. Төбәктә 10 августан кандиттар агитацияһы кампанияһы башлана, 22 июлдән мобиль һайлаусы хеҙмәттәренә ғаризалар ҡабул ителә.

«Патриот» хәрби-илһөйәрлек паркын ойоштороу тәжрибәһен башҡа төбәктәргә лә таратырға кәрәк

Шишмә районындағы «Патриот» хәрби-илһөйәрлек паркын ойоштороу тәжрибәһен башҡа төбәктәргә лә таратырға кәрәк. Был турала Федерация советы комитеты рәйесенең беренсе урынбаҫары Сергей Перминов биләмәләге комплекс эшмәкәрлеге менән танышҡандан һуң белдерҙе.

Баймаҡ районы махсус хәрби операция биләмәһенә 25-се гуманитар ылау тупланы

Яҡташ яугирҙарға көнкүреш кәрәк-яраҡтары, боҙолмай торған аҙыҡ-түлек, дарыуҙар һәм техника оҙатылды. Тулыраҡ киләһе яҙмала.

Июндә республика халҡын ике ҡыҫҡа эш аҙнаһы көтә

Ғаилә, хеҙмәт һәм халыҡты социаль яҡлау министрлығынан хәбәр итеүҙәренсә, 12 июнь – Рәсәй көнө быйыл шаршамбыға тура килә. Ул ял көнө иҫәпләнә. 11 июндә эш көнө бер сәғәткә ҡыҫҡараҡ була. Мосолмандар өсөн изге байрам – Ҡорбан-ғәйете 16 июндә билдәләнә. Ул йәкшәмбегә тура килә. Хеҙмәт ҡануниәтенә ярашлы, ул киләһе көнгә күсерелә. Шуға 17 июнь, дүшәмбе, ял була.

«Харис ағайыма рәхмәт»

Әбйәлил районынан махсус операцияла ҡатнашҡан «Хөсәйен» позывнойлы яугир сәләм ебәрә.

Башҡортостан алған юғары үҫеш темпын кәметергә ярамай

Шуға күрә Башҡортостан башлығы вазифаһына Радий Хәбировтың тәҡдим ителеүе берҙән-бер дөрөҫ юл, ти эксперттар. Төбәктә бихисап инвестиция проекттары башланып тора. Уларҙың күпселеге тормошҡа ашырыла башлаған. Аналитиктар фекеренсә, төбәк етәкселеге һәм идаралыҡ командаһы алмашыныуы был башланғыстарҙың тамамланыуына шик тыуҙыра.

Санкт-Петербургта халыҡ-ара иҡтисади форум башланды

Башҡортостан йылдағыса был күләмле йыйында үҙ стендын тәҡдим итә һәм уны ойоштороуға ижади ҡарашта. Быйыл республика форумға ҙур бер бал ҡорто рәүешендә сығыш яһай. Ул төбәктең инновация һәм үҫеш мөмкинлектәрен сағылдыра. Иҡтисади форум -яңы бизнес коммуникациялар өсөн майҙан. Бында күләмле килешеүҙәр төҙөлә һәм проекттар тормошҡа аша.

Туймазы районындағы Хәрби һәм Хеҙмәт даны музейы тарихи экспонаттар менән тулыланды

Туймазы районы Ҡандра ауылындағы Хәрби һәм Хеҙмәт даны музейы сираттағы тарихи экспонаттар менән тулыланды. Был юлы ла экспозицияны байытыуға «Хәтмулла Солтанов исемендәге Ватанды һаҡлаусылар тураһында халыҡ иҫтәлеге» эҙәрмәндәр отряды өлөш индергән. Улар күптән түгел Волгоград өлкәһенә сәйәхәттән ҡайтҡан.

Бөтә донъя башҡорттары ҡоролтайы алдағы биш йылға яңы программа тәҡдим итмәксе

Йәштәргә таянып. Бөтә донъя башҡорттары ҡоролтайы алдағы биш йылға яңы программа тәҡдим итмәксе. Йыл аҙағында үтәсәк 6-сы съезға делегаттар һайланасаҡ. Әлегә район-ҡалаларҙа муниципаль йыйылыштар уҙа. Һуңғы йылдарҙағы уңыштар һәм ҡаҙаныштар барлана.

Республика клиник перинаталь үҙәгенә яңы медицина ҡоролмалары алынған

Республика клиник перинаталь үҙәктә ваҡытынан алда тыуған сабыйҙарҙың ғүмерен ҡотҡарыу өсөн яңы медицина ҡоролмалары алынған. Үпкәләрҙе яһалма елләтеү аппараты һәм тын алыу ҡоролмаһы ярҙамында табиптар 800 грамм ауырлыҡта донъяға килгән пациентты ҡотҡарған. Етлекмәй тыуған бәпестәрҙе дауалау тураһында киләһе яҙмала.

Өфөнөң 136-сы башҡорт лицейында һынлы сәнғәт һәм медиа буйынса ике студия асылды

«Атайсал» проекты сиктәрендә Өфөнөң Мөхәмәт Исҡужин исемендәге 136-сы башҡорт лицейында һынлы сәнғәт һәм медиа буйынса ике студия асылды. Кабинеттарҙы ремонтлап, заманса ҡорамалдар һәм мебель менән йыһазландырыуға бағыусы 1 миллион һум аҡса йүнәлткән.

«Әр-Рахим» йәмиғ мәсете өсөн грек мәрмәренең Өфөгә тәүге партияһы килтерелде

Конструкция элементтары «Тассос» ятҡылығының тәбиғи ташынан эшләнгән. Был айҙа Грециянан тағы ла республикаға аҡ мәрмәр тейәгән 6 йөк машинаһы килеүе көтөлә. Материалдар тәүҙә иман йорто манараларын төҙөп бөтөүгә, унан һуң тыш яҡтан биҙәкләүгә тотоноласаҡ.

Ул үҙ көсөнә генә таянырға ғәҙәтләнгән

Бер ҡасан да яҙмыш ҡуйған ауыр һынауҙар алдында бөгөлөп төшмәгән, һынмаған. Физик мөмкинлеге сикләнһә лә тормошта үҙ урынын, яратҡан шөғөлөн тапҡан геройыбыҙ Гөлсирен Ғәскәрова Ишембай ҡалаһында йәшәй. Киләһе яҙма көслө ихтыярлы ханым хаҡында.

Ишле ғаиләләрҙән уҡыусылар ҡала йәмәғәт транспортында бушлай йөрөй аласаҡ

Был туралағы закон проекты бөгөн Дәүләт Йыйылышы-Ҡоролтай ултырышында ҡабул ителде. Быйыл Рәсәйҙә Ғаилә йылы. Ил Президенты Владимир Путиндың указына ярашлы, куп балалы ғаилләрҙе яҡлау тураһындағы закон пректына үҙәрештәр индерелә.

Өфө мәктәптәрен тамамлаусы 14 уҡыусы химиянан Берҙәм дәүләт имтиханын 100 балға тапшырған

Иң уңышлы эштәр баш ҡаланың 5-се лицейы, 18-се мәктәбе, 39-сы гимназияһы, шулай уҡ Октябрь районы мәғариф учреждениеларында яҙылған. Дөйөм алғанда, Өфөлә Берҙәм дәүләт имтиханын 4300-ҙән ашыу уҡыусы тапшыра.

Афған һуғышы ветерандары махсус хәрби операцияла ҡатнашыусының ғаиләһенә өмә ойошторған

Рухи берҙәмлек. Афған һуғышын үткән яугир-интернационалистар ауыр ваҡытта дуҫтарының ғаиләләрен ташламай. Улар әлеге ваҡытта махсус-хәрби операция биләмәһендә хеҙмәт иткән яуҙашы ғаиләһенә өмә ойошторған.

«Салауат йыйыны» республика фольклор байрамы 16 июндә «Янғантау» геопаркында үтә

Быйыл ул башҡорт халҡының милли геройы Салауат Юлаевтың тыуыуына 270 йыл тулыуға арналған. Әле үк әҙерлек тулы ҡеүәттә бара - мөһим датаға «Салауат ере» тарихи-мемориаль паркы тантаналы асыла. Сара сиктәрендә киң программа планлаштырыла: ат сабыштары, асыҡ турнирҙар ойошторола.

Радий Хәбиров Петербург халыҡ-ара иҡтисади форумында Башҡортостандың рәсми делегацияһын етәкләне

Радий Хәбиров 27-се Петербург халыҡ-ара иҡтисади форумында Башҡортостандың рәсми делегацияһын етәкләне. Был эшлекле сара йыл һайын бөтә донъянан бизнес вәкилдәрен, сәйәсмәндәрҙе һәм эксперттарҙы йәлеп итә. Республикабыҙҙы танытыу йәһәтенән төнъяҡ башҡалалағы форум бик тә әһәмиәтле, тине төбәк башлығы.

Башҡортостан яугирҙары ҡыҫҡа ваҡытлы ялдан һуң махсус хәрби операция биләмәһенә юлланды

Бөгөн бер төркөм Башҡортостан яугирҙары ҡыҫҡа ваҡытлы ялдан һуң махсус хәрби операция биләмәһенә юлланды. Яҡташтарыбыҙ алғы һыҙыҡҡа Өфө арена спорт һарайы алдындағы майҙандан «Ютонг» турист автобустарында ҡуҙғалды.